əjdaha lazımdı
izlə
dostlar
mən
googlla
başlıqdakı ən bəyənilən yazılar:
+14 əjdaha
1. Salam deməli ekşidə gördüm bir çox vaksin başlığı var və altına hərkəs harada-hansı-nə vaxt vaksin olunduqları və vaksindən sonra yaşadıqları simptomlarla əlaqədər öz fikirlərini bölüşüblər. Bizdədə vaksinləmə hazırda sürətli getdiyi üçün məndə bu başlığı açıb öz qısa təcrübəmi bölüşəcəm həmçinin sizdə öz təcrübənizi vaksin oldunubsunuzsa bölüşəbilərsiniz. digərlərinin məlumatlanması üçün.
1.cisi Hazırda azərbaycanda icazə verilmiş istifadədə olan 4 vaksin var 1. Sinovac-Coronavac(Çin istehsalı), Sputnik5-gam-covid-vac (Rusiya istehsalı), Astrazeneca-Oxford(Vaxzevria) (Böyük britanya), Pfizer-Biontech (ABŞ-ALMANiYA şirkətləri birgə istehsalı) . Astrazeneca və Sputnik5 peyvəndi eyni texnologiyalar ilə istehsal olunur. Sinovac köhnə üsul inaktiv dediyimiz Pfizer-biontech isə ən yeni üsul olan hələ təzə sayılan RNA texnologiyası ilədir.
Əgər vaksin olunacağınız peyvəndi qısa araştırmadan sonra qərar verib seçdinizsə girirsiniz randevu.its.gov.az saytına Buradan peyvənd olunacağınız klinikanı seçirsiniz. Başdan bunu deyim ki sinovac vaksini dövlət klinikalarının demək olar hamsında var əgər siz pfizer-astrazeneca-sputnik seçmək istəyirsinizsə bu vaksinlər yalnız bəzi klinikalardadı məsəl üçün mən baxanda pfizer-biontech vaksini ilə peyvənd olunmağ istəyirdim mən baxanda yalnız 2 klinikanı göstərirdi bir mərkəzi kliniki xəstəxana digəridə Bakı sağlamlıq mərkəzi. Bsm mənə daha yaxın olduğu üçün onu seçdim.
Hazırda pfizer 4 klinikada var sizə ən yaxın və ya ən rahat olanı seçəbilərsiniz. Həmçinin digər vaksinlərində hansı klinikalarda olduğuna baxabilərsiniz sinovac üçün isə özəlliklə baxmağınız lazım deyil çünki listtəki bütün klinikalarda hazırda sinovac-coronavac vaksini istifadə olunur.
Nəysə deməli vaksini və olacağınız klinikanı seçdiniz sizə həmin saytta şv nömrəsi fin kod və telefon nömrəsi kimi məlumatları istəyir onlarıda doldurduqdan sonra əgər seçdiyiniz gün və saatta yer varsa ismarıcınız qəbul olunur və sms ilə kod gəlir.
Mən özüm keçən həftədən vaksin üçün bugün 14.06.2021 (14:00-15:00) üçün sıra götürmüşdüm. Bsm ya çatanda artıq saat 14:00 hardasa 10 dəqiqə keçmişdi. Klinikanı girişinə gələndə orada mühafizə qarşılayır soruşanda ki pfizer vaksini üçün gəlmişəm sizi yönləndirəcək məlumatçı masa arxasında ki qadına oda mənə klinika içində hansı tərəfə getməyimi söylədi ora getdim mənim kimi vaksin üçün gələn təxmini 10-15 adam oturmuşdu. Ardından başqa bir mühafizəçi sizi vaksin olunacağınız tam hissəyə yönləndirir. oradada 5-6 dəqiqə oturduqdan sonra sıranız gəldi deyib oturan həkimin stoluna göndərir həmin tibb işçisi və ya həkim sizdən alergiyanızı keçirdiyiniz xəstəlikləri və tibbi problemlərinizi soruşur. Əgər probleminiz yoxdursa sizə bir kağız imzaladır məlumatlarınızı yazırsınız imza atırsınız ardından yanında ki qıza yönləndirir oda şəxsiyyət vəsiqənizlə kompüterdə nəyisə doldurduqdan sonra keçin oturun deyir. vəsiqə və həmin kağız o qadında qalır o müddətdə. Sonra mühafizəçi dedi girəbilərsiniz vaksin otağına girdikdə çox qısa çəkdi tibb işçisi hazır kiçik bankadan vaksini kiçik şprislə çəkib vurdu ağrı demək olar ki heçnə hiss etmirsiniz. Ardından fso çıxın bayaq vəsiqəni verdiyiniz yerə yaxınlaşın. Orada gedəndə dedilər çıx çöldəki kolidorda 30dq gözləyin ardından gəlin. Mən çıxanda yoxladım artıq sistemdə görünürdü. 