əjdaha lazımdı
izlə
dostlar
mən
googlla
sözaltı sözlük
-
sözaltı sözlük üçün tövsiyələr
-
sözlükdə yazar olmaq üçün ediləcəklər
-
halal sözlük
-
alter ego
-
hicablı qadın
-
yeni üzv olanlara məsləhətlər
-
böyük penisli ağ adam
-
yazarları fikirləşdirən suallar
başlıqdakı ən bəyənilən yazılar:
+35 əjdaha
1. sözaltı dinamik olarak inkişaf etdirilən interaktiv ensiklopediyadır. hər şey haqqında yaza biləcəyiniz bir yerdir, ancaq qaydalara uyğun olaraq. sözlükdə başlıqlar və onlara yazılan entry'lər var. (entry-sözlüyə daxil edilmiş yazı, şərh)
1. sözlüyümüzün mottosu olan *bilgi gücdür*dən də görüləcəyi üzrə, yazdığınız entrylər başqalarını məlumatlandırmalı, maarifləndirməlidir. bu halda sözlüyün ülvi məqsədinə xidmət etmiş olarsınız. ancaq, sözlük sadəcə bilgi qaynağı olmaqla birlikdə həm də individual fikirlər, yazılar, hekayələr, hadisələr, etiraflar, qısaca oxumağa dəyər yazılar toplusudur. yazdıqlarınızın keyfiyyətli olması şərti ilə istədiyinizi yaza bilərsiniz. heç kimi maraqlandırmasa belə günlüyünüzü belə yaza bilərsiniz uyğun bir başlığa.
2. obyektiv və ya subyektiv olmağınızın fərqi yoxdur, əsas olan formata uyğun hərəkət etməyinizdir.
3. birinci şərt azərbaycan dili qrammatikasına uymağınızdır, düzgün yazılış və azərbaycan hərflərindən tam istifadə etməyiniz daha yaxşı olardı.
4. smileylərdən istifadə etmək olmaz. bunun yerinə özünüzü ifadə etməyi yoxlayın.
5. yazılmış başqa bir entryə cavab vermək olmaz! təkrar qeyd edək ki sözlük forum deyil, kimləsə atışmaq olmaz, hansısa yazarın başlığına da cavab yazmaq olmaz.
6. əgər sözlükdə yenisinizsə oxuyun, dayanmadan oxuyun. bu sizə sözlük formatını başa düşməyə və sözlüyü sevməyə kömək edəcəkdir.
7. yazı yazarkən həddindən artıq subyektiv ola bilərsiniz, amma bunu da ifadə etməyin yolu var, məsələn:
başlıq: barack obama
yazı: mən bu adamı sevmirəm .
səhvdir və yazının silinməsi mütləqdir. kiməsə xitab etməyinizə ehtiyac yoxdur "mən bu adamı sevmirəm" yerinə "heç sevmədiyim adam" deyib, sonra da bunun izahını yazmağınız məsləhətdir. `heç sevmədiyim adam. amerikanın başına gəlmiş ən böyük bəla.` yazıb sevməmə arqumentlərinizi sadalamağınız məsləhətdir.
nəticə etibarı ile yazacağınız yazı başlığa tərif verməlidir və kimdir? nədir? necədir ? haradadır? suallarına cavab verə bilməlidir.
8.başlıq açmaq istəyirsinizsə əvvəla bunları bilməlisiniz :
(bax: başlıq açarkən diqqət ediləcək məqamlar)
(bax: başlıq açmaq)
9. yazdıqlarınız öz fikirləriniz olmalıdır. copy paste qadağandır. sitat gətirmək olar, amma sitat olduğu deyilməlidir. qaynaq verilməlidir. tərcümə edilmiş bir mətnin qaynağı göstərilməlidir(bu əsas şərt deyil, istəyə bağlıdır) . yazar öz fikirləri imiş kimi başqalarının yazdıqlarını göstərə bilməz.
10) sözlük qaydalarına və formata uyulmadığı təqdirdə umbay edilirsiniz, və ya bir dəfəlik sözlüyə girişiniz qadağan edilir.
10.1 formatı pozmayan lakin sözlüyün sizlərə,bizlərə sunduğu hüquqlardan sui istifadə - yəni çox hesabla sözlükdə barınmaq,gizlilik ayarlarından sui-istifadə və s. hallar bu qəbildən hesab olunur.
11) yazarları təhqir etmək olmaz. mesaj yolu ilə olan təhqirlərin idarəyə aidiyyatı yoxdur, yazar blok edilə bilinər. amma bu hal davamlı olsa yazar umbay edilə yaxud uçurula bilər.
