fövqəladə vəziyyət

dövlətin təbii fəlakətlər, epidemiyalar, epizootiyalar, böyük ekoloji və başqa qəzalar baş verdikdə, dövlətin ərazi bütövlüyünün pozulmasına, dövlətə qarşı qiyama və ya dövlət çevrilişinə yönəldilən hərəkətlər edildikdə, zorakılıqla müşayiət olunan kütləvi iğtişaşlar yarandıqda, vətəndaşların həyatı və təhlükəsizliyi yaxud dövlət təsisatlarının normal fəaliyyəti üçün qorxu törədən digər münaqişələr meydana gəldikdə tətbiq etdiyi vəziyyət.

mənbə:
AZƏRBAYCAN RESPUBLiKASININ KONSTiTUSiYASI

teymur mustafayev

cavanlığında olduqca şaqraq və iti zəngulələr vura bilən səsə malik xanəndə. müəllimlərindən biri müasir azərbaycan şifahi muğam məktəbinin görkəmli ustadlarından seyid şuşinski olmuşdur. ən məşhur ifalarından biri nəzakət məmmədova ilə birlikdə ifa etdiyi çahargah təsnifi - "ay qız"-dır. bundan əlavə " sən-sən" və " apardı sellər saranı" məşhur ifaları arasındadır.

ay qız

(youtube: )

(youtube: )

(youtube: )

la boheme

fransız müğənni charles aznavour tərəfindən ifa olunmuş, olduqca gözəl musiqiyə sahib şanson janrında mahnı. aznavourun və bütövlükdə fransız dilli mahnıların ən məşhurlarından biridir. mahnının sözləri yaşlı bir rəssamın gənc olduğu zamanlarda yoxsul ancaq, xoşbəxt olduğu anlarını xatırlaması barədədir. eyni zamanda alman, italyan, ingilis, portuqal, ispan versiyaları da mövcuddur.

(youtube: )