30dq biraz özləridə üstünə qoyub mən hardasa 20dqdən yaxınlaşanda mənə vaksinlə bağlı kağızı və şv mi verdi çıxıb getdim. internetdə insanların %90 faizində qol ağrısı olduğunu yazmışdı məndə saatlar keçsədə qol ağrısı qızdırma ürək bulanması və s. olmadı. Ümid edirəm sizdədə hər hansı bir simptom göstərməz. Onuda deyim ki simptom göstərsədə normaldı bir çox insan yaşayır. Əlavə olaraq hər hansısa birşey demədi həkimlər. Dövlət xəstəxanasında sinovac vurduran yaxınlarıma həkimlər 3 gün duş almayın SUDAN QORUYUN deyə təmbəh etmişdilər. Mən vaksin olunduğum yerdə belə birşey demədilƏR. 2.ci doza vaksin üçün isə 28 gün sonrasına avtomatik randevu verilir. Yenə həmin prosedurlardan keçirsiniz böyük ehtimal.
Qısaca belə uzun oldu bilirəm ancaq dedim getmək istəyənləri ürəkləndirim biraz. Qorxmayın vaksin olunun 1milyard insan vaksin olunub ölsək hamımız öləcəyik. Ən əsasıda vaksin olunduqdan sonra bill qeyts və çip zarafatı eliyən dəmşalağlardan uzaq durun.
Gecə editi: Sol qolumda tərpədəndə babat ağrı verir birazda keyiyib.
(bax: Covid-19 vaksinləri)
+11 əjdaha
5. bugün pfizer vaksini oldum. növbə saat 11 idi ancaq tez getdim. qəbul şöbəsində olan xanım saatın önəmi yoxdur, onsuz saat ilə qəbul etmirik dedi. şəxsiyyət vəsiqəsi ilə qeydiyyata alıb otağa yolladı. saat 9da getdiyim üçün növbə çox az idi. mərkəzi klinika digər vaksin yerlərindən qat-qat yaxşı idi hərmənada. içəri keçdikdən sonra şirniyyat, çiyələk, şakalat, spirtli içki içməmək, şəkərdən uzaq durmaq,çimmək və maşın sürmə
olmaz deyib məlumatlandırdıqdan sonra əyləşin dedi. iynənin heç qoluma girib-çıxdığını hiss etmədim. iynədən sonra 15 dəqiqə oturun dedi ancaq mən durdum çıxdım. səbrsiz olduğum üçün. səhər yeməyi yemədiyim üçün biraz başım ağrıdı , arabir qolumda yüngülcə ağrıyır. dəhşət yuxum gəldi evə gəldikdən sonra 2 saat falan mışıl-mışıl yatdım. indi sadəcə yeri ağrıdır. hər şey stabildir. balaca bir kağız (pasport) veriblər . 2-ci dozanın tarixi yazılıb. siqaret çəkmək olar deyə xüsusi soruşmuşdum və can rahatlığı ilə çəkilə biləcəyi deyildi xəstəxanada. çalışın vaksindən sonra 2 saat yatın yoxsa meyit kimi olur adam.
+13 əjdaha
6. Pfizer vurdurdum ayın 5-i. Vaksindən 1 saat sonra bütün əsəblərim oyandı, hər şey qıcıqlandırmağa başladı. Neytral ruh halımın üstünə ilk 2 gün birdən-birə qapqara buludlar çökdü. Gərginlik teması placebo-zad deyil. Hələ də özümü ələ almağa çalışıram. Normalda dünya vecimə deyil. özüm belə vecimə deyiləm. Tanıyanlar bilir, ayaq serçə barmağım qapının küncünə dəyəndə gülən adamam.
