hər ay beş hazırlığa gedən uşaq

Əgər abituriyentdirsə, vaxtilə yerində olmağı çox istədiyim, həsəd apardığım uşaqdır. amma mənə qismət olmadı. Bizimkilər nəticələrimə görə endirim edən, həm də bir dövrün ən yaxşılarından sayılan kursa yazdırdılar. Ona görə də keçmiş araz kurslarında, nurçuların arasında olmuşam məcburiyyətdən. Xoşbəxt* ortam və Kruqumuz çox yaxşı idi olsam da, heç sevməmişəm. Onsuz da ateist olduğumu bilirdilər deyə müəllimlər də məni sevmirdilər. Sadəcə, Sözümü deyən, istədiyimi tələb edən, həm də ki dərəcə sinfindəki yüksək ballı abituriyent idim deyə çox da nəsə edə bilmirdilər.

Hər ay 5 hazırlığa getməyi də ona görə istəyərdim ki, fərdiyyət, zaman daha çox olur. Düzdü, həftədə 3 dəfə gedib ard-arda 3-4 dərs keçib gəlmək öyrəşdiyimiz məktəb sisteminin davamı kimi, həm də zamana qənaət cəhətdən çox yaxşı idi. amma ayrıca hazırlığa getməyi daha üstün tutardım. 40-50 dəqiqəlik dərslərdə çox olurdu ki, suallarımızın hamısına baxa bilmirdik, proqramı çatdırmırdıq. Fərdi müəllim yanına gedən dostlarım azı 1 saat, saat yarım, hətta 2 saat hazırlıq keçirdilər deyə bizdən hər zaman qabaqda idilər, daha çox təkrar edirdilər, daha yaxşı mənimsəyirdilər. kursdakı təzə gələn ingilis dili müəllimiz qane etməmişdi deyə, evdəkiləri birtəhər razı salıb, 2 ay ingilis dilinə getdim ayrıca. 5-6 nəfər idik. Mən və dostum bir mövzuda idik, digərləri başqa mövzuda idi. başımı salıb öz dərsimi edərkən, digər yandan o birilərinkini də dinləyirdim deyə həddən artıq produktiv keçmişdi o hazırlıq mənim üçün. Necə deyərlər, 1 daşla 2 quş vururdum, nəticəsini də artıqlamasıyla gördüm.

Doğrusu, uşağın özündən də çox şey asılıdır. amma həmişə öz nöqteyi-nəzərimdən baxanda görmüşəm ki, fərdi hazırlıq hər zaman daha yaxşıdır. Ara-sıra o günlər yadıma düşəndə fikirləşirəm ki, fərdi hazırlığa getmə lüksüm olsaydı, 700-ə yaxın, ya da nə bilmək olar, dirəşsəm, elə 700-ü də yığardım* hər nə qədər bal dərdi çəkən və vecinə alan biri olmasam da, əziyyətimin nəticəsini görmək çox xoşuma gəlirdi . Onlarda olan şans məndə olmadığına görə həmişə ayrı-ayrı fənlərdən hazırlığa gedənlərə qiptə eləyib bəxtəvər sanmışam.

oğlanlardan qızlara tövsiyələr

nipple pad deyə bir şey var artıq, alimlər icad ediblər. Tövsiyədən əlavə, Xahiş edirəm, istifadə edin.

O gün hardasa gördüm, Durub buna da "duyar kasıp", şüvənlik edib "azad geyim"ə, nə bilim "xoşun gəlmir baxma"lara bağlayanlar var. Heç nə yox, ereksiya olmuş halda yolda gəzən yerdə görsə, əlində imkan olsa, məni ordaca penisimdən divara mıxlayacaq adamlar gəlib bu mövzuda qarşı fikir səsləndirəndə bütün həyat eşqim sönür. "geyinmə!" demirəm, özün bilərsən, nə istəsən onu da elə. Amma "estetik deyil, yaxşı görünmür" deyirəm.

Bu işin rahatlıqla da əlaqəsi yoxdur. Kişinin qızı Büstqalter taxmır ki, rahat olsun, amma damdar geyimlər geyinir. Məntiq bu işin harasındadı?

Qızlar, bir dənə təsəvvür edin ki, metroda bir qaqaşla qarşı-qarşıya oturmusuz. penisinin ereksiyada olmağı şalvarından açıq-aydın bilindiyi halda özünü heç nə olmamış kimi rahat aparır. Bu halda özünüzü necə hiss edərsinizsə, biz də* ən azından mən və bir neçə dostum eyni cürə hiss edirik. Şəxsən məndə diksinmə hissi yaranır.


