Son yazılanlar
Hazırki streak: 0 gün ardıcıl post yazılıb.
Rekord: 14 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: gecə quşu
Pik saat: 01:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 28 (karma əsasında)
Növbəti səviyyəyə: 72 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 147,320
Toplam simvol: 883,920
Orta entry uzunluğu: 1,733 simvol
Kitab ekvivalenti: ~2.1 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
)
ıv nəsil azərbaycan bəstə
ağa məhəmməd şah qacar
iran
ssri
aşurbəyovlar
mirzə fətəli axundov
homoerotik azərbaycan ədəbi
1988-ci ilin noyabrında "Dirçəlmiş", 1989-cu ilin dekabrında "Həmrəyləşmiş", 1990-cı ilin Yanvarında "imperiya ordusuna qəhrəmancasına sinə gərmiş" və bu üç nadir qəhrəmanlığın nəticəsində 1993-cü ildə "Qurtulmuş" və bütün bu olanların qarşısında öz taleyinə biganələşmiş xalqın nümayəndəsi olmaq...
istinad.
link
olduqca mürəkkəb dilə malik xalq.
"Dağıstanın cənub şərqində tabasaranlar adında bir xalq yaşayır. Bu xalqın unikallığı ondadır ki, həmin dildə ismin 61-76 arasındakı halı var. *
1997-ci ildə rekordlar kitabına salındıqda 48 halı olduğu qeyd edilib, ancaq linqvistdən asılı olaraq dəyişir
Hələ alimlər tam olaraq dildə ismin hallanmasını təyin edə bilməyiblər. Qrammatik çətinliyi baxımından bu dil Ginnesin rekordlar kitabına dünyanın ən çətin dili kimi düşüb. *
10 ən çətin dildən biri kimi
Bu dili ən tez öyrənə biləcək xalq nə qədər qəribə olsa da bizik. Tabasaran dilinin təxminən 45 faizi azərbaycan dilindən keçən sözlərdir. Buna səbəb dil arealı olan yerlərin Dərbəndə yaxınlığı və ünsiyyət vasitəsi kimi azərbaycan dilini istifadə etmələri olub. Bəzi tabasaran kəndləri isə tamamən dillərini itirib. Yersi kəndi bunlardan ən böyüyüdür. indinin özündə tabasaranlar gündəlik ünsiyyət vasitəsi olan sözləri, alqışları və qarğışları tamamən azərbaycan dilində aparırlar.."
mənbə.
link
1990-cı il dekabr-yanvar, axc tərəfindən (iddia) - uğursuz
(bax: bakı poqromu)
şübhəlidir...
.
bakıda 106 nömrəli avtobusun partladılması və 1 qadının həlak olması, 9 nəfərin yaralanması ilə azərbaycan tarixinə ilk terror aktı olaraq keçmiş hadisə.
hadisəni törədən erməni əsilli Vartanov soyadlı şəxs olmuşdur. Törətməkdə məqsəd olaraq isə azərbaycanlılardan, simvolik olaraq isə türklərdən 1915 hadisələrinə görə intiqam almaq olduğunu ifadəsində bildirmişdir. etnik konfliktin qarşısını almaq məqsədilə rəsmilər hadisəni ört-basdır etməyə çalışıblar.
eyni zamanda, bu hadisələrdən 2 il sonra akademik opera və balet teatrında və hazırkı muzey mərkəzində baş verən yanğınlar da oxşar şəxslər tərəfindən törədilən təxribatların nəticəsində idi.
mənbə.
qarabağ: keçmiş və indi, arif yunus
(bax: problem of evil)
ermənilərin iddiasına görə azərbaycan tərəfindən həyata keçirilən dron əməliyyatlarına rəhbərlik edən türk general. əsas olaraq da, onun daha əvvəl də liviyada eyni işi gördüyünü, və vəzifəsinin aşağı ranklı olmasına baxmayaraq, avqustda türkiyə müdafiə nazirinin digər ordu rəhbərləri ilə bakıya gəlişi zamanı onun da onları müşayiət etməsini göstərirlər.
.
