kişilər üçün saç baxımı

bir az araşdırdım, gördüm demək olar hamısı öz məhsullarını reklam etmək üçün yazıları(reklamları) "erkek doğal saç bakımı" adı altında paylaşıblar. mənim fikrimcə isə bu barədə xeyli məlumat olmalıdı, çünki kişilərin tək kosmetikaları saçlarıdı. bu reklamlardan əlavə, həm də gördüm ki, kişilər üçün saça qulluq qadınlarınkından heç də fərqlənmir. ona görə kişilər üçün uyğun gördüklərimi yazıram.
başlayıram şampundan. şampun alanda tərkibinə və saçınızın materialına uyğun olmasına xüsusi fikir vermək lazımdı. tərkibində məni ən narahat edən sulfatdı. nədir bu sulfat? aldığınız şampunun tərkibinə baxsaz, SLS, SLES, ALS, ALES abriviaturalarını yaxud ən təhlükəli variant - laureth sulfate natrium yazılarını görə bilərsiz. sulfatlı şampunlar saçları çoox yaxşı təmizləyir və köpüklənir, düzdü, amma saçımıza zərər vurmadan da keçmir. saçımızı qurudur, codlaşdırır, tökür, baş dərisini iltihablaşdırır, saçları nazikləşdirir, saçqıran yaradır və s. və i.a. bu dəqiqə vitrində bəlkə də 10 şampundan 9-u sulfatlı şampundu, hətta uşaq şampunlarında belə. amma siz çalışın yenə də o 1-indən yapışın əgər saçınıza o qədər dəyər verirsinizsə. ömrümdə 2-3 dəfə cəhd etmişəm sulfatsız, təbii tərkibli şampuna keçməyə, hamısında da atmışam. niyə? çünki sulfatsız şampuna keçəndə ilk başlar saçlar yuyulanda pis köpüklənir, daramaq bildiyin əziyyətli olur, saçlar həcmsizləşir, tutqunlaşır və s. və mənim səbrim çatmır 4-5 yumanı gözləməyə. siz mənim kimi olmuyun. saç şampuna öyrəşəndən sonrahamısı düzəlir. düzəlməsə də şampundan əl çəkməyin. balzam və kondisioner alıb istifadə edin saçlarınız olacaq yup-yumuşaq. əgər siz də sulfatsız şampuna keçə bilməyəcəksizsə, onda bu 1-2 şeyə diqqətlə yanaşın: şampunu başınızda maximum 5 dəqiqə saxlayın, norması 3-4 dəqiqədir. çox yaxşı yaxalayın saçları, şampundan max dərəcədə təmizlənsin. bir də yenə balzam və kondisionerlərdən istifadə edin. satıcıdan filan şey üçün balzam və kondisioner istəyəndə gedir yapışır ən bahalı, sırf sulfatı neytrallaşdıran məhsullardan, aldanmayın. hər iksin sınamışam, ciddi fərq olmur aralarında. orta qiymətli məhsullar kifayət qədər bizə lazım olan işi yaxşı görür.
