qədir-xum

zilhiccə ayının 18-i özünü islamın imamətçi məzhəbi sayılan şiə qoluna hesab edənlərin qeyd etdiyi bayram. 2021-ci il əsası ilə həmin bayram bu günə, 28 iyula təsadüf edir.

qədir-xum məkkə təvaf və ziyarətini başa vurmuş insanların məkanlarına qayıtdığı yol üzərində yerləşən, yolayrıcı olaraq tanınan məkandır. bura ayrılma nöqtəsidir: qədir-xumdan mədinəyə, iraqa, yəmənə, misirə yol ayrılır.

110 səhabənin nəql etdiyi bir rəvayətə əsasən, məhəmməd ibn abdullahın son həcc ziyarəti zamanı məhəmməd maidə surəsinin 67-ci ayəsini dilə gətirir: "Ya Peyğəmbər! Rəbbin tərəfindən sənə nazil ediləni (Quranı) təbliğ et. Əgər (bunu) etməsən, (Allahın) risalətini (sənə həvalə etdiyi elçilik, peyğəmbərlik vəzifəsini) yerinə yetirmiş olmazsan. Allah səni insanlardan qoruyacaq. Həqiqətən, Allah kafir camaatı düz yola yönəltməz!"

daha sonra, məhəmməd möminlərdən şəhadət istəyir. möminlər şəhadət verdikdən sonra məhəmməd deyir:
"Ey insanlar! Mən sizin aranızda iki nəfis və dəyərli əmanət qoyuram, görüm, məndən sonra bu ikisi ilə necə rəftar edəcəksiniz?!! Biri Allahın kitabıdır ki, onun bir tərəfi Allahın qüdrətli əlində, digər tərəfi isə sizin əlinizdədir. Digəri isə mənim əhli-beytim və itrətimdir. Allah mənə xəbər vermişdir ki, bu ikisi heç vaxt bir-birindən ayrılmayacaqdır. Ey insanlar! Quran və itrətimdən qabağa keçməyin və hər ikisinin fərmanlarına əməl etməkdə səhlənkarlıq etməyin, əks halda ziyana uğrayacaqsınız!

daha sonra, əli ibn əbu talibin qolunu qaldıraraq deyir:
"Allah mənim mövlamdır, mən də möminlərin mövlasıyam – onlara özlərindən daha üstün və daha layiqəm! Ey camaat:
Mən hər kəsin mövlasıyamsa, bu Əli də onun mövlasıdır. Pərvərdigara! Əlini sevənləri sev, onun düşmənləri ilə düşmən ol! Ona məhəbbət bəsləyənlərə məhəbbət bəslə! Ona kömək edənlərə kömək et, köməyini əsirgəyənlərdən köməyini əsirgə! O hər yerdə olsa, haqqı onunla birlikdə dövr etdir!”

əhli-sünnə teoloqları bu hədisi səhih qəbul etsə də, mövla sözünün təfsirinə diqqət çəkirlər. bir çoxu iddia edir ki, burada məhəmməd "mövla" deyərkən "dost, yoldaş" mənalarını yükləyib. həqiqətən də, ərəb dilində mövla sözünün bu mənaları var. əhli-şiə teoloqları da bu təkzibə əsasən əlinin müaviyəyə yazdığı məktubları, nəhcül-bəlağə xütbələrindən hissələri, qurandakı mövla sözünün hansı mənada işlənmə frekansını göstərərək cavab verirlər.

bu hədisə əsasən, şiələr məhəmmədin özündən sonra əlini imam seçdiyini iddia edirlər. onlara görə, əbubəkr peyğəmbərin sözünə əməl etməyərək küfr etmişdir.

ali and nino

ön-qeyd: moderatorların əli və nino başlığındakı kitab evinə aid olan entryləri bu başlığa köçürülməsini tövsiyyə edirəm.

kitaba qoyduqları qiymətləri kitabın bizə qatdığından qat-qat baha olan kitab evi. məsələn, yuval noah hararinin 21 lessons for 21th century kitabı əli və nino kitab evində 26 manatdır, ancaq mən keçən il bu kitabı 5 manata aldım. kitabın qiymətini bu qədər baha qoyaraq əksər insanların gözündə kitabı əlçatmaz, müqəddəs bir obyekt kimi təsvirləşdirirlər. halbuki, elə deyil. kitab sənə heçnə qatmırsa, kitabı cır, yandır, apar tulla. hətta, sənə nəsə qatsa da onu cıra, yandıra tullaya bilərsən. kitabın üz qapağı, xətti, forması önəmli deyil, orada yazılan səni inkişaf etdirmirsə o kitabı oxumağa dəyməz.

