1. amerikan serialı. geekyapar kanalında dünen bu serialı izlemek üçün 5 sebeb saydı can türkdoğan. eslinde sebebler vacib deyildi, bu insanların zövqlerine güvenirem. bu gün seriala başladım ve bitirdim( onsuz da 8 bölümdü)
qısaca spoilersiz olaraq serial haqqında ümumi fikirlerimi yazım. bir netflix serialıdı ve 80ler döneminde keçir hadiseler. introsu ve musiqileri möhteşemdi. geek dünyasını sevirsinizse gözel referanslar var. aktyor performanslarına gelince bütün aktyorlar mükemmeldi. amma uşaqları xüsusile qeyd elemek lazımdı. bir de true detective izleyib sevmisinizse mence bunu da seveceksiniz sifarişi verən: sherlockunmayndpalası
14. https://youtu.be/qgkeWRjdPas
Barış özcanın dediyi kimi kitab və filmlər əsasında yazılmış bir serialdır.
Orada 2 boyut var:
- Var olduğumuz dünya
- Və alt qaranlıq dünya (xəyalən də orada yaşanıla bilinir ya da gizli yerlərdən ora daxil olmaq olar. (bir ağacdan giriş kimi) https://youtu.be/ROI8HDJREFw )
Və məsələ sizin zehninizdədir, oradan qurtulmaq üçün içinizdə olan bir meyil olmalıdır, eynən bir kabusdan yaxa qurtarmaq kimi.
Aşağıdakı şəkillərdən də anlayacağınız kimi Max(obraz) ən sevdiyi musiqi ilə cəlladından qaçmağı bacarır.
Bu səhnəni görməyinizi istədim.
Yaxşı, niyə bu yaratıq (vecna)var?
Əvvəla bir qrup insanlar var ki, onlar teleportasiya (2 yerdə olmaq), insanların nə etdikərini sezə bilmə, telekinezi(toxunmadan hərəkət etdirmə) edə bilir və enerji alaraq xəyalən nələrisə məhv edə bilir. Bunu araşdıran və bu kimi əllə sayılan uşaqları bir yerə yığıb öz məqsədləri uğrunda saxlayan bir yerdə 01(sonrasında vecna olacaq şəxslə) və 11(kinoda qəhrəman olan Eleven) qarşılaşırlar.
01 istəyi özünün istifadə edilməsi deyildi.(11 isə bu işlərə rəhbərlik edən atası olduğundan sözündən çıxmırdı.)
O(01) qəzəblənmiş və dünyanı ələ keçirmək istəyirdi.
Bir gün o yataqxanada olan bütün uşaqları öldürdü və sadəcə 11-ə toxunmamışdı.O 11 in güclü olduğunu bilirdi və ondan ona qatılıb dünyanı ələ keçirməyi təklif etdi.
11 bunu qəbul etmədi.
01 oranı tərk etdi və bu yolda özü tək addımladı və Hawkins-in(qəsəbə) qorxulu yuxusuna (vecna-ya)çevrildi.(büyü qabiliyyətləri ilə) https://i.imgur.com/gFomFw7.jpg
Onun məqsədi bütün cəmiyyəti və ona qoşulmayan 11 i məhv etmək idi.
Qaranlıq dünyasında yaratdığı canavarlarla insanları öldürür, onlardan güc alır və bədəninə qoşur ya da insanları manipulyasiya etsin deyə kukla kimi oynadır,öz planını həyata keçirirdi.
Ortalıqda itən insanlar qəsəbəni qorxutmuşdu, polislər bu işə qoşulur,bu zaman Hawkins beynəlxalq laboratoriyası ABD enerji qüvvəsi ilə elmi araşdırmalar aparır və paranormal hadisələrin şahidi olurdular. (bu barədə gizli işlər Rusiyanın xüsusi kodla buraxdığı səslərlə müəyyən frekansda yayınlanılırdı. )
Aot-da (Attack on titanda) gözlərinin qarşısında əmisi Hans-ı yeyən divlərin düz qabağında Eren və Mikasanın baxışmasından daha absürt bir şey varsa, o da kod lazım olan yerdə qızın nazı ilə oğlan tərəfindən mahnı oxudulub, vəziyyətin ən kritik yerində bu mahnının telsizlə yayılması idi. https://youtu.be/O5HQ1sZseKg
01 və dəstəsi bu canavarla vuruşur və hər keçən bölümdə canavar can alır.(öldürür.)