sonraa, bunu əsasən uzun saçlı oğlanlara özəl yazıram. saçınız yağlıdısa və çiməndən sonra bükürsünüzsə qəti şəkildə bükməyin. o dəsmal saçlara sauna effekti verir, isti buxarı daha da saçımızın diblərinə tıxır və yağ vəzilərindən, yəni hər saç kökündən sebium (yağ) ifraz olunmağa başlayır ki, bu da daha da yağlandırır saçı. heç saçlarınızı dəsmalla qurulamayın da. bu da zədələyir, həm də saçlar dibindən sıxılır deyə tökülməyə meyillənir və tökülür. əvəzinə dəsmalla tampon hərəkətlərlə, dəsmalı əlimizdə saçla bir yerdə qabağa-arxaya hərəkət etdirməyərək yüngülvari qurulayın. istəsəz sonra başınıza mayka, t-shirt kimi yüngül və nazik nələrisə keçirə bilərsiz, saçları sıxmamaq şərti ilə.
saçlarınızın sağlam, möhkəm, parlaq olması üçün evdə istifadə etdiyimiz zeytun yağını qızdırıb saçlarınıza çəkin, 1 saat qalsın sonra yuyun. saçlarınız codlaşmış, rəngsizləşmişdisə, badam yağını əlinizə sürtüb sonra nəm saçlarınıza vurun. 10 dəqiqə qalandan sonra yaxalayın. istəyə görə badam yağını əzilmiş bananla da qarışdırıb elə istifadə edə bilərsiz. başqa deyəcəklərim yoxdu. #301256 da da xeyirli məsləhətlər yazılıb, amma mən yerinizdə olsam süni saç qıvrılmasından uzaq qaçardım. özəlliklə də saçımı təbii yollarla sağlam hala gətirmək istəyirəmsə. mus, lak, jele-mele hamısı saçlara xeyli ziyan vuracaq şeylərdi. yox, 1 günlük filan deyirsinizsə o ayrı, öz işiniz. amma belə hər gün istifadədən sonra saçların nə qədər heyif olduğunu hiss edəcəksiz. bir də atam gözümüaçandan saçına yumurta qoydurur. çalınmış yumurtanı fırçayla çəkir başına. 52 yaşı var, saçlarında 1 qram tökülmə yoxdu və çox gur, parlaq saçları var. mən sarını ayırmağınızı tövsiyyə edərdim, həm daha az oxşuyur seliyə, rahat yuyulur, həm də yumurtanın ağı maska kimi daha faydalıdı.
dipnot: kişilər üçün saç baxımı mövzusu haqqında məlumat azlığımızın səbəbini tələb və təminatda görürəm. məncə elə azərbaycanda saçlarına qulluq edən siravi kişi vətəndaş çoox azdı.
(baxma: arvad zadam saçıma şey-şüy sürtüm)
not: #301263-də də bəzi şeylər məndəkiylə üst-üstə düşür. entryni 1 saatdan çoxdu yazıram deyə görməmişəm, day silmirəm, qalsın