yazdıqlarımdan sonra gedən müzakirələr və xüsusilə də nickaltımdakı entridən(#363489) sonra 5-6 gün gec də olsa, gələn edit: Gərəksiz yerə əlavə entri yazmaq istəmədim. məlum entrini oxuyan biri normal olaraq gəlib bunu da oxuyacağına görə bura əlavə edirəm. Həm nickaltı yazmağı xoşlamıram, həm də lazım bilmirəm əlavə entridə cavab yazmağı. Nəsə, biz yenə də punktları tək-tək ələ alaq.
1) yuxarıdakı yazılarda hər iki orqanı eyni tutmamışam, hissləri oxşar qəbul eləmişəm. Məsələ işə texniki yanaşma deyil, sırf duyğunu izah etməkdir. Gedən müzakirələrdə də dəxlisiz yerə söhbəti buna çəksələr də, entridə penisi qadın sinəsi ilə müqayisə etmirdim. Əks cinsin əksər fərdləri yazdığım nümunəni görərkən hansı hisləri keçirirsə, necə ki onlar belə şeyi bəyənmirsə, bu məsələdə mənim də o hissləri keçirdiyimi vurğulamışam. Hə, "əksər fərdlər" deyərkən kimi nəzərdə tutduğumu bilmək istəyən varsa, öz anası, bacısı, yəni başda öz ailə fərdləri olmaqla qohum-əqrəba, sinif/tələbə/iş yoldaşlarına, şəhər mərkəzindən kənardakı, həmçinin rayon camaatının qadın cinsindən olanlara baxa bilər. Verdiyim nümunəni onlara deyib, məktəbdə, universitetdə, iş yerində və ya metroda eyni şeylə qarşılaşıb hansı reaksiyanı verib, hansı hissləri keçirəcəkləri barədə cavablarını almaq kifayət edər. Camaat bu tip şeylərdə sualın özünü qəribsəyir, qaldı ki, situasiya.
Vaxtilə bizim məktəbdə də belə hal olub. Oğlanla məzələnib onu "palit" eləyəndə içi müəllim qarışıq, buna şahid olmuş qızlar da ikrah hissi keçirib əsəbiləşmişdilər.
2) Yazar "siz oranızı əlləyəndə də görürük və fərqli gəlmir" deyir, amma ümumi olaraq qadınların adından çıxış edirmiş kimi görünən bu cümləsi Azərbaycan reallığına uyğun deyil. Gülməlidir, elə bil eyni ölkədə yaşamırıq. Yəni doğrudan, yazar və o entrini bəyənən insanlar bakı kəndləri, nə bilim, razin, suraxanı, qaraçuxur, günəşli və s. durub tək-tək saysam bitməyəcək yerlərdən və ən əsası, rayon camaatından bixəbərdirlər? Yazarın bu ifadəsi olsa-olsa ancaq şəhərin mərkəzindəki publarda rastımıza çıxan feminist-sjw tayfanı ifadə edə bilər. Oğlan çevrəsində bunu normal qəbul eləmirik, qaldı ki, Azərbaycanın mental təfəkkürlə böyümüş xanımı buna normal yanaşsın. Ayrı vaxt 7-dən 70-ə hamımız ölkədə əksəriyyətin "kəzban" olduğunu deyirik.
3) mən yuxarıda bar-bar bağırmamışam, nə də ki "görəndə gic oluram" kimisindən əsəbi şəkildə çıxış etməmişəm. Sadəcə xahiş etmişəm. Ki, ikinci abzasın sonunu oxuyanda bu, aydın görünür.
4) mənim belə düşüncədə olmağım düzəldilməli psixologiyaya sahib olduğum anlamına gəlmir və gəlməməlidir. Tipik azərbaycanlı insan yubka geyən şotlandiyalını görəndə bunu qəribsəyib "belə də olmalıdır" kimi qəbul etməməyi kimi bir şeydir bu* adam uje nümunə çəkməyə də qorxur e. Deyirsən elə Bu dəqiqə bu misalı da dəxlisiz yerlərə çəkəcəklər . bu, sırf bizim yetişdirilmə tərzimiz, tərbiyə üsulumuz və fərdlərin öz estetik görüşlərindəki fərqliliklərlə əlaqəlidir. "it's just my opinion". Yəni əgər düzəldilməli şey varsa, bu zövq ola bilər, psixologiya yox. Və durub kiminsə(bizim keysdə mən) digər insanlara diqtə etmədiyi, sadəcə ifadə elədiyi estetika anlayışına bu cür qarşı çıxmağın heç də sağlam münasibət olmadığı fikrindəyəm.
5) yazar "mən də sizin məmə ucları görürəm həmişə. ürəyim bulanır? - yox" deyir. Burada oxuyan adamda yanlış fikir formalaşdırır, çünki mən heç yerdə bu şeydən ürəyim bulandığımı deməmişəm. Ona görə də Bunu da əsassız sayıram. Lap tutalım, bunu əsaslı sayaq, mən bundan qusacaq dərəcədə iyrənirəm. Misalçün, adam tanıyıram qurbağa görəndə iyrənir, ürpənir. Yazdığım entriyə "mən də kişilərin nipple-nı görürəm, amma ürəyim bulanmır" deyə müqayisə gətirmək misal çəkdiyim insana "camaat restoranda qurbağa budunun qızartmasını yeyir, heç iyrənmir" deyib ona qarşı çıxmağa bənzəyir. Görüldüyü kimi, heç də doğru deyil, hər kəsin fərqli zövqü var.
6) mən nipple-ın bilinməsinin onun ereksiya olduğu barədə heç bir şey deməmişəm. Ümumiyyətlə, sinə ucunun ereksiya ola biləcəyi heç ağlımın ucundan keçməyib.
7) dialoq birinci özəldə başlamışdı və yazar misal çəkdiyim orqanların eyni olmadığını demişdi. Mən də cavabımda "mənimçün ikisi də eyni dərəcədə əcaibdir" deyib onun fikrini soruşmuşdum və günorta sözlüyə girəndə gördüm ki, entri yazılıb. Hə, entrinin sözlük qaydalarına* 5-ci bənd zidd olub-olmaması da ayrı bir mövzudur. Onsuz da day olan-olub, amma bundan qat-qat daha vacib nüanslar var. Sona saxladığım və toxunmalı olduğum ən əsas, ən önəmli məsələ entridəki diksiya, yazı üslubu və tərzdir. O cür entri tənqid desən, tənqid deyil, nəticə desən, xüsusi bir qayəsi yoxdur ki, oxuyub bir nəticə çıxaraq, yazılan şeylərə də yetəri qədər aydın cavab vermişəm. Mənim entrim və yazılan cavab entrisi(#363489) arasında dağlar qədər fərq var və yazılan entrinin kobud, acıqlı tərzdə olması aydın şəkildə görünür. Bunu özünə də bildirəndən sonra yazısına qeyd əlavə eləsə də, fakt budur ki, entri bir anda əsəbiləşib kobud bir şəkildə kin qusmağa bənzəyir, nəinki gülə-gülə yazılması. Üstəlik, oxucuda da mənə qarşı olması gərəkdiyindən çox daha yanlış, pis bir izlənim, hətta müəyyən dərəcədə nifrət də yaradacaq potensialda yazıdır. Ən əsas nümunəsi də sonuncu abzasdır: "inşalla bir gün penis cover da çıxar. onda qəşəng entri yazacam ki, başım xarab olur, üstünü örtün. və də penisinizə yiyə durun". Nəinki bu abzas e, ümumiyyətlə entrini Oxuyanda adama elə gəlir ki, sanki mən "eləmə! Örtün! Adam gic olur da Bunları görəndə, elə bil başıma qaynar su tökürlər!" kimi bir fikirlərlə aqressiv tonda, kəskin sərt ifadələrlə basqı tətbiq etmişəm, insanlara öz fikrimi zorla yeritməyə, dirəməyə çalışmışam. Halbuki entrimdə qətiyyən bu cür əda olmadığı açıq-aydın görünür və normal bir şəkildə özün bilərsən, nə istəsən onu da elə. Amma estetik deyil, yaxşı görünmür yazmışam. Fakt da budur ki, həmin entri yazılana qədər yarım sutkadan çox bir zamanda heç bir mənfi geridönüş almadığım, heç bir "umbay" verilmədiyi halda bu entriyə bir anda ard-arda 11 umbay səsi gəldi. Yoox, Məsələ mənfi reaksiya almağımda deyil. qətiyyən! Hamı zaman-zaman bunu yaşayır, hamının bəyənilməyəcək, qəbul görməyəcək fikirləri var. Lakin Burdakı durum fərqlidir: birdən-birə vəziyyətin heç də olmadığı kimi göstərilib, şişirdilib oxucuda mənə qarşı olması gərəkdiyindən daha pis izlənim, mənfi fikir formalaşdıracaq davranış sərgiləməkdir. Bax budu əsas məsələ. Və bu, heç vaxt iki insan arasındakı dialoqda heç də doğru, sağlam və konstruktiv nəticələrə gətirib çıxaracaq davranış deyil. Ancaq çox təəssüf ki, əksər yazar belə bir fərqi anlamadı.