6 mart 1992 ayaz mütəllibovun istefası

azərbaycan xalq cəbhəsinin 26 fevral xocalı qətliamını bəhanə gətirərək dövrün azərbaycan prezidenti ayaz mütəllibova təzyiqi nəticəsində, mütəllibovun prezidentlik səlahiyyətlərini müvəqqəti olaraq dayandırması. (bir sıra mənbələrdə istefa olaraq qeyd olunur) cəbhəçilər 1992-ci ilin fevralın əvvəllərindən keçirdiyi iclasda, mütəllibovun könüllü surətdə vəzifəsindən getməsə, silahlı yolla da olsa ona qarşı çevriliş edəcəklərini artıq bəyan etmişdilər. ancaq baş tutacaq olan istefadan bir neçə gün əvvəl, bu qətliamın baş verməsi və çingiz mustafayevin lentə aldığı görüntülərin ali sovetdə nümayiş etdirilməsinin qəbul edilməsiylə, mütəllibovun nüfuzu daha da zəiflədi və bundan istifadə edən cəbhəçilər ali sovetdə "istefa! istefa!" çağırışları ilə çığırışmağa başladılar. (guya, bütün problemlərin kökü mütəllibovdur, o getsə, hər şey həll olunacaq. hansı ki, mütəllibovun dövründə dağlıq qarabağ rus qoşunlarının köməyilə də olsa, tam şəkildə azərbaycanın nəzarəti altında idi. cəbhəçilərin hakimiyyəti ələ keçirməyə çalışdıqları müddət və hakimiyyətdə olduqları 1 il ərzində şuşa, laçın, xocavənd, kəlbəcər itirildi.) lakin, bütün bunlara baxmayaraq mütəllibovun istefa etmədiyini görən cəbhəçilər fəzail ağamalının təşkilatçılığı ilə aralarındakıların böyük bir qismi deyilənlərə görə, "muzdlu" olan təxminən 300-ə yaxın qadın (thomas goltzın yazdıqlarına əsasən, bir hissəsi xanım xəlilovanın rəhbərlik etdiyi azərbaycan qadın hüquqları assosiasiyasının üzvləri idi) gəlib və ya gətirilib ali sovetin önünə yığışdılar ki, guya bütövlükdə, xalq mütəllibovun istefasını tələb edir. bu qadınlar vəhşi bir şəkildə parlamentin qapı və pəncərələrini döyərək mütəllibovun istefasını tələb edirdi. həmin qaragüruh martın 4-dən 6-a kimi ali sovetin önündə gecə-gündüz keşik çəkdi. artıq mütəllibova loyal Deputatlar da öz dəstəklərini bildirmədən səssiz-səmirsiz otururdular. bütün bu hadisələrin fonunda araz əlizadə mütəllibova fövqəladə halın elan edilməsini, 6 ay müddətinə bütün siyasi partiyaların fəaliyyətinin və ali sovetin səlahiyyətlərinin dayandırılmasını təklif etdi. qətiyyətsiz mütəllibov bu fikri qəbul etmədi. halbuki, parlamentin arxasında 4-cü orduya tabe rus qarnizonunun əsgərləri vəziyyət alaraq, mütəllibovdan kütlənin dağıdılması üçün əmr gözləyirdi. ancaq əmrin gəlmədiyini görən qarnizon artıq 6 mart gecəsi öz hərbi kazarmalarına geri çəkildi. Kütlənin geri çəkilmədiyini görən deputatlar isə gecəni ali sovetdə keçirdi və həmin bu xırda kütlə isə prezidentə ultimatum göndərərək, onun günortaya kimi istefa verməli olduğunu bildirdi. bunun qarşılığında mütəllibov sabaha kimi düşünmək üçün vaxt tələb etdi. Bu vaxt ərzində onun yanına bir sıra "xalq" deputatları və bir sıra insanlar bəxtiyar vahabzadə, ismayıl şıxlı, allahşükür paşazadə və sonuncu olaraq rəhim qazıyev daxil olaraq, ayrı yolun olmadığını bildirərək, mütləq şəkildə istefa verməli olduğunu məsləhət verirdilər. növbəti sessiyada, goltzın təsvirinə istinadən, solğun və ruh kimi görünən mütəllibov, mikrofona gilyotinə baxarcasına üz tutaraq səssizliyin təmin edilməsini xahiş etdi və dodaqları titrəyə-titrəyə istefa verdi. beləliklə, ayaz niyazi oğlu mütəllibov 10 000 rubl aylıq maaş, ona təmin olunan maşın, ev və 10 adamlıq mühafizə xidməti ilə əbədiyyətə kimi tarixin qaranlıq səhifələrinə qovuşdu.

ali sovetin şüşələrini sındıraraq istefa tələb edən "xalq" - 300 adamlıq muzdlu qadınlardan ibarət dəstə:

(youtube: )

(youtube: )

ordan-burdan

üzeyir hacıbəyovun ordan-burdan rubrikası altında müxtəlif qəzet və jurnallarda çap etdirdiyi kiçik həcmli felyetonlarının əsasında quruluşçu rejissorlar Zəminə və Fuad Hacıyev tərəfindən yazılmış libretto və əsasında 1987-ci ildə çəkilmiş tamaşa. deyilənlərə əsasən, tamaşadakı cahangir novruzov tərəfindən unudulmaz, mükəmməl şəkildə canlandırılan və dumaya duptat (baxma: deputat) olmaq istəyən salman bəy tipajı hacı zeynalabdin tağıyevi simvolizə edir. Salman bəyin həmid ilə dialoqundan: -*

-hörmətli salman bəy, dövlət dumasına deputat seçilmək fikri sizdə haradan doğuldu?

hardan yox, kimnən. bizim bu bayram doxdurdan. günlərin bir günü gəldi mənə dedi ki, salman bəy, nə oturmusan! sənin vaxtun çoxdan gəlib çatıb. soruşdu ki,- "pulun var?" - dedim var. "uruscanı bilirsən?" - dedim sənə öyrədim. "rəqs oynamağı bacarırsan?" - müəllimi gördü, itdi, getdi. "içki içmək necə? onu bacarırsan?" - dedim ala ləgənnən. sonra dedi - "o nitq söyləməkdü, zaddu?" - onu dedim öyrənərik ki, dünən başlamışıq. adə əsas puldu! pul olsun! pul! öz canım üçün, həmid! kimə nə qədər lazumdü, o qədər də vərmüşəm! belə artığlamasıynan, ha! başa düşdün?! pul elə şeydi ki, həmid, adamı inteligent eliyir! inteligent!