unudulmaz uşaqlıq xatirələri

uşaqlıq şəkillərimə baxıb gəldim sənlə danışmağa, sözlük.
məndən 4 yaş böyük və həmişə yaşıdı olan bacımı döyüb ağladan bibimqızı mən doğulandan sonra bacıma qarşı ağıllanmağa başlayıbmış. səbəb? səbəb məndən qorxmağı imiş. üzümdən o qədər cinlik tökülürmüş və səsim o qədər ciy-ciy imiş ki, mənim yanımda bacıma nəsə edə bilmirmiş. məndən uzaq olanda da bacım mənlə hədələyirmiş onu. çox gülməlidi, kaş uşaqlığımı canlı görə biləydim. nəysə, dünyaya bacımın qəhrəmanı olaraq gəlmişəm, halal olsun. bu uşağın yaşı artdıqca, dəcəlliyi də həndəsi silsilə ilə artırdı. hər il daha daha çox dəcəlləşirdim və evin balacasıyam deyə mənə heç nə demirdilər. təbii ki, anam gəşəngcə döyürdü, amma ondan qaçmağın da yolu var idi. nənə! deməli,
məndən ~4 yaş böyük bacım məktəbə başlayanda 2 yaşlı məni də başlarından eləmək üçün göndərdilər baxçaya. səbəb isə həddən artıq dəcəl olmağım, bacımın kitab-dəftərlərini cırıb dərs oxumağa qoymamağım idi. bu dəcəl qızın qorxduğu tək adam dayısı və baxça müəllimləri idi. onların qorxusundan az qala altıma batırırdım və istədiyim hoqqaları bəziyə bilmirdim. təbii ki bu da məni çox sıxırdı və 1 il sonra artıq bezdim. özlüyümdə başa düşürdüm ki, bu cəhənnəmdən qaçmağın bir yolu olmalıdı. baxçaya elə 12 ay gedirdik, daha doğrusu gedirdilər. plan qurmuşdum ki, hər may ayı gələndə özümü ağlıyıb öldürəcəm baxçaya getməmək üçün. o qədər bezdirdim, axırda anam razılaşdı, müəllimlə danışdı ki, yayda gələ bilməyəcək baxçaya. evdə də məni 1 həftə saxladılar, sonra göndərdilər kəndə. kənd də ki, kənd deyirəm e sizə. kənd deyil, cəhənnəm traileridi. aran zonasında olanlar bilər. şəhərdən qaçmaq mənim üçün şouşenkden qaçmaq kimi bir şey idi, çünki şəhər adamı deyildim, deyiləm. may ayı başlayanda mən kənddə olurdum, ta ki sentyabra qədər. uzuun və çoooox qısa 4 ay. həmin 4 ayda o qədər qaralırdım ki, izah edə bilmərəm. konkret olurdum zənci və kənddə də, şəhərdə də qaralığıma lağ eliyirdilər. heç birini vecimə almırdım, çünki qara olmağı sevirdim. o qədər qara olurdum ki, dayım mənə "gəl üzünü maşının təkərlərinə sürtüm, təkər qaralsın", ya da "get üzünü göy sabunla yu ağar" deyib lağ edirdi. özü elə də ağ deyildi və "get özünə bax e" deyib qaçırdım nənəmin yanına ki, dayı mənə heç nə deyə bilməsin. canım nənəm. nəysə, dayımdan, çox uzun idi və onu nağıllardakı uzun qorxulu canavarlara oxşatdığım üçün qorxurdum.
heyvanlara qarşı çox həssasam və həddən çox da vurğunam. hitler demiş, insanları tanıdıqca da heyvanları daha çox sevirəm. bu sevgim elə lap uşaqlıqdan gəlir. toyuğumun təzə cücələri olmuşdu və onlara az yem verirdilər, çox yeyib ölməsin deyə. mən bunu başa düşmürdüm, elə bilirdim cücələrin düşmənidilər, onları acından öldürmək, işgəncə vermək istəyirlər. dayım evdə ola-ola bu işə bir əncam çəkə bilməzdim, odur ki, dayımın hər gün çimdiyini fikirləşib, onun hamama getməsini gözlədim. o da gecəyarısı getdi bəxtimdən. yatmadım, dayım hamama gedən kimi mən də tualetə gedirəm adıyla düşdüm həyətə. girdim cücələrin damına. özüm boyda yem qazanı var idi və mən cücələri bu cənnət qazanına atacaqdım. qırt toyuqlar adama qartal kimi çox pis şığıyırlar, mən də şir ürəyi yeyib toyuğu tutub bağladım. yoxsa qoymayacaqdı balalarını götürməyə. beləliklə, 30-40 cücəni tutub atdım yem qazanının içinə, ağzını da yaxşıca kip bağladım ki, birdən mamaları çağırar, düşüb gedərlər, ya da səsləri gələr, evdəkilər gəlib çıxardar qazanın içindən. işimi tamamlamışdım və cücələrə cənnəti yaşatdığım üçün, doyunca yemək yeyəcəkləri üçün çox amma çoox xoşbəxt idim. bu etapdan xatasız-balasız qurtuldum getdim yatmağa. səhər də səs-küyə oyandım. cücələrin hamısı ölmüşdü. məni dəhşətin dəhşəti çox danladılar. ağlayırdım, danlaqlara görə yox, cücələrimi, doyunca yeyib tez böyüsünlər fikriylə qazana tıxdığım və daha tez öldüklərinə görə... r.i.p........