xüsusi təyinatlı qüvvələr

bilinənin əksinə, təkcə 052 deyil. Milli orduda xtq-yaşma sayılan bir çox başqa hərbi hissələr də var. Hərbi hissə adını açıqlamaq dövlət sirri sayıldığından hər şeyi açıq yazmıram, amma xüsusi təyinatın təkcə 052 nömrəli hərbi hissədə olduğunu düşünmək sadəlövhlükdür. Həmçinin, məlumat üçün: bizim 052-nin qarşılığı ermənilərdə 022-dir. Onların xüsusi təyinatı 022 gedir.

Haqlarında savadsız olmaqları barədə yazılanlar doğrudur, amma baxır hansı prizmadan baxırıq. birincisi, gəlin "savad" sözünün özünə baxaq. savad - bir insanın yazıb-oxuma bacarığını göstərən keyfiyyətdir. Lap tutalım biz savad sözünü dədə-baba qaydasıyla, "dünyagörüşü" mənasında götürək. bu adamlar triqonometrik tənliyi həll edə, elementlər tablosunu əzbər danışa bilməzlər, amma hərbi anlayışları yüksəkdir. ilkin tibbi müdaxilədən tutmuş müxtəlif silahların təyinatı və istifadəsinə qədər çox şeyi bilirlər. Çox şeyi yox e, ixtisasları olan-olmayan hər şeydən anlayışları var. dolayısılə, hərbi savadları yüksəkdir. Yüksəkdən ziyadə, pik həddədir. onlara "savadsız" demə məntiqilə baxsaq, onların gözündə də biz debilik. Ən adi misalı çəkim, Bəyəm aramızda diz və dirsəkdən aşağı nahiyələrə jqut bağlanılmamalı olduğunu və bunun niyəsini neçə nəfər bilir? Və ya yaralıya ilkin müdaxilə kimi əslində hər gün rastlaşa biləcəyimiz mövzular və hamının bilməli olacağı məsələlər barədə kim nə qədər biliyə sahibdir? amma o 52-də bütün hamı bu və bundan qat-qat çox tibbi, anatomik biliyə sahibdir. özü də ki, mənim xüsusi təyinatlı kəşfiyyat bölmələrindən şəxsən tanıdığım gizirlər olub. adam sənə tarixindən girib anatomiyandan çıxar, ağzını açıb nəsə danışmağa utanarsan. Bəzən eləsi çıxır ki, tanıyanda şoka girirsən. Biri vardı nəinki hərbi nizamnamələr, cinayət məcəllələrindən tutmuş, nə ki, hüquqa aid şey var idisə nöqtəbənöqtə əzbər bilirdi. Yeriyən hüquq idi, vəkil kimi bunu tut, gör sənə bata bilən çıxacaq heç? Eləsi vardı 1000-dən çox partlayıcı hazırlamağı bilirdi. Düşün adamı adi bir evə salsan, evdəki sodadan, kartofdan belə partlayıcı düzəldəcək. Bunu bacarmaq üçün kimyaya nə qədər bələd olmaq lazım olduğunu özünüz təxmin edin artıq.

Neçə qat Dünya, avropa çempionu əsgər yoldaşlarım vardı, götləri açılırdı 10km traves* loru dildə desəm müəyyən bir məsafəni piyada şəkildə qət eləməkdi gedəndə. Hələ silahları boş, təkcə "naqrunik" ilə gedirdilər. sən isti yerində oturub bear grylls-in kamera arxasında pizza yeyib, videoda ilan kababı çəkməyinə ağzını ayırıb maraqla baxırsan, bu adamlar "polnu ekiprovka", azı 25kq yük ilə 70-80km traves gedir. Günlərlə, bəzən həftələrlə ac, susuz, öz sidiyini içəcək hala düşəcək qədər çöldə-bayırda olurlar. Bunlardakı psixi iradənin 0.00001%-i dünya üzərindəki insanların 99%-ində yoxdur, tam əminliklə deyirəm. Ən adi misalı çəkəcəm. Niqodnular, əsgər getməyənlər bilməyəcək nədən danışıram, amma Əsgərlikdə olanlar yaxşı bilir "olmadı" komandasını. "10 metr irəlidə döyüşə" veriləndə 3-5 dəfə "olmadı" eşidən kimi mazqisi xarab olurdu əsgərlərin. Bilməyənlər üçün adi bir nümunə çəkim. Təsəvvür edin, bir nəfər əmr verir ki, qaçıb 10 metr qabaqda yerə uzanmalısız. Siz qaçan yerdə yolun yarısından "olmadı" deyib qaytarırlar sizi dala. Özü də naz eləmək yoxdu e, gəzə-gəzə yox, ancaq qaçaraq əmri yerinə yetirməlisiz. Gedib uzanırsız, yenə deyir "olmadı", durub qaçırsız başlanğıc nöqtəsinə düz durub gözləyirsiz ki, təzədən "10 metr irəlidə döyüşə" desin, təzədən qaçıb uzanasız. Oxuyanda rahatdı e, siz bir də onu real yaşayın. 8-10 dəfə təkrarlansın, görüm necə olacaq? Xtq-dən bir tanışım danışırdı ki, təlimdə tapşırıq verirdilər üzbəüz dağın filan nöqtəsinə filan dəqiqəyə çatmalısız. 3-4km əziyyət çəkərək Dərəyə düşüb ordan da düz qalxırdıq dağın təpəsinə, dönürdük ki, tapşırığı verən komandir güzgülə günəşin işığını reflekt edərək "olmadı" komandasını verir. Qaça-qaça qayıdırdıq dala, təzədən yenə eyni əmri verir, yenə çatanda "olmadı" eliyib qaytarırdı dala. Oxuyanda asan görünür, hə? 35-40 dərəcə iyul istisində çöldə lüt uzananda adam qayğanaq olur, təsəvvür edin ayağınızda botinka, polnu forma, 25 kilo yük, əldə silahla bu dediyimi eləmək nə deməkdi? Hələ bu ən yüngül şeylər idi danışdıqlarından. Hərbidə Normal əsgərin, maxenin, zabitin ən zayob olduğu vaxt "həyəcan həftəsi"dir. Xtq-nin "cəhənnəm həftəsi"nin yanında bizim "həyəcan həftəsi" toy-bayramdı, istirahət gündü. Başlarına gəlməyən oyun qalmır bunların, danışdıqca deyirdim ala adam gijdıllağ olar e bu nələr görüb orda.