keçən il fibonacci yarışmasından əli və nino kitab evində 100 manatlıq alış-veriş şansı qazanmışdım. 100 manata cəmi 7 kitab ala bildim. çox gülünc vəziyyətdir. bir kitab niyə 20 manatdan baha olsun axı?!

dayım oğlu keçən həftə əli və nino kitab evindən 30-a yaxın kitab sifariş edib. dünən kitab mağazalarını gəzəndə görürük ki, əgər tənbəllik etməyib bukinistləri, kiçik kitab mağazalarını gəzsəydi əli və nino kitab evinə verdiyi puldan 3 dəfə aşağı pul xərcləməli olacaqdır. ona görə də, tövsiyyəm odur ki, əgər kitab təkcə əli və nino kitab evində yoxdursa digər mağazaları gəzin, qiymətlərə baxıb müqayisə edin. hətta ən yaxşısı ikinci əl almağa çalışın. üz qapağı təzə olduqda kitabın içi dəyişmir.

bestsellər bölməsində də həmişə şəxsi inkişaf adı ilə sırıdılan pseudoscience kitablarının olması ümumiyyətlə dəhşətdir.

say yayınları

alfred adlerin tərcümə edərək çap etdikləri " das problem der homosexualitat" kitabının başlanğıcına xoş düşünülmüş bir qeyd yazaraq təbəssüm yaratmış və sevindirmiş yayın evidir:
"alfred adler'in 1930 yılında yayımladığı ve orijinal ismi das problem der homosexualitat olan elinizdeki bu kitabı eşcinsellik üzerine türkçe başlığıyla yayımladık.

bu kitabı alfred adler'in psikoloji tarihindeki yeri sebebiyle yayımladığımızı ancak buradakı görüşlerin günümüz bilimsel gerçeklerini yansıtmadığını, bu nedenle de eşcinsel bireyler ve ebeveynleri için rehber nitelikte olmadığını belirtmek isteriz.

saygılarımızla,
say yayınları"

qeyd edim ki, alfred adler homoseksuallığın əsasən cəsarətin itirilməsi səbəbi ilə, həyatda oynanılacaq cinsəllik roluna lazımi qədər hazırlanılmamasından qaynaqlandığını düşünür və bir anomaliya olaraq müalicəsini lazım bilirdi.

suzuki akira

#332863 entrysində Ad Hominem tu Quoque səfsətəsindən istifadə edən yazar.
yəni ki, bir şəxsin iddiası ilə hərəkəti üst-üstə düşmür deyərək iddianın dəyərini azaltmaq və ya yanlış olduğunu demək məntiq xətasına baş vurub. "mənə bekar deyirsən, amma özün də çox bekarsan" deməklə "ateistlər dindarları cahil olmaqla günahlandırır, amma özlərinin də elmlə məşğul olduqlarını görməmişəm" demək eynimənalıdır, xətalıdır və "you also" deyərək iddianın dəyərini azaltmaq məqsədi güdür.

bədii ədəbiyyat oxuyan bikar insan

bədii ədəbiyyat cəmiyyətin, cəmiyyət daxili makro və mikro münasibətlərin necə qurulmasını anlamaq üçün sosial elm araşdırmaçıları üçün araşdırma vasitəsi olaraq dəyər qazanır. məsələn, cəmiyyət daxilində subyektin necə qurulmasını araşdıran şəxs iqtidar və güc problemi ilə üz-üzə gələcəkdir. iqtidarı araşdıran şəxs antik yunan şairlərinin eposlarındakı tanrı anlayışlarının yunan cəmiyyəti ilə münasibətlərini, platonun dövlətini, turquet de mayernenin la monarchie aristo démocratique utopyasını və s. bədii ədəbiyyatı oxuyacaq ki, cəmiyyətin hal-hazırdakı vəziyyətini, kök salmış münasibət və əlaqələri öyrənsin və anlasın. yoxsaki, oturub bədii estetiklikdən zövq almaqmış, cümlələrin ecazkarlığından həzz almaqmış bunlar mifosdan logosa keçid edə bilməyənlərin gündəlik məşğuliyyətidir.