12) bizi poxa sala biləcək siyasi və ya dini təhqir entryləri yazmayın, əks halda kimsə bizi kürdəxanı universitetinə aparmaq istəsə sizi də özümüzlə apara bilərik.
13) entry'də tərif olmalıdır başlığı tərif edən, ya bir misal gətirilməlidir başlıqla əlaqədar, və ya baxınız vasitəsi ilə nəsə yazılmalıdır, bu üçündən biri olmayan entry silinəcəkdir.
14) sözlükdə üzv olduqdan sonra profil silmək olmur deaktiv edə bilərsiniz.
digər bilinməsi gərəkli olanlar;
(bax: bax və gbaxlardan istifadə qaydaları)
(bax: yeni yazar olanlara məsləhətlər)
(bax: səhv entry nümunələri)
(bax: sözlüklə bağlı soruşulan suallar)
(baxma: sözlükdə youtubedan link vermək)
(bax: sözlükdə şəkil paylaşmaq)
(bax: sözlükdə link paylaşmaq)
+16 əjdaha
19. əlavələr:
1) bir yazar sözlükdən uzaqlaşdırılıbsa bu fikirləri səbəbilə deyil, formatı pozduğu üçündür.
məs: formatı pozaraq başqa entryə cavab yazaraq irqçi bir entry yazmısınızsa entry başqa entrylərə cavab yazdığınız üçün silinmiş olacaq, irqçiliyiniz üçün yox.
2) entryləriniz tez-tez qaydalara uymadığı üçüm silinirsə bunun özü bir uzaqlaşdırılma xəbərdarlığıdır. nəzərə alın ki heç bir moder oturub sizin entrylərinizə nəzarət edib bir-bir entry silmək zorunda deyil. növbəti səhv entrynizi gördüyündə sizi birbaşa umbay etmə haqqına sahibdir.
3) başqa yazarlar qaydaları pozub deyə, siz də pozub sonra "onlara bir şey deyilmir mənimki niyə silinir" deyə özünüzü müdafiə etməyiniz əbəsdir. hərə özünə cavabdehdir.
4) sözlük "ədalətli" və "demokratik" olma şüarını çoxdan buraxıb. bunu dəfələrlə qeyd etmişik. odur ki, bizi demokratik olmaqla günahlandırmamışdan əvvəl, demokratiyanın sözlük sistemi olub olmadığını bir düşünün.
+16 əjdaha
27. sözlüyün məsləhətxana, postlar, discord kimi kanallarında yeniyetmələrə zərər verici, səviyyədən kənar, təhlükəli, narkotik və ya belaltı mətnlərə yer verilməyəcək və bu tip üslub və dil istifadə edən istifadəçilər xəbərdarlıq belə edilmədən sözaltı platformalarına girişləri qadağan olunacaqdır.
qarşılaşdığınız bu tip narahatedici paylaşımları bizə bildirməyiniz xahiş olunur.
+13 əjdaha
24. 1. entry başlığı açıqlamaq məqsədi güdməlidir, yəni yazılan entry bu nə deməkdir? sualına cavab verməlidir. pink floyd başlığına ən sevdiyim qrup yazıb entryni sonlandırmaq formata ziddir. sözlük eyni zamanda subyektiv fikirlər ehtiva etdiyindən nəyini bəyəndiyini bildirməyə məcbursan. nədi bu musiqi qrupunu sevmə səbəbin, film başlığına yazdığın mükəmməl film-i mükəmməl edən nədir? ilk entryni yazan xüsusilə diqqətli olmalıdır, başlığın tam açıqlamasını verməlidir, məsələn, pink floyd başlığına ən sevdiyim qrupdur yazıb bunu açıqlasa yenə formatı pozmuş olur. mütləq tərif verməlidir ki, filan ildə qurulub, filan hadisələr baş verib, filan şeylərə imza atıb və.s
2. entry başlığı tək başına izah etməyi bacarmalıdır, yəni başqa entrylərdən asılılığı olmamalıdır, onlara cavab xarakteri daşımamalıdır. #entry_id yazıb onu izah eləmək olmaz[1], yaxud beş yuxarıdakı entry deyib ona cavab vermək yenə olmaz.