vitaminlər

vitamin sözünün (latınca vita-həyat) mənası "həyat amini" deməkdir. vitaminlər orqanizmin böyüməsində, inkişafında, bütün həyat fəaliyyətinin tənzimlənməsində, fizioloji və biokimyəvi proseslərdə iştirak edir. ola bilər vitamin orqanizmdə çox cüzi miqdarda sintez olunsun, amma orqanizmdə yaranmır. hal-hazırda elmə təxminən 50 vitamin məlumdur. bunlardan 20-si insanın həyat fəaliyyəti üçün zəruri hesab olunur. vitaminlər latın əlifbasının hərfləri ilə işarə olunur və onlardan bəziləri qruplar əmələ gətirir. vitaminlər: A, B, C, D, E və s. qruplar: məsələn B qrup vitaminləri. vitaminlər yağda və suda həll olmalarına görə 2 yerə ayrılır.
yağda həll olan vitaminlər. bura a, d, e və s. vitaminlər daxildie. a vitamini kimyəvi quruluşuna görə karotinə bənzəyir. karotin maddəsi də bitkilərdə, məsələn, qırmızı bibər, yerkökü, pomidor, ərikdə daha çox olur. kərə yağı, kürü, balıq yağı, yumurtanın sarısı kimi heyvan mənşəli qidalarda da kifayət qədər a vitamini mövcuddur. bu vitaminin günlük norması 1 milliqramdır və çatışmadıqda bağırsaqların, gözün buynuz qişasının və gecələr görmə qabiliyyətinin zəifləməsi baş verir. bu da toyuq korluğu adlanır.
d vitamini. antiraxit vitamini də deyilir. balıq yağında çox, yumurtanın sarısında, qaraciyərdə kufayət qədər saxlanılır. d vitamini bədənimizdə sümük yaranmasında, kalsium və fosfor mübadiləsində iştirak edir. bildiyimiz kimi bu vitaminin bir mənbəyi də ultrabənövşəyi şüalardır. əgər siz də mənim kimi karantinə ağ bayraq sallayıb barışmısızsa, üstəlik evdən çıxmayacaq dərəcədə öyrəşib və ərincəkləşmisinizsə, qolunuzu 3-5 dəqiqə günəşə verərək günlük d vitamini normasını - 0.01-0.02 milliqram qəbul edə bilərsiniz. karantindən virussuz çıxıb, payızda daha betərinə tutulmayaq. nəysə ki, bu vitaminin də çatışmazlığı nəticəsində kalsium və fosfor mqbadiləsi pozulur, uşaqlarda raxit adlanan xəstəlik yaranır.
E vitamininə gəlincə, bu da a və d vitaminləri kimi yumurtanın sarısında, balıq yağında və qataciyərdə mövcuddur. bunlardan əlavə, dənli bitkilərdə, almanın toxumundə və itburnu meyvəsində çox olur. e vitamini çoxalmaya təsir göstərir.
suda həll olan vitaminlər. bura b qrup vitaminləri və c vitamini daxildir. c vitamini daha geniş yayılmışdır. c vitamini, yəni askorbin turşusu. itburnunda, qara qarağatda, kökdə, limonda, kələmdə miqdarı xeyli çoxdur və günlük norması 50-78 milliqramdır. çatışmadıqda insanda kəskin sinqa (skorbut) xəstəliyi yaranır, infeksion xəstəliklərə, ətraf mühitin əlverişsiz şəraitinə qarşı müqavimət azalır, insan halsızlaşır, dişlərin dibindən qan sızması baş verir, dişlər laxlayır və tökülür, oynaqlar şişkinləşir. uzun müddət c vitamini qəbyl etməyən insan yaşaya bilmir.
b qrup vitaminləri. hamısı suda həll olan vitaminlərdir. buraya b1, b2, b6, b12 və s. aiddir. pivə mayasında, lobyada, düyüdə və qaraciyər, böyrək, yumurtanın sarısı kimi heyvan məhsullarında geniş yayılmışdır. spesifik funksiyaları ondan ibarətdir ki, onların iştirakı ilə yaranan fermentlər orqanizmdə zəruri maddələr mübadiləsinin gedişini təmin edir. b1 vitaminin çatışmazlığı nəticəsində sinir-sistemində beri-beri adlanan xəstəlik yaranır, arıqlama, ətrafların iflici baş verir. günlük norması 2-3 mq.
ümid edirəm entry'nin xeyri dəydi və dəyəcək. xüsusilə bu karantin günlərindən qida rejimimizə və nə yediyimizə fikir verməliyik. məlum, çölə çıxmağımız limitlənib və yay üçün xeyli azdı 2-3 saat. əgər sentyabra qədər uzansa, payızda kütləvi infeksion xəstəliklər baş qaldıracaq ki, bu daha betərdi. nəysə, "həkim" muamelerimi bir qırağ qoyub, hamınızı sağlam qidalanmağa səsləyir, sizə və yaxınlarınıza sağlam ömür arzulayır və bura qədər oxuduğunuz üçün təşəkkür edirəm.

