əjdaha lazımdı
izlə
dostlar
mən
googlla
qadın cinayətləri
-
azərbaycan
-
keçən ilin ən bəyənilən entryləri
-
7 iyun 2020 yasamal sakinlərinin zibil atmaqla polisə etirazı
-
cəbhətroll
-
2020-ci ilin ən yadda qalan hadisələri
başlıqdakı ən bəyənilən yazılar:
+56 əjdaha
1. məcburi evlilik səbəbilə intihar etmiş başqa bir gənc qız 
azərbaycanda peysər adı çox səhv adamlara verilir.
peysər anasını özünə qız "almaq" üçün göndərən varyoxsuzlardı,
peysər qızını mal kimi satan oğraşlardı,
peysər məcbur evləndirililmiş qızın toyuna gedib heçnə olmamış kimi kabab yeyən götvərənlərdi,
peysər "əşi uşaqları olanda düzələr" deyən qancıqlardı,
hamınız peysərsiz.
+24 əjdaha
13. məcburi nigah səbəbi ilə əlaqədar olaraq ölümü azərbaycanlılar üçün təəccüb doğurmamalı olan hadisə. çünki bu xalq üçün belə hadisələr yüz illər ərzində o qədər adi bir hal alıb, günlük həyatın bir parçasına çevrilib ki, hətta bu tipli hadisələrə şeirlər, mahnılar həsr edilib. oxşar hadisə ilə bağlı, əbülqasım nəbatinin 19-cu əsrdə yazdığı bir şeir - haqqında geniş yayılmış əfsanələrdən birinə görə, atası tərəfindən zorla öz sevdiyi oğlana yox, varlı kişiyə ərə verilən bir qızın buna dözməyərək, özünü arpaçaya ataraq intihar etməsi ilə bağlıdır. bizim əfsanələrimizə belə milli dəyərlər elə nüfuz edib ki, qadın ədalətsiz bir situasiya qarşısında qalsa, mütləq namusunu qorumaq üçün ölməlidir. əcnəbi nağıllardan fərqli olaraq, bizim əfsanədə belə, o qızı onun ağ atlı oğlanı xilas edə bilməz! camaat nə deyər, sonra ?!
Arpa çayı aşdı, daşdı,
Sel saranı aldı, qaçdı.
Hər görənin gözü yaşlı,
Apardı sellər saranı,
Bir ala gözlü balanı.
(baxma: apardı sellər saranı)
bu isə 1 əsr əvvəl məhz molla nəsrəddin jurnalında oxşar hadisəyə həsr olunan "azad sevgi" adlı tənqiddir:
![]()
(sağdan sola)
ikinci şəkildə "könüllü ərə getməsən, zorla aparacam" yazılıb.
birinci şəkildə isə axund soruşur: "xanım, əgər bir şey demirsinizsə, deməli razısınız. mən də allahın adıyla, sizin bu kişi ilə kəbinizi kəsirəm"
mənbə:
https://en.wikipedia.org/wiki/Apardi_sellar_Sarani
https://en.wikipedia.org/wiki/Forced_marriage
+20 əjdaha
6. 2 gün öncə evliliyə etiraz olaraq intihar etmişdi,Bugün vağzalı sədaları altında bəzəkli xonçalarla dəfn edilib.
Azərbaycanda adətdi qəfil,gözlənilmədən bir gənc ölürsə onun dəfnində belə şeylər edirlər
( əsasən nişanlı ikən ölən və s ) amma bu isə ən ağlasığmazı oldu.
Bu qız onsuz da evlənməmək üçün canına qəsd etdi bədənin incitdi,indi ruhu da incinir.
+13 əjdaha
8. oy blin. vağzalı nə idi ala. məzarının üstünə tüpürüblər sanki. gör necə təfəkkürlü insanların arasındaymışsa, ölümünə haqq verir insan.
xonçanızı sikim.
+8 əjdaha
2. Məcbur evliliyə etiraz edərək intihar edən 1999-cu il təvəllüdlü adpu tələbəsi.
intihara yox, valideyn cahilliyinə qurban getmiş daha bir gənc qız. Qızını oxutmaqda tək məqsədi əlində diplom olsun, yaxşı ər tapsın olan cahil valideynin cinayətidir bu! Hələ anlamırlar ki, məcburi evlilik olmur. O qız sizin bəyənərək verdiyiniz ailəylə evlənmir, oğlanla evlənir. Sevmədiyi birinin yatağında saatlarla yatacacaq, ondan övlad dünyaya gətirəcək, həyatının geri qalanını onunla birlikdə keçirəcək?! Necə bir düşüncəsizlik, cahillikdir axı bu? Öz aləmlərində qızlarını məncur evləndirərək xoşbəxt edəcəyini düşünən valideynlər cahillik ucbatından kəfənə bürüdülər övladladını.