yoğun araşdırmalar və qeyri-bədii ədəbiyyat oxumaları insanı sıxdıqda çərəz kimi oxuna bilər. amma artıq məndə o da getmir. dayımoğlumdan dostoyevskinin bəyaz gecələrini götürdüm ki, oxuyum. açdım, 1 səhifə oxudum, artıq qusmağım gəlirdi bədiilikdən. bu ecazkarlıqdansa açaram hansısa professorun yazısını oxuyaram və ya leksiyasına qulaq asaram, ecazkarlıq olmaya-olmaya daha çox zövq alaram. çünki nəsə öyrənirəm, hansısa cahilliyimi geridə buraxıram, bilik əldə edirəm, anlayıram.

#332540 demiş, təcrübədən keçməyən müşahidələrdir. buradan heç bir şey öyrənməyəcəksiz, çünki nəyisə bilmək üçün həmin bilgi verifikasiyadan keçməlidir. eksperimentsiz, təcrübəsiz "hissi təcrübələr" isə söz yığınıdır.

5 il sonra gələn edit: bədii ədəbiyyat da qeyri-bədii ədəbiyyat kimi dəyərli və oxunması faydalı əsərlərdir. aralarında iyerarxik heçbir fərq yoxdur, biri digərindən daha üstün deyil.

merve

youtubedə study with me tərzində videolar paylaşan youtuber.

kanalda demək olar ki, istənilən saat üçün videolar var: 3; 5; 10; 11; 4 və s. işləmə prinsipi isə 50 dəqiqə dərs, 10 dəqiqə fasilə şəklində olur. mən əsasən dərs edərkən üzü görünən study with meləri sevsəm də, arada bu kanalın videoları ilə də edirəm. study corneri çox gözəl olduğundan adama rahatlıq gətirir.

kanalın linki: https://www.youtube.com/channel/UCkPgEucgqedbckpzC2EUwIA

məntiq və riyaziyyatda anlaya bilməyəcəyin şeyin olmaması

ali nesinin irəli sürdüyü ifadədir.
riyaziyyat və məntiqdə * kvantda və astronomik fizikada istifadə olunan sabit olmayan riyaziyyat istisna anlaya bilməyəcəyin heç nə yoxdur. anlamadığın şey ola bilər: hansısa faktoru, tanımı və s. gözdən qaçırmısan və ya fokuslana bilmirsən, çalışmalarını yoğunlaşdıra bilmirsən və s. ancaq bu anlaya bilməyəcəyin anlamına gəlməz. riyaziyyat və məntiq a priori sferadır, empirik deyil. buna görə də, ağıl vasitəsilə anlamaq mümkündür.

sözaltı günlük

bu aralar çox stressliyəm...
universitetə qəbul prosesi başlayıb və mən konsultantıma olan güvənimi artıq itirməyə başlayıram. göndərdiyimiz ilk universitet hacettepe idi və bu gün oradan qəbul almadığımı öyrəndim. düzdür, bu hələ ilkdir, ancaq yenə də artıq odtu/ boğaziçi/ituyə girməyimə olan inamım öz mütləqliyini itirir, şübhələr dənizinə baş vurmağa başlayır. buna görə də, dünəndən özüm motivation letter yazmağa başlamışam ki, özəl universitetlərə göndərərək ailə vəziyyətimi izah edib scholarship istəyim. motivation letterdə ailə vəziyyətimlə bağlı yazdığım bütün hər şey doğrudur: təkcə anamın quru maaşı məni orada oxutmağa çatmır. işi gücü ortastatistik azərbaycanlı olmaq olan və məndən 120 bal aşağı yığan şəxsin koç universitetindən qəbul almağı məni qıcıqlandırır. ailəsinin külli miqdarda sərvəti var deyə niyə o insan orada oxumağa layiq görülməlidir? orada aldığı təhsil ona sadəcə sistemin tələb etdiyi işlərdə işləmək üçünmü lazım olacaq yoxsa öyrənmə şəhvəti ilə alışıb-yanır? ikincinin olmasına heç inanmıram.
mən onsuz da, hacettepedə oxuma arzusunda olmamışam. oxumaq istədiyim universitet əsasən boğaziçi və odtüdür. ancaq oradan reject almaq adama qoyur...