-çox gözəl!

mənə bax, sən orda nə yazırsan?! adə onu yazma! mən buları sənə öz uşağımızsan, ona görə deyirəm, ha. adam hər xırda-mırda şeyi yazmaz. yazmaginən! sən hələ şeyləri yazma! əyipdi!

-hörmətli salman bəy! siz mənim xətrimə dəyirsiniz. mən bilmirəm nəyi yazmaq olar, nəyi yox?

həmid, əgər sən bilseydün ki, mən necə o zad olmaq istəyirəm... duptat!

-deputat.

mənim arzum həmid, o feterburgə getməkdür...

-peterburq.

gedüb o kübar cəmiyyətin zadı olmaq.... nədiy o.... üzvü olmaq, sobstvennik dom...

-sobstvenniy

sobstvenniy əkipaj üzvü...

-ekipaj

sora qubernatkədü, sora islujankədü...

-qeubernaka, savirşenıy.

hə da, firəngd dili. o nə deyirdi? gəlmişdi biri, kos-kosa...

-kös köse.

rəqsdər, musiqi... mən nə bilim?! onnan sorasindaki barişnələr! bəh! bəh! hələ qəzetdəri demirəm, bınnan.

-foto

altında da bələnçiginə, bələnçiginə hərflərlə adım: Salman bəy Məhəmməd oğlu. adə hamı mənə hörmət edəcək! hamı qabağımda mil duracaq, həmid! özümdə oturacagəm dupxanada duptat kimi! hamısı da qulaq asacaq! o biri klasnılar danışacaq, mən qulaq asacam. adə, hərif zad deyiləm ki, mən burda çıxış eliyim?! pul da ki fantan kimi dalı gəlir.

(baxma: Arvad-zad görməmisən?)
(baxma: Bu duptatlıq adama laaap ləzzət eləyir)
(baxma: Mne eto nado?)
(baxma: Karandaş - yəni qara daş?)

(youtube: )

yaqub məmmədov

azərbaycan tibb universitetinin sabiq rektoru. rüşvəti ancaq dollar olaraq qəbul etdiyinə görə xalq arasında ləqəbi "dollar yaqub" idi. 26 fevral xocalı qətliamındən sonra cəbhəçilərlə mütəllibovun dəstəsi arasında yaranmış konfliktlə əlaqədar olaraq, hər iki tərəfin də razılığı ilə növbəti prezident seçkilərinədək prezident səlahiyyətlərinin müvəqqəti icraçısı seçilmişdir. milli məclisdə ələmşah məmmədovun çıxışından sonra söylədiyi fraza - "Biz böyük oyunun kiçik peşkalarıyıq" ölkədəki vəziyyəti aşkar şəkildə ifşa etmişdir.

elçibəy

əbülfəz əliyevin rəsulzadə soyadını rəsul-elçi, zadə-bəy şəklində modifikasiya edərək özünə seçmiş olduğu təxəllüs.

Dün * dünən sayə * kölgə saldı başimə bir sərvi-sərbülənd * sərv ağacı kimi ucaboy bir şəxs
Kim, qəddi * boy-buxun dilrüba * ürəyi cəzb edən idi, rəftarı dilpəsənd. * ürəyəyatan
Göftarə gəldi * danışmağa başladı nagəh * birdən-birə açıb lə’li-nuşixənd, * ləl, daş-qaş kimi gözəl xoş bir gülüş
Bir püstə * püstə ağacının meyvələrinə bənzəyən ağız gördüm onda tökər rizə-rizə * tikə-tikə, parça-parça qənd...

firudin cəlilov

elçibəy dövrünün təhsil naziri.

