bugün wiki təsadüfi son
sözaltı sözlük
məsləhət postlar mesaj Profil

rus bölməsi



facebook twitter əjdaha lazımdı izlə dostlar   mən   googlla
russkoyazıçnı olmaq - azərbaycanda rus dilində təhsil - ramiz mehdiyev - rus dilində danışan azərbaycanlı - elmira rəhimova - namazı özünü göstərmək üçün qılmaq - keçən ilin ən bəyənilən entryləri - yazarların prezident olacağı təqdirdə edəcəyi islahatlar - rusları bəyənmə səbəbləri başlıqdakı ən bəyənilən yazılar:

+53 əjdaha

4. hələ bircə uğurlarını görə bilmədiyimiz sektor. bu dünyagörüş, səviyyə teması da ölüb uje. necə dünyagörüşüdürsə tarqovidan o yana it dəftərində adları yoxdur * glş

kim nə deyir desin azərbaycanda 90lardan bəri götdü başdı təhsil alan yeganə uşaqlar türk liseyi məzunları olub. yeri gəlib burda o liseyləri tənqid də etmişik amma fakt ortadadır

universitetləri, institutları rüşvətdən keçilməyən, elm adamlarının əksəri plagiat məqalələr, dissertasiyalarla elm adamı olan, ağlı başında bütün universitet işçilərinin avropa, amerikaya qaçıb getdiyi, pulu olan valideynlərin də uşaqlarını rus məktəblərinə buraxmadığı bir pasyak ölkəni və pasyak təhsil sistemini gətirib azərbaycana nümunə kimi göstərirsiz

o boyda steklov institutunun 90%i sovetlər dağılan kimi rusiyadan çıxıb getdi, günün bu günü bir qrup rus riyaziyyatçı ölkədəki təhsilin bərbad vəziyyətini düzəltmək üçün yığışıb independent university of moscow deyə azad bir universitet qurublar, amerikadan dəstək alıb ayaqüstə qalırlar, rusiya təhsil nazirliyi pul belə ayırmır. mexmatın verdiyi təhsil zay olduğu üçün. uşaqlar da universitetdə dərsləri bitən kimi bu independent universitetə gəlirlər ki nəsə öyrənə bilsinlər

get rusiyada normal savadı, dünyagörüşü olan birindən soruş gör bakalavrı birtəhər başa vuran kimi hara qaçmaq istəyir və rus təhsili haqda nələr düşünür.

rusofob. yox bir sikimin başı. dünyadan, təhsildən xəbəri olmayanlar, üfüqü glamour osturaqçılarla sərhədlənənlər gəlib burda sektor müqayisəsi aparırlar. kənd məktəblərində camaat götü dona dona, istilik sistemi olmayan məktəblərdə oxumağa, həyat qurmağa çalışır, bunlar tarqovida ayaqlarında scooter o yan bu yana fırlanıb, iki dənə də rus dilində osturaq kitab oxuyub intellektual olublar.

əvvəla birinci gedin öyrənin intellektual nə deməkdir. pabucumun intellektualları

+17 əjdaha

5. dövlət məktəbinin 11-ci sinfində, azərbaycan bölməsində oxuyan biri kimi deyə bilərəm ki, rus bölməsi başı boş bir kütlə yetişdirir. ssri dövrünün rus bölmələri barədə heç nə fikir yürüdə bilmərəm, görməmişəm, yaşamamışam nəticədə. amma müasir rus bölmələri tam bir faciədir.
mənim əsas xarici dilim rus dilidir. birinci sinifdən müəllimimizin təkidi ilə dərslərdə rusca danışırdıq. ona görə də dili normal səviyyədə də bilirəm. yəni demək istədiyim budur ki, dil öyrənmək üçün heç də rus bölməsində oxumaq lazım deyil. bəzi valideynlər rusca bilməsələr belə, sırf uşağı rus dilli olsun deyə onun gələcəyini məhv edirlər. bədbəxt uşaq da əli aşından da olur, vəli aşından da, nə rus dilini təmiz öyrənir, nə də azərbaycan dilini. hətta 11 il rus bölməsində oxuyub "Сколько падежей есть в русском грамматике?" sualına 9-10 deyənləri görmüşəm (əslində, 6 падеж (hal) var).
digər bir bədbəxtlik isə müəllim mövzusundadır. abituriyent hazırlığı üçün seçim çox məhduddur və ya heç yoxdur. bakı-sumqayıtda yaşayanlar "dərs evi", "hədəf" kimi kursların yarıtmaz dərslərini keçə bilirlər, rayonda və bölgələrdə isə vəziyyət daha ciddidir. bundan ötrü də bu bölmələrin illik buraxılışında az bir qism universitetə daxil olur.
nəticədə demək olar ki, rus bölmələrindən kəllə uşaqlar gözləyən, ya da uşağının kəllə olması məqsədilə ona bu əziyyəti yaşadan azərbaycanlı valideynlər papaqlarını son dəfə qarşılarına qoyub düşünməlidirlər. bilməliyik ki, rusiya təhsil sistemi əla və ya yaxşı olsaydı, buraxılış imtahanlarından 100-150 balı güclə yığanlar attestatla rusiya, ukrayna, türkiyə yolunu asfaltlamazdılar.

