əjdaha lazımdı
izlə
dostlar
mən
googlla
sözaltı günlük
-
sözaltı etiraf
-
acı uşaqlıq xatirələri
-
ata
-
sözaltı sözlük
-
həyatın nə qədər cındır olduğunun anlaşıldığı anlar
-
sözlük yazarlarının arzuları
-
uşaq ağlı ilə inanılanlar
-
insanın böyüdüyünü anladığı anlar
-
güldürən hadisələr
başlıqdakı ən bəyənilən yazılar:
+29 əjdaha
1. əsasən fiziki görünüşə görə yaşından balaca görünmək mümkün olur. başa gələ biləcək şanssızlıqlardan biridir.
kassir qızın səndən kiçik olmasına baxmayaraq, sənə "qaqaş" deyə xitab etməsi adama zərbə vurur. ciddiyəti məhv edir. orta məktəbi bitirəli haradasa 3 il olsa belə yenə də təsadüfi bir bərbər'ə gedəndə "neçənci sinifdə oxuyursan?" sualını almaq da adamı dəliyə çevirir. cavab olaraq universitetdə oxuduğun kursu deyirsən və bərbər gülümsəyərək "hə? bağışlaye, tələbəyə oxşamırsan ona görə." deyir. adamın əhvalı pozulur, asosial olmağa davam edirsən. başqa bir problem də var ki, xarici görünüşə görə ciddiyə alınmırsan. hamı səni yola verir. yaxın hesab etdiyim adama (artıq yoxdur) ciddi bir şey haqqında danışırdım, sonra fikir verdim ki, bəs bu məni yola verir. əvvəl elə bilirdim problem məndə deyil amma çoxluğun məni yola verdiyini görəndə başa düşdüm ki, problem məndədir.
insan həyatının ən dəyərli dövrü olan gəncliyi belə yaşamağa imkan vermir, yaşından balaca görünmək. gəncliyinin ən yaxşı dövründəsən və artıq universiteti belə bitirirsən amma hələ də 11-ci sinifi bitirməyə hazırlaşan yeniyetmə kimi görünürsən. nazik qollar, içəri batmış bir qarın boşluğu, içində üzdüyün bir köynək; qısaca xərçəng xəstəsi kimi görünürsən. belə halda, səni kim ciddiyə alar? heç kim sənə yaxın belə durmaz çünki xaricdən narkotik istifadəçisinə oxşayırsan. keçən dəfə bulvardayam, oturmağa boş yer var idi amma yenə də ayaq üstə kənarda dayanmışam. çünki tək başımayam, əlbəttə ki, dost tanışım yoxdur, asosialam. tək başına da oturanda gəlib keçən cütlüklərin, qocaların "ala yeri niyə zanit eləmisən?" baxışlarına məruz qalırsan. məcburən ayaq üstə dayanıb telefonda pulsuz internet vasitəsilə house of cards'ın yeni sezonunu yükləyirəm. birdən yolda təsbeh sallayan qaqalara bənzəyən birisi "konturun olmaz, qaqaş?" dedi mən də yox cavabı verdim. gəldi yanımda durdu "ala yaman gündəyəme qaqa, sən başa düşən oğlana oxşayırsan." deyəndə bildim ki, işə düşdüm pul istəyəcək. sonra başladı mənə klassik "qaqa sözləri" deməyə, yəqin məni də o "qaqalara" bənzətdi çünki elə kənardan baxanda elə o "qaqalara" oxşayıram. bir də mənə yaxınlaşmasının səbəbi zəif fiziki görünüşüm idi. ibrətli "qaqa sözülərinə" məcburən qulaq asandan sonra məndən biraz pul istədi. cibimdə 60 qəpik var idi, 20 qəpiyini buna verdim. amma getmədi, mən də bilmirəm ki, nə deyim gedim. durdu mənim yanımda hələ bir nəfəri də çağırıb "qaqalar sözü" deyəndən sonra 1 manat aldı və mən isə yavaş-yavaş qorxurdum. çünki polis "pul yığan qaqaları" gördüyü anda bölməyə aparır. hələ bu "qaqa" mənə əvvəlki tutulmağından da danışırdı. bilmədim necə gedim, sonra bu dedi ki, gəl gedək tualetə biraz işim var. mən də çarəsiz qaldım bunun yanında gedirəm. tualetə bu girdi, mən isə gizlincə bayıra çıxaraq qaçdım. metroya özümü atdım və evin yolunu tutdum. bir dəfə də artıq bulvara tək başıma getmərəm. bu da o deməkdir ki, heç vaxt getməyəcəm. bu hekayəni sizə danışmaqda məqsədim odur ki, xarici görünüş çox şeyi müəyyən edir. məsələn, mən əgər zəif, cılız, xəstə kimi görünməsəydim həmin "qaqa" cürət edib yaxınlaşa bilməzdi.
təbii ki, bu hal insanın psixologiyasına da təsir edir, sosial fobiya yaradır, ən yaxşı halda asosiallığın təməlləri güclənir.
xarici görünüşü yaxşı olmayan, yaşından balaca görünənlər bəlkə də heç vaxt əsl sevgini yaşaya bilməyəcək. istər bütün dünya elmlərini əla bil amma heç kim xarici görünüşünü bəyənmədiyi kimsənin daxili ilə maraqlanmaz. əgər maraqlanırsa bilin ki, onu siz yox, başqa şey (pul, vəzifə) maraqlandırır.
amma çox da fikir etməyin, həyatdır. daha da pis vəziyyətdə ola bilərdik.