Vaksin vurdurduğum gün axşam 7-də yuxu basdı yatdım. bir də səhər 6-da oyanmışam )o da məcbur(. Qoysalar 12-yə qədər yatacaqdım.
ilk 1-2 saat ürəkbulantısı, yüngül başgicəllənmə, 3 gün də qolda ağrı oldu.
iynə yerinə yapışdırılan yara bandını 5-10 dəqiqə sonra çıxartmaq lazım imiş. mən 1 gün saxlamışam *
fetiş!?
4 gün keçdikdən sonra belə yuyunanda qaşınmağa başladı. Ən salamatı salafandan, şardan falan bağlayıb elə yuyunmaqdı. Çünkü qaşıntısı ayrı əsəbiləşdirir.
5 gün sonra varsa alkoqol həyatınıza geri dönə bilərsiniz.
Yaddan çıxan ikinci Doza editi: bütün əvvəlki simptomların çox cüzi forması. Bir az şiddətli olanı əsəb pozuntusu oldu. Ancaq 1 -2 gün.
+9 əjdaha
15. (baxma: xəyallar pfizer, həyatlar sinovac )
+5 əjdaha
10. Qaxın **** kəndində 1 dozanı 10 manata həll eləmişdim, yazın siyahıya.
+5 əjdaha
11. Evdə, məhəllədə, dost-tanışda vaksin vurduranlar arasında "ay öldüm", "ay boğuldum", "ay qolum qopdu" və s. kimi reaksiyalar eşitsəm də gedib peyvənd vurdurdum. Ya mənə heç bir təsir etmədi, ya da mənə vurulan peyvənd olmayıb nəsəshdhkl. Bu gün sinovac ilə ikinci dozanı da vurdurdum.
Pasportumu da aldım. Hər şey qaydasındadır.
Ps: Hə bir də maskasız olmayın qapalı yerlərdə. Yaman yoxlanılır. Ehtiyatı əldən verməyin.
+5 əjdaha
23. Deməli başlığı açanda yadımdadır rahatca randevu saytından vaxt götürüb getmişdim. indi isə artıq poliklinikalarda da pfizer vaksini var və vurulur. Sadəcə problem nədir. Mən havaxt poliklinikaya getsəm deyirlərki vaksinin şüşəsi açılanda 6 nəfərə vurulmalıdır ona görə 6 nəfər olmamış sizə də vaksin vurabilmərik. 2-3 fərqli poliklinikaya getmişəm hər dəfə də deyirlər saat tez gələrdiz günorta 2 di bundan sonra 6 adam yığılmaz. Obirsi dəfə 11 də getdim yenə eyni bəhanə. Bugün isə saat 10nun yarısı poliklinikada idim və daha tez gələrdiz 2 flakon açılıb vurmuşuq indidən sonra 6 nəfər yığılmaz istəyirsiniz siz baş həkimə nömrə qoyun adam yığılanda zəng edərik. Pay içini adamın qanı necə qaralır. 2-3 fərqli polilinika gəzirəm hamsında da eyni bəhanə. Eləbir vaksini vurmayıb flakonları öz ailələrinə saxlayırlar ala bu poxu vurun getsində. Bugün səhər 10un yarısından 11-12yə kimi poliklinikada durmuşam bidənə qaqaşda var idi sonra qıraqda oturan bir dayday söhbətə şahid oldu dedi alınırsa mənədə vurun lap uşaqların işi düzəlsin zad. Arvadı da var idi və 4 nəfər olmuşduq məndə həmin 2 nəfəri tapmaq üçün başladım tanış tunuşa yığmağa ki aranızda vaksin vurdurmayan varsa gəlsin zad ancaq yenə də 6 nəfər düzəlmədi dağılışdıq. Gələn həftə səhər 8də poliklinika açılmadan 1 saat əvvəl gedəcəm yenə eyni yalanı desələr başhəkimin başına soxacam 6lıq flakonu.
+4 əjdaha
2. Alergiyalı astma xəstəsi olduğum üçün uzun müddət vaksin vurdurmamaq üçün uğraşdım. 3 gün öncə anidən qeydiyyatdan keçib sinovac vurdurdum. 20 dəq müşahidə altında qalıb gəlib 2 gün evdə istirahət elədim.
Sıfır simptomla davam edirəm hələ ki.