nəysə, bu gün adadan da cavab gəldi. deadline keçəndən sonra göndərdiyimə görə qəbul olmayacaqlarımı demişdilər, ancaq bu gün emaildə mənə istisna edərək 20 iyula kimi vaxt verdiklərini dedilər. ballarımı collegeboard rush sending ilə ada və dimə göndərib, adanın saytında yenidən apply etməli imişəm. ancaq yenə də deyəsən motivation letteri seçdiyim ikinci ixtisasa əsasən yazdım, birincinə yox. beynim itib təmiz.

son 1-2 aydır əşyaların, insanların adlarını unuduram. dənizə gedirəm, buranın nə olduğunu yadıma sala bilmirəm- dəniz sözü ağlıma gəlmir. stolda otururam, yadımdan çıxır bunun adı nədir. anama deyirəm ki, mama o olure adam üstündə oturur, ona nə deyirlər? o dedikdən sonra yadıma düşür. bacımı çağırmaq istəyirəm, adı yadımdan çıxır.

emosional istismar kimi də çıxa bilər, ancaq mən buranı xaricə istiqamətlənmiş şəkildə yazmıram, içimdəkiləri yazıya tökmək içimdəkilərin halını dəyişməsinə səbəb olur deyə yazıram. sözlük, yalnızam. hər zaman yanımda olan, fikir alış-verişi edə biləcəyim birinə çox ehtiyac duyuram. tək yaxınım anam günün 12-13 saatını işlədiyi üçün onunla da çox vaxt keçirə bilmirəm. yanına gedib nəsə danışmaq istəyəndə o saat zəng gəlir ki, bu ödənişə bax və s. axşam 11-12 arası işini bitirdikdən sonra yorğun halı ilə danışma imkanım olur, o da ki, ancaq ya məsləhət verir, ya da əsəbiləşir.
"in order to live alone one must either be an animal or a god"- aristotle

uşaq sahibi olmaq üçün vəsiqə

insan bədəninin, doğum özəlliyinin dövlətin biyosiyasətinin əlinə keçməsi, planlarının və fəaliyyətin bir parçası olması üçün ələ atıla bilinəcək siyasət.

uşaq sahibi olmaq nə qədər dövlətin iqtidarı * əl ata biləcəyi addımların sahəsi çərçivəsində olsa da, vəsiqənin qüvvəyə minməsi ilə bu iqtidarın sahəsi artacaq. populyasiyanın, mülkiyyətin və ekonominin tənzinlənməsi üçün insanların doğum özəlliyinə məhdudiyyət gətiriləcək.

pişiklərin nəcislərini gizləməsi

Pişiklərin təkamüli keçmişi ilə əlaqədar olaraq etdikləri instiktiv hərəkət.

Vəhşi pişiklər təbiətdə özlərinə aid olan sahəni öz nəcisləri ilə təyin edirdilər. Beləliklə, digər cins və növdən heyvanlar bu sahəyə daxil ola bilmirdi. Bu səbəblə, güclü pişikkimilərdən olan yaquar və aslan kimi heyvanlar öz nəcislərini gizləməz və açıq buraxarlar. Hansısa səbəb nəticəsində güclü pişikkimilərin sahəsində olan zəif pişikkimilər özlərini gizləmək üçün nəcislərini basdırarlar. Modern günümüzün ev pişikləri də, soy xətti baxımından zəif pişikkimilərdən olduğu üçün instinktiv olaraq öz nəcislərini gizləməyə meyllidirlər. Çünki bunu edərək daha asan şəkildə gizlənir və bölgədəki güclü pişiklərin ovu olmazlar.

