əjdaha lazımdı
izlə
dostlar
mən
googlla
yox deyə bilməmək
-
yox demək
-
qəddar
başlıqdakı ən bəyənilən yazılar:
+7 əjdaha
1. bu sifarişi verən: hechliyin_menasi Bəzən insanın özünə dəyər verməsi üçün lazım olan ən vacib keyfiyyətlərdən biri.
Bu barədə son vaxtlar çox düşünürdüm. Sifariş bölməsində görəndə yazmaq istədim.
Əvvəllər "yox" deyəndən sonra uzun müddət vicdan əzabı çəkirdim. Günlərlə fikirləşib, bəzən ətrafımdakıları da bezdirib özümə əzab verirdim. indi də tamamilə bu xasiyyətimdən əl çəkməmişəm. Amma artıq "yox" deyəndə, razılaşmayanda özümü əvvəlkitək günahkar hiss etmirəm. Bəlkə daha soyuq, ruhsuz, eqoist insana çevrilirəm. Amma, deyəsən, özümü daha rahat hiss edirəm. Çünki bu günə qədər sırf özümü günahkar hiss etməyim və ya qarşımdakı pis olmasın deyə istəmədiyim yerlərə gedib, istəmədiyim işləri görüb, bəzən istəmədiyim filmlərə baxıb, istəmədiyim insanlarla ünsiyyətdə olmuşam.
Əminəm ki, çoxumuz beləyik.
Cəmiyyət olaraq elə bir halda yaşayırıq ki, istəmədiyimiz şeylərə yox demək, səsimizi çıxarmaq, razılaşmamaq kimi seçimimiz çox vaxt olmur. Bir növ başını aşağı salıb hər şeylə razılaşmaq uşaqlıqdan öyrədilir. Ona görə də "yox" deyən insan avtomatik neqativ sifətlərlə təsvir olunur.
Düşünürəm ki, kiminsə həyatına, azadlığına hər hansısa bir ciddi təsiri olmadığı müddətdə "yox" demək pis bir şey deyil. Sadəcə bunu hansı tərzdə deməyimiz, özümüzü necə ifadə etməyimiz də önəmlidir.
+7 əjdaha
4. Bu gün çətinliklə də olsa bir nəfərə yox demişəm. Məni bir işi həll etmək üçün köməyə çağırırdı. Hətta 1-2 dəfə israr etdi. Amma həqiqətən vaxtım olmadığı üçün çəkinə çəkinə gələ bilməyəcəyimi dedim. Və onun mənə dediyi cümlə tam da belə oldu:
- vaxtım yox idi deyə istədim sənə deyim. Eybi yox özüm həll edərəm sabah.
Özümə daha çox dəyər verməyi öyrənməliyəm.
+7 əjdaha
8. bu günlərdə bacardığım şey. mənim uşaqlıqdan tanıdığım qaqaş var. bununla biz 1. sinifdən sinif yoldaşı olmuşuq. məktəb bitəndən sonra da əlaqəni kəsmədik, mən universitetə qəbul oldum, bu kollecə qiyabı daxil oldu, əsgərliyə getdi gəldi. kollecinə davam elədi. nəysə, eyni şəhərdəyik, görüşmək çətin olmur. sadəcə dərslər, iş güc zad imkan vermir çox bir yerdə olaq. Düzün desəm eyni adamlar deyilik. çox fikirləşəndə bunun iki dost arasında mühimliyi çox aşağı səviyyədədi. mənim kimi adam üçün vapşe. iki söhbət edib dağılışarsan da. yenə də eski dostuq deyə münasibəti kəsmək istəmirəm. otururuq yemək yeyirik bu başın salır telefona, edəcək söhbət olmadığı üçün deyə bilmirəm gəl nədənsə danışaq. elə sakit səmirsiz bəzən absürd dialoqlarla yola veririk görüşü. ən azı həftədə 2 dəfə görüşürdük, də mən düzü heç həzz almırdım. deyir; "brat, universitetin yanındayam kollecdən çıxmışam gəl görüşək" indi nağarasan ala yox deməy ayıbdı axı. heç olmasa iki pes, domino ata bilsəydi gedib başımızı hərliyərdik. heç nə qaqaş deyir gəl düşək dəniz qırağına. səbəb? heç nə bir iki civi varsa ona göz qaş eləməy, ya da risofklanmaq zad da. başqa məqsəd yoxdu. nəm yağış yağır deyirəm; gəl düşəy dəniz qırağına qayıdasan ki, "yoxe ala indi matı nəəəzir orda?" nəysə də qaqaş. nə uzun uzadı tərif verim? adam konkret başqa temadı da. hir ara yazıb soraqlamadım dedim qırılar da münasibət day yeri yoxdu davamlı görüşməyin. mən belə söhbətlərə görə çalışıram insanlarla yaxınçılıq qurmayım. mən çağırılmağı deyil də, çağırmağı sevən tərəfəm hər zaman. padlo zad da görmürəm. uzaq başı deyəcək ki, "yoxe qaqa işim var". fso. başa düşən adamlar ürəydi. mənə çatmıyan şey sən yox deyəndə dirəşən adamlardı. qaqaş, sənin başqa işin gücün yoxdu? tutaq ki, yoxdu. get topunnan oyna da , gijdıllaq?