Yəni filmə "aaa bu seriala yeni qatılıb." Dediyin adam səhərisi canavar tərəfindən yeyilir.
Nəysə,"running up that hill" mahnısı da bu filmlə məşhurlaşdı.
Və hər sezon aktyorlar bir az da yaş alır, əvvəl qundaqda gördüyümüz obrazlar indi əllərinə pulemyot alıb canavara fırladırlar."əəə siz dünənə kimi əyri-üyrü velosiped sürən adam idiniz, nə ara rusiyanın kod şifrələrini açıb əlinizdə silahla canavar arxasına düşəsi oldunuz.)
Nəsə Hər sezon vecna öldürülür ya da serialın əsas qəhrəmanlarını betər(az qala öldürür) edir, amma bir də baxırsan sonrakı sezonda "helloou,mən sağam" deyir.
2024-də 5-ci sezon yayımlanacaq və əvvəlki sezon aparata bağlı yaşayan Max sağ çıxacaq. Yenə vecna, yenə oğlanlı-qızlı temalar.(Ala,mən anlamıram ki bunların valideynləri evə gec gələndə ya da gəlməyəndə heç veclərinə olmur, heç mi bunlara "qudurubsaneee, aton gəlsin axşam danışırsan." Deyən yoxdur?! Yoxsa
-ana, mən Steve və Mike-la canavar ovuna çıxacam.
-Aaa necə də gözəl, əynivi qalın elə, hava soyuqdur
Falan deyir?
Hər bir halda bu serialdir, çox da eşələməyib inaniriq, onsuz da onlar da bizim kimi təzyiq altında qalıb evdən 2 km uzağa zar-zor getsələr belə şeylər yaşamazlar.
Bonus: kinoda siz və sizin zehninizdən də söhbət gedir.
Sizi pisə çəkən zehniyyətinizdən yaxa qurtarsınız, başqa bir səsə deyil, öz səsinizə qulaq assanız, öz azadlığınızda olub, başqalarının əsarəti altında olmazsınız.
5. Dünəndən etibarən 3-cü sezonu yayımlanan, əyləncəli səhnələri ilə bugünlərdə üzümü güldürməyi bacarmış serial. 80-lərə xüsusi sevginiz varsa, böyük ehtimalla musiqiləri, obrazların tərzləri ilə istəməsəniz də özünə bağlayacaqdır.
11.Kate bush’un running up that hill mahnısını musiqi platformalarında birinci sıraya yerləşdirən neftlix serialı. Mahnı qəşəndi, sözüm ona deyil amma serialda bu mahnıdan dəhşət çox istifadə etmişdilər. Bütün sezon toplasan bəlkə 1 saata yaxın müddət bu mahnıya həsr olunub. Hər bölümdə Max hara gedirdi, bu mahnını da onunla birlikdə verirdilər. Başa düşürəm, musiqi ilə vecnanın beyninə girməsinə mane olmaq istəyirsən. Amma nujenni sənin başqa bir sevdiyin mahnı yoxdur. Fərqli bir şey qoş da. Qoş ordan Kendrick Lamar flan yellən də özün üçün.
Amma sonuncu sezonu çox xoşuma gəldi. Ümumiyyətlə hər sezon əvvəlkindən daha maraqlı olur. Serialı maraqlı edən əslində ümumi hekayə yox, onu necə işləmələri idi. Ssenaristlər, necə deyərlər, hekayələri yazıb daha sonra hamısını bir nəticəyə çıxartmışdılar. Belə deyək, fərqli obrazlar arasında paralel şəkildə 3-4 ayrı hekayə olur. Sonda isə bir səhnə olur ki, bütün bu hekayələr bir yerdə kəsişir. Bax orda goosebumbs olursan. Bu səhnə də 20-25 dəqiqəlik olur, və sezon boyu bütün hekayələr ən yüksək zirvəsinə çatır. Sağolsunlar, burda da kate bushun mahnısını qoymuşdular. Bir ara max-ın qulaqcığı qırılır, sevindim ki, fso da kate bushdan canımız qurtardı, amma xeyri olmadı. Rejissor elə hər yerdə bu mahnıdan istifadə edirdi.