Digər səbəb isə, ovçuların qoxu vasitəsilə öz qurbanlarının mövqesini təyin edə bilməsi zəif pişiklər üçün öz nəcislərini ortada qoymaq dezavantajdır. Buna görə də, bir çox pişik öz nəcislərini gizləyərək ovçulardan gizlənirlər. Ev pişikləri də, ətrafda ovçu olmamasına baxmayaraq instinktiv olaraq nəcislərini basdırmağa meyillidirlər. Həmçinin, davranışları əksini göstərsə də, hər evcil pişik öz sahibini güclü və təzyiqedici olaraq görür və buna görə də özünü zəif və təhdid altında hiss edir.

istifadə olunmuş mənbə:
link

şimali kipr türk respublikası

bir çox mənbədə əhalisinin 98.71%-99%-nin müsəlman olduğu deyilən ölkə. bəzi kiçik qruplaşmalar olaraq alevi məzhəbinə sahib insanlar olsa da, əhali əsasən sünni inancının hənəfi məzhəbinə aiddir.

həmçinin, kipr türkləri müsəlman dünyası daxilində ən sekulyar müsəlman cəmiyyət olaraq seçiliblər. link

onlara de

islamı və teizmi düzgün şəkildə təbliğ etdiyini düşünmədiyim umbay səhifə, bloq. admini ziya balıyevdir.

əvvəllər ateistik arqumentləri paylaşır, daha sonra onun əleyhinə “arqumentlər” paylaşırdı. Lakin, indi işi feminizmi, lgbtiq+ icmasını, azad seksi və s. “gözdən salmaq”dan ibarətdir. Hansısa ateistin arqumentinə cavab verəndə yazının 80%-i ateisti “söyüş olmadan söymək”, 20%-i ateistin dediyinə cavab verməkdir. Cavab verdiyi ateistlər də, çox araşdırmamış, 1-2 “elmi” video izləyib “doğurdan da tanrı yoxuymuşe ala” ani fikrinə gələn insanlardır.

Həmçinin, həqiqəti əxlaqla açıqlamaq səfsətəsindən çox istifadə edir. Bir şeyin düzgün olmadığını aşılamaq üçün onun islam əxlaqıyla tutuşmayan faktorlarını sadalayır və həmin predmeti kəskin inanclıların gözündən salır.

Həmçinin, “x kateqoriyasına aid olmayan y-i x kateqoriyasının sözü kimi qələmə vermək” səfsətəsindən də çox istifadə edir. Məsələn, mainstream ateist akademiyada ateistlərin qarşı çıxdığı fikri marjinal ateist dediyi zaman həmin ifadəni ümumi ateizmə aid edib onu inkar etməyə başlayır.

Hələ keçən dəfə “modern feminist oğlanların psixoloji vəziyyəti” adlı başlıq yazıb, oğlanların qızları rahat ələ keçirmək üçün azad seks, rahat geyimi dəstəklədiyini bildirir. Gülməmək əldə deyil. * ki bəziləri elədir həqiqətən də

israilin ermənistanla yaxın əlaqələrini, iranın azərbaycan və qarabağı nə qədər sevdiyini, fələstinin saf, günahsız, məsum olduğunu göstərmək üçün dəridən qabıqdan çıxır.

bəzmi-ələst

bu sifarişi verən: haillucifer
qurana əsasən allah ilə bağlanmış ilk əhd.

Əraf surəsi 172-ci ayədə deyilir: "Xatırla ki, bir zaman Rəbbin Adəm oğullarının (bellərindən) gələcək nəsillərini çıxarıb, onların özlərinə şahid tutaraq: “Mən sizin Rəbbiniz deyiləmmi?” – soruşmuş, onlar da: “Bəli, (Rəbbimizsən)” – deyə, cavab vermişdilər. (Belə bir şahidliyin səbəbi) qiyamət günü “Biz qafil idik” və ya “Atalarımız daha əvvəl(Allaha) şərik qoşmuşdular, biz də onlardan sonra gələn bir nəsil idik (onların izi ilə getdik). Məgər bizi batilə uyanların törətdikləri əməllərə görə məhv edəcəksən?” – deməməniz üçündür. Biz ayələrimizi belə ətraflı izah edirik ki, onlar, bəlkə, (batildən haqqa, küfrdən imana) dönələr!”

Deyilənə birbaşa yanaşsaq, allahın bizim azad iradəmizi aldığımızı, təcrübələr vasitəsi ilə bilik əldə etməmişdən öncə şahidlik istədiyini başa düşmək olar. Bəzilərinə görə isə, burada allahın təbiətdə hər yerdə tövhid üçün nişan qoyması təsvir edilir. Yəni, məhəmməd ibn abdullah, "dünyaya gəldiyin andan ətrafındakı hər bir cism allahın varlığına nişanədir" kimi simvolik ifadə verib.