3. entryləri təkrar yazmaq olmaz. əgər daha əvvəl yazılıbsa təkrar yazmaq sözlüyü zibilliyə çevirəcəkdir. nümunə göstərim, ekşidə əvvəllər icazə vermirdilər təkrar yazmağa, bir neçə ildi ki, bu qayda qalxıb, zibilliyə dönüb artıq. (başqa səbəblər də var, bu da onlardan biridir)
4. zibil profil yaratmaq olmaz, yəni hər başlığa uydu-uymadı azərbaycanda yaşamaq baxını verən, entrylərinin 60%i günü ifadə edən tək kəlmə başlığı dolduran profilin yiyəsi sözlüklə twitteri səhv salmışdır, ştatdan kənarlaşdırma ilə nəticələnəcəkdir.
nümunə: link 
5. əgər entry tək cümlədən ibarətdirsə onu bax şəklində yazmaq lazımdır. bax-lardan da diqqətli istifadə etmək vacibdir, bax potensial olaraq başlığa çevrilə biləcək formatda olmalıdır.
6. yazılan entry 3.şəxsləri təhqir etməməli, şərəf və ləyaqətini alçaltmamalıdır. yazan yazar xəbərdarlıq alacaq və ya uçurulacaqdır, entry də silinəcəkdir.
[1] nickaltılar istisnadır.
+10 əjdaha
21. yazar nickaltı başlıqlarına yazılmış yazarı narahat edəcək mənfi fikirli entrylər heç bir səbəb göstərilmədən qaydalara uyğun deyildir deyilərək silinə bilər.
daha əvvəl neçə yazar nickaltı atışmaları, sataşmaları, trollamaları səbəbi ilə motivasiyasını itirib sözlükdən ayrılıb. bunların davam etməsini istəmirik.
nickaltılarda kiminsə üstünə kin qusaraq *ifadə azadlığı* axtarmayın xahiş edirik, bunun üçün hətta *umbay* belə edilə bilərsiniz.
+10 əjdaha
25. Sözlüyə yeni üzv olmuş şəxslərin uğraması gərəkən ilk başlıq.
Xahiş olunur əlinizdəkini yerə qoyun.
Sakitləşin. Və başınızda tük əyri çıxan kimi sözaltı sözlük başlığına ağlamağa qaçmadan öncə qaydalarla tanış olun formatı öyrənin usercanlar.
+8 əjdaha
22. smile-ların işlənməməsinə öyrəşə bilmirəm. nəbilim e bişey yazıram nəsə mənə ələ gəlir ki smaylik qoysam daha düzgün ifadə edər yazdığımı. mood-u gündə 70 dəfə dəyişən biri olaraq çətinlik çəkirəm bu qaydaya riyaət etməkdə
+7 əjdaha
15. @8ә qatılıram tipli entry yazmıyın. tutaq ki başlıqda 15 entry var. sәn yazmısan ki bәs @8ә qatılıram, mәnim dә babasilim olanda o әziyyәti çәkmişәm. sonra başlıqdakı 5ci entry silinir, @8 düşüb olur @7, @8dә dә tamam başqa söhbәt. biri dә gәlib @8i oxuyur, yazılıb ki aybaşı vaxtı yaşadığım vәziyyәt. qaqam da deyir bu nә danışır ala, babasil hara, menstruasiya hara. bu yazar erkәydi, necә menstruasiya yaşıyıb zad. qısası qarışır da söhbәt. entry nömrәsi yazanda belә entrynin sizә lazım olan hissәsini copy-paste elәsәz mәslәhәtdi. bunun haqda timin entrysi olmalıdı, tapın oxuyun.
not: necә gözәl, sadә dilnәn başa saldım, ala. görsüz ki.
not2: indi biri gәlib deyәcәk bura ciddi müәssisәdi. moder belә ciddiyәtsiz olmaz -* o adama demәk istәyirәm ki, "bu bizim xoşbəxt günlәrimizin qәbzidi, zaur *
şәrti adı olsun
"
+7 əjdaha
6. sözlükdə kitab adları, yazar adları , film adları və.s bütün xüsusi isimlər orginal dillərində yazılıb başlıq açılmalıdır.
səbəb? niyə van damme'ni van dam olaraq açmırıq məsələn, çünkü xüsusi isimlər tərcümə olunmur, ondan əlavə, bütün bu xüsusi isimlərin azərbaycan dilində dəqiq tərcüməsi yoxdu, hər nəşriyat kitabı istədiyi kimi tərcümə edir. müəyyən bir qürum yoxdur ki məşhur yazarlar, rejissorlar adlarını tərcümə edib desin ki bu bizdə belədir. kan pol sartr da var, jan pol sartre də. ona görə orginal adlarla açılır. ancaq, azərbaycanca daha yayğın adlarına da başlıq açılıb baxınızlar vasitəsi ilə orginal ada yönləndirilir, məsələn bu (#51273) entrydəki kimi ensaio sobre a lucidez kitabının adı üçün görmək deyə başlıq açılıb yönləndirilə bilər.