ilk sevgi

ilk uğursuz sevgim. 15 yaşım var idi. indi mənə nə qədər sevgi kimi gəlməsə də, onda keçirtdiyim hislər yadımdadı, dəhşət çox sevirdim. elə bilirdim o da sevir, elə deyilmuş. başınızı ağrıtmayım, qısası çox babat xəyanət yemişəm. başına döndüyüm mənlə bir yerdə 5-6 qızı fırladırmış, necəsə xəbərim oldu, yadımda deyil. bunu bilib ayrıldım. idmançı idi və ayrılmağımın səhəri günü yarışı vardı. ayrılanda çox pis xətrimə dəydi. bilmirəm, sizdə belə hallar yaşanır, ya yox, amma mənim xətrimə kimsə dəysə, mən bəddua eləməsəm belə o adama mütləq nəsə olur. nəysə, səhər getdi yarışda bir ayağı sındı. söz vaxtına çəkər, elə yayın bu vaxtları idi. sonra 1 aya yazdı mənə, çox peşman olubmuş, məni unuda bilmirmiş, bla bla bla. mən də inandım, kül başıma. inandım, 1 gün keçmədi xəbərim oldu ki, hələ də düzəlmiyibmiş, hələ də başqa 5-6 qızı eyni anda fırladırmış. adamda fərasətə və şərəfsizliyə bax da. vobşim, bu dəfə sərtləşdim, dedim inşallah o biri ayağın da sınar, yay boyu evdə dustaq qalarsan. təxmin edin noldu? elə o biri ayağının tam sağalmağına az qalmış, bu birin də sındırdı. entry-nin sonu.

cotard sindromu

Yaşayan ölü sindromu.
warren mckinlay adlı ingiltərə vətəndaşı əsgərlikdən sonra evinə gedən zaman 100 km/saat sürətlə ağaca dəyərək ağır bir qəza keçirib və bu qəzada onun beli, ombası qırılıb, beyni xəsarət alıb. qəzadan sonra artıq var olmadığını düşünür, ehtiyac olmadığı üçün yemək yeməyi buraxıbmış. bəli, 36 yaşındakı warren, fransız nevroloq jules cotard tərəfindən izahı verilən və 1880-ci ildə öz adını verdiyi cotard sindromuna tutulmuşdu. xəstəxana aparılan warren xəstəxananın "ruhlar üçün gözləmə otağı" olduğunu və "terapistlər mənimlə danışmağa çalışırdı, amma mən ölüykən sağalmağın nə faydası var" deyirmiş. keçirəm ümumi məlumatlara.
Bu xəstəliyə tutulanlar, ölü olduqlarını, orqanlarının olmadığını, dərilərində qurdların gəzdiyinı və bədənlərində qan olmadığını iddia edirlər. hətta buna o qədər inanırlar ki, sübut etmək üçün intihara əl atırlar. Zaman keçdikcə artıq ölümsüz olduğunu düşünənlər də var. sindroma yer üzündə təxminən 52 yaş ortalaması ilə, ~100 nəfər tutulub və çoxluğu qadınlar təşkil edir. Belə ki, bəzi adamlar “hər şeyimi itirdim” fikrinə o qədər qapılırlar ki, artıq fiziki olaraq da nələrinisə itirdiklərini düşünürlər və bu da, bu xəstəliyə heç bir qəza keçirtmədən, öz bədənindən hansısa hissələrini itirmədən, fiziki zərər görmədən də tutulmağın mümkün olduğu deməkdi.

tanrıya veriləcək tək sual

bir az tək suallıqdan çıxır, amma bu dəfə mən susum, şeir danışsın:
...Məsələn, ağlarmı bir payız günü atası üçün?
Hə, onun yoxdur atası.
Bəs bizə bu ədalətsizlikləri qoyubdur nə üçün?