Dərrakəyə gəldikdə, onlara fəlsəfi zəka lazım deyil, olmamalıdır da. Bir şey ki, heç bir dərk qabiliyyəti yüksək insan millətçi olmaz və əlində olan yeganə həyatını bu cür yaşamaz. başa düşdüz də nəyi demək istəyirəm? Yaxşı bəs bunlar olmasa sənin, mənim götümüzü isti yerə qoymağını kim təmin edəcək? Burası da var da, reallığı nəzərə alıb danışmaq lazımdır axı. bu adamlardan tələb olunan iradədir, dözümlülükdür. adamlar mexanizmdirlər, ye, idman elə, öyrədilən bütün hərbi bilikləri əzbərlə, tətbiq elə; üzmə, paraşütdən tullanma və s bu kimi 6-7 təlimdən keç. və ən əsası, fərdiyyətini kənara qoyub özünü təslim et. təslim etmək deyəndə konkret əmrlərə uymağı, idarə olunmağı nəzərdə tuturam. filan nöqtə alınmalıdırsa, alınmalıdır. başqa variantı yoxdur. birə-bir bütün əmrlərə uyub ələ keçirəcəklər. "ölməlisən" dedilərsə, ölməlisən, başqa cürə ola bilməz. Xüsusi təyinatda olan koordinasiya və "team work" şeysi ölkədə heç bir sahədə, heç bir yerdə yoxdur, başımla cavabdehəm bu sözümə.

Əksəriyyətinin savadsız və dünyagörüşsüz olması qaçılmaz həqiqətdir. Çoxu elə "kənd uşağı" olur. Bizimkiləri də buraxasan elə otura bakıda, girdiyi deşiyindəki komfort zonasından ağzına gələni danışa. O vaxtı "Molodoy"da bir tağım komandiri vardı, köhnə xüsusi təyinatlı idi. deyirdi bunların, elə əsgərlərin də bir çoxu matrasın, normal səliqəli, isti geyimin nə olduğunu gəlib əsgərlikdə görüblər. indi bir misal çəkəcəm. Təsəvvür edin, korpusdan, nazirlikdən bizim hərbi hissəyə yoxlama hər gələndə mənim təhsil nəticələrimi öyrənəndə təkidlə qalıb zabit kimi işləməyimi istəyirdilər. Hələ bir dəfə ordunun "xüsusi təhlükəsizlik/inspeksiya" rəisi* bu adam potensial olaraq müdafiə nazirliyindəki istənilən zabiti vəzifə və rütbədən vura, birbaşa işdən qovdura bilər. nə qədər yüksək vəzifəli şəxs olduğunu ordan anlayın özünüz. hansısa hərbi hissəyə gələndə elə bir zabit yoxdu ki, əl-ayağa düşüb götü əsməsin gəldi, adam qayıtdı mənə dedi ki, "mənə sənin kimisi lazımdı. Nə vaxt zabit olmaq istəsən, gəl yanıma". Yaşmadan bizə seçimlərə gələndə gizir nə demişdi, deyim? Adam gəldi yaşımı, harda oxuduğumu və s. Soruşdu. Qayıtdı axırda "çıxıb ya moykada işləyəcəksən, ya bazarda, ya da çayxanada, başqa nə iş var ki? Gəl bizə, hazır 3qat maaşdı, 1 ilə altıva qəşəng maşın al qoy, Bakıda-zadda narmalniy evin-eşiyin olsun. Çöldə qayı-zad saxlayanda hörmətin olsun, vəsiqəni göstərəcəksən buraxacaqlar" dedi. Yəni adamın vizyonsuzluğunu anlamaq çətin deyil də yəqin ki? Yenə də qınamalı deyil, Bunların hərbidən başı açılmır ki, bir dünyaya baxsınlar. Bir az vaxt olan kimi ancaq yeyib-içməkdədirlər, belə stress atırlar. Həm də ki, bu məsələlərdə bir nüansı qaçırırıq: hərbi iş deyil, hərbi həyat tərzidir. Əsas da bu xtq-də.

Nəticə olaraq, Bu insanları öz bildiyimiz şərtlər üzərindən dəyərləndirməyi düzgün hesab eləmirəm. Onları öz olduqları mühit və çevrədə qiymətləndirmək lazımdır deyə düşünürəm. Lap vətən, millət, militarizm, müharibə kimi anlayışlara qarşı çıxsaq belə, gəlin reallıq və məntiqlə yanaşaq: Kimsə Kənddə-kəsəkdə, ya elə yetimxanada böyüyüb avara kimi ortalıqda fırlanmaqdansa, qoy elə canı buz baltası kimi olub, vətəninə xidmət eləsin. Sağlam həyat tərzi sürsün. Ən azından, olduğu cəmiyyətə faydalı bir şəxs olar. Gəlin səmimi şəkildə cavab verin də bu suala: bir şəxs var. Onsuz da bu bədbəxt universitet oxuyası, dünyagörüşü artası deyil. Ya qayıdıb rayonda adi 300-400 manatlıq işdə işləyib ömrünü başa vuracaq, ya da ən azı 1600 manat maaşla hərbçi olacaq. Biri var, onunla siz qarşılaşacaqsız və "bu cahil yenə buralardadı" deyəcəksiz, heç vaxt özünüzlə bir tutmayacaq insan kimi görəcəksiz onu, biri də var erməni uzaqdan kölgəsini görəndə götünün qorxusundan girməyə deşik axtaracaq. Hansı yaxşıdı?