+12 əjdaha

12. rus sektorun bitirirsən üstündə sosial şəbəkədə rus əlifbasıyla ad, rus dilində işləyən telefon, və öz millətinlə yarı rusca yarı azərbaycan dilində danışma bacarığı verirlər

+11 əjdaha

3. Son illərdə əgər söhbət intellektuallıqdan gedirsə azərbaycan böməsindən geridə qalan bölmə. Təhsil barədə isə açığı statistik olaraq 2000-lərdən bəri həmişə geridə olublar. Bunun səbəbi həm azərbaycan dilində resursların internetdə artması ilə, həm də ingilis dilini öyrənən azərbaycandilli gənclərin artması və ümumilikdə rus bölməsi şagirdlərinin sayının get-gedə azalmasıdır. Yəni uşağınızı cəmiyyətə yararlı bir fərd kimi yetişdirmək üçün mütləq şəkildə rus bölməsinə, ya da ingilis bölməsinə qoymağa gərək yoxdur. Hər şey sizin verdiyiniz tərbiyə və təmin edə bildiyiniz ən yaxşı təhsil müəssisəsində olmağı ilə bağlıdır. istədiyiniz rusdilli "elit" təbəqədə rahat yer tapa bilməsidirsə ayrı məsələ. Ancaq mədəniyyət və sərbəstlik barədə aydındır ki, hələ də ortalama statistik bir rus bölməsi şagirdi ortalama statistik bir azərbaycan bölməsi şagirdindən daha yaxşı yerdədir.

+8 əjdaha

13. Orta məktəbdən mənlə paralel məzun olan iki rusdilli sinif var idi, təkcə azərbaycandilli də bizim sinif idi. Sözügedən siniflər içində ağlıbaşında bir oğlan uşağı görmədim. Necə elit, dünyagörüşlü idilərsə, hamısı çeçenka saçlı, əlitəsbehli, konservativ və dava salan avara uşaqlar idilər. Bizdən yeganə fərqləri imkanlı olmaqlarında idi. Necə olur, nə dəxli bilmirəm, ancaq belə idi. Həmçinin rusdilli bir çox azərbaycanlı tanımış, rusiyanı görmüş və orda da bir çox rusla söhbət eləmiş biri olaraq deyə bilərəm ki nə rusların, nə də rusdilli olmağın xüsusi olaraq elitliklə, intellektuallıqla əlaqəsi yoxdu. Onsuz bezdelnik, avropayla müqayisədə geridəqalmış, hörmətsiz cəmiyyətdə yaşayırlar. içib günün gündüz vaxtı insanların hərəkət elədiyi prospektdə üzü maşın yoluna durub işəyəndən tut, çıxdığı blokun nömrəsini başqasından soruacaq vəziyyətdə olanlarına qədər insanlar görmüşəm. Əlbəttə ki rusların və rus cəmiyyətinin mənfi və müsbətlərini rus sektoru və sektor uşaqlarına aid eləmək olmaz. Ancaq dediyim kimi, onlar barədə də təcrübələrim təəssüf ki müsbət olmayıb. Azərbaycan kimi yerdə öz paylarına qazancları iş tapmaq və dişovların yanında elit görünməkçün rusca danışmaları ola bilər sadəcə. Artıq dövr tolstoyların, dotoyevskilərin dövrü deyil. indi rus dilinin və rus cəmiyyətinin bəşəriyyətə qatqısı, hətta özünə belə xeyri o qədər deyil. Həm də dil bilmək özünüinkişaf cəhətdən yaxşı bir şey olsa da, elitlik yaxud intellektuallıq demək deyil. Onsuz bütün dünya ingilis dilinə çevrilib indi.