Nə üçün məsələn, zəlzələ alır 6 aylıq günahsız canı?
Ya da niyə öldürmür ki uşaq zorlayıb öldürən day-dayları?
Niyə fırladır bizi qaranlıq aləm adlı səfehlikdə?
Əminəm, baxıb gülür bizə.
Biz bəşər təlxəyik də.
Məsələn, bütün sevdikləri əzab çəkib ömür billah
Ya çarmığa çəkilib, ya da qalıb gözdən ıraq
Ya soyulub dərisi, ya da susuz qalıb körpəsi
Qurban olaram, oyunun şərti budursa, məni sevmə, Allah!
Ali Khayyam

eşqin metafizikası

eşqin metafizikası, eşqin fəlsəfi izahı başlıqlı yazılar oxumuşdum, yadımda qalanları və başa düşdüklərimi bura yazıb axırda nə qədər bacarsam link qoyacam, istəyən girib ətraflı oxuyar.
eşq çox vaxt sevgi ilə qarışdırılan bir fenomenadır. əslində isə bu iki anlayışın arasında önəmli fərq var. ümid edirəm bu fərqi izah edə biləcəm.
əvvəla, eşq cinsi istək, şəhvətlə bağlı bir şeydi və şəhvət növünün çoxalması üçün cinsi əlaqəyə sövq edən duyğu, eşq isə bu əlaqənin nəticəsində doğulacaq nəslin daşıyacağı xüsusiyyətlərin ideal olması üçün, insanları uyğun qarşı cinsə yönəldən duyğudur.
eşqin öz kriteriyaları var və bu kriteriyaların müəyyən vaxta qədər sizin olduğuna çox yaxşı inandıra bilir.
1. boy: bədən quruluşu bildiyimiz kimi bu seçimlərdə çox önəmlidi və uzunboy insanlar qısaboylara, qısaboylar isə uzunboylara meyil edir. biri daha uzun olmamaq üçün, biri də daha qısa olmamaq üçün seçir bu seçimi.
2. bədən quruluşu. qadınların enlikürək, güclü əzələli, kişilərin də geniş çanaqlı, iri döşlü, orta çəkidə qadınlara üstünlük verməsi hamımıza aydın olan həqiqətdir. hər iki tərəfin seçiminin təməlində sağlam körpə, sağlam nəsil yatır. məsələn, kişilər fikirləşir ki, geniş çanaqlı biri uşağı daha rahat dünyaya gətirəcək (düz fikirləşirlər, çünki dar çanaqlı qadınların dünyaya sağlam yolla uşaq gətirməsi çox əziyyətli olur və çox vaxt əməliyyatla götürülür uşaq. keysəriyyə əməliyyatı ilə doğulan uşaqların da çoxsunun daha zəif olduğu məlumdur) və iri sinəyə sahib qadın da uşağa daha çox süd vermə qabiliyyətinə malik olacaq. yenə əsas məqsəd sağlam uşaqdı, amma iri sinə daha çox və daha sağlam süd demək deyil, bunu da yazaq bir qırağa.
3. üz quruluşu: sümük quruluşu, gözəllik. məsələn, atıram, yekə burunlu bir adam, kiçik burunlu adama üstünlük verir gələcək nəsildə bu qüsurun yox olması üçün. bir şeyi də vurğulayım ki, bədən quruluşunu üz quruluşundan əvvəl yazmağəmda səbəb var. bədən quruluşu ideal olan adamın üz quruluşu qənaətbəxş olmasa da, bizə çəkici gəlir. birinci bədən, sonra üz.
4.zəka: uşaqlar zəkanın böyük hissəsini anadan götürürləe ona görə də zəkalı partnyor kişilər üçün daha önəmlidi, nəinki qadınlar. qadınlar daha çox xarici görkəmə fikir verirlər. ancaq bir şey də var ki, zəkasız və mükəmməl bədən quruluşlu qadının qarşısında kişilər də dayana bilmir. prioritet yenə zahirdir, batin yox. zəkanı həddən artıq cəlbedici görən və tələb edən insan isə artıq sapioseksuallığa meyillənmiş insandır, bu ayrı tema.
son olaraq, iki insanın da bu kriteriyaları ödəməsi, aralarındakı bu uyğunluq onların xoşbəxt yaşayacağı mənasına gəlmir. sadəcə doğulacaa körpə ideal olacaq vəssalam. çox vaxt belə insanların xarakter və xasiyyətləri bir-birinə tamam əks olur və eşq üstündə quruımuş ailələrin çoxu münaqişəli və problemli ailə olur. uşaq ideal xarici görünüşə və sağlamlığa malik olsa da, getdikcə bu münaqişələrin içində sağlamlığını da itirir. yenə valideynlərin səhvini uşaqlar çəkir. bu problemləri yaşamayan bir qisim ailələr də var təbii ki. onlar da sevgi tapılan ailələrdi. yaşadıqca ortaq seçimlər, fikirlər, dəyərlərin iki fərdi sevgi adı altında birləşdirdiyi ailələr və bəxti gətirən uşaqlar.
hə bir də, mənə ən maraqlı hissəsi: kişiləein qadınlara nisbətən daha az sədaqətli olması. müşahidələrə görə cinsi əlaqədən sonra kişilərin marağı ölür, qadınlarda isə əksinə daha da artır. bunun da səbəbləri var. bir kişi istəsə 1 ildə yüzlərlə uşağın dünyaya gəlməsinə vəsilə ola bilər, qadınlarda isə elə asan deyil. uşağı 9 ay qarnında saxladığı və ildə 1 uşaq dünyaya gətirə bildiyi üçün(ekiz, üçəm olmasa) sədaqət hissi daha güclüdü qadınların. qısası, eşq şüuraltımızlaz, sevgi isə öz şəxsi iradəmiz və supereqomuzla bağlı bir şeydi.
yalnız eşqlə yox, həm də sevgiylə dünyaya gələn uşaqların çox olduğu cəmiyyətdə görüşmək ümidi ilə.