Bir də bu sezonda hekayədə olan boşluğu doldurublar. Əvvəl baxanda deyirdim, hə, maraqlıdı flan amma ciddi bir boşluq var: bu hadisələr niyə yaşanır, nəyə görə belə şeylər olur. Onu açıqlamırdılar deyə biraz mənasız gəlirdi. Sən demə, bütün sirr kate bush’un mahnısında imiş ahaha zarafat edirəm. Amma Vallah ürəyim doludu. Sən o boyda milyonluq büdcəsi olan serialsan, niyə özünü hər proqramda eyni mahnıları dönə-dönə işlədən dünya tv-nin “həzin nəğmələr” verilişi kimi aparırsan?
Sezonun ikinci hissəsində running up that hill'i serialın theme musiqisi ilə miksliyib vermişdilər. Bu biraz yaxşı idi, cəhənnəm, fərqli bir şey eşidirdik.
(youtube: )
Əslində çox əla mahnıdı, instrumenti və sözləri də əladı. Amma hər şey qədərində yaxşıdı, ey əziz duffer qardaşları, ya da mahnının sezonda bu qədər işlədilməsinə vəsilə olmuş hər kim.
7. 3-cü mövsümün yayımlanması sayəsində belə bir serialdan mən də xəbərdar oldum və başladım izləməyə. 1-ci mövsüm əlbəttə ki, möhtəşəm idi. Serialdakı ən böyük müsbət cəhətin uşaqlardan ibarət casting heyəti olduğunu düşünürəm. Stephen King'in eyni adlı romanı əsasında çəkilmiş "It" filmi barədə də tamamilə eyni fikirdəyəm. Buna görə də uşaqlara kinematoqrafiyada qoy yer verilsin. Bəziləri düşünür ki, 2-ci mövsüm yaxşı olmasa da, babatdır. Şübhəsiz ki, serialın ikinci mövsümü birinci mövsüm kimi möhtəşəm olmaya bilər (bax: prison break)
, amma (hələ ki, ikinci mövsümdəyəm və baxdıqlarıma əsasən deyə bilərəm ki) kifayət qədər maraqlı və gözləntiləri qarşıladığı fikrindəyəm. Ən azından hadisələrin axarının yavaş olması (eleven'ın mike'la görüşməyə can atması) serialı rahat həzm etməyimizi və dərhal axırına çıxıb kaliforniya sindromu yaşamamağımıza imkan yaradır. Ümidvaram serial çox tez bitməz, amma supernatural kimi bir millenium da davam etməz. Bundan başqa serialda bütün bu olub bitənlərə agah, baş verənlərin sirrini açacaq, bunları həm metafizik, həm də elmi yöndən izah edəcək şəxslərin olmayıb (yaxud mənim olduğum mövsümdə hələ ki, belə biri yoxdur) bir polis işçisinin, bir qrup uşağın, əzabkeş bir ananın bunların üstündə baş sındırması da qəribə bir xüsusiyyətdir. Hələ ki, ikinci mövsümü bitirməmişəm, buna görə də çox şey yaza bilmərəm. Amma serialı tam izlədikdən sonra edit haşiyəsinə çıxıb əlavə şərh yazmaq niyyətindəyəm.
Edit: serialı incənə bitirdim. Yayımlandığı ilk gündən bəri tamaşaçısı olan insanların 2-ci mövsümdən sonra 3-cü mövsüm üçün 2 il gözləmiş olmaları onlarda məyusluq hissi doğurmuş ola bilər. Çünki 3-cü mövsümün digər mövsümlərdən bir pillə aşağıda olduğu fikrindəyəm. Şübhəsiz, eleven'ın qayıtmış olması çox sevindirici idi, ən əsası da mike'la aralarındakı münasibətin aşkar bir səviyyəyə gəlməsi. Bundan başqa eleven'ın gözümdə öyrəşmiş kiçik, sadəlövh və cahil halı mənə daha doğma idi. Bir anda böyümüş olması qarın boşluğumun ortalarında çox tutqun, haradasa boğucu və bütün qarın boşluğunu dolduran bir hiss doğurdu; əhvalım pozuldu. indi başa düşürəm nəyə görə valideynlər uşaqlarının böyüməsinə bir yandan sevinir, bir yandan da kədərlənir. Belə qızım olsa məmnuniyyətlə ata olaram.
