psixoloq yoxsa psixiatr?
#sağlamlıqsalam, əhli-söz6. başlığı çox da şey etməyin, vəziyyət ciddidir.
noyabrdan bəri ağır depressiyalara girib çıxıram. bu da məni yaşamağa qoymur və çox yorur. yorulmaq kəlimə deyil hiss etdiyim və içində olduğum durumun yanında.
nəysə ki, dünən lap düşdüm 0-a. nəfəs almaq mənə ağır gəlir artıq. elə dedim ya psixoloqa görünəcəm, ya da görünəcəm. çünki tək bacarmadım, bacarmıram. bir yerə qədər tək gəlirsən, qalanı getmir e, davam etmək mümkünsüz olur. bəlkə mənə dəstək olan ailəm, ya nə bilim dostlarım filan olsa idi öz-özümə işin içindən çıxardım, amma.. təklik cəhənnəmdir və insan insana möhtacdır, bunu başa düşdüm. axırıncı yol, çox keçmədi online seans keçirməyən birini tapdım güvənilir adamdan. 5-ci gün müayinəyə gedəcəm və çox qorxuram. elə bilirəm, ömrümün axırına qədər müalicə alacam, seanslara gedəcəm və yaşamaq qalacaq bir qıraqda. özümü, həyatı hiss etməməkdən və onu yola verməli olub gün sürdürəsi duruma düşməkdən çox qorxuram. qorxum depressiya deyil, pis olmaq deyil, incinmək, qırılmaq vs vs deyil. depressiyanın sevinc, xoşbəxtlik üzərində təsirləri və depressiyanın müsbət tərəfləri haqqında n qədər məlumat var, adama azca da ümid verən, ammaaa mən qorxuram ki, birdən bu çuxurdan heç zaman çıxa bilmərəm və burnumu arada sırada havaya çıxarıb, nəfəs alıb sonra yenidən ucsuz-bucaqsız okeana dalaram. belə yaşamaq istəmirəm. hər gün boğulub, amma sağ qalmaq istəmirəm. ölmək də istəmirəm. düz, normal həyat istəyirəm, çox şey yox.
nəysə ki, canlar, mən yazılmışam klinik psixoloqa və dediyinə görə anamnestik məlumatları əldə edib, dəqiqləşdirəcək. diaqnostikanı yaxşı bilir, o heç, amma deyir diaqnoz qoymaq psixiatr işidi. müayinədən sonra ehtiyac qalsa, psixiatr yanına yönləndirəcək. siz burdan nə başa düşürsüz? müayinə etmək diaqnoz qoymaq demək olmur ki? yəni, indi o məni müayinə edəcək, diaqnoz qoymadan nə biləcək ki nəyim var, nəyim yox? diaqnoz qoymasa, day nəyi müayinə oldu? bir az burası çatmadı. başım çıxmır, məsələn, nə olsa psixiatra göndərə bilər? indi psixiatra göndərsə, maştağalığam deməkdir? ya deyil?
vəziyyətimin sandığımdan daha böyük və ciddi olduğu ehtimalını düşünüb halıma acıyaraq gülürəm. amma, məncə lap yaman gündə deyiləm. özümü düzəltməkdə israrlıyam. düzəldəcəm də. bu işə başladım, daha yarı qoymayacam. içimdə "getmə" deyən şərəfsiz səslər beynimi didsə də, hamısını görməməzlikdən gəlib məcbur gedəcəm. hətta qeydiyyata yazılmaq üçün belə 273838 dəfə mesaj yazıb silmişdim, amma yazdım. bipolyar olduğumu düşünürəm və tövsiyyələrdə oxumuşdum ki, öz qınına çəkilmək məsləhət deyil, düzgün qida, yuxu rejimi lazımdır filan. təyin olunan görüşlərə "getmirəm" deyib axırıncı moment hər şeyi bir kənara itələyib, özümü ən sərt şəkildə danlayıb gedirəm. çünki ağın çıxartmışam, daha olmaz. ağzına az qala çeynənilib yemək qoyulan mən, bu gün durdum və öz əllərimlə özümə səhər yeməyi hazırladım. yazıda nə qədər yüngül göründüyünün fərqindəyəm, amma elə deyil. çətindir. çox çətindir.
gördüyünüz kimi, bu yolda hələ ki əmin addımlarla irəliləməkdəyəm və psixoloji durumları üçün professional dəstək alacaq birinə deyilməli ürək-dirək veriləsi sözlər varsa, 4 gözlə gözləyirəm!