+9 əjdaha

8. Yazacaqlarım tam subyektiv əhəmiyyət daşıyacaq və kimin xoşu gəlməsə umbaylaya bilər amma ən yaxşısı oxumayın.
Nəzərə alsaq ki, Azərbaycan müxtəlif millətlərə ev sahibliyi edir. Ölkədə talış da var, rus da var, tatar da və s. Bu qalsın yadda. indi əsas mövzuya keçid edək. Bir xalqın formalaşması üçün vahid dil mütləqdir. Təsəvvürünüzə gətirin hər hansı bir ölkədə vahid dil yoxdur onda nə baş verər? Kaos. Azərbaycan cəmi cümlətani 10 milyonluq nüfuza sahibdir. Daha az sayda olan insanı bölməyin nə mənası var axı? Ay kişinin oğlu, ölkədə vahid dil Türk dili deyil? Bəs niyə bölgü aparırsan axı? Mən qəti qarşı deyiləm yeni dillər öyrənməyə, sadəcə küçəyə addım atırsan hər yumurtadan çıxmış rusca danışır. Bilmirsən hara düşmüsən. Kim rusca öyrənmək istəyirsə ölkədə yetərincə kurslar var və yaxud da ki, məhdud sayda rus təmayüllü məktəblər açılsın və orada təhsil alsınlar ancaq məktəblərdə bölgü olmasın. Tutalım bu rus bölmələrinin yaradılmasında əsas məsələ kimi rusların ölkədə çox olması götürülüb. Amma biz statistikaya nəzər salsaq ölkədə etnik qruplardan 2 faizini ləzgilərin, 1.3 faizini isə rusların təşkil etdiyini görərik. O zaman ləzgi bölməsi də açılsın da...
Ölkədə vahid dil Türk dili olmalıdır, digər dillər isə YÜKSƏK SƏViYYƏDƏ xarici dil kimi keçirilməlidir. O ki qaldı burada yaşayan rus ailələrinə. Vallah biz onları məcbur edib Azərbaycana gətirməmişik. Xoşları gəlmir, ayrıca rus təhsili verən məktəblərə qoysunlar övladlarını.
Bunu da əlavə edim ki, rus bölməsində oxuyan uşaqların 99 faizi mədəniyyətsiz, savadsız və pozğun olurlar. Oxuyub qurtarandan sonra heç bir xeyirləri belə dəymir.

+8 əjdaha

6. Bəzi başlıqlara elə entrylər yazılar ki, nöqtəsi qoyulmuş kimi olar. Daha əlavə heç nə yazmaq istəməzsən. Fəqət bu başlığa yazmağı lazım gördüm. Başlayaq ondan ki, bu “azsektor” qardaş və bacılarımızın həmişə “russektor”a qarşı çəkingənliyi olub. Səbəbi mən çox zaman dil bariyerində görmüşəm. Məktəb dövrlərimdə indi olduğumdan qat-qat daha mehriban və sosial idim, bu səbəbdən də rus sektordan dostlar qazanmışdım.
Şok, şok! Onların başında iki buynuzu, arxalarında sallanan quyruğu yoxdur! Nə də yadplanetli deyillər. Bilirəm, inanmaq çətindir. Axı onlar özünü göylə aparan elit təbəqədirlər. Və ya daha da yaxşısı, Sovet sistemi ilə gedən səfeh yığnaqları. Əxlaqsız allahsızlar?
Yox, əzizlərim. Onların sizdən, məndən heç bir fərqi və ya əksikliyi yoxdur. Rus sektor dostumun da dediyi kimi “əlinə təsbeh alıb rusca danışan qaqaşlar” burada da mövcuddur. Başqa dünyada da yaşamırlar, düzdür, bəzən nə qədər azad olduqlarına baxıb mən də elə düşünürəm. Onlarda da başıbağlı qızlar olur, onlar da əxlaq problemli nəsil yetişir. Bu “başıboş səfeh kütlə” oturub rusca ədəbiyyat da oxuyur, azərbaycanca da oxuyur. Sən də oxuyursan? Lap yaxşı. Onda çox da yorma məni.
Xülasə. Bu iki sinif arasında tək problem ünsiyyətin yaratdığı çətinlikdən doğan qorxudur. Rus dilini öyrənməyə çalışa və ya doğma dilinizdə onlara müraciət edə bilərsiniz. Səndən, məndən yaxşı danışırlar ana dilimdə. Sevgiylə qalın, hörmətlə qalın.

+7 əjdaha

9. Hər iki aydan bir gündəmə gətirilən və məni iyrəndirən mövzudur. Təhsil sistemi özü poxdan fərqsizdirsə, kimin hansı bölməni seçməsi niyə müzakirə məsələsi olur?
amma yenə də mövzunun çürüyünü çıxarırıqsa, onda iki bölmənin qəbul statistikasını müqayisə etmək istəyirəm:



Bu nəticələrə görə rus sektorunun vunderkind (baxmayaraq ki, dim imtahanının nəticəsi ilə abituriyentlərin dahi və ya axmaq kimi hesab olunmasına və vunderkindin bu imtahanlarla seçilməsinə qarşıyam, başqa bənzətmə uyğunlaşdıra bilmədim) yetişdirdiyo mifi şar təki partlayır. Ola bilər, rus bölməsinin şagird sayı digərinə görə azdır, yenə də istənilən bal aralığında çox da fərqli olmayan nəticələr görürük.