Entryni ilk dəfə yazanda 2-ci mövsümün sonlarında idim, buna görə də bu mövsüm haqda çox fikir bildirə bilmədim. indi, bütün serialı istehlak etmiş biri kimi deyə bilərəm ki, mənim üçün 2-ci mövsüm 1-ci mövsümün dadında idi. Bu mövsüm özündə daha çox dram ehtiva etdiyi üçün qətiyyən öz diqqət mərkəzindən kənara çıxmayaraq şitləşmədi. Eleven'la mike'ın bir-birilərindən ayrı olması, eleven'ın məcburən gizlənməsi, həqiqət axtarışına çıxması, bu zaman başına gələn hadisələr, bəli, bunlar, birlikdə, kombinasiya halında bizə stephen king atmosferində bir dram havası yaşatdı. Haradasa deyərdim ki, it filmini xatırlatdı. Stranger things özündə komediya və dramı birləşdirdiyi halda, bu mövsümdə bir-neçə addım dram fazasına sürüşdü. Ssenarinin az-az biz tamaşaçılara təqdim olunması iştahımızı artırdı və daha çox istehlak etməmizə səbəb oldu (halbuki yuxarıda yavaş həzm etməyimizə imkan yaratdığını demişdim). Bütün serialın bir anda yayımlanması ilə bir oturuşda baxıb bitirmək kimi insafsız bir xəstəliyə yol açan şey, duffer qardaşlarının yaratdığı məhz bu mystery'dir. 2-ci mövsümdən spoiler vermək istəmirəm, bacardığım qədər detallardan bəhs etdim. Hə, bu arada
--spoiler--
Eleven'la eyni otaqda yaşamış hindli qızın rolu çox epizodik oldu, görəsən gələcəkdə yenə onu görə biləcəyik?
Keçək 3-cü mövsümə. Mike'ın komandasında ən sevdiyim personaj will idi. Digərləri həm fiziki, həm də psixoloji baxımdan böyüdüyü halda sanki o, heç böyüməyəcəkmiş kimi görünürdü. Faktiki olaraq mike'ın da, lucas'ın da, dustin'in də sevgilisi var, will isə hələ də uşaq kimidir. Nəticə etibarilə dostları ilə əvvəlki kimi yenidən vaxt keçirmək istəyir. Personajların inkişafında bir-birilərindən yavaş-yavaş aralanması gözlənilən idi. Bu səbəbdən də, will üçün çox pis oldum. Əlavə olaraq, mike və eleven'ın, daha sonra isə max və lucas'ın dustin'i evinə gəldiyi ilk gündə o təpədə buraxıb getmələri personajların xarakterindəki inkişafın daha bir göstəricisidir. Artıq əvvəlki kimi uşaq deyillər.
Serial 80-ci illərdə cərəyan etdiyi üçün o dövrün populyar mədəniyyətini, geyim tərzini, davranışlarını və stereotiplərini mütləq yansıtmalıdır, bu şübhəsizdir. Lakin stereotiplərin köməkliyi ilə bir daha (bütövlükdə amerikan kinematoqrafiyasını nəzərdə tuturam) propaqanda ilə beynimizə təcavüz etdi. Söhbət tipik cani, vəhşi, amansız, darıxdırıcı və monoton rus, kommunist, yaxud kommunist ruslar və maraqlı, əyləncəli, sadəlövh, azadlıq dolu qəhrəman amerika temasından gedir. Bunlar stereotiplər deyil, əlbəttə ki, serialda stereotiplərdən istifadə edildi, amma açıq-aşkar amerikan propaqandasından da istifadə edildi. Bunların fərqinə varmaq çətin deyil. Məsələn, ssri-dən mənfi şəkildə bəhs edilməsi stereotip idisə, alekseyin amerikan vətəndaşı olmaq istəyi propaqanda idi. Heç kəs bunun məsum bir detal olduğunu iddia edə bilməz.
3-cü mövsümdə son dərəcə absurd detallar var. Personajların dörd ayrı komandaya ayrılması əsasında steve və dustin'in birgə öz imkanları ilə araşdırmalar aparması, bu zaman sovet yeraltı bazasına iki ərgən və iki qıç boyda uşaq olaraq daxil olmaları və s. və i. a. Bu bir sözlə absurdizmdir, serialda uşaq aktyorların olması (bu xüsusiyyətin müsbət cəhət olmasını yuxarıda qeyd etmişəm) bu cür disney tərzi absurdizmlərin olmasına əsas vermir. Eyni şey black mirror'un sonuncu mövsümünün 3-cü epizodunda da olmuşdu. Dustin'in digər uşaqları birlikdə hərəkət etməsi daha məntiqlidir, nəinki ayrıca sovet bazasına daxil olması. Erica personajından heç bəhs etmirəm, tamamilə lüzumsuz bir əlavədir, mən olsam onu əvvəlki mövsümlərdə olduğu kimi arxa planda saxlayardım. Bu cəhətdən 3-cü mövsüm əvvəl də dediyim kimi insanda məyusluq hissi doğura bilər.