mənbə: https://rezonanss.com/esqin-fəlsəfi-izahi/ (dəqiq yadımda qalan mənbə budu. elə əsası da budu mənə görə)

kafkaokur

franz kafkanın adından əsinlənən, aylıq ədəbi jurnal. qurucusu və baş redaktoru gökhan demirdir. gökhan abimizin kafkaokur adı altında, kafkaya aid yazılar, esselər, araşdırmalar, tənqidlər paylaşılan bloq işlədirmiş. sonradan kafkadan çıxıb, dünya ədəbiyyatına yönəldi, beləliklə iş genişləndi. jurnal 2014-cü ildə təsis edilməyə başladı, ilk buraxılış sentyabr ayında buraxıldı. jurnalın bütün nüsxələrinin yuxarı sağ küncündə "...ben edebiyyatdan ibaretim" mottosunu görə bilərsiz. vikipedik məlumatları yazdım, keçirəm öz fikrimə.
düzünü desəm, jurnalı almamışdan qabaq çox fərqli, çox maraqlı nələrsə gözləyirdim, amma heyif gözlədiyim kimi olmadı. türk dilim zəifdi deyə yaxşı başa düşmədiyimdəndi bəlkə, amma bəzi yazıları elə də mənalı gəlmir, çəkmir yəni. elə yazıları da var ki, əjdahadı, buna söz yox. bütün yazıları pro olmamalıdı, okay, amma mənim gözləntim çox böyük idi.. jurnalın içindəki şəkillər, yerləşməsi və s. dəhşət yaxşıdı, çox bəyənirəm. pis tərəfi, yazıların redaksiyası yaxşı aparılmır. sözlərdə səhv, durğu işarələrin əksikliyini görə bilərsiz. jurnalın sevdiyim tərəflərindən biri sıravi oxuyucuların da yazılarını qəbul edib dərc etmələridi. məncə bəzi yazarlığa ilk addım atanlar üçün çox əla şansdı. nəticəyə gəlim, jurnalın 2 nüsxəsini oxumuşam, ümumi qiymət verməyim nə qədər düzgündü bilmirəm, amma bu 2 nüsxə üçün deyə bilərəm ki, yaxşı iş çıxardıblar, 10 üzərindən 7.5 verirəm