1. Salam, Mariya. Özəldən yazmaq istədim, alınmadı:d. Psixiatr yanında olmuşam. Sualların olsa, soruşa bilərsən.
Düzdür, mən ekspert deyiləm, amma ağır şəkildə depressiyadan əziyyət çəkirsənsə, bu daha çox psixiatrın kömək edə biləcəyi bir problemə oxşayır. Hətta mən deyərdim birinci psixiatra görünmək daha məqsədəuyğundur, o, terapiya məsləhət görsə ayrı və ya paralel aparmaq olar.
postun sahibi
3. @75312 neçə vaxtdır bağlamışdım mesajları, elə indicə açdım, bəxtdən 1-2 dəqiqə söhbəti olub. üzrlü sayasan.
ağır indi bizim nəyə dediyimizə baxır. elə bilirəm lap lap həngamə bir şey olmayacaq, bəlkə 1-2 seansa başını bağlayacam. ən azından belə ümid edirəm.
bilmirəm, 5-ci günü iplə çəkirəm. nə olursa, olsun artıq..
4. Keçmiş olsun mari, psixiatrla psixoloqun fərqini qavrayan kimi mən də görünsəm yaxşı olar deyəsən, devre yanacaq bir gün ʕ´• ᴥ•̥`ʔ
cornelius fudge @75315
5. Salam.
Mən də ilk olaraq psixiatra getməyini tövsiyyə edirəm. Mən də elə etdim. Psixiatr diaqnoz qoyur, dərman yazır, gərəksə psixoloqa getməyini də tövsiyyə edir. Mənə də tövsiyyə etdi ki, get psixoterapevt yanına.
2 həftədən çoxdu içirəm dərmanları. Durumum stabilləşib deyə, təxirə salmışam hələ ki psixoloq məsələsini mən.
Həm də ki, adam gedib gələndən sonra çox rahatlaşır. Bilirsən dərdin nədi, ona uyğun da özünü sağaltmağa yönəl.
postun sahibi
6. @75313 üzrlü say, amma discord temaları mənə xitab etmir və ətimi tökür əksəriyyəti. narahat oluram və özümü məcbur edib də yaza bilmirəm. virtual aktivlildənsə, real aktivliyə və real söhbətə ehtiyacım var. bir nəfər yazsın mənə bütün gün danışım, hə, o deyil axı. o durumda deyiləm
mariya kürüsü @75317
postun sahibi
8. uşaqlar, mən fikirləşirəm ki, birinci müayinə eləsin, sonra bilim kimliyəm. zatən birinci psixiatra getsəydim, o da müayinə edəcəkdi, bəlkə elə psixoloq məsləhət görəcək o da, eyniylə psixoloqun psixiatra yönləndirə biləcəyi kimi. belə ki, birinci müayinəyə gedirəm deyə çox şey edə bilmirəm. əsas 5-ci gün biləcəm məni dəlixanaya yollayırlar, ya yox-*
çox həyəcanlıyam.
postun sahibi
10. @75318 sən də düz deyirsən, yagasha. hazırda sağlam düşünə bilmirəm bu haqda, elə yəqin problem məndədir.
mariya kürüsü @75321
postun sahibi
12. @75322 çox incəsən, çox sağ ol.
sakitəm e, valla :d sözdür də deyirəm. düzələr
postun sahibi
14. başlığı niyə düzəltdiz ki? üzrlü sayın, amma belə başlıq sikən gəlib?
cırnadırsız e adamı ahaha gül kimi başlıq idi.
hələ uzaqlaşdırma verin, başlığı səhv yazmışdım.
əlinizdən, sözlük də çəkilməz olub day. yazı yazanda deyirəm yenə kimsə gəlib dəxlisiz düzənləmə edəcək, "blyaaa" muduna düşəcəm.
bu qədər çox kasmayın, vallaxa bak.
15. @75325 mariyacım, başlıq və entry düzəltməyi də bu qədər kasmasan? Başa düşürəm, psixoloji olaraq yaxşı durumda deyilsən, inciyə bilərsən. Amma kiminsə girib məsləhət verməsi üçün gərək başlıq düzgün olsun. "Şərqdə psixoloqu psixiatr edən ilk qadın" başlığını görən deyəcək yəqin nəsə məqalə teması zaddı, girməyəcək. Belədə bilmək olur psixoloq ya psixiatr, təcrübəli olan da girib fikrini bildirəcək.