--sitat--

amma nietzsche o zərdüştün tarixini bilmir, bu kimdi onu bilmir... əslində zərdüşt maşennikin biri olub.

--sitat--


(bax: ancaq lsd təsiri altında deyilə biləcək sitatlar)

rafiq əliyev

anarın " şəhərin yay günləri" pyesi əsasında çəkilmiş imtahan filmində firuz dayı rolunu canlandırmış aktyor. firuz dayı küll azərbaycanda yeganə adam idi ki, şekspiri başdan-ayağa əzbərdən oxuyurdu, ingiliscə ha !

dağlıq qarabağ problemi

Yalnız sülh danışıqları çərçivəsində həll olunmasını vacib gördüyüm problem. Ümumiyyətlə, hər hansı bir torpaq parçasının uğrunda, hər hansı bir insanın barmağının qanaması belə, olduqca gərəksiz, cəfəng, boş və mənasızdır. ölüm ancaq, daha ülvi və ali məqsədlər uğruna (individualın öz iradəsi daxilində) edilməyə dəyə bilər... sovet diplomatı andrey qromıkonun * andrei gromyko da dediyi kimi: "10 illik diplomatik danışıqlar, 1 günlük müharibədən daha yaxşıdır."

Richard Feynman

"doğru və ya yanlış olduğunu bilməsəm də, atamın mənə fizikadan başqa öyrətdiyi şeylərdən biri də hörmətsizlik idi...bəzi şeylərə qarşı. Məsələn, mən uşaq olanda... o, mənimlə qarşı-qarşıya diz üstə oturardı... papa və onun önündə baş əyən insanların şəklini açıb göstərərdi. Və deyərdi, "bu insanlara bax. Bir adam dayanır və digərləri onun önündə baş əyir. Papayla bu insanlar arasındakı fərq nədir? Biri papadır" - o, istənilən halda papaya nifrət edərdi və deyərdi - "fərq paqonlarındadır." - əlbəttə, papanın timsalında yox, ümumiyətlə bu fərq forma, vəzifə ilə əlaqədardır, - "lakin onun da insani problemləri mövcuddur, o da hamı kimi nahar edir, o da tualetə gedir, onun da digər hamı kimi problemləri var, o da insandır. nə üçün o insanların hamısı ona baş əyir? sadəcə onun adına və vəzifəsinə görə, onun formasına görə. qeyri-adi bir şey etdiyinə görə və ya şəxsiyyətinə görə və ya başqa bir şeyə görə yox." o, yeri gəlmişkən, forma biznesi ilə məşğul olurdu. ona görə də o, formalı və formasız adam arasında fərqin nə olduğunu bilirdi; onlar eyni insanlar idi onun üçün..."


mənbə:
The Pleasure of Finding Things Out, epaulettes and the pope

khael

ən üstün hüquqi qüvvəyə malik, ən ali qanun - konstitusiyanın 33-cü maddəsində yazılanlara * Mənzil toxunulmazlığı hüququ ondan daha aşağı hüquqi qüvvəyə malik qanun - " mənzil məcəlləsi"-dən bir maddə ilə əks-arqument gətirməyin absurdluğunu dərk etməyən yazar.

qeyd. konstitusiyanın 147-ci maddəsinə * Azərbaycan Respublikasının Konstitusiyasının hüquqi
qüvvəsi əsasən, o, ən yüksək hüquqi qüvvəyə malik qanundur və 149-cu maddəsinin * Normativ hüquqi aktlar 3-cü bəndinə əsasən, heç bir qanun konstitusiya ilə ziddiyyət təşkil etməməlidir. Baş verdiyi təqdirdə, konstitusiyada yazılanlar əsas götürülür. Əks-arqument olaraq elə, ilk öncə 33-cü maddənin II bəndini gətirə bilərdi. * Qanunla müəyyən edilmiş hallar və ya məhkəmə qərarı istisna olmaqla, mənzildə yaşayanların iradəsi ziddinə heç kəs mənzilə daxil ola bilməz.