+8 əjdaha
13. Dünən istədim bir selfie paylaşım şəklə baxıram 14 yaşında görsənirəm. heç 14 yaşındakı yeniyetmə belə gülümsəmire 12 yaş olsun. Yəqin hələ də uşaq qalmışam böyüyə bilməmişəm bəzi məqamlarda. Özümü yaxşı hiss eləmirəm sjsj
+5 əjdaha
17. əsasən boyla və üz quruluşu ilə bağlıdır. amma ən çox boyla əlaqəlidir. mənim boyum 1.50 olar ya olmaz #378146, ona görə universitetdə ikinci ilim olmasına baxmayaraq hələ də "neçənci sinfə gedirsən?" sualını alıram. özü də bu suala "8-9-cu sinif" cavabını gözləyir çoxu ahahaha.
bir dəfə palto alarkən qolları uzun gəlmişdi, anama dedim: "kəsdirərik, bunu alaq". satıcı da deyir: "hələ böyüməyinə var sənin". anam tələbə olduğumu demişdi dhdhdhdh
üz quruluşu cəhətdən "daha oturuşmuş" üzə malikəm. amma üz quruluşu cəhətdən "cute" olan və daha az oturuşmuş üzə malik qızlar da bu cəhətdən problem yaşayır.
əslində problemdirmi mübahisəlidir. əyləncəlidir əslində.
+4 əjdaha
5. Köşklərə yaxınlaşıb "stuşnu" siqaret almaq istəyəndə, sənə 18+ yaşın verilməməsidir.
+7 əjdaha
6. Vaksin pasportu olmadan içəri buraxılmayan yerlərdə "yaşım çatmır" deyib içəri girə bilməkdir.
+4 əjdaha
7. Pivə ala bilmirəm
+3 əjdaha
14. Görünüşcə, yaşımdan 1-2 yaş kiçik göründüyümü deyərlər. Amma bir məqam var.
Niyə insanlar mənim yaşımdan böyük kimi davranmağımı gözləyirlər? Ciddi durub həyatın arxası ilə stress içində qaçanda böyük oluram? Nə var ki deyib gülürəm nə var ki özümə istədiyim şeylər barədə seçim haqqı verirəm. Yoxlayıram, uduzuram, qazanıram. Mənə görə yetkinlik budur və sərhədlərim də var. Tək zəifliyim Səhv edənə dəfələrlə şans verirəm, o da bir yerə qədər, kimin neçə şansı var, özüm bilirəm.. Sadəcə siz ciddiliyi böyümək anlayırsınız. Bu, daha çox sosial roldur, daxili inkişaf yox. Yəni belə “böyümək” anlayışı səthidir. Lap olmasın elə olsun belə, bir az gec böyüyüm, bunda nə var ki.. bu barədə hamı içində birinə fokuslanıb məsləhət verənlər şəxsi sərhədləri bilməyən insanlardır. Gəl ki, böyüməkdən danışırlar. Mənim sənə böyüklüyüm o olsun ki, sən deyəcəklərimi anlayacaq deyilsən deyə elə sən fikirdə olan şəxslərin yanında sənə qarşı gəlmədim. Hə, hə deyib keçdim. Çünki konfliktə girmək istəmirəm. Və təkrar müdaxilənə də şərait yaratmayacağam. Bu da mənim üçün yetkin davranışdır.
Mən böyüməyi sizin gözləntilərinizə uyğunlaşmaq kimi yox, öz sərhədlərimi qorumaq kimi anlayıram. Qalanı isə artıq sizin probleminizdir.
+2 əjdaha
15. 7/24 vəsiqəm üstümdədi, siqaret belə ala bilmirəm vəsiqəsiz...
+2 əjdaha
11. (baxma: poz-qazan) alarkən az qala yalan detektoru (əl) ilə yoxlanmaqdır.
(öz başıma gəlib)
+1 əjdaha
16. kulminasiya nöqtəsi saqqaldır. saqqalımı tam qırxıb, siqaret almağa markete düşəndə məcbur vəsiqənidə üstümdə götürürəm. hər dəfə soruşurlar eyni sualı
bir dəfə rayonda üzümü qırxıb düşdüm məhləyə. 60 yaşında bir ağsaqqal məni saxlayıb, "ay bala bura gəl görüm sən kimin gədəsisən?" dedim bəs filankəsin nəvəsiyəm. qayıdıb mənə nə desə yaxşıdır? "bəs deyirdilər sən uje военная служба-nı qutarmısan? məktəb uşağına oxşayırsanki".
+1 əjdaha
2. kimə görə avantaj kiminə görə dezavantajdı.
'şeytani' əməllərim üçün əlverişli idi. ailənin, məktəbdə məllimlərin sevimlisi və s. oluna bilinir amma bir poxa yaramır.
+1 əjdaha
8. metroda kart vurmadan əyilib keçməkdir
+1 əjdaha
9. həmişə soruşulub təxmin edən qarşı tərəfin səhv tapmasıdır.
+1 əjdaha
10. Onlar şanslı insanlardır. Qadınlar üçün çox əyləncəlidir. Kişilər üçün bir az fərqlidir. Tanıdığım bir dostum bu vəziyyətdən çox əziyyət çəkirdi. gileylənirdi ki, özünə uyğun qız tapa bilmir, sən uşaqsan deyə, qızlar danışmırdılar.
hamısını göstər