Moderatorlar adamyeyən zad deyil, yəni kiminləsə qəsdi-qərəzlik edəcək qədər də bikar deyilik yəni.
Başlığı da mən düzəltmişəm.
17. Bro, bu, qaydadır, uymalısan.
İkincisi, əgər mod-lar arasında bilməyən varsa, deyim, xəbəri olsun. Məsləhətxana başlıqlarına diqqət edin. Saytın spesifik bölməsidir deyə quql botu axtarış zamanı daxil edilən kəlməni match edib, önə çəkir.
Saytın qazanc yeri yoxdur, amma məqsədi var.
postun sahibi
18. @75326 ay blin, bir adamın psixoloji vəziyyətindən tutub "inciyə bilərsən" demək. nerden baksan sənlik hərəkətdi ahaha
adamyeyən deyilsən, amma yaxçşıı mod kimi də görmürəm səni. qəsdi-qərəzlik qədər bikar deyilsən, amma yazıları bu qədər şey edəcək qədər bikarsan. guya indi modluq elədin də, başlıq düzəltdin :D afərin, halaldı.
işin avand olsun
postun sahibi
19. nəyi düzəldirsiz düzəldin e. mən burda yazdığım pessimist yazıya rəng qatım deyə guyaymış fərqli başlıq qoymuşdum ki, sıxıcı olmasın. yoxsa yazını yazanda içim çəkiıirdi.
axrıncı sözü səhv yazdım, düzəldin tezzzz
20. İlk olaraq dəlixana, maştağa düşüncələrini özünüzə yaxın buraxmayın -* psixiatr dedikdə insanın ağlına birbaşa şizofrenlər filan gəlir, amma necə ki hər kəs üçün ildə 1-2 dəfə ümumi yoxlanış tövsiyə olunur, həmçinim psixi sağlamlığımız da yoxlanılmalıdır) ona görə də lap özümüzdə problem hiss etməsək də, psixoloq, psixiatr yardımından istifadə etməyimiz çox gözəl təsir edər.
Sizin hazırkı vəziyyətinizə gəldikdə isə, çox gözəl addım atmısınız, özünüzdəki problemi görüb onun həlli üçün çalışırsınız. psixoloqunuz düzgün deyib ki, doğru diaqnoz üçün psixiatr müayinəsinə ehtiyac var. Ümumiyyətlə, psixiatriyada deyilir ki, əgər şəxsin düşüncələri və hərəkətləri özünü və ya ətrafdakıları narahat edirsə, onda patoloji vəziyyət var deyə bilərik. Sizin də vəziyyətiniz sizə çox təsir edir və ümumiyyətlə depressiyanın müalicəsi ilə birbaşa psixiatrlar məşğul olurlar. Təbii ki, söhbət seansları da müalicədə başlıca rol oynayır, amma bəzən elə vəziyyətlər olur ki, paralel olaraq başqa patoloji hallar da müşahidə olunur və kompleks müalicə vacib olur. Ona görə psixoloqunuz sizi psixiatra yönləndirməyi vacib bilirsə, heç çəkinməyin. Ən azından tam əmin olacaqsınız ki, sizin əziyyət çəkdiyiniz tam olaraq nədir.
postun sahibi
21. @75331maştağanı zarafatyana yazmışam ey..
çox sağ olun. minnətdaram-*
23. Sənin ilk abzasın son hissəsində olmaq istəmirəm dediyin şeydən əziyyət çəkirəm və boğuluram. Və təklikdən də əziyyət çəkirəm deyə istədim deyəm görüşək, söhbət edək çay içək. Həmcins dosta ehtiyac duyuram ama qız dostu da uşaq vaxtı qazandın qazandın sonra çox çətin alınır çox təəsüf ki:( özüm də fuad bəşirova gedəcəm 1 aya. Mənə indiki kimi olmayan həyat qəribə gəlir. Ümid edirəm psixoloqun sənə kömək edəcək, həyat keyfiyyətin artacaq. Sağlam ol)
gizli @75334
25. Psixoloqla psixiatrın əsas fərqi odur ki, psixiatrın tibbi təhsili var, buna görə də dərman yaza bilir. Psixoloq isə daha çox terapiya qisminə fokuslanır. Elə ağır hallar da ola bilər ki, ona spesifik o iş üzrə “uzmanlaşmış” psixoloq lazımdır.
