eurovision 2021



facebook twitter əjdaha lazımdı izlə dostlar   mən   googlla

başlıqdakı ən bəyənilən yazılar:

+12

5. belarusiyanı bu il yarışmada təmsil edən galasy zmesta qrupunun " ya nauchu tebya " mahnısı sözlərində siyasi mətn yerləşdirdiyinə görə yarışmadan diskvalifikasiya edilmişdir. avropa yayımları birliyi bu barədə mahnının eurovisionun rəsmi youtube kanalında yayınlanmasından sonra fanlar və belarusların öz etirazlarını da gördükdən sonra belə bir açıqlama yayımladı:
"AYB birliyi belarusiyanın mahnısını analiz etmiş və nəticədə belə qərara gəlinmişdir ki mahnı yarışmanın qaydalarını pozur. müsabiqədə iştirak edən BRTC kanalına bu barədə müraciət edilmiş və bu mahnının indiki formada yarışmada iştirak etməsinin qeyri-mümkün olduğu bildirilmişdir ki, bu cür mahnılar yarışmanı nüfuzdan salır. həll olaraq mahnının dəyişdirilməsi və ya tamamilə yeni bir mahnı hazırlanması təklif edilmişdir. əks təqdirdə, ölkə müsabiqədən kənarlaşdırılacaqdır.”

mahnının sözləri təxminən bu şəkildədir :
“mən çaldığım havaya oynamalısan. sənə mənə tabe olmağı öyrədəcəm. səni tilovumla ovlayacam” və s.
klip eurovision youtube kanalında ən çox dislike alan klip olmuşdu. ayb-nin bu açıqlamasından dərhal sonra klip rəsmi kanaldan silindi. iştirakçı kanal brtc martın 14-nə qədər yeni mahnını ayb-ə təhvil verməlidir. əks təqdirdə ölkənin yarışmada iştirakı ləğv olunacaq.
bu da belarusiyanın sözügedən "sözlərini lukaşenkonun yazdığı" eurovision 2021 mahnısı:
(youtube: )

+7

10. Bu yarışı çox kiçik bir şəkildə öz gözümlə təsvir etmək istəyirəm, əslində blogumda daha geniş bir versiyada fikrimi bölüşdüm, lakin yazıdan bir hissəni -hansı ki, Əfəndinin çıxışları ilə bağlı olacaq, istəyərdim, fikrimi çatdıra bilim;