Sosial mediada hadisəyə yazılan şərhlər sayəsində əmin oldum ki, cahillik millətin qanına yeriyib. "Yəqin iradəsi zəif olub". Ay əclaf, düşüncəsiz, nə iradə? Məcbur evləndirən valideynə başa salmaq olar ki, istəmirəm?
Qızın evlənmək istəmədiyi bilə-bilə evliliyə razı olan oğlan da elə 1 nömrəli cındırdı. Tək məqsədi birtərəfli həzz, nəsil artırmaq və çayxanada kişilikdən dəm vurmaqdı.
Ölkədə evlilik həyatın dəyişməz qanunudu sanki. Evlənməlisən, nəsil artırmalısan! Yaşın ötürsə(!) sevginin önəmii də yoxdur, əsas camaat heç nə deməsin. Bu düşüncələrə görə, neçə-neçə gənc bədbəxt olur. Ailə "sənin xoşbəxtliyini istəyirik" desə də, əslində camaatın deyəcəklərinin qarşısını almağa çalışır. Məcbur evliliklə xoşbəxtlik olur məgər? istəmirsə fso, axı məcburiyyət nəyə lazım? Məcbur evliliyə ən az qızlar qədər oğlanlar da məruz qalır, axı kişi olmaz üçün evlənib arvad-uşaq sahibi olmaq lazımdı(!). Əskərlikdən gəldinsə təcili qız tapılmalıdı!
Nə qədər ki, bu cahillik və tüpürdüyüm mentalitet dəyərləri davam edəcək, günel nağdıyeva kimi daha çox gənclərimizi itirəcik.
Və #296650 entrydə bakirfikir dediyi kimi, xəstəlik deyil mentalitet öldürəcək milləti.
+8 əjdaha
4. Bir müddət əvvəl səhv etmirəmsə, elə söz6-da bir başlıqda və ya sosial şəbəkələrdə oxumuşdum: "azərbaycan xalqı dindar deyil, amma qatı mühafizəkardır"-deyə. Bunu bu qəbildən xəbərlər, yazılar oxuduqca daha yaxşı anlayıram. Qatı mühafizəkarlıq heç bir cəhətdən yaxşı deyil. Qonşu nə deyər, qızın gələcəyi nə olar, adı çıxsa, evdə qalar deyib həyatının bu gənc yaşında onları bədbəxt edirlər. Boşananda da oğlan narkoman olur, qız da ev üzü görməyən. Yaxşı, bəs bundan sonra nə olur? Oğlan yenə evlənir, yenə boşana bilir və buna artıq bir söz demək qeyri-mümkündür. Qızın isə "adı üstündə" olur. əksfikir yürüdən isə bizim cəmiyyətdən çox, amma çox uzaqdır. Bir şey ki, ölkənin ali təhsil almış, bizim "ziyalı" adlandırdığımız təbəqə bu fikirdən dəm vurur.
Günelin başına gələn bir intihar və ya qətl olsun, fərq etməz. Yazdıqlarım yenə də öz qüvvəsində qalacaq. iki gün ağlayıb, "allah rəhmət eləsin" deyib mövzunu bağlayacayıq. Amma heç bir cəmiyyət, heç bir qadın haqları qoruyucuları qadın cinayətlərinin ardınca düşmür. insanların, ələxüsus qadınların azadlığı rahat sevişmək, istədiyi geyimi geyinməkdə yox, məhz rahat nəfəs ala biləcəyi bu həyatda yaşamaqdadır. Nur içində yat, günel. əgər sənin qətlində cəmiyyət və ailən günahkardırsa, bizi bağışla...
+6 əjdaha
9. Yazdım sildim, yazdım sildim. Nə yazım kimə nə deyim, necə münasibət bildirim bilmirəm. Ölkənin hər tərəfində minlərlə günel var, hamı da bunu çox gözəl bilir.
Vicdan masturbasiyası üçün şərhlərdə valideyni söyüb like edib yatırlar. Bunu yazanlar da 25ini keçən qız evlənmirsə, nəsə ayıbı var düşüncəsindəki (!) malımtıraq tiplərdir. Biri hələ deyib ki, gərək məktəbi qurtaraydı sonra da. Guya indi söz dedi bu ağıllı.