Amma bu da var ki, hər psiaxtrın psixoterapıya bacarığı olmur. Əgər ikisini edə biləcək bir psixiatr olsa gözəl olardı, olmayanda həm psixoloq həm psixiatr ikisi birlikdə işləyə bilərlər.
Belə mən də heç ekspert deyiləm, özüm də heç psixoterapiya və s. Almamışam. sadəcə balaca vaxtı psixiatra aparıblar, o da ancaq adi həkim kimk gic-gic dərman yazıb pox qoyub ruh halıma hansı ki hələ də yığışdıra bilmirəmjgfgjk
Sadəcə bilgilərim daxilində bilirəm ki, Elə məsələlər var ki, onları dəqiq demək üçün aylarla seans lazımdır, ona görə çalış sadəcə dərmanla yola verməyəcək bir professional tap.
Başqa da duyğusal durumundan ziyadə fiziki sağlamlığını da diqqət yetir. Vitamininə, yeməyinə və s. Adicə yuxunun, hansı saatda durduğunun nə qədər önəmi var. Sosiallıq da önəmli olur bəzən, Mən bunu 2020-nin böyük qismini evdə keçirəndə başa düşdüm. nə qədər introvert də olsan insan olaraq sosial varlıqlarıq doğru adamlarla görüşəndə ürəyi açılır adamın. Lakin bir müddət öz qınında qalıb dincəlmək istəyirsənsə, çox təzyiq eləmə özünə biraz dincəl. Yenə də səhv məsləhət verməyim :d
Ümid edirəm ən qısa zamanda hər şey çox gözəl olacaq sənin üçün.
Başqa da edə biləcəyim nəsə olsa, bir msj qədər...
30. Salam. Ümid edirəm, hər şey yaxşıdır. Sadəcə başlıqdakı suala cavab verəcəm: psixiatr həkimdir, dərman yaza bilər, analizlərə və s. göndərir, səni (sizi. artıq hansını məsləhət görürsünüzsə) birbaşa olaraq sağaltmağa yönəlir; psixoloq isə psixologiya ilə məşğul olan elmi işçidir. Həmsöhbət kimi bir şey. Dərman yaza bilməz. Ən yaxşı halda reseptsiz dərman yaza bilər. Və türklərdən bir nəfərin videosunda görmüşdüm illərdir depressiyadan əziyyət çəkən adam demişdi ki, "onlarla psixoloq yanında oldum, biri demədi ki, işin mənlik deyil, psixiatra görün. nəhayət, bir gün psixiatrdan sonra anladım ki, problem genetik imiş". Dolayısilə, hər zaman psixiatr daha üstün və yuxarı səviyyədir, çünki adamın(qadının) tibb təhsili var. Psixoloq isə sadəcə 4 illik fakültə oxuyub, dalınca da uzçanlıq üçün magistr. "karoçe", psixiatr. Ürəyi ağrıyanda ürək həkiminə gedir insan, ürək üzrə araşdırmaçı adamın yanına yox. Olsa da, həkim deyəndən sonra olar.
Bertrand Zobrist @75387
31. @75334 uşaqlar, mariya, dəxlisiz yazıramsa üzrlü sayın, amma elə bunun üçün məsləhətxanada başlıq açmışam. Istəsəniz, bir göz gəzdirərsiniz..
https://soz6.com/meslehetxana/15027/hang-out
postun sahibi
32. @75387 diqqətin üçün çox sağ ol, minnətdaram.
başlığı mən yazmamışam, möhtərəm nellie yazıb, soruşmaq istədiyim bu deyildi halbuki. yenə də vaxt ayırmısan, bir daha təşəkkür edkrəm-*
bir yerdən başlayacam, görək başıma nələr gəlir.
postun sahibi
33. müayinədən indi çıxdım, sevincliyəm.
vəziyyətim nəinki psixiatrlıq, hətta mən düşündüyüm qədər ağır da deyilmiş. bipolar deyiləm, social anxiety-m yoxdur, borderline disorder ola bilər, o da az ehtimalla. hələ dəqiqləşdiriləcək.
bəzən içimizdə tornado sandığımız şey, əslində, adi xəzri olurmuş.
psixoterapiyalara isə davam edəcəyik. hər şey hamı üçün yaxşı olsun.
27.03.2021 mesaj izlə Googlla