Bu entrini belə yazmağımın səbəbi başlıqda ən çox bəyənmə alan entrinin bu qurum haqqında mənfi rəy yazıldığı entri olmağı oldu. Üstəlik, adi tərzdə deyil, bildiyin təhqiramiz formada yazılıb. Əsgərlikdəki maxe, gizir, zabit heyətinə qarşı tənqidi formada yazılsaydı, çox da vecimə olmazdı. Amma xtq tamam başqa səviyyədir. Həqiqiliyə qalanda isə xüsusi təyinatlı qüvvələr hazırda Azərbaycan ordusunda "dəniz pişikləri", yəni "sat"lar xaric ən elit təbəqə, hərbi cəhətdən ən savadlı və ən güclü kəsimdir. Ordunun döyünən ürəyidi, vuran qoludu.

yazarların favorit oyunları

Çox* Çox sözü burada həm oyunun sayını, həm də oyun oynama miqdarını ifadə edir. oyun oynamış adam deyiləm. Ona görə də list qısadı. Evdə babat gaming sistemi olmamış, uşaqlığında youtube-un nə olduğunu bilməyib aimpdə böyük "pokaleniyanın" yüklədiyi mahnıları dinləyərək maşın sürən, yeniyetməliyi də internet klubda 2-ci stolda oturan qaqaşa: "qaqa, vaxtıvı 5-ci stola keçirə bilərsən? Point oynuyacıyıq, orda yaxşı açmır", - deməklə keçən biri olaraq:
Pc:
(bax: point blank)

erk koçak

Demək olar, Hər videosunun ortasında: "bu arada, merhaba. Ben erk koçak. 20 yıllık saat sevicisiyim. Bu kanalda saatler ve zamana dair konuşuyoruz. Abone olanların hepsi bir-birinden değerli arkadaşlar ve acayip eğleniyoruz biz. Hala abone olmadıysanız, şu aşağılarda bi' yerlerde "anone ol" butonu var. Ona basarsanız, sizi de aramızda görmekten mutluluk duyarız, efendim", - deyərək videonu bölən və özünü təqdim edən, Türkiyədə saat mövzusunda ən böyük youtube kanalına sahib şəxs, 20 ildən çoxdur saat toplayan kolleksioner.

Dəhşət səmimi, sevimli, göstərişdən uzaq və çox canayaxın adamdır. Bu gün bəyəndiyim digər bir youtube kanalı literat da qonaq olub. adamı başlıqda "saat uzmanı" kimi tanıdıblar. Amma erk abimiz heç vaxt özünü "uzman" kimi tanıtmır, təvazökar bir şəkildə "saat sevicisi" deyir özünə.

Adam, sözün əsl mənasında, bütün izləyiciləri tərəfindən çox sevilir* ara-sıra duzsuz zarafatları olur, amma bu, dediyimə əngəl deyil. :d . Məncə, ən başda anlatım(storytelling) qabiliyyətinin yüksək olması və səmimiyyət gəlir. Videolarını da qətiyyən "iş" kimi hazırlamır, ya da bunu çox gözəl bir şəkildə örtə bilir. Digər yandan, arada-bir ilişib söz atsa da, qətiyyən sponsor dərdində olan adam deyil, dürüst bir şəkildə nə yaxşıdı, nə pisdi yapışdırır. Saat incələmə videolarından əlavə, Sənədli film izləyirmiş kimi təsir yaradan hekayələr danışdığı, məşhurların saatları barədə, bir sıra başqa mövzulara toxunduğu videoları da var.
Bunlardan əlavə, saatlara həddən artıq "tutkulu" olması, necə də sevərək bu videoları çəkməsi izləyiciyə də yansıyır. Ümumiyyətlə, gəlin mövzunu qırağa qoyub, ümumi bir şeydə razılaşaq: işinə "tutkulu" olan, cani-könüldən görən hər bir şəxsi sevməmək və hörmət etməmək mümkün deyil. insanın istər-istəməz diqqətini çəkir və oturub dinləmək istəyirsən ki, görəsən, bu nə danışır?

Bu həftə ərzində oturub az qala hər videosuna göz atdım. Hər yeni videoda keyfiyyəti daha da artırdığı bariz şəkildə görünür. Üstəlik, incələdiyi saatlar da ahım-şahım bahalı, lüks, əlçatmaz saatlar deyil. Öz kolleksiyasından seçdiyi, Əsasən orientdən, seikodan başlanğıc və giriş səviyyəsi, 100-200$ civarı saatlardan söhbət açır. Yəni ilk "ciddi* ciddi dediyim şey saatı sırf aksesuar olaraq görmək deyil. sənlə birgə illərlə yol gedəcək, özünün bir parçan kimi sayacağın, yaxşı baxsan övladına, nəvənə yadigar qoya biləcəyin şeyi nəzərdə tuturam. Yoxsa hansısa dandik, mırta görünüş üçün alınan saatı yox " saatını almaq istəyən hər kəsin dəyərli və illərə meydan oxuyacaq bir əşyaya verməli olduğu minimum məbləğlərdə olan saatlardan.

Mənim erk abiyə olan hörmətim bir neçə gün əvvəl instagramda olan söhbətimizlə birə-beş artdı. Adama vintage saat almağı düşündüyümü deyib kömək istədim ki, nələrə diqqət edim, nələri gözə alım. Sağ olsun, 3-4 dəqiqəlik ətraflı bir səs atıb vəziyyəti izah elədi, məsləhətlər verdi, yol göstərdi. Mən o səsdə də diqqət elədim, videolarında da daim nəzərə çarpır: adam hər zaman saatı, saat taxma vərdişini sevdirməyə çalışır. Yəni qətiyyən istəmir ki, kimsə yanlış yönlənsin və aldığı saatdan soyusun, xəyal qırıqlığına uğrasın. Yəni belə bir incə ruhlu adamı təqdir etməkdən başqa əlimdən bir şey gəlmir. Necə deyərlər, "büyüyümüzdür. Başımızın üstünde yeri var".