şəxsi həyatın toxunulmazlığını pozma

qeyd. "7 iyun 2020 yasamal sakinlərinin zibil atmaqla polisə etirazı" hadisələrində şəxsi mənzilə vətəndaşın iradəsinə zidd, məhkəmə qərarı olmadan və daxil olma səbəbləri açıqlanmadan daxil olan vəzifəli şəxslər - polis əməkdaşları tərəfindən qarşı tərəfin razılığı olmadan video çəkiliş aparılaraq və həmin video çəkiliş materialları yayılaraq, kobud şəkildə pozulmuşdur. Ən qatı cinayətkarın belə, şəxsiyyəti toxunulmazdır.

AZƏRBAYCAN RESPUBLiKASININ CiNAYƏT MƏCƏLLƏSinin 156-cı maddəsi.

--sitat--

156.1. Şəxsi və ailə həyatının sirri olan məlumatların, belə məlumatları əks etdirən sənədlərin, video və foto çəkilişi materiallarının, səs yazılarının yayılması, habelə satılması və ya başqasına verilməsi qanunsuz toplanılması -

min manatdan iki min manatadək miqdarda cərimə və ya iki yüz qırx saatdan dörd yüz səksən saatadək ictimai işlər və ya bir ilədək müddətə islah işləri ilə cəzalandırılır.

156.2. Eyni əməllər:

156.2.1. vəzifəli şəxs tərəfindən öz qulluq mövqeyindən istifadə etməklə törədildikdə;

156.2.2. məsafədən idarə edilən pilotsuz uçan aparatlardan istifadə etməklə törədildikdə –

üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ilədək müddətə azadlığın məhdudlaşdırılması və ya iki ilədək müddətə azadlıqdan məhrum etmə ilə cəzalandırılır.

--sitat--

polis

qeyd. "7 iyun 2020 yasamal sakinlərinin zibil atmaqla polisə etirazı" hadisələrində polis əməkdaşları yaşayış yerinə daxil olmazdan əvvəl yerinə yetirməli olduğu vəzifələrinə aid tələblərin 2, 3, 4, 7-ci bəndlərini pozmuşdur. (ictimaiyyətə məlum olan qədərilə)


məhkəmə qərarı olmadıqda ancaq aşağıdakı hallarda mənzilə daxil ola bilən dövlət qulluqçusu.

--sitat--

Hakimin qərarı olmadan polis əməkdaşı yaşayış yerinə orada yaşayanların iradəsi ziddinə aşağıdakı əsaslardan birinin olması barədə dəqiq məlumatı olduğu halda bu Qanunun 25-ci maddəsində müəyyən edilmiş qaydada daxil olur:

1) şəxsiyyət və ya dövlət hakimiyyəti əleyhinə cinayətin törədilməsinə və ya həmin cinayətin törədilməsinə hazırlığın aparılmasına dəlalət edən əşya və ya sənədlərin yaşayış yerində gizlədilməsi;

2) şəxsiyyət və ya dövlət hakimiyyəti əleyhinə cinayəti hazırlayan, törədən, törətmiş, azadlıqdan məhrum etmə və ya həbs yerlərindən, yaxud mühafizə altından qaçmış şəxsin yaşayış yerində gizlənməsi;

3) yaşayış yerində insan meyitinin (meyit hissələrinin) olması;

4) yaşayış yerində insanın həyat və ya səhhəti üçün real təhlükənin olması;

5) cinayət törətmiş şəxsin bilavasitə “isti izlərlə” təqib edilməsi.