"ittiham olunmuş"lara bəraət qazandırmaq üçün "ittiham olunan"ların məhkəmə prosesində, özlərinin və bu prosesdə iştirak etmiş digər şəxslərin ifadələrinə və məhkəmənin hökmlərinə rus və ingilis dilində leyla yunusa məxsus " sülh və demokratiya institutu"nun saytından baxmaq olar:
https://www.ipd-az.org/the-trial-of-7-persons/
aşağıdakı forumdan arif yunusun müxtəlif mənbələrdən, həmçinin həm erməni, həm də azərbaycan mətbuatından, eyni zamanda müəyyən tanışlıqları vasitəsilə cəbhənin hər iki tərəfindən aldığı məlumatlar əsasında hadisələrin gedişini, onun şəxsi analizlərini, proqnozlarını və eyni zamanda baş verənlərlə əlaqəli müxtəlif suallara verdiyi cavabları öyrənə bilərsiniz:
http://www.milhistory.org/forum/10-actual/
qeyd.
arif yunus mənə görə bu hadisələri ən obyektiv şəkildə şərh edə bilən adamlardan biridir. çünki həm sahəsi konfliktologiyadır, həm valideynlərindən biri erməni, digəri azərbaycanlıdır (hər iki dili bilir), həmçinin bu regionun adamıdır və bu xalqların və siyasətçilərinin "xasiyyətinə" və davranışlarına tam bələddir.
bir vaxtlar, azərbaycan və erməni xalqlarının dostluq konsertlərinin unudulmaz mahnısı.
əzəldən qardaşdır, ellərimiz,
dost olub, birləşib əllərimiz.
çörəyi bir olub, ürəyi bir olub, diləyi bir olub ellərimizin.
kür, araz, ararat,
gözəldir bu həyat.
Qardaş olub Hayastan-Azərbaycan.
) qeyri-rəsmi deyilənə əsasən sözləri şair islam səfərliyə məxsusdur. islam səfərli 1974-dən əvvəl vəfat edib və görünür, mahnı 1974-dən əvvəl mövcud idi...
baş vermiş hadisə zamanı həlak olanlar sadə xalq tərəfindən hər nə qədər "qaymaq" kimi xarakterizə olunsa da, hadisənin baş vermə səbəbi dövlətin "bacarıqlı" kadrlarını məhv etmək məqsədi yox, hadisələrin gedişatını dəyişmək məqsədi daşıyırdı... "qaymaq" olub-olmamaqları isə özü ayrı müzakirə mövzusudur...
baş verəcək olan görüş demək olmazdı ki, məsələni tamamilə həll edəcəkdi. sadəcə yeltsin və nazarbayevin vasitəçiliyi ilə əldə olunan, ancaq təsdiqlənməyən jeleznovodsk razılaşmasının tərkib hissəsi olaraq həyata keçiriləcəkdi. yəni, nəticəsi tam surətdə demək olmaz ki, həledici olacaqdı. ancaq baş verən hadisə bütün sülh danışıqlarını baltaladı, məsələnin diplomatik yolla həll olunmasının üzərindən xətt çəkdi... onu da qeyd edim ki, azərbaycan ermənistana verilən qazı 4 noyabrdan etibarən kəsmişdi, və erməni tərəfi qaz verilmədikcə sülh danışıqlarından imtina edəcəyini bildirirdi.
hadisələrin kimin tərəfindən nə üçün və necə törədilməsini kənara qoysaq (mütəllibovun tərəfdarlarından olan hacı əbdülün dediyinə görə bunu azərbaycanın özünümüdafiə dəstələrinin komandirlərindən biri, sonradan həbs də olunmuş "qatır məmməd" ləqəbli yaqub rzayev ona verilən əmrin əsasında bilməyərəkdən törədib və ya bəzi xarici tədqiqatçılara görə erməni tərəfi törədib və ya rus kəşfiyyat orqanlarının hadisədə əli var və s. ) hadisələrdən ən çox azərbaycanda faydalanan azərbaycan xalq cəbhəsi oldu. onların ayaz mütəllibova təzyiqi nəticəsində danışıqlardan tamamilə imtina edildi, 360 deputatlıq ali sovet ləğv edildi və əvəzinə yarısını cəbhəçilərin təşkil etdiyi 50 deputatlıq milli şura yaradıldı, və dağlıq qarabağın muxtariyyət statusu 26 noyabr 1991-ci ildə ləğv edildi . eyni zamanda dağlıq qarabağın inzibati bölgüsü də dəyişdirildi, hazırkı formasını aldı, stepanakert xankəndi, mardakert ağdərə, martuni xocavənd adlandırıldı. Azərbaycan de-yure olaraq ssri-nin tərkib hissəsi olduğuna görə, bu qərar qanunsuz idi. çünki sovet konstitusiyasına əsasən, ancaq ssri ali sovetinin qərarı ilə belə bir dəyişiklik edilə bilərdi. bunun nəticəsində, dağlıq qarabağ erməniləri də qeyri-qanuni referendum keçirərək, 10 dekabr 1991-ci ildə dağlıq qarabağın müstəqilliyinə səs verdilər. de waal bu "qanunların müharibəsini" belə şərh edir:
"The “war of laws” had reached its reductio ad absurdum, and any compromise was now impossible."