aue jizn voram

rus dilində "арестантский уклад един" həbsxana həyatı birdir mənasına gələn abreviatura. çoxluqla puritan, dar düşüncəli, patriarxizm tərəfdarı, kepkasında, köynəyində və s. weed şəkli olan, adətən makasinli yaxçı qaqaşların ideologiyası.
sumqayıtda yaşadığım üçün istəmsizcə ətrafımda doludu elə qaqaşlar və onları nəzərdən keçirəndə, bir növ submədəniyyət kimi görürəm bu jizn voram temasını. hamısının musiqi zövqü eyni - ən ara mahnılara qulaq asıb bundan həzz alırlar və şəkillərinə həmin mahnını qoyub video şəklində, captiona vasmin işarəsi qoyaraq paylaşırlar. profildə 07, 06, niva ilə şəkil olması mütləqdir. polisə düşəndə də qapıda jizn voram işarəsi tutaraq şəkil çəkdirib fəxrlə hər yerdə profil şəkli edirlər. krossovka və normal endə şalvar və şortik qəti şəkildə geyinmirlər. gen cins şalvar, güllü, butalı köynək və makasin. üzdə tük, sinədə yaxud barmaqda vasmin tattoosu və vasmin şəkilli üzük. hardan aldıqlarını soruşmuşam, hamısı həcdən gəldiyini deyib, çox maraqlıdı.
bir şeyi təəssüflə demək istəyirəm ki, məhləmizdə 3-4 yaşlı uşaqlar "sumqayıt aue" qışqırıb, dolya sədaları altında dava edirlər. yazıq uşaqlar neyləsin, özündən böyüklərdən elə görürlər və böyük görünmək üçün onları nümunə götürüb, yamsılayırlar. ciddi mənada çox üzücü durumdu mənim üçün.
son olaraq da, hamısına hörmətlə yanaşıram, ətrafımda dəhşət çoxdular və hamısıyla da əlaqəm var. çoxsu yaxşı uşaqdı, amma deyirəm ki, bratelnik bizim düşüncələrimiz arasındakı fərq bu, bu, budu. mən yaxçı qız deyiləm, olmaq da istəmirəm və sənə qoyduğum hörmətdən artığını yaxud əksiyini tələb etmirəm. beləliklə normal yola gedirik.

(youtube: )

anaya demək istədiklərimiz

canım anam, gözüm anam, başa düşürəm, özü də çox yaxşı başa düşürəm, təhsil verməyiblər sənə, 18 yaşından evləndirib, 19 yaşında qucağında uşaq tələb ediblər, heç nə edə bilməmisən, gəncliyini əlindən alıblar, həyat sənə ağır olub, yaxşı, amma sənin "nə qədər alıb, oxuyub yığassan padvala mənasız, heç nəyə lazım olmayan kağız-kuğuzu? ver qarnına nəsə al ye, nəsə al geyin" deməyin məni nə qədər incidir, kaş bilsən. çünki arzulayıram məni ən yaxşı başa düşən sən olasan, sənə imkan verməyiblər deyə sən bizi daha da məcbur edəsən oxumağa, amma çox heyif xəyallar və həyatlar... qayıdıb sənə heç nə deyə bilmirəm, cavab qaytardığım üçün əsəbləşəcəksən deyə, amma bunu bil ki, mən o mənasız kağız-kuğuzla xoşbəxtəm, ana. xahiş edirəm, əsəbləşəndə kitablarımı atmağı fikirləşmə, jurnallarımı cırma, dəftərlərimi zibil deyib zibilqabına atma. sən onları yox, məni əzirsən, anacan, məni. səni sevirəm,
sağ ol.