əmir əl-möminin

ərəb dilində möminlərin əmiri, hökmdarı, lideri mənasına gələn müsəlman torpaqlarında hərbi və fiqhi lideri seçmək üçün istifadə olunan ifadə.

Nisa surəsi 59-cu ayədə belə deyilir: "Ey iman gətirənlər! Allaha və Elçisinə itaət edin, həm də özünüzdən olan rəhbərlərə şəriətə uyğun şəkildə itaət edin. Əgər bir şey haqqında mübahisə etsəniz, Allaha və Axirət gününə inanırsınızsa, Allaha və Onun Elçisinə müraciət edin. Bu, sizin üçün daha xeyirli və nəticə etibarilə daha yaxşıdır."
Bu ayədən yola çıxaraq ömər ibn xəttab özünü əmir əl-möminin adlandırır. Bəzi tarixçilərə görə, əmir əl-möminin məfhumunun ortaya çıxması yeni yaranan islam dövlətinin mərkəzləşdirilməsində böyük rol oynamışdır, çünki əmir əl-möminin mərkəzi səlahiyyətə xitab edir. Onun vəzifələri, əsasən, idarəediciləri təyin etmək, major siyasi qərarlar almaq və hərbi qəniməti alacaq olan müsəlmanların siyahısını * divan tutmaq idi.

Əhli sünnə inancına görə, bu titul müsəlman cəmiyyətlərə başçılıq etmiş bütün liderlərə şamil olunur: əməvilər, abbasilər, fatimilər.

Əhli şiə inancına əsasən, bu titul yalnız və yalnız birinci imam sayılan əli ibn əbu talibə şamil edilə bilər. Müsəlmanların həqiqi əmiri məhz odur.

ismaililərə görə, bu titul dövrün imamına şamil edilir. Məsələn, əli ibn əbu talibin imamət periodunda əli, həsən ibn əlinin imamət dövründə həsən və s. kimi.

Hal-hazırda isə, Mərakeş konstitusiyasına əsasən Mərakeş kralı əmir əl-möminin titulunu daşıyır. Talibanın lideri də, həmçinin, eyni titulu daşımaqdadır.

islami feminizm

həmçinin, 1 kişiyə 4 arvadın icazəli olması hökmündən xəbəri olan cərəyandır. bu barədə islami feminizmin daxilində bir çox yanaşma var: bəziləri qarşı çıxır, bəziləri isə müəyyən kontekstdə qəbul edir. Əksəriyyətinə görə, islamdakı çoxevlilik islam öncəsi evlilik sayını azaltmaq məqsədilə icazəli edilib. islamdan öncə işğalçılar hərəmxanalar vasitəsilə bir çox qadınla eyni anda evli olur və onlara hörmət etmədən davranırdılar. Lakin, islam kişinin həyat yoldaşlarına qarşı bərabər davranacağı təqdirdə 4 evliliyə icazə verdi. * ironically, muhammədin 13 həyat yoldaşı olub Müsəlman feministlərə görə, əgər bir kişi romantik, seksual və maddi cəhətdən hər bir həyat yoldaşına qarşı bərabər şəkildə davrana biləcəksə bu icazəlidir. Onlara əsasən, islamda çoxevlilik həm də atasız uşaqların qayğısına qalmaq üçün icazəli idi. Yəni, çoxevlilik xeyirxah işlər üçün də icazəlidir.

islami feminizm

islami paradiqma daxilində tətbiq olunan feminist praktikalar və diskurslar.

islami feministlər arqumentlərini Qurana əsaslandıraraq qadın və kişilərin mütləq bərabərliyini təbliğ edirlər. Onlar hermenevtik cəhətdən Quran yazılarını feminist perspektivindən təfsir və analiz edirlər. Lakin, onlar islam dini və islam dininin doktrinalarında reform etmək məqsədi güdmürlər; sekulyar cəmiyyət daxilində gender bərabərliyini dəstəkləyirlər. Onların islam və islam doktrinasında reform etməmələrin səbəbi onların Quranın gender bərabərliyinə qarşı olmadığına olan inanclarıdır.