qeyd.
həlak olanların hamısı ayaz mütəllibova tamamilə loyal adamlar idilər. məsələn, aşağıdakı nitqdə daxili işlər naziri məhəmməd əsədovun ayaz mütəllibova öz dəstəyini necə ifadə etməsini görə bilərsiniz:
)
və ya çaykənd əməliyyatı və ya Операция "Кольцо".
1991-ci ilin 30 aprel - 15 may aralığında dağlıq qarabağ fövqəladə vəziyyətli muxtar vilayətinin komendantı general - mayor safonov, azərbaycan tərəfdən məhəmməd əsədovun rəhbərlik etdiyi, əsasən azərbaycanlıların təşkil etdiyi 4-cü orduya məxsus 23-cü motoatıcı diviziya, daxili qoşunlar və omon-dan yığılmış silahlı birləşmələrin dağlıq qarabağın hadrut, mardakert, şuşa, şaumyan və ermənistanın novemberyan, tavuş, gorus rayonlarında toplanmış və qeyri-qanuni şəkildə silahlanmış "fədai"ləri - seperatçıları silahsızlaşdırmaq məqsədilə həyata keçirdiyi hərbi əməliyyat. baxmayaraq ki, əməliyyatın rəsmi olaraq passport yoxlanışı məqsədilə keçirildiyi bəyan olunsa da, thomas de waal hadisələri sovet ittifaqı tarixində ilk və tək vətəndaş müharibəsi olaraq şərh edir.
əməliyyatın nəticəsində hazırkı göygöl rayonuna məxsus çaykənd də daxil olmaqla, 3 kənd, hazırkı goranboy rayonunun tərkib hissəsi olan və erməni separatçılarının indi də öz əraziləri olaraq iddia etdikləri şaumyan rayonuna məxsus 21 kənd etnik təmizlənməyə məruz qaldı və 5 000-ə yaxın erməni bu kəndləri tərk etmək məcburiyyətində qaldı. (ssri dağıldıqdan sonra yenidən qayıtsalar da, azərbaycan tərəfinin həyata keçirdiyi uğurlu goranboy əməliyyatı ilə yenidən qovuldular) şuşa və hadrut rayonlarına məxsus 17 kənddə bu hadisələr baş versə də, ara sakitləşdikdən sonra onlar yenidən qayıdaraq bu kəndlərə yerləşdilər.
zəifləməkdə olan ittifaqda, ayaz mütəllibovun ittifaqı qorumağa çalışan və partiyanın puqo, yanayev, yazov, liqaçovdan ibarət konservativ cinahına meyl göstərməsi və aşkar şəkildə dəstəkləməsi, üstəlik qorbaçovun ittifaqın gələcək taleyini həll etmək üçün 1991-ci ilin 17 martında həyata keçirdiyi ümumittifaq referendumunda azərbaycanın 92% səs verərək ssri-ə tam sədaqət göstərməsi, ermənistanın isə müstəqillik tələb edərək ümumiyyətlə bu referendumda iştirak etməməsi, bizim üçün uğurlu olan bu əməliyyatın həyata keçirilməsi ilə nəticələndi. baxmayaraq ki, əməliyyata mixail qorbaçov özü şəxsən razılıq vermişdi, alexander yakovlev başda olmaqla liberal cinahın nəzarətində olan mətbuat "pravda" və "moskovskye novosti" sərt şəkildə baş verənləri qınadı, əməliyyatların dayandırılmalı olduğunu bildirdi. avropa parlamenti və abş konqresi də halqa əməliyyatını qınayan qətnamələr qəbul etdilər. bütün bu təzyiqlərin qarşısında qorbaçov rəsmi şəkildə 1991-ci il iyulun 4-də əməliyyatların tamamilə dayandırılması ilə bağlı qərar qəbul etdi.