googledə də onsuz da axtarılarkən azərbaycanca yazsa əgər kimsə o sözlükdə açılmış olan başlığı görə biləcək. buna görədə yazarlar kitab, yazarın və.s orginal adlarını açdıqdan sonra bir başlıq da açıb həmin yazar , kitab və.s'lərin azərbaycan dilində ki adlarını yazıb baxınızlar vasitəsi ilə orginal ada yönləndirsələr daha yaxşı olar.
+6 əjdaha
3. tək sözdən ibarət entry olmur millət. hələ hansısa başlığa "mən" deyə yazılan entrydə olmaz. tək söz yazılırsa mütləq baxınız verilməlidir sözə. həmçinin anket başlıqlarda da, "x filmlər" başlığına yazdığınız filmi baxınızla yazın.
əks halda entry silinsə düzəldib canlandırın, moderatora mesaj atmayın ki niyə silindi entry, səbəb onsuz da sistem robotu tərəfindən deyilir, entryni canlandırıb yenidən moderatora göndərə bilərsiz.
+5 əjdaha
5. sözlükdə hansı başlığa və hansı yazara aid olmasından asılı olmayaraq, adı və kimliyi yazılan, bəlli olan 3-cü şəxslərə təhqir yönləndirilən və istifadə edilən,yazılan başlıqlar, entrylər silinir, yazarlar isə 2-ci belə bir hal yaşanacağı halda umbay edilir.
+6 əjdaha
9. başqa entryə referans vermək/#58293
------------
entry yazarkən başqa entrylərdən misal gətirmək # işarəsi ilə entrynin nömrəsini yazmaqdır.
bir problem var, referans vermək qaydası, referans verərkən elə vermək lazımdır ki, referans verdiyiniz entry silinsə sizin entrynizin mənası itməsin.
məsələn bu (#58283) entrydən misal verim;
başlıq: avqust
entry: avqust ayının adı #58242 entrysindəki kimi qalsaydı daha yaxşı olardı
indi əgər referans verilən #58242 nömrəli entry silinsə bu entrynin mənası olmayacaq ona görə referans verdiyiniz entrydəki ana fikiri də öz entrynizdə yazın, məsələn yuxarıdaki səhv entry nümunəsinin düzgün forması belə olmalıdır;
-avqust ayının adı #58242 entrydəki kimi "sextilis" qalsaydı daha yaxşı olardı.
bu qaydaya əməl etməyə çalışın dostlar. sözlüyü forumlaşmadan qoruyaq bəylər.
------------
+6 əjdaha
11. sözlükdəki mövqeyindən (umbay, yazar, partizan, moder,admin, kodlaşdıran) asılı olmayaraq hər kəsə aid olan və sözlüyün dəyişilməz qaydalarından biri də azərbaycan şriftləri ilə yazmaqdı. yazdığının keyfiyyəti və kəmiyyətindən asılı olmayaraq azərbaycan şriftləri ilə yazılmayan entrylərin umbay entrylərindən fərqi yoxdur.
telefonunda, elektron cihazında habelə kompüterində azərbaycan şriftləri olmayanlar üçün sözlüyün sayt, mobil və android versiyasında (yəni bütün versiyalarında) entry yazılan xananın sağ üst hissəsində azərbaycan şriftlərindən ibarət buttonlar var və onlar ora bəzək üçün yox sözlük istifadəçilərinin istifadəsi üçün qoyulub.
+3 əjdaha
13. başlığın izahı, başlıqla əlaqəli heç nə olmadan subyektiv fikir yazmaq olmaz. yeni yazarlar çox unudurlar bu qaydanı. sözlüyü sözlük edən şey budur. bir kəlmə tanım yazın sonra boşaldın ürəyinizi.
+4 əjdaha
18. biri sizi təhqir/tənqid edibsə, bu sizə həmin yazarı söymə haqqı vermir. söyəcəyiniz təqdirdə umbay edilmə ehtimakınız var. buraxın yazarı moderasiya cəzalandırsın, siz yox.