Sabahısı gün də hamının gözü qabağında qəbrində toy elədilər zorla. Bura məqalə yazsam nəyə yarayacaq, xonçayla dəfn elədilər qızı. Xeyri yoxdur, canından keçirsən yenə düzəlmir.
Bu torpaqların bu cür olmasına səbəb olan, içində iylənmiş iyrənc fikirlər bəsləyən hərkəs ölümündə günahkardır.
+6 əjdaha
11. həqiqətən qan donduran hadisədi. mən 4cü mərtəbənin balkonundan aşağı baxanda belə ordan yıxıldığımı təsəvvür edib, soyuq tərlər axıdıram. 18ci mərtəbədən özünü atmaq nə deməkdi. 21 yaşındakı bir qıza bunu etdirəcək qədər necə vicdansız ola bilirlər ki. deməyə söz tapmıram. yeri cənnət olsun. bu və bunun kimi hadisələrdən bəslənərək hər hansı mənada mənfəət arxasınca qaçanlar, ən böyük şərəfsiz elə siz özünüzsüz.
+5 əjdaha
7. dəfni vağzalı sədaları altında həyata keçirilən və bununla da qaragüruhçu aziklərin mağara təfəkküründə evliliyin necə müqəddəs bir fetişizm olduğunu göstərən, zorla evləndirilməmək üçün intihar edən bəxtsiz və ay parçası kimi gözəl qız.
+4 əjdaha
3. evlənmək istəmədiyi üçün intihar etdiyi istintaqla təsdiqlənmədiyi halda sosial şəbəkələrdəki qaragüruhun fəallaşmasına səbəb olmuş qız. bəlkə də valideyni binadan atıb? bəlkə də başqa məsələyə görə intihar edib? amma yox, hərpoxoloqlar gərək buna da rəy bildirsinlər. əksəriyyəti də elə yazır ki, güya qızın ölümündən çox təsirlənib. halbuki qız yaşasaydı heç birinin vecinə olmayacaqdı.
ölümündən artıq bir neçə gün keçib. qeyri-səmimi şəkildə boşboğazlıq etməyin nə mənası?! elə insanları öldürən onların da üzv olduğu cəmiyyətdir. bir-birilərini müdafiə etməyi bacarmırlar. bir-birilərinin çəkdiyi əzablarla maraqlanmırlar. sonra faciə baş verəndə səbəbini axtarırlar.
və niyə insan ölümlərində cinsi, milli, dini, irqi ayrı-seçkilik edən faşistlərin sayı artıb? özü də bunu özünü "müasir" göstərən fırıldaqçılar daha çox edir. "qadına qarşı zorakılığa yox", "zənci ölümünə yox" və s. məgər bu qruplara əks qütbdə olan kişilər, ağdərililər və başqa kütlələr həzz içində yaşayır?! elə bu ölümləri ayırmağın özü ayrı-seçkiliyi davam etdirir.
məşhur bir söz var. hansı ki digər mövzulara da aid etmək mümkündür:
– əgər irqçiliyin sonlanmağını istəyirsənsə, onda irqçilik barədə danışma.
+4 əjdaha
10. Heyif, sənin kimi gözəl qız manqurtluğun qurbanı oldu. Dəfn çəkilişinə baxmaq istədim, amma burada yazılanlardan sonra cəmiyyətə yenə, yeni və yenidən nifrət etməmək üçün izləmədim. Evlənməmək üçün canına qəsd etmiş birinə edilmiş ən böyük hörmətsizlikdir bu. Parlaq gənclərimiz valideyn gücü ilə əzilir və axırda belə nəticələr ortaya çıxır. indi fikirləş ay ata, ay ana. Sənin gül kimi qızının evlənmədən torpaq altında olması yaxşı olar, yoxsa sağlam yanında olması? Bundan sonra gedin nə qədər başınıza döyün, xeyri yoxdur. Siz bir can aldınız, öz əliniz dəymədən qatil oldunuz.
+2 əjdaha
5. övladını bir yaşa gələndən sonra evləndirmə istəyi ilə sanki əvvəlcədən proqramlanmış valideynlərin növbəti qurbanı. belə təzyiq yəqin hamının üzərinə qoyulur bu ölkədə (nəinki bizim ölkədə). yola verməyə çalışın, onlar da npc kimi təkrar-təkrar eyni şeyi istəyəcəklər. evlənib uşaq əkməsəniz dünya dağılan deyil.
hamısını göstər