şəxsi fikrimcə, əgər əməliyyatlar tam şəkildə davam etdirilsəydi, hazırkı dağlıq-qarabağ konflikti tamamilə bitmiş olacaqdı. qorbaçov əvvəllərdə bu fikrə inanaraq buna razılıq versə də, sonradan həm beynəlxalq təzyiqlərə, həm partiya daxilindəki çəkişmələrə, həm də bu əməliyyatın regiondakı vəziyyəti daha da pisləşdirdiyini düşünərək əməliyyatların dayandırılmasına razılıq verdi.
mənbə.
https://en.m.wikipedia.org/wiki/Operation_Ring
black garden, thomas de waal
ömrünün 20 ilini bakıda, 60 ilini moskvada keçirən, geri qalanını isə yerusəlimdə yaşamağa qərar verən 91 yaşlı yazıçı.
yaradıcılıq fəaliyyətinə tərcüməçi olaraq başlasa da, sonradan yazıçılığa maraq göstərmişdir. əsərlərini əsasən rus dilində yazmışdır. məşhur əsərləri arasında axundov haqqında yazdığı tarixi roman " fəthəli fəthi", vaxtilə azərbaycanda qadağan olunmuş " ailə gizlinləri" romanı, " maqomed, mamed, məmiş" romanı var.
tək-tük yazarlardandır ki, həm sovet dövründə, həm də indi öz ləyaqətini ayaqlar altına atmadan həm öz əsərlərində, həm də müsahibələrində qorxmadan həqiqətləri deyə bilib... "ailə gizlinləri" romanı bunun ən bariz nümunəsidir... bu roman xəyali bir respublikada korrupsioner bir rəhbərin klan sistemi ilə ölkəni idarə edərək onu necə məhvə doğru aparmasından bəhs edir və yəqin ki, bu ifadələr sizdə müəyyən anologiyalar yaratmağa artıq imkan verir... məhz bu səbəbdən də bu kitab moskvada nəşr olunsa da, azərbaycan ssr-də satışına qadağa qoyulmuşdu. yazıçı özü, müxtəlif təzyiqlərə baxmayaraq, o dövrdə əliyevin əlində olan gücə rəğmən ona toxunmamasının əsas səbəbini isə, əliyevin onun arxasında daha güclü bir siyasi fiqurun olduğunu düşünməsi ilə əlaqələndirir...-*
burada maraqlı bir çıxışı da var, müstəqillik və dil haqqında:
)
Səməd Vurğunun radioda ilk dəfə qulaq asdıqdan sonra, görüşlərdən birində təəssüratlarını aşağıdakı kimi bəstəkara bildirdiyi,
"Qağa, dünən radioda süitana qulaq asdım, çıxmışdım Kəpəzin lap təpəsinə..."
əzəmətli fikrət əmirov bəstəsi.
fuad ibrahimov, 2020
))
deyəsən, artıq xalq olaraq qurbanı olmuşuq...
4 oktyabr gəncə bombalanması:
.
.
.
.
bu günlərdə " saxla samanı gələr zamanı" fəlsəfəsiylə hərəkət edən adam.
dəniz səviyyəsindən 3395 metr yüksəklikdə yerləşən, şimal tərəfdən kəlbəcəri göygöl rayonu və gəncə şəhəri ilə birləşdirən yeganə yolun üzərində yerləşən yüksəklik və ya dağ keçidi.