Bir də son bir şeyi deyim, Azərbaycanlı olduğumu deyəndə bunu dedi, intermetdə bu məlumata rast gələ bilmərsiniz. Babasının atası bakıda xalça taciri olubmuş. Sonradan qars şəhərinə köçüblər, ata, babası orda doğulub, özü izmirdə. Heç bir işinizə yaramayacaq, amma tipik azərbaycanlıyıq da, hansısa sevdiyimiz və ya tanınan birini o dəqiqə azərbaycanla calamağı sevirik. -*

Yekun olaraq, saatlarla maraqlanan, saatı sevən, ya da heç sevməsə belə, bu aksesuara qarşı tamam yeni bir baxış bucağı qazanmaq və ya yeni bir mövzuda dünyagörüşünü artırmaq istəyən hər kəsin mütləq izləməli olduğu şəxsdir. Youtube kanalına buradan göz ata bilərsiniz.
"hoşçakalın. saatlerle kalın, arkadaşlar".
sifarişi verən: Bertrand Zobrist * öz sifarişini özün dolduracaq qədər acınacaqlı durumda olmaq (:

tərzi-məkan

Az öncə ictimai tvdə rast gəldiyim möhtəşəm televiziya verilişi. Canım sıxılırdı, aylardır tv açmırdım, götürüb kanalları çevirə-çevirə bilmirdim nə edim. Bir də gördüm bir xanım möhtəşəm bir mənzildə nəsə danışır. Dedim cəhənnəm, oturub belə reklama baxmağım daha yaxşıdır, nəinki o birilər. sən demə, veriliş imiş.

Aparıcısı* 2 aparıcısı var, amma mən baxdığım bölümdə əfsanə cəfərova danışırdı səlis, aydın nitqi, sevimli, şirin, canayaxın danışıq tərziylə ekrandan qopmağa qoymadı məni. xanımın dizayn məsələlərini, xalçadan tabloya bir çox şeylərin ölçü, qoyulma və tərzlərini detallı, aydın şəkildə və ən əsası, texniki tərəfini də ələ alaraq izah etməsi çox xoşuma gəldi. Üstəlik, Durmadan hansısa mebel, ya başqa bir dükanı reklam edən veriliş də deyil* ən azından mənə rast gələn bölümü .

Açığı, mən həddən artıq çox bəyəndim. Bəyənmək qırağa e, dəhşət ləzzət elədi, gözümü qırpmadan sonra qədər izlədim proqramı. Məncə, interyer dizayna maraq salan və ya sırf baxıb gözünün, könlünün açılmağını istəyən hamı izləməlidir.
Instagram səhifələri budur . Həmçinin verilişin youtube kanalından daha çox bölümünü izləyə bilərsiniz.

jon bernthal

tam adı Jonathan Edward Bernthal olan, 20 sentyabr 1976-cı ildə amerikada doğulmuş aktyor.

the walking dead-dəki shane walsh obrazı ilə tanımışam, ardınca izlədiyim punisher serialındakı performansı ilə ən sevdiyim aktyorlardan birinə çevrilib. oturub bir-bir bütün filmlərinə baxmamışam, amma qarşıma çıxan hər rolunun müəyyən dərəcədə bir-birinə yaxın olduğunu müşahidə etmişəm. hətta aktyorun filmlərdəki mimika və jestlərinə diqqət etsəniz, demək olar, hamısında eyni və ya oxşardır. bu cəhətdən bəlkə də onu zəif adlandırmaq olar, amma mən belə demirəm. səbəbi isə * səhv eləmirəmsə qardaşının bir müsahibədə onun haqqında dedikləridir. jon yeniyetmə vaxtından bir az problemli, davakar tip olub. ailəsi onun iş və karyera baxımdan gələcəkdə çox çətinlik çəkəcəyini düşünürmüş. aktyorluğa girdikdən və ilk işlərini izlədikdən sonra isə seviniblər. çünki artıq jonun özünü rahat şəkildə ifadə edəcəyi və problem yaşamayacağı sahəni tapdığını düşünüblər.

yenidən məsələnin üstünə qayıdası olsam, adamın hər rolunda oxşar jest və tipdə olmasının səbəbi odur ki, əslində, aktyor hər dəfə bir növ, özünü oynayır, özünü ifadə edir; oynadığı obrazlar öz xarakterinə yaxın, bənzər rollardır. bu məlumatı öyrəndikdən sonra jon bernthalın hansısa rolu qarşıma çıxanda hər dəfə daha çox diqqət və maraqla izləyirəm.
sifarişi verən: Bertrand Zobrist * nə qədər acınacaqlı durumda olduğumu siz təxmin edin artıq. özüm-öz sifarişimi doldururam

sözlükçülərin ən sevdiyi aktyorlar

(baxma: Jon Berntal)
(bax: Jake Gyllenhaal)

dəri tipləri

4 əsas dəri tipi var: normal, yağlı, quru, karma(qarışıq).

1) normal dəri tipi:
adından da göründüyü kimi hər şey olmalı olduğu kimidir. Təbii, Canlı, "pürüzsüz" görüntülü olduğu kimi qulluğu da çox asandır. Dəri məsələsindəki qızıl ortadır. Digər dəri tipləri üçün edilən bütün qulluq vasitələri, əslində, dərini həmin bu "normal" dediyimiz halına gətirmək, bu cürə görünməsini təmin etmək üçündür. Dəriniz barədə heç bir problem yaşamırsınızsa, çox güman, elə bu tip dəriyə sahibsiniz.

2) yağlı dəri tipi:
bizim yağ dediyimiz şey, əslində, sebumdur. Yağlı dəri də dərinin həddən artıq sebum ifraz etməsiylə yaranır(bəzən bu yağlanma qidalanmadan da asılı olur). Bu da dərinin həddən artıq parlaq görünməsinə gətirib çıxarır. Eyni zamanda, bu dəri tipi sivilcələnməyə də çox yatqındır. Bu dərini davamlı şəkildə yuyub düzgün nəmləndirici istifadə etmək lazımdır. Amma yumaq deyəndə gündə 4-5 dəfə yumaq nəzərdə tutulmur, yağlı dərini gündə maksimum 2 dəfə olmaqla yumaq lazımdır.
Yağlı dəri, həqiqətən də, Adamı obsessiyaya sala biləcək dəri tipidir. insan nə qədər əlləşsə də, daima yenə də o yağlılıq qalır, kirliymiş kimi hiss elətdirir* hardan bildiyimi soruşmayın .
Eyni zamanda, yağlı dəri tipinin alt kateqoriyası kimi yağlı, amma nəmsiz deyilən tip var. Oxuduğuma görə, bu dəri tipi əksərən kişilərdə olur. Bacımın iddialarına əsasən də, mənim dərim, əslində, bu tipdir. Amma mən qəbul eləmirəm bunu.

3) quru dəri tipi:
ən az nəmliyə və yağlılığa sahib dəri tipidir. Dəri daim quru, sərt formada olur və pullanmalara çox meyillidir. Qaşıntı kimi əlavə problemlər də yaradır. Quru dəri tipi həm günəşdən təsirlənib tez yanır, həm də qışda soyuğa tez reaksiya verdiyindən çatlar yaranır. Hətta çatlar soyuq olmasa belə yaranır. 1-2 nəfərdə görmüşdüm, evdən-eşikdən iraq, bu çatların qanamağa qədər yolu var.