2020-ci ilə qədəmlərimizi qoyduğumuz zaman covid söhbətləri başlamışdı. Nəysə, Eurovision mahnımız artıq tamaşaçıya verildiyi zaman getdim izləməyə. Şablon ingiliscə cümlələr milli mahnımızda bir-birini əvəz edərkən bir də nə görək? Vannanın içindəki seksual qadın belə bir ifadə işlədir; “Straight or gay or in between”. Uxx necə də cəsarətli, mötəbər bir çıxış. Azərbaycan homofobiyaya meydan oxuyur, gəlin əl çalaq zırt-pırt. Azərbaycanın bir il öncə – 2019da təkrarladığı LGBTiQ ovu aydın nümunədir ki, sadəcə sizinlə məzələnir. Başqa adı yoxdur – məzələnmək. inanın, queerlər və onların haqları bizim vecimizə olsaydı indi 10 dəfə bıçaqlanaraq öldürülən Aysunun qatili həbs olunardı. Bəxtdən bu əfsanəvi yarış ənənəsini pozaraq keçirilə bilmədi, beləcə bu musiqi də qaldı bizim cibimizdə. Bəs biz nə etdik? Növbəti dərsimizə yaxşı hazırlaşdıq. Yox, əşşi. Müəllimi dərsi öyrənmədiyi gün ondan mövzu soruşulmayan şagird təsəvvür edir ki, həmişəlik belə olacaq – heç vaxt növbə ona gəlməyəcək, o isə həmişə soxuş gələcək. Bu il isə fərqli bir taktikaya əl atdıq. Feminizm. Bəli, yanlış eşitmədiyiniz, vergi ödəyicilər. 3 il içərisində ölkədə dirçəliş keçirən, Zaur, Xoşqədəm kimi saxta söhbətlərlə yaşlı nəslin beynini yuyan kəslərin efirlərdə qaralama kompaniyaları apardığı feminizm. Gəlin bu məsum görünüşlü, cool qadın Əfəndidən sizə bir stat gətirim; “Xanımlara güclü qadınlar haqqında danışıb, onlara xatırlatmaq mütləqdir ki, bizim hələ də mövhumatlarla dolu dünyada yaşamağımıza baxmayaraq, qadın hər şeyi bacarır və qadın gücü heç nə ilə müqayisə edilə bilməz. Əgər indi ilham axtarışındasınızsa, qoy tarixin güclü qadınları haqqında hekayələr o enerjinin mənbəyinə çevrilsin və sizə hər şeyin öhdəsindən gələ və daha böyük uğurlara nail ola biləcəyinizi xatırlatsın.” Əziz və məsum Əfəndi, siz öz dediyinizə inanırsınız? Yəni doğurdan da hansısa tarixi adlarla mahnı çıxararaq (komanda şəklində) yol qırağını bədəninə işıq bağlayaraq süpürən qadının haqqını tələb etdiyinizə/çağırış etdiyinizə inanırsınız? Ya düşünürsünüz, onu ölümünə döyüb övladlarını əlindən alan, polisin isə əhəmiyyət vermədən “gedin özünüz həll edin” dediyi qadın üçün əhəmiyyətli bir fikir səsləndirdiyinizə? Mən inanmıram. Demirəm, sizin çağırışınız yaxşı görünmür, yox. Amma siz bu çağırışı hansı məqsədlə edirsiniz? Mən ən azından qadın haqqlarını tələb edənlərin necə reaksiyalar aldığını gördüyüm üçün sizin səmimiyyətinizə inana bilmirəm. Axırıncı dəfə Gülnara Mehdiyevanı efirdə söyürdülər. Üstündən biraz keçmədi, Nərmin Şahmarzadənin səhifəsini qırıb kimlə yatdığını müzakirəyə qoydu ömründə seks görməmiş xalq. Belə “primitiv” misallardan sonra dövlət dəstəyi ilə yayımlanan proyektdə sizin səsləndirdiyiniz fikrin səmimiyyətinə necə inana bilərəm? Ya müharibədən çıxmış dövlətin səsini toplamaq üçün zurna sədaları altında yallı rəqsi etməyiniz? Elə bilirsiniz (Əfəndi yox, bütün komanda) 10 ildən çoxdur yarışdığınız (məhz sizin yarışdığınız) Eurovision mahnı müsabiqəsində cəmi 1 dəfə azərbaycanca cümlə işlədərək səmimi görünürsünüz? Əmin olun ki, sizi dəstəkləmək üçün yazılan, adınıza (Əfəndinin və onun komandasının) açılan teqlər hamısı QHT (qeyri-hökümət) məntiqi ilə ilərləyir, Twitter trendlərinə və s. düşür. Musiqinin hansı səviyyədə bəyənildiyini görmək üçün youtube trendlərinə baxmayın və ya musiqinin şərh bölməsinə. Onsuz oranı azərbaycanlılar on minlələ müsbət şərhlə doldurub. Sadəcə açıb reddit platformasında mahnıya gələn əsl reaksiyaları görün. Və bir daha qərar verin; Biz nə etdik? Burada vermək istədiyimiz mesaj nədir? Səmimiyikmi? Tək cavab: yox.
2021 üçün deyəcəklərim bunlardır, daha əvvəlki illər üçün də kiçik də olsa fikirlərimi burada bölüşmüşəm:
link link

+9

8. Uzun illərdir keçirilən mahnı müsabiqəsinin sayca 65-cisi. Uşaqlıqdan sevərək, həyəcanla və maraqla hər il baxdığım, hətta yarışmanın səhərisi vacib imtahanım olanda sırf canlı izləmək üçün gecə oyaq qaldığım yarışmaya nədənsə son illər əvvəlki marağım qalmayıb. Buna səbəb mahnıların illər keçdikcə daha pis olması, yoxsa mənimlə bağlı dəyişikliklərdir, dəqiq bilmirəm.
Bu ilki mahnıların bir neçəsinə qısaca qulaq assam da, diqqətimi cəlb edən sadəcə Fransanın mahnısı oldu. Hə, bir də Danimarkanın 70-80-ci illər vayblı mahnısı da pis deyildi. Bizim ölkəni təmsil edən mahnıya bayaq qulaq asdım və təəssüf ki, istəsəm də, bəyənə bilmədim.
Təbii ki, hər hansısa proqnoz vermək üçün hələ tezdir. Səhnə performanslarından da çox şey asılıdır.

+5

2. Ermənistan aldığı qərarla bu il müsabiqədən çəkildiyini elan etdi. link Rəsmi səbəbi açıqlamasalar da, sosial şəbəkədə əsas səbəb kimi ikinci Qarabağ müharibəsinin fəsadları və ölkədəki hakimiyyət böhranı göstərilir.