Bundan başqa, serialın musiqiləri çox möhtəşəmdir, söz ola bilməz. Spotify'da bütün playlistləri tapa bilərsiniz. Deyəsən haqqında danışılacaq nəsə qalmadı. Məcbur entryə artıq nöqtə qoyuram, gələcəkdə yeni mövsümlər gələndə onlardan ayrıca bəhs edəcəyəm. Hə, yaddan çıxmadan onu da deyim ki, serialın 2d oyunu var, app store və play storeda tapa bilərsiniz.
Bu boyda entryni yazmağa dəydi, işdir illər sonra da sözlük mövcud olmağa davam etsə, arxivimi eşələyərkən köhnə qeydlərdən biri kimi tapıb, oxuyaraq həzz alacağam. Bilmək olmaz, bəlkə uşaq(larıma) göstərdim.
23 iyul 2019-cu il.
10. Mənə görə hər növbəti sezonu əvvəlkindən daha maraqlı idi. Hər sezonda fərqli situasiyalar və personajların yaşlarının irəlilədikcə hadisələrə necə yanaşmasını gördük. Nadir seriallardandır ki, qrupa sonradan qoşulan bir personaj belə "artıq" biri kimi görünmür. Duffer qardaşlar aktyor seçimində hər dəfə çox uğurlu addımlar atırlar. 4-cü sezon indiyə qədər ən çox büdcəsi olan və ən uzunmetrajlı sezonudur serialın. Hər bölüm 1 saatdan çox olduğu üçün 2 hissəyə ayırıblar serialı. ilk 7 bölüm 27 mayda yayımlandı, qalan 2 bölüm isə 1 iyulda yayımlanacaq. 2 bölümə sıxışdırıla bilməyəcək qədər çox suallar var ortada. 5-ci sezonun son olacağını Duffer qardaşları açıqlamışdılar amma son sezona hansı vəziyyətdə gedəcəklər orası maraqlıdı. Düzdür, bəzi çox bəyənmədiyim nüanslar oldu amma fikrimcə 4-cü sezon çox uğurlu alınıb. Həmişəki kimi bölümlərdə istifadə olunan mahnılar illər sonra yenidən hit olacaq. Serialın ən çox sevdiyim cəhəti personajların və ümumi abu-havanın çox təbii olmasıdır. Çox rahatlıqla içinə girə bilirsən mövzünün. Bəlkə də 90-larda doğulduğum üçün də mənə əlavə səmimi gəlir.
12. səs effektləri,qrim,kamera cəhətdən 10/10 qiymətləndirmək olar.həqiqətəndə çox yaxşı büdcə ayırıb çəkiblər. amma son sezonun əsas problemi 4 yerdə hərəkətlərin cərəyan eləməsidi. Eleven labrotoriyada,Dustin və steve qızlarnan bir yerdə yeraltı dünyaya keçir.Mike ilə will dustinin sevgilisini axtarır.Hopper kamçatkada xilas olmağı gözlüyür.izləyicinin diqqəti konkret bir yerə cəmləşə bilmir həm də niyə də kamçatkada ki, varlıqlar amerikadakılara təsir göstərir əsas senari boşluğu burda yaranır.hərəkətlər 2 yerdə baş versə və əsas oyunçular bir yerdə daha çox vaxt keçirtsə daha maraqlı olardı. çünki mike və will 2 ci plana düşmüşdülər hər nə qədər əsas oyunçu olsalarda.robin və steve daha çox ön planda idi.
Bir də, son sezonda olan əksər zarafatların böyük hissəsi maraqsız idi bəlkə də dublaj eliyəndə pis çevirirlər.(baxma: ucube)
6. 3cü sezonu 2ci sezonundan qat qat yaxşı olan serial. 2ci sezondakı qarmaqarışıqlıq ucbatından bir çox hadisə yadımdan çıxmışdı, amma yaxşı ki 3cü sezon 2ci ilə çox da əlaqəli deyil. Ümid edirəm, 4 sezon final sezonu olar
)