4) karma dəri tipi:
özümün də sahib olduğumu düşündüyüm dəri tipidir. Həm yağlı, həm də quru(və ya normal) dəri tiplərinin qarışığıdır. Bu tipi "u" və böyük "t" hərfi ilə izah edirlər. Yəni t hərfinin üzümüzdəki proyeksiyası kimi alın, burun və çənə nahiyələri yağlı dəri tipinin əlamətlərini göstərdiyi halda, yanaqlar normal və ya quru dəriyə sahib olur. Üstəlik, iş tək bunla bitmir, durum hər zaman belə olmur. Bəzən Eyni bölgədə fərqli özəlliklərə sahib hissələr də olur. Bu tipinə sahib olduğumu kəşf edəndə dilxor olmuşdum ki, gərək hər hissə üçün ayrı şey alım, sonra isə gördüm sırf bu tip üçün yaradılmış qarışıq məhsullar da var. Necə deyərlər, əsl oğlan malıdır, ikisi birində. -* (baxma: yazarların gözəllik sirləri/-362696)

Bir ara özümçün bir neçə "care product* bunun Azərbaycancası nədir? Translate qulluq məhsulu kimi tərcümə edir, amma çox qeyri-səmimi səslənir " alasıydım. Dedim indi girib yazan kimi 3-5 şey çıxacaq, birin seçib alaram. Gördüm əlli cürə şey var. dəri tipinə gələndə, ümumiyyətlə, başım şişmişdi. Sözlükdə nə əcəbsə qızlardan heç kim bu mövzuda entri yazmayıb. Qərara gəldim ki, kasad və təməl bilgilərimlə bu başlığı açım. Qızlar, bu və bu tip başlıqlara bir əl gəzdirin, zəhmət olmasa. Entridə də etdiyim səhv varsa, mənə bildirib düzəltməyimə kömək etsəniz, sevinmiş olaram.

Son olaraq, öz dəri tipinizi özünüz müəyyən etmək istəyirsinizsə, bunun üçün ən yaxşı yol üzü su ilə təmiz təmizləyib heç bir şey vurmadan 1 saat gözləməkdir. Lap dəqiq öyrənməyin yolu isə ən yaxın kosmetoloji mərkəzdir.

yazarların gözəllik sirləri

Hər nahiyəsi üçün 40 cür fərqli kosmetik vasitə istifadə edib sivilcələrindən və ya həddən artıq yağlanmadan qurtula bilməyən qızların görən kimi həsəd aparacağı parlaq, canlı, "pürüzsüz", sivilcəsiz dəriyə malik tipik bir oğlan olaraq bütün oğlanların adından sirrimizi açıqlayıram:
(baxma: 9in1 skin care and moisturizing liquid for hair, beard, face, body, mouth, teeth, clothes, dish, car washing)
Not: Kritik anlarda üz qırxma köpüyü əvəzi də istifadə edilə bilər.

qol saatı

növ olaraq 2 yerə ayrılır:
1) analoq
2) digital
Həmçinin, işləmə mexanizmi olaraq da 2 yerə ayrılır:
1) mexaniki
2) quartz (bilməyənlər üçün: batareyalı saatlar)

Burada 2 məsələyə toxunmaq istəyirəm. Diqqət elədinizsə, yuxarıda nə "smart saat", nə də "avtomatik saat" anlayışlarını yazmadım. Səbəbini deyim:
1) Wikipedia daxil olmaqla bir çox yerlərdə saat növlərinin üçüncüsü kimi smart(ağıllı) saat göstərilir, lakin saat "camiası"nda bu fikir qətiyyən qəbul görmür. Səbəbi isə, onun, məqsədi zamanı göstərmək olan alət deyil də, qola taxılan, saatı da göstərə bilən texnoloji vasitə olaraq sayılmasıdır. Ki mən də bunu doğru hesab edirəm. O şeyi smart saat yox, qola taxılan telefon saymaq daha məntiqlidir.

2) əslində, avtomatik saat deyə üçüncü bir kateqoriya yoxdur. Avtomatik saat mexaniki saatın bir tipidir. Mexaniki saat dediyimiz şey batareya kimi heç bir əlavə güc qaynağına, elektrik sisteminə və s. ehtiyacı olmayan, dişlərdən, çarxlardan ibarət olan saatdır* çox təəsüf ki, bir çox anlayışların azərbaycanca tərcüməsi yoxdur deyə ancaq bu qədər başa sala bilirəm . Mexaniki saatlar öz içində 2 tipə ayrılırlar:
1) "manual-winding" və ya "hand-winding", yəni əllə qurulan mexaniki;
2) "self-winding" və ya avtomatik, yəni öz-özünü quran mexaniki.

Bunların arasındakı fərq odur ki, birincini mütəmadi olaraq -saatın güc rezerv(power reserv)indən asılı olaraq gündəlik və ya 2 gündən bir- əl ilə crown , yəni tacı buraraq enerji depolamağını təmin etmək, yəni "qurmaq" lazımdır. ancaq "avtomatik" dediyimiz öz-özünü quran saatda isə taxdığımız zaman qolumuzun hərəkəti nəticəsində rotor un fırlanmağı ilə bu enerji depolanır.

həmçinin
(bax: siferblat)

standart azərbaycanlının boş vaxtında etdikləri

1) Instagram, tiktok və s. sosial şəbəkələrdə vaxt öldürmək.
2) milyoner olmaq, xaricdə yaşamaq, ideal iş və ideal ailə kimi gələcəyə dair, reallaşmayacaq xəyallar qurmaq.
3) gileylənmək. Məktəblidirsə, məktəbdən; tələbədirsə universitetdən; işçidirsə, işdən; evlidirsə, ailəsi və qohumlarından; valideyndirsə, uşaqlarından; uşaqdırsa, valideynlərindən və s. Və ilaxır.
Hamısının da ortaq nöqtəsi hökumətdən gileylənməkdir.
4) başqalarının həyatlarına həsəd aparmaq, qibtə etmək.
5) qeybət etmək.

üzr istəmək

"üzrlü say(ın)" deməklə eyni olmayan davranışdır.

Sözün açığı, bunları fərqləndirəndən sonra kimsə önəmli bir məsələdə "üzrlü sayın" deyəndə qəribsəyirəm, nəsə acığıma gəlir.