+4 əjdaha
9. Sinovac olundum. Düzdü heç bir yan təsiri filan olmadı onsuz da məcburi bir şey olduğu üçün qarşı qoymaq mənasızdır daha. Vurdurmaq ya da vurdurmamaq bütün məsələ bu...ayın birindən ticarət mərkəzlərinə buraxmayacaqlar vaksinsizləri,sonra ictimai nəqliyyata, sonra ümumiyyətlə küçədə cərimələyəcəklər. olacaq mı? Olacaq bu ölkəni bir az tanıyıramsa olacaq bunlar.
+4 əjdaha
18. məlumat xarakterli olaraq onu deyim ki, birinci doza pfizer vurdurdum. indi isə gələk əsas hekayəyə.
25 axşam saatlarında "artıq həm unilər açılır, həm də sentyabrın 1-indən heç yerə buraxmıyacaqlar" düşüncəsi ilə vaksin olunmağa qərar verdim. sumqayıtda yaşayıram deyə "bura onsuz pfizer gəlməz, sinovaca qeydiyyat keçim" deyib girdim 
saytına. bir də gördüm o boyda sumqayıtda təkcə 2 saylı uşaq poliklinikasına pfizer vaksini gəlib. öz özümə fikirləşdim ki, "niyə də yox, az olan həmişə saz olur", beləcə 27si saat 12:00 - 13:00-a qeydiyyatdan keçdim. 27si səhər içimdə xəfif narahatlıq olsa da(digər insanlarda göstərdiyi yan təsirləri çox oxumuşdum), özümü relax aparmağa çalışırdım. nəysə, biraz tez gedim deyib saat 12-nin yarısı xəstəxananın qabağına gəldim. düzü ilk mənzərə çox da təəccübləndirmədi məni, elə uzaqdan yaxınlaşırdım ki, qapının qabağında dayanan və səsləri 50 metr kənardan eşidilən insan topluluğunu görüb öz içimdə "pay içini, işimiz var indi" dedim. getdim qapının qabağındakı polis işçisinə online növbəm olduğunu dedim, dedi ki, sistemdə problem var, hələ saat 9 - 10-un növbəsi içəri girə bilmiyib. sonra təbii ki, orta və yaşlı nəslin nümayəndələri başladılar mübahisə aparmağa, bir yandan sistemə, bir yandan da işçi məsuliyyətsizliyinə söz qoşurlar. biraz keçdi, polis işçiləri maşına minib getdilər, bir nəfər qapının qabağına nəzarət eliyirdi, o da bir anlıq içəri girəndən sonra camaat kütləvi şəkildə içəri keçməyə başladılar. birdən-birə 50 nəfər doluşdu içəri, başladılar mübahisə aparmağa. sonra həmin o gedən polislər təzdən qayıtdılar, camaat biraz sakitləşdi, çıxdı çölə, amma içəridən iki nəfəri(hansı ki, ən çox mübahisə aparan şəxslər idi) apardılar polis bölməsinə. öz özümə dedim ki, "2 nəfəri ələdik))". nəysə birtəhər sistemi düz-qoş elədilər, online növbəsi olanlar yavaş yavaş keçirdi. sırada dayananların çoxunun da online növbəsi yox idi, üzlərinə baxanda hiss olunurdu ki, bunların telefon haqqında bilgiləri tiktok açıb videolara baxmaqdan o tərəfə keçmir. onlar da kor-peşman sıradan çəkilməli olurdular. nəysə, növbə mənə çatdı, nəhayət 2 saatın tamamında girdim içəri, içəridə də müəyyən qədər sıra var idi. biraz gözlədim, sənədləşmə zad, sonra saldılar vaksin vurulan otağa. nə məlumat, nə bir xəstəliyin var, ya yoxdu, ümumiyyətlə heçnə soruşmadan birbaşa vaksini keçirdilər qoluma, vurulanda həqiqətən heçnə hiss olunmur. dedilər çıx, yan otaqda qeydiyyatı aparsınlar, gedə bilərsən. girdim yan otağa. əsas məsələ bu yan otağa girəndən sonra başlıyır.. girib bi 2 dq gözlədim, sonra olanlar oldu. birinci qulağım xəfif keyiməyə başladı. öz özümə dedim, fso osturdu məhəbbət. sonra xəfif başım fırlanmağa başladı, ardınca baş fırlanması gücləndi, sonra birdən gözüm qaraldı. yaxşı ki, oturmağa