1994-cü il murovdağ əməliyyatında məhz bu aşırımın qarşı tərəf tərəfindən ələ keçirilməsilə azərbaycana məxsus 701-ci motoatıcı briqada kəlbəcərdə mühasirədə qaldı, briqadanı təchizatla təmin etmək, yaralılarını və ona məxsus zədələnmiş texnikanı evakuasiya etmək üçün istifadə etdiyi əsas yol kəsildi. Bunun nəticəsində bütün ağır texnika kəlbəcərdə tərk edildi, briqada isə kəlbəcəri daşkəsən istiqamətində susuzluq-təkəqaya-ağdağ cığırları ilə tərk etmək məcburiyyətində qaldı. leyla yunusun dediklərinə görə, bir hissəsi donvurmadan məhv olan briqada, digər böyük bir qismini isə qarşı tərəfin bilərəkdən dağların zirvəsi istiqamətində açdığı artilleriya zərbələrindən yaranan qar uçqunları nəticəsində itirdi.
kəlbəcərə azərbaycandan aparan digər yol isə ağdərə-vəng-kəlbəcər yoludur.
mənbə.
vikipediya
https://iwpr.net/global-voices/azeri-veterans-recall-military-fiasco
digər adı ilə rv-8 radio marşı.
müslüm maqomayev *
baba
tərəfindən yeni yaradılmış azərbaycan radiosunun açılışı üçün 1929-cu ildə bəstələnmiş marş.
Piano
))
orjinal adı "azərbaycan marşı" olan, 70 il itkin düşmüş, not yazıları bəstəkar sərdar fərəcov tərəfindən 1989-cu il 14 iyunda "ədəbiyyat və incəsənət" qəzetində yazılan "Üzeyir Hacıbəylinin iki marşı" adlı məqalə ilə aşkara çıxan himn.
azərbaycan xalq cümhuriyyətinin himni olub-olmaması ilə bağlı rəsmi sənəd yoxdur. sərdar fərəcov bu marşı ethem üngör adlı türk bir müəllilfin 60-cı illərdə ankarada nəşr olunan "türk marşları" adlı kitabından tapmışdır. ancaq, bu kitabda qeyd olunan marşların həqiqətən ona məxsus olub-olmamasını təsdiqləmək üçün dövrü mətbuata nəzər saldıqda görmüşdür ki, 14 noyabr 1919-cu ildə çap olunan azərbaycan qəzetində belə bir xəbər var:
"Azərbaycan Demokratik Respublikasının rəsmi dövlət himni üçün keçirilən müsabiqədə Ü.Hacıbəyovun "Milli marş"ı I mükafata layiq görülərək 15000 rubl məbləğində pul ilə təltif olunmuşdu. əsər ilk dəfə səslənərkən hökumət ərkanı ayaqüstü onu dinləmişdir."
həmçinin, bu müsabiqə ilə bağlı nəsib bəy yusifbəyli tərəfindən verilən elan da mətbuatda öz yerini tapmışdır:
ilk dəfə hazırkı formatda 1989-cu il 17 noyabrda azadlıq meydanında səsləndirilmişdir:
)))
və ya küdrü-şirvan düzü. ucar rayonunun cənub-şərqini, zərdab rayonunun şərqini, kürdəmirin cənubunu əhatə edən, kür çayından şimalda, ləngəbiz tirəsindən solda yerləşən düz.
küdrü fars dilindən tərcümədə quraqlıq mənasını verir. ləzgilər tarixən bu düzdən öz heyvanlarını otarmaq üçün qışlaq kimi istifadə ediblər və bugün də istifadə edirlər.
əslində küdrü düzü məşhur "kürdəmir istisi"nin əsl vətənidir -* mənə elə gəlir oradakı istini ancaq nizaminin isgəndərnamədə yazdığı aşağıdakı sətirlər ilə ifadə etmək olar. -*
Yayın ən şiddətli, isti çağında,
Daş muma dönəndə gün qabağında
Günəş öz evinə edəndə şitab
istidən aslanlar oldular kabab.
Qarsıldı bitkinin yaşıl yarpağı,
Saraldı lalənin qızıl yarpağı.
Bürkü səhralara od-alov saldı.
Meyvələrin ağzı açıla qaldı.
Qızdı yay gününün isti nəfəsi,
Çalı quşlarının kəsildi səsi.
Günəşi göylərdə dolanan zaman
Sancıb saraltmadı əqrəbtək xəzan.
həmçinin, küdrüdə bitən qarpıza şirinlikdə söz ola bilməz -*
mənbə.
azərbaycan fiziki coğrafiyası, müseyibov
vikipediya
Son bəyənilənlər