--sitat--


eyni zamanda bunlar da bu zaman yerinə yetirməli olduğu vəzifələridir:

--sitat--

1) Bu Qanunun 24-cü maddəsinin I və II hissələrində göstərilmiş hallar və əsaslar olmadan yaşayış yerinə orada yaşayanların iradəsi ziddinə əsassız daxil olmamalıdır;

2 ) yaşayış yerinə daxil olmazdan əvvəl orada yaşayan və ya müvəqqəti qalan başqa şəxsə yaşayış yerinə daxilolmanın əsaslarını bildirməlidir;

3) yaşayış yerinə daxilolma ilə əlaqədar yaşayış yerində yaşayan şəxsə onun hüquqlarını, həmin şəxs yaşayış yerinə daxil olmağa icazə vermədikdə isə onun qanuna zidd hərəkət etdiyini izah etməlidir;

4) yaşayış yerinə orada yaşayanların iradəsi ziddinə daxilolma zamanı zəruri müdafiə və ya son zərurət halları istisna olmaqla, təhlükəsiz üsul və vasitələrdən istifadə etməli, yaşayış yerində olan şəxslərin şərəf və ləyaqətinə, həyatı və sağlamlığına, mülkiyyətinə hörmətlə yanaşmalı, zərurət olmadan zərər vurulmasına yol verməməlidir;

5) yaşayış yerinə orada yaşayanların iradəsi ziddinə daxilolma faktını Azərbaycan Respublikasının qanunları ilə müəyyənləşdirilmiş qaydada təxirəsalınmadan protokollaşdırmalı və müvafiq polis orqanında qeydiyyatdan keçirməlidir;

6) mənzilə orada yaşayanların iradəsi ziddinə hər bir daxilolma faktı barəsində 24 saat ərzində hakimə yazılı məlumat verməlidir;

7) yaşayış yerinə daxilolma ilə əlaqədar yaşayış yerində yaşayanların şəxsi və ailə həyatının ona məlum olmuş hallarını açıqlamamalıdır.

--sitat--

mənbə:
Polis haqqında AZƏRBAYCAN RESPUBLiKASININ QANUNU

vyana çevrəsi

1924-1936-cı illərdə bir qrup filosof, alim və riyaziyyatçının elmin dilini və metodologiyasını araşdırmaq üçün Vyana universitetində təşkil etdiyi görüşlər. Buraxdığı təsirlər Vyana məktəbi olaraq adlanır.  Vyana çevrəsi çox vaxt məntiqi pozitivizm, məntiqi amprisizm, neopozitivizm fəlsəfi cərəyanları ilə əlaqələndirilib. Baxmayaraq ki, çevrənin üzvlərinin bir-birlərilə razılaşmadığı fikirlər, ziddiyyətli məqamları olub, ancaq onların müzakirələrində əsas razılaşdıqları və müdafiə etdikləri mövzulardan biri verifikasiya prinsipidir. Bu prinsipə görə irəli sürülən təklifin mənalı olub-olmaması ancaq təcrübə ilə təyin oluna bilər.Buna görə də estetikanın, dinin, etikanın, metafizikanın təklifləri cəfəngiyyatdır. Digər mövzu amprisizmin müasir məntiq qanunları ilə müasirləşdirilməsi idi.Üçüncü mövzu isə birləşmiş elm təlimi ( unified science doctrine) idi. Bu təlimə görə Təbiət elmləri ilə ictimai elmlər arasındakı fərq ortadan qalxmalıydı. Yəni hamısı ümumi şəkildə elm adı altında birləşməli və eyni prinsiplərə tabe olmalı idi.

Üzvləri arasında Rudolf Karnap, Felix Kaufman, Kurt Gödel kimi şəxslər var idi. Ludwig Wittgenstein, Karl Popper, Alfred Tarski, Ernest Nagel də bəzən müzakirələrə qoşulurdu.

Vyana çevrəsini təşkil edən şəxslərin əksəriyyəti David Hilbertin, Bertrand Russelin, Albert Einsteinin, Gottlob Fregenin, Henri Puancarenin fikirlərindən bəhrələniblər.

qeyd. yazını daha əvvəllər yazmışdım. sadəcə başlığının adı düzgün olmadığına görə, silib yeni başlığa əlavə etdim.

mənbə:
https://plato.stanford.edu/entries/vienna-circle/
https://www.britannica.com/topic/Vienna-Circle
https://en.m.wikipedia.org/wiki/Vienna_Circle