19-cu əsrdən etibarən müsəlmanlar Şəriət hökmlərinin qadınlar üzərində bağlanma, təhsil, məhdudlaşdırma, çoxevlilik kimi qatı qanunların legitimliyini sorğulamağa başladılar. Bu sosial məsələlərə qarşılıq olaraq müsəlman qadınlar leqal dəyişikliklərə dəstək verməyə, qızlar üçün məktəb təsis etməyə, hicablanma və çoxevliliyə qarşı çıxmağa başladılar. Fatimə Mernissiyə əsasən, "sakit və itaətkar" kimi təsvir olunan ideal müsəlman qadın obrazının islamın çatdırmaq istədiyi mesaj ilə heç bir aidiyyatı yoxdur. Fatiməyə görə, mühafizəkar müsəlmanlar patriarxal sistemlərini qorumaq üçün dini mətnləri manipulyasiya edir və qadlnları seksual azadlıqlarından məhrum edərək hicaba məcbur edir və qatı məhdudiyyətlər qoyurlar.

Quranın bu barədə bəyanları barədə:

Nisa surəsi, 1-ci ayə: "Ey insanlar! Sizi tək bir candan xəlq edən, onun özündən zövcəsini yaradan və onlardan da bir çox kişi və qadın törədib yer üzünə yayan Rəbbinizdən qorxun! Adı ilə bir-birinizdən cürbəcür şeylər istədiyiniz Allahdan və qohumluq əlaqələrini kəsməkdən çəkinin! Həqiqətən, Allah sizə nəzarət edir."

Allah qadın və kişiləri bərabər yaratdı. Onlar bir candan və eyni spiritual özdən, heç biri digərindən üstün olmayaraq yaratdı.

Ali-imran surəsi, 195-ci ayə: "Rəbbi də onların dualarını qəbul edərək cavab verdi: “istər kişi, istərsə də qadın olsun, Mən heç birinizin əməlini puça çıxarmaram. Siz (hamınız) bir-birinizdənsiniz (dində kişi, qadın eynidir). Hicrət edənlərin (Məkkədən Mədinəyə öz dinini qorumaq məqsədilə köçənlərin, öz yurdlarından çıxarılanların, Mənim yolumda əziyyətə düçar olanların, vuruşanların və öldürülənlərin günahlarının üstünü Allahdan bir mükafat olaraq, əlbəttə, örtəcək və onları (ağacları) altından çaylar axan cənnətlərə daxil edəcəyəm. Ən yaxşı mükafat Allah yanındadır!”

Müsəlman feministlər arasında hicab məsələsinə yanaşma birmənalı deyil. Sufi qruplarından olan Əl-Ahbaşilər hicabı məcburi olaraq qəbul etmirlər. Lakin mainstream müsəlman feministlərin çoxu hicabı müsəlman qadının "azadlığı" kimi gördüyünə görə məcburi hesab edir.

Müsəlman Feminist Amaraya görə "Hicab ənənə deyil, arxaikdir."

yazarların ən sevdiyi yazarlar

ən sevdiyi yazarlar deməyək, yazılarını maraqla oxuduğum, çox şey öyrəndiyim, düşündürməyə və çalışmağa sövq edən yazıları olan , Möfhumi fikirləri məharətlə istehsal edib yazıya tökən yazarlar:
(bax: dasein)

həyatın nə qədər cındır olduğunun anlaşıldığı anlar

sən öz əzab-əziyyətinlə, imtahandan 24 saat öncə ərzində 10 dəqiqə yuxu yataraq gedib 1400 yığarsan, ancaq ana-ata pulu ilə imtahanın suallarını alıb, cavabları əzbərləyən gedər 1550 yığar. bir insan nə qədər şərəfsiz, namussuz * nə qədər də var olan şərəf, namus anlayışım olmasa da və olmasına inanmasam da həmin insanlara ən pis sözləri lütf edirəm olar ki, başa düşməsin ki bunun adı imtahandır və imtahan öz təbiəti etibarilə insanların biliyini ölçür, cavabları əzbərləmə gücünü yox. əsas nöqsan sualları əzbərləyən tələbələrdə deyil, əsas nöqsan sualları satan məktəb nümayəndəlikləri və kurs müəllimləridir.
ingilis dili dil və ədəbiyyatı fakültəsində oxuyan ingiltərəli bir qız * demək istəyirəm ki nativedir imtahandan 1340 bal yığıb:

(youtube: )

(youtube: )