+4 əjdaha
7. başlıq açmaq istəyərkən axtar bölməsində bu başlığın olub olmadığı yoxlanılmalıdır. düzgün yazılış qaydasında yazılıb axtarılmalıdır başlıq, azərbaycan şriftləriylə yazılmalıdır, əgər xüsusi isim deyilsə. məsələn,"cəlil məmmədquluzadə" başlığı olduğu halda "celil memmedquluzade" başlığı açılmır və s bu kimi hallar. eyni adlı filmə və kitaba ayrı ayrı "book", "film" falan filan başlıq açılmamalıdır, bunu həmin başlığa entry kimi daxil etmək lazımdır.
+5 əjdaha
8. başlıq açarkən nə olur olsun başlığın sonuna sual işarəsi qoymaq olmaz, "başqa nə var nə yox?" deyə başlıq açmaq olmaz, sual da soruşulmur, o başlığa cavab entryləri yazılmayacaq onsuz da, "başqa nə var nə yox" başlığı açılar, və entrylərdə başlıq tanımlanar.
+6 əjdaha
4. sadəcə bir sözdən ibarət entry olmaz, baxınız verərək yazın. və ya anket doldurarkən, məsələn "yazarların izlədikləri seriallar" başlığına entry yazanda yazdığınız serial adlarını baxınızla yazın.
bir və ya iki, hətta bəzən üç sözdən ibarət entryləri baxınızla yazmağa çalışın.
(bax: bxzlardan istifadə qaydaları)
+7 əjdaha
20. məntiqsiz qaydalar. məsələn #216698. burda "başqaları" deyə istinad edilənlər, nikaltına başqaları tərəfindən, özü də sahibsiz yazılmış təhqiredici ifadələr nəzərdə tutulur. "cavab entrydir" deyə silinən ifadələr də həmin təhqirə istinadən öz nik6mda yazdığım entrylərdi. öz nikaltımda yaza bilmərəm ki "filan şeyi filancür etməmişəm, əslində başqa cür olub və s. və s."?
yaxşı onda deyin görək sahibsizlə bir şəxsə böhtan atan adama necə, harda cavab verək? dəfələrlə olub ki sahibsiz entry başlığında cavab yazmışam. amma ordan da silinib. yaxşı bəs nə edək? orda olmaz, burda olmaz. siz də həmin təhqir yazanı uzaqlaşdırmırsız əvəzində məni guya qaydaları pozduğumçun uzaqlaşdırırsız. necə olsun?
#34252 bu entrydə də cavab entryni başlığın özündə yazmaq olar deyirsiz. siz özünüz qaydalara bir qərar verməmisiz heç. bir də demir mi "hərə özünə cavabdehdi".
azəri təfəkkürü işte. nə gözləyirəm ki mən də.
+2 əjdaha
17. altından xətt çəkərək bildirmək istədəyim bəndi 4.cü sırada olan qaydalar
4. smileylərdən istifadə etmək olmaz. bunun yerinə özünüzü ifadə etməyi yoxlayın.
not: bura mötərizələr də daxildir.
+1 əjdaha
14. başlıqlara "filankәsin açdığı başlıqlar", "filankәsin açdığı hiss olunan başlıqlar", "filankәs iyi gәlәn başlıqlar" tipli entrylәr yazmaq formatdan kәnardır. bax içindә yazmaq da formatı qurtarmır.
+3 əjdaha
2. başqalarına cavab yazıb chat eləmək olmaz.
+1 əjdaha
12. bilindiyi kimi yaxın iki gün ərzində sözlük profillərinə hack hadisəsi baş verdi, yazıldığı kimi, sözlüyə yox, konkret hack edənlərə qarşı təhqir işləətmiş sözlük yazarlarının profillərinə. problem həll olunub artıq, sistemdəki kiçik bir açıqdan məsələ bu qədər böyüdü. hack nəticəsində istənilən yazarın profilinə rahatlıqla girmək olardı amma ki bunu edənlərin məqsədi təhqir işlədənlərə cavab vermək olduğuna görə ümumi sözlük təhlükə altında olmayacaqdı, olmadı da.
sözaltı idarə heyəti adından sözlük şifrələrini yenisi ilə əvəz etməyiniz xahiş olunur. bu sizin profilin təhlükəsizliyi möhkəmləndirmək məqsədilə edilən addımdı.
+1 əjdaha
16. bundan sonra kitab adaları original dillərinin yerinə, əgər kitab daha əvvəl azərbaycan dilinə tərcümə edilibsə, və ya yayğın bilinən azərbaycan dilli ada sahibdirsə azərbaycan dilində açıla bilər. original adı azərbaycan dilinə bax yolu ilə yönləndirilməlidir.
hamısını göstər