stul var idi, pramoy çökdüm stola. konkret danışa bilmədim heç. sanki huşum getdi özümdən, o biri dünyanı görüb gəldim. tez su gətirdilər, suyu içirəm, ama əlim sanki yoxdu. dedilər suyu biraz alnına vur, sudan bidamcı əlimə tökmək istəyəndə, suyun yarısını boşaltdım əlimə, bütün üstüm, telefonum hamısı su oldu. sonra dedilər uzan yəqin təzyiqin düşüb(özümdə qan azlığı var deyə normal səbəb kimi gəldi), uzanan kimi eləbil, dirildim birdən birə. yanımdakı həkim dedi ki, yəqin başına qan getmiyib, uzanan kimi özünə gələssən. bi 10 saniyə keçdi, əvvəlki vəziyyətimə qayıtdığımı hiss elədim. yenə də təzyiqimi ölçdülər hər ehtimala(70in 100ə çıxdı, məncə o qədər də pis deyil). biraz uzandım ki, tam özümə gəldiyimdən əmin olum, sonra yavaş-yavaş durdum, artıq normal idim. həkim də sağolsun, 2 parça tünd şokolad gətirdi, onu da yedim ki, qanım özünə gəlsin. vobşim biraz gözləyəndən sonra çıxdım gəldim evimə. hələ ki, özümü tam normal hiss eliyirəm, amma xəstəxanada yaşadıqlarım bayaa qorxutdu məni. dedim uje "gedirəm bu axşam, gedirəm, gülüm". burdan bütün çinlilərə salam olsun. sizin yarasa həzm eliyən mədənizi *****
+3 əjdaha
4. Sinovac peyvendi olmusam. Hec bir eks tesir gostermedi. Bu yaxinlarda antikor testi verib baxacam ki, bedenimde sars cov 2-ye qarsi immunitet yaranib yoxsa yox
Edit: antikor testi verdim. Immunitetimin maşallahı var. Bədənimə girəcək istənilən sars cov 2 virusunun ağzına verməyə hazırdır. Elmə güvənin.
+3 əjdaha
12. Pfizeri araşdırıb sinovac vurdurmayacam deyib axırda sinovac vurdurmuş bir yazar? Əlbəttə ki ,sincab!
Təcrübəyə gəldikdə iynənin yeri qaşınır, tibb bacısı nə qədər əlini vurma, qaşıma kimi şeylər desə də, qaşıdım. Çünki, qaşınır. Nəysə, ümumi ruh halıma gəldikdə biraz gərgin və yuxulu , çünki bilən hərkəsin dediyi şey budur - "Noldu lan yappprakk etdirmirdin bəs?"
Nəysə qayıb qorxusu yaman pis şeydi.
(baxma: tüpürdüyünü yalamaq )
+3 əjdaha
14. pfizer ilə vaksinasiya olunmuşam.
hər kəs ağır olacaq deyirdi amma olmadı. 2-ci dozadan sonra 2 gün ümumi narahatlıq oldu və sonra hər şey qayıtdı əvvəlki vəziyyətə. hər hansı yan təsirləri hiss etməmişəm.
+2 əjdaha
8. Sentyabrın 1-i üçün pfizerə qeydiyyatdan keçmişəm. Mərhələ-mərhələ bütün prosesi qeyd edəcəyəm.
Edit: öldü
+1 əjdaha
19. iki gün qabaq vurdurduğum vaksin. bir saat keçməmiş yorğunluq sonra baş ağrıları ilə davam etti. dünən də peyvənd olunan yer şişib(ümid edirəm ki bu normal bir haldır) sol qolum da ağrıyır bu qədər
+1 əjdaha
7. Bu gün etibarı ilə ilk dozasını olunduğum vaksin. Mən bəzi əlavə üstünlüklərini nəzərə alaraq pfizer-biontech peyvəndi oldum. Keçən ayın ortalında bu ayın 14-ünə randevu götürdüm. M.Ə.Əfəndiyev adına 2 nömrəli Şəhər Klinik Xəstəxanasında götürmüşdüm. Səhər 10-11 arası yazılmışdı amma mən 9:45 kimi orda idim artıq və çox uzun çəkmədi. Kiçik bir sənədləşmə adımı qeyd eləmək filan sonra vaksin otağında vaksini vurdular. iynənin batırılma anında güclü ağrı oldu lakin hələlik gördüyüm heç bir əks təsir yoxdur. Ailəmdə 4-cü vaksin olan ailə üzvüyəm və məndən öncə anam, atam və bacımda belə heç bir ciddi əks təsir olmamışdı. Məsləhətim pfizer edəcəksinizsə öncədən qeydiyyat keçməkdir.