Bu ikisinin Fərqləri, əslində, ilk başda xırdaçılıq kimi görünsə də, çox bəsitdir:
"üzr istəyirəm" həqiqi üzrxahlığı, bir növ, edilən əməldən peşmanlığı bildirir. Bunu ifadə edərkən insan, etdiyi davranışın qarşıdakı şəxsdə yaratdığı emosional dəyişikliyin fərqində olduğu və bundan narahatlıq keçirdiyini bildirmiş olur.
Halbuki "üzrlü sayın" isə məsələni qarşıdakı insanın üstünə atır, deyən şəxs sanki mövzunu o qədər də vecinə almır, ciddi yanaşmır, yola verir. Yəni bir növ, "oldu, oldu da day. eybi yox, öt keç üstündən" tərzi bir şeydir. Oturub ətrafımda diqqət eləmişəm, "üzrlü say" deyənlərin 90%-i öz əməlini tam dərk etmir və bunu istər eyni, istərsə də fərqli şəxslərə qarşı təkrarlamağa daha meyillidir. bu ifadəni işlətmək olar e, amma qətiyyən tanımadığın, səmimiyyətin olmayan birinə yox. dost-tanış arasında, nə bilim, təsadüfən toxunarsan, ayağını tapdalayarsan və s. bu kimi çox cüzi hallarda. lap ayağını tapdasan da, buna xüsusi reaksiya verib əsəbiləşən biridirsə, onda belə demək düzgün deyil.

Həm də ki gəlin bir az daha xırdaçılıq edək. "üzrlü sayın" konkret olaraq qrammatik müstəvidə əmr cümləsidir. insan bəzən əsəbi halda qayıdıb "saymıram" demək istəyir. adama deyərlər, eləmisən, eləmisən, day üzrlü saymağımı demək nədir? Adam balası kimi üzr istə, keç də. Üzrlü saymasam nə edəcəksən ki? təcrübə üçün Gələn dəfə "üzrlü sayın" deyən adama "saymıram" deyin. Görün vəziyyət necə qarışacaq. Əgər zarafatınız, yaxın səmimiyyətiniz varsa, "neyniyim?!", ya da "cəhənnəmə, belə gora" deyəcək. Ən yaxşı halda da sifətini turşudub qəribə-qəribə baxacaq.

Dolayısılə, nəticə olaraq, "üzr istəyirəm" demək istənilən halda çox daha mədəni təsir bağışlayır və vəziyyəti hər zaman yumşaldır.

azərbaycan dilində alternativi olmayan sözlər

(baxma: submersible) - okeanın dərinliklərinə enmək üçün vasitədir.

Bu, submarine, yəni Sualtı gəmi deyil. çünki sualtı gəmi özü-özünə yetən müstəqil gəmi* gəmi demək də düzgün deyil e, ingiliscəsi "craft"dı. bu sözün belə qarşılığı yoxdur dir. halbuki "submersible" suyun üzündə olan platforma və ya gəmidən dəstək alaraq sualtı dalış edir.
bu, Nə də ki batiskaf deyil. əslində, batiskaf özü bir "submersible" növüdür.

muscle car

sifarişi verən: Derek

Artıq beynəlxalq termin sayılır deyə hərfi tərcüməsi düzgün deyil. Bütün dünya bu maşınları bu cür adlandırır.
Əfsanəvi ford mustang 1965

Sözlük tərifi: güclü motorlara sahib olan amerikan maşınları. 2 qapılı, kupe olurlar və yüksək performans maşınlarıdır. Geniş yayılması və rəğbət görülməsi 60-70-ci illərə təsadüf edir.
Nümunə: 1970 dodge charger - hansı ki, biz bu maşını fast and furious filmlərindəki dominic torettonun maşını kimi tanıyırıq.

Hazırda hamı tərəfindən Ən bilindik nümunələri bu gün bakı küçələrində belə görüb bəyəndiyimiz chevrolet camaro, ford mustang və dodge challengerdir.
Chevrolet Camaro

Ford Mustang shelby

Dodge challenger

Təbii ki, bunlar ən məşhurlarıdır. 60-cı illərdə pontiac, plymouth, chevrolet, dodge möhtəşəm modellər istehsal edirdilər.
1969 Dodge Super Bee

1972 chevy chevelle ss

Burada bir dənə "fun fact": hamımızın sevərək izlədiyimiz cars animasiyasındakı dinoco-nun üzü olan strip 'the king' weathers obrazı

plymouthun 1970-ci il eksklüziv modifikasiya "muscle car" olan superbird modeli* təbii ki, nascar yarış versiya idi.

80-90-lar və 2000-lərin əvvəllərindəki dizaynları heç bəyənmirəm, açığı. Qətiyyən "muscle car" havası yoxdur. Ki zatən o dövrlər ümumi olaraq düşüş sayılır və itirib-axtaran belə yoxdur o illərin maşınlarını. Aralarında diqqət çəkən sadəcə buick gnx-dir.

Ki biz bu maşını da cars animasiyasında " chick hicks" olaraq görmüşdük.

Hazırda əsl muscle car mənə görə dodge challengerdir. Hansı ki, digərlərindən fərqli olaraq ilk nəsil əcdadlarının estetik cizgilərini hələ də qoruyub saxlayır.
Həmçinin (baxma: dodge challenger/-363761)

james cameron

26 mart 2012-ci ildə dünyanın ən dərin nöqtəsi olan marian çökəkliyindəki challenger deep-ə təkbaşına enmiş(10908m) ilk insandır. ondan əvvəlki 50 il ərzində bu yerə heç bir bəni-adəm enməmişdir və o bura enmiş 4 insandan biridir. içində endiyi 1 nəfərlik batiskafı özü ron allum ilə birgə dizayn etmişdi.

rolex sırf rejissorun bu dalışının şərəfinə* zatən bu dalışın maliyyə dəstəyini rolex etmişdi 2014-cü ildə heç gözlənilməyən anda sea-dweller modelinin eksklüziv bir versiyasını təqdim etmişdi:
rolex deepsea d-blue

saatın siferblatına diqqət edin: okean suyunun profildən görüntüsüdür: yuxarısı mavi, aşağı doğru tündləşir. Eynilə okeanda dərinliyə endikcə suların qaranlıqlaşması kimi.

hə, bu arada, unutmadan...eləməyib tənbəllik, dibə endiyi an tvit atmışdı. bu da həmin o "world's deepest* sözün həqiqi mənasında tweet":

.