Bəs niyə rus bölməsi qabardılır? Çünki hakim elita (üzqarası elita) rus dilini ilahiləşdirib. Savadla fərqlənməkdənsə, bizimlə eyni dildə danışmayıb fərqlənməyə can atırlar. Bu çox bərbad addımdır. Çünki bu adamların bizə, ölkəyə bir faydası yoxdur. Tək üstünlükləri hakimiyyətin də rus dilli olmasıdır, dəyişiklik olsa, nəyo var rədd olacaqlar.

+4 əjdaha

11. savada qalanda nə az , nə də rus sektorunda onsuzda normal , daha düzgün desəm "lazımlı" savad vermirlər. əslində azərbaycanda işləmək üçün dəhşət savadlı olmağa da ehtiyac yoxdur. 2 dil bildin bəsindi, əsas da rus dilini. Azərbaycanda Nə qədər savadlı olursan ol, bir yerdə mütləq rus dili sənin qabağına çıxacaq. Və nəzərə alsaq ki, azərbaycanda yaşamaq və yüksək maaşlı bir işdə çalışmaq üçün heç azərbaycan dilini bilməsən də olar. Sən rus dilində danış azəbaycan dilini heç öyrənməsən də olar, onsuzda getdiyin hər yerdə xiyarın biri tapılacaq ki, azərbaycan dilini bildiyi halda özünü cool göstərmək üçün sənə rus dilində cavab verəcək. Bax bundan sonra da uşağını rus sektoruna qoyan valideynləri qınamaq istəyirəm, amma qınaya bilmirəm. Ya gərək rus sektoru filan ləğv olsun və ya onlar üçün ayrıca məktəblər ayrılsın və əsas prioritet azərbaycan dili olsun. Azərbaycan dilini normal danışa/yaza bilməyən ölkədə iş tapa bilməsin. Ondan sonra bütün russkiy yazıçnılar məcbur qalıb öyrənəcəklər.
Mənim üçün rus sektorunun əsas üstünlüyü isə a.u.e balalarının demək olar ki, mövcud olmamasıdır.

+2 əjdaha

1. Azərbaycanlıların milli identifikasiyasında rus dilinin rolunu danmaq zövq məsələsi olmamalıdır artıq, birbaşa rusofob milliyətçilik kimi qəbul edilməlidir.rus sektoru olaraq bu problemlə hərdən rastlaşmamaq məcburiyyətindəyik. Ölkənin intellektual icması rusdilli kosmopolitlərdən ibarətdir.rus sektoru Azərbaycan dilinə daha çox qayğı ilə yanaşır, onun imkanlarını vicdanlı şəkildə qiymətləndirir.

+4 əjdaha

2. şagirdləri pisedkalarda rahat-rahat əmişə bilən sektordur. rus sektorlar həmişə rahat-rahat təpələşirlər amma azsektorlarda ayda ildə kimsə qıznan məktəbin arxasına getsə bu böyük sensasiya olur.
qızları ürəkdir. şərt deyil ki, rus sektorda oxuyanların yalnız rus irqindən olanları yaxşı, yox adi qaraçı ya da naxçıvanlı uşağı da rus sektora qoysan uşaq elə inkişaf keçirdir ki az-sektorla böyük fərq görünür. özüm yarı az yarı rus sektor olduğum üçün öz müşahidı aspektimdın yanaşıram.

+3 əjdaha

7. azərbaycan, ləzgi əsilli ailələrinin uşaqlarını qoyduğu və daha savadlı bir cəmiyyət olacağını düşündüyü tədris dili. 9' cu sinifə kimi uşaqların çıxdığı, 11-ci sinifdə 10-15 nəfərin qaldığı siniflər. Dindarlar, azərbaycan adət-ənənələrinə sadiq olanların gözündə "tərbiyəsiz" ; amerikan filmlərinə baxıb, seks, içkiyi azadlıq kimi görən azərbaycanlıların gözündə "cool, sərbəst, azad uşaqlar". Əslində isə, bir ovuc fərqli dildə danışan və öz dünyasında yaşayan gənclər.

+2 əjdaha

10. Səviyyəli mədəni uşaqların olduğu yer. Azərbaycan bölməsinin yanıq oğlanlarından min dəfə yaxşıdı uşaqları.



hamısını göstər

rus bölməsi