Qeyd: vaksindən 24 saat keçib və tək yan təsir iynənin vurulduğu yer və onun 1.5 smlik əraf radiusunda sanki dəri ətinin bərkləşməsi və toxunduqda ağrıması kimi çox balaca bir yan təsirdir. çox yaxşı keçirdirəm demək olar ki.
+1 əjdaha
3. 2-ci doza vaksini bu ayın 12-si olmalı idim. Sadəcə həmin gün işim olduğuna görə 1 gün gec- 13-ü gedə bildim. #329798 nömrəli entrydə yazdığım kimi yenə bakı sağlamlıq mərkəzinə getdim. 2-ci doza vaksin üçün sıra və saat götürmək olmur deyə istədiyiniz saatda gedə bilirsiniz. 2-ci doza vaksin 28 gün sonra vurulmalıdı, 28 gündən tez vaksin oluna bilməzsiniz. 3-4 günə qədər gec olmağı isə problem deyil. Vaksindən sonra bu səfər daha tez 1-2 saat sonra sol qolum ağrımağa başladı. Bu səfər nisbətən daha az ağrıdı, lakin digər simptomu isə sabahsı gün dəhşətli yuxu gətirdi mənə. demək olar pasteldən çıxmaq olmurdu, axşama qədər günün 80% hissəsini yatmalı oldum. Başqa da hər şey normaldı. 2-ci dozanı da vurub peçatladılar. həmin kiçik kağız artıq covid pasportu sayılır yəni.
+1 əjdaha
17. 2-ci dozanı iyulun 3-ü vurdurmuşam. 1-2 gün iynə vurulan yerdə dəhşətli olmasa da, ağrı oldu. Bundan başqa heç nə. Ətrafımda ailəm daxil olmaqla, çox adam vurdurub. Salamatdırlar.
+1 əjdaha
13. mən də iyunun 5-də ilk dozanı olmuşam. iyulun 3-də də ikinci doza sinovac (coronovac) vaksinini vurdurmuşam. ilk dozadan sonra iki gün sol qolumda zəif ağrılar olmuşdu. amma ikinci dozadan sonra heç nə olmadı. əgər "ay allah ölürəm" "ala başım partlıyır" kimi reaksiyalar görürsünüzsə bilin ki, onlara pfizer vaksini vurulub. coronovac vaksinini hazırlayan sinovac şirkəti daha əvvəl də donuz qripi üçün vaksin hazırlamışdı. bundan əlavə hepatit a, hepatit b, adi qrip kimi bir çox xəstəliklərə qarşı vaksin hazırlayıb. covid-19 əleyhinə vaksin də elə ənənəvi yolla hazırlanmış vaksindir. yəni bədənimizə vurulan dərman ölü covid-19 hüceyrələridir. ya da onun kimi bir şeydir, heç mən də dəqiq bilmirəm. amma pfizer biontech yeni üsullarla hazırlanmış vaksin olduğuna görə yan təsirləri daha möhkəmdir. bu vaksini vurdurub iki gün yataqdan çıxmayanlar da olub. indi siz "yan təsirləri güclüdürsə deməli yaxşı işləyir" deyə düşünüb pfizeri seçə bilərsiniz. "nəyimə lazımdı ala pfizeri vurdum, göt olum?" deyə fikirləşib sinovacı da seçə bilərsiniz. ikininin arasında elə ciddi bir fərq də yoxdur. avropa birliyi də yavaş-yavaş qəbul eləyir sinovacı. uzun sözün qısası, hansını seçirsinizsə seçin, özünüzü qoruyun. "qaqa hamımızı qırajaxlar", "mən nə bilim ala bunun içində nə var", "hamımıza çip qoşacağlar qaqa" kimi gijdıllağ söhbətlər baş qoşmayın., gedin vurdurun.*
türkün məsəli
+1 əjdaha
22. Sentyabrın 11 ikinci pfizer dozamı da olunduqdan sonra tamamlandı vaksinasiya mənim üçün. 1ci dozada demək olar heç nəsiz keçirmişdim lakin 2ci dozada qolumda 1 gün ağrı və şiddətli yorğunluq oldu amma artıq turp kimiyəm. Çox az yan təsirlə keçirdiyimə görə şanslı hiss edirəm.
hamısını göstər