+4

1. Bu il 65-si keçiriləcək olan avroviziya mahnı müsabiqəsinin sosial məsafə məhdudiyyəti ilə təşkil edilməsinə qərar verilib link .
Yekun qərara əsasən, iştirakçı ölkələrin deleqasiya həyətlərindəki üzvlərinin və mətbuat nümayəndələrinin sayı azaldılacaq, izləyicilərin arasında 1-1.5 metr sosial məsafə qorunacaq, iştirakçılar Niderlanda yollamadan 5 gün əvvəl karantinə daxil olacaq, uçuşdan azı 72 saat əvvəl test verəcəklər. Müsabiqənin baş tutacağı ahoy arena yaxınlığında müəssisə qurulacaq, beləcə iştirakçıların yoxlanılması həyata keçiriləcək.
izləyicilərin müəyyənləşdirilməsi isə püşkatma yolu ilə həyata keçiriləcək. Belə ki, bilet alanlar arasında püşk atılacaq, seçilməyən namizədlərin bilet ödənişi isə geri qaytarılacaq.

+5

7. müəllifləri xarici olsa da (amy van der vel, coş earl,lyuk van birs və toni kornelissen) azərbaycan milli musiqi alətləri sayəsində azərbaycan! deyə bağıran əjdaha eurovision mahnımız da artıq yayımlandı,gözümüz aydın!
adı "mata hari" olan mahnımızda zurna və nağaranın, eləcə də azərbaycan xalq rəqsi yallının melodiyaları əsasında ərsəyə gəlmiş etnik motivlərdən istifadə edilmişdir.
mahnıya əjdaha deməyimin daha başqa bir səbəbi azərbaycanın müsabiqədə iştirakı tarixində ilk dəfə mahnıda azərbaycan dilində cümlənin olmasıdır:
“yalan da mən, yanan da mən, yaman da mən”.
mən belə düşünürəm ki, bu cümlə həm də ermənistana ünvanlanan bir cümlədir. mən mahnını çox bəyəndim,musiqi tərzimə uyğun olmasa da. klip də pis deyildi amma belə fikirləşirəm ki, samirənin rəqsləri bir az daha hərəkətli olsaydı,daha gözəl olacaqdı. ümid edirəm ki,yarışmaya qədər rəqs etməyi öyrənər və əgər möhtəşəm bir səhnə hazırlasalar,bu il ən pisi ilk 3-də yerimizi rahat tutacağıq.

+3

3. ermənistanın yarışmadan çəkilməsi bizə bir az mənfi təsir göstərə bilər. artıq bu gün qərardan sonra erməni eurofanların sosial şəbəkələrdə azərbaycanı qaralama cəhdləri yaxşı nümunədir. bizimkilər də "yaxşıca" qarşılıq verirlər. əgər burada da elə bir təşəbbüsdə bulunmaq istəyənlər varsa, sizə səslənirəm:
etməyin,eyləməyin. bizim hal-hazırda ölkəmizin imicini yüksəkdə tutmamız lazımdı. özümüzü haqlıykən haqsız duruma düşürməyək,please. onların yarışmadan çəkilməyi strateji həmlə idi,biz də strateji yanaşaq. qaralama kompaniyalarına kömək etməyək.

ümid edirəm, 2015 rusiya vakasına dönməz olay. (bax: polina gagarina ) efendi-nin işi bir azcıq çətinləşdi,bu manipulyasiya cəhdlərinə görə. amma bunu dəf etmək də yenə biz azərbaycanlı gənclərə baxır.

+3

6. Və qarşınızda, mata hari
(youtube: )

+1

4. Samirə Əfəndiyevanın mahnısının teaser-i təqdim edildi.
(youtube: )


Edit: mahnı və klipi 15 mart tarixində təqdim ediləcək.

+2

11. Azərbaycanın mahnısının slow versiyası yayımlanıb
(youtube: )


"Mata hari" adlanan mahnının adını daşıyan şpiyona görə klipini də, ifasını da hərəkətli olaraq gözləyirdim, ilk versiyasında rəqs edə bilməsə də, azdan-çoxdan o hissi sənə yaşadırdı. Bunu fərqlilik olsun deyə paylaşdıqlarını düşünürəm, əks-halda heyif.

+4

9. bizim bu ilki mahnımız o qədər də xoşuma gəlmədi. keçən ilki mahnı da əla deyildi, amma məncə, bu ilki mahnıdan daha yaxşı idi. klipində isə sadəcə rəqs edirdilər, keçən ilki klip də bundan daha keyfiyyətli idi. daha maraqlı bir şeylər ortaya çıxara bilərdilər. hər halda mahnının ən yaxşı tərəfi azərbaycan dilində bir-iki sözün işlədilməsi olub. həmçinin musiqinin də. ilk 10-a girmə ehtimalı ola bilər, amma təbii ki də daha yaxşı mahnılar da var.



hamısını göstər

eurovision 2021