bəzən hə ilə yox arasında qalanda qəti heç nə deyə bilmədiyim üçün söhbəti fırlatmağa başlayıram. gəlirsən?
hə çatıram(yarım saatdı yoxdu)
evə çörəy alım gəlirəm
dədəmə köməy eliyim gəlirəm
bir balaca işim var, həlleliyim çatıram
harda görüşək
cavabsız 10 zəng
belə-belə fırladırsan da. ən bərbad metod budu. ona görə danışdığım qaqaşla qismən soyuq münasibətə zəmin yaratdım. mən heç vaxt dəqiq və planla insan olmamışam. qarşımdakılar sanki nazirlikdə işləyir.
axşam oturaq?
- yer, məkan, saat və kimlər olacaq?
anket doldurursan gijdıllaq? denən hə ya da yox. yox deyə bilməyib söhbəti uzadanda həm qarşıdakını aldadırsan həm də özünü mənfi imicdə tanıdırsan. ona görə də əgər mümkündürsə bir təhər yox deməyi bacarın. hərhalda uzağı dirənən yeri sizi başa düşəcəklər. onsuz da, insanlar son zamanlarda o qədər emosional olublar ki, anlıq başa düşməsələr də hardasa fikirləşəndə sizin "mən bu aralar tək qalmaq istəyirəm" sözünüzü yaxşı dərk edəcəklər. dürüst olmaq, sağlam münasibətin təməlidir, əgər mümkündürsə-*
+3 əjdaha
2. əgər bir insan bunu lazım olan yerdə,lazım olan zamanda demirsə həmişə uduzmağa məhkumdu.söhbət şəxsi həyatdan gedir. mən də universitetin bitiminə qədər çox şeylərə "səbr,nəzakət" adı ilə dözüb yox demirdim. ancaq bunun özünəhörmətsizlik kimi qıraqdan göründüyünün fərqində deyildim. əsgərlikdə isə buna tam qalib gəldim. polkovnik-leytenantın üzünə yox dediyim anda (bir məsələ var idi əgər razılaşsam,dözsəm çox guman əziyət çəkəcəkdim) cəza gözləyirdim ən azından ancaq əksinə oldu, yox deməyim məni komandirin yanında digər əsgərlərdən də hörmətli elədi sırf vaxtında və zamanında üzə görə "yox" deməyim məni bundan sonra həyatda bir çox şeydən xilas elədi.
insanın həyatında ilk növbədə insanın özü durur, hətta ən yaxının belə olsa lazım olan yerdə öz mənafeni güdmək insanın özünə olan qiymət verməsi və məcburi hərəkətidir, yox deməyəksənsə başına gələcəklərə görə məsuliyyət ancaq sənə düşür sənə hər şey təklif edilə bilər hətta manipulyasiya etməyə də çalışa bilərlər ancaq yox demək lazımdır həmişə lazım olan yerdə.
+2 əjdaha
3. Çox pizdes hissdi qarşındakı səndən hə deyəcəyini gözləyəndə. Qorxmuyun blət, yox deyin.
+5 əjdaha
5. düzgün vaxtda və deyilməsi lazım olan məqam da deyilməli olan şey.
+1 əjdaha
6. başqalarına yox deyə bilməyən insan özünə də deyə bilmir.
yox deməyi practice/ təcrübə etmək zaman alır ama olur.
fokuslanmağın ilkin şərti özünə yox deməyi bacarmaqdır.
sözlükdə entry yazıb içini boşaltmaq ya baqa iş görmək istəyirsənsə məsələn, mesajalara bildirimlərə baxmamalısan. *postlar kapatılsın
hamısını göstər
