əjdaha lazımdı
izlə
dostlar
mən
googlla
yazarların həyatdan çıxardığı dərslər
başlıqdakı ən bəyənilən yazılar:
+53 əjdaha
5. Yaxşılıq və ya güzəşt bir neçə dəfə təkrarlandıqda öhdəliyə çevrilir. Bu həm iş münasibətlərində, həm də şəxsi münasibətlərdə keçərlidir. Əgər qarşındakına bir müddət yaxşılıq və ya güzəşt edib, sonra bunu etməyi dayandırsan, neqativlə üzləşərsən. Qarşı tərəf üçün də səbəbi anlaşılandır. Çünki güzəşt və kömək bir problemdən və ya çətinlikdən qurtarır, təkrarlandıqda komfort yaradır. Kəsildikdə isə yenidən çətin vəziyyətə düşməyin tək səbəbkarı həmin köməyi dayandırmış şəxs olur.
Bu səbəbdən, yaxşılıq edən tərəfsənsə, bunun qarşılığında heç bir gözləntin olmasa belə, əslində neytral tərəfdə olduğunu, bunun uzun müddət davam etməyəcəyini hiss etdirməli və qarşı tərəf komforta keçmədən dayandırmalısan.
+29 əjdaha
30. aşağıdakı məsləhətlərim üzərində oturub analiz elədiyim, 3 ildən artıq müşahidə elədiyim şeylərdi.
yeniyetməlikdə elədiyim ən böyük səhv o idi ki, deyirdim, ətrafıma ancaq özüm kimi insanları yığım, onlarla qaynayım-qarışım.
Əgər karyera qurmaq istəyirsinizsə, eləməyin belə. Mən səhv düşünmüşəm. bacardığınız qədər ətrafınızda tanışınız olsun. Heç karyera üçün də yox.
demirəm e gedin cır-cındırı yığın ətrafınıza, düz-əməlli prosdu it kimi kapitalist olan insanlar doludur bizim ölkədə. işin aşırda biləcəyiniz, sizin də yaxşılığınızın dəydiyi adamları yığın ətrafınıza. Puluna etmirsinizsə yaxşılığı, ağız açmağa yer saxlayın.
Mən yuxarıdakı düşüncənin niyə səhv olduğunu yazım. May ayının 2-si idi, atamın da mən bakıya gəlmədən öncə öd kisəsində problemi var imiş, demirdilər mənə. Daha sonra mart ayında da mən yenə tətildə olanda daha da şiddətlənib, gedib həkimə icbari da sağ olsun, uzada-uzada gedib. may ayında evdə son dəfə şiddətli halı yaşanmışdı onda məsələdən agah oldum. yəni otura da bilmirdi heç ağrıdan. bir nəfərə zəng elədim, sağ olsun, dedi gəl aparaq elə indi idarəyə. Gördük orda da, sənəd işi uzanır, sağ olsun, həkim-zad düz-qoş etdik. 1 gün yarıma həll oldu söhbət.
(bax: icbari tibbi sığorta)
haqqında sonradan yazacam, qalsın burda.
ikinci məsələ, mənim özümün bir məsələsi var idi, yəni azərbaycanda bu dəqiqə həlli mümkün olmayan bir məsələ kimidi. var həlli, amma mənim üçün təklif olunan həll kimi yoxdur. Səbəb nə idi? sahəm üzrə bilikliyəm. Mənim biliyimi qoyaq kənara indi. Sizə əsas lazım olan bilik və yaxşı tanışlardır. Heç ölümünə zəkanız olmağı da lazım deyil. Onsuz azərbaycanda 5 nəfərdən irəli gedən kimi sizi hamı wunderkind kimi görür. (see: #368072)
bir digər əsas məsələ yenə əməlli səhvlərimdən. nəyə tolerantlıq göstərdiyinizə diqqət eləyin, digər insanlara sizə necə davranılması lazım olduğunu diqtə eləyirsiniz. yaxşılıqdan taviz verməyin demirəm, sizə yanlış eləyəndə deməyin ki, yəqin o mənada demək istəmirdi-zad. ağzından alırsınız və sizə deyir ki, yox filankəs, sənə elə demək istəməmişdim. əks halı olanda , Belə-belə olanda gəlib çıxırlar başıvıza, sonra düşürtmək də çətin olur. ya olacaqsan cındır, ya da elə başıva çıxıb sıçacaqlar. Bu səviyyədə olan adamlara nədənsə taviz verməyin. Bunu xüsusən sizdən yaşca böyük, təcrübəcə çox olan adamlar edir, icazə verməyin. sizə durub necə torba tikmək lazımdır öyrədəsi deyiləm -* qısaca lazımi yerdə yox deyin.
ən sonuncusu. yeniyətməsinizsə, ya da yaşınız varsa, mənfi insanları çıxardın həyatınızdan və əgər həmin mənfi insan tək tanışınızdırsa. psixoloq deyilsiniz siz. Söhbət ghostlamaqdan getmir. Sadəcə görüşdüyünüz müddəti azaldın, sizi də əməcək bilməyərəkdən, həyat eşqiniz bitəcək. elə adamlar var ki, nə həll yolu deyirsən, görürsən ki, yox e bu düzələn deyil. batan gəmidəki kapitan siz deyilsiniz. inanın, sizin duyğularnız da çökür. psixoloq üçün maddi dəstək göstərin, dərdin dinləyin, amma həyatınızın mərkəzi eləməyin. təkrar deyirəm, siz psixoloq deyilsiniz. əlinizdən gələni edin, getsin, oturun, qulaq asın, amma hər gün etməyin bunu. daha çox snowflake tipli insanlardı bunlar. bu adamlara faydanız olmayacaq. nə vaxt baxırsan, giley, nə vaxt baxırsan, dərd.
+21 əjdaha
19. şablon ifadələri görməzdən gəlməyin. Həqiqətən də, içində öyrəniləsi həqiqətlər mövcuddur. haradasa, bir il öncə ~240 nəfərlik komanda ilə 1 milyon 500 mindən çox, (xeyri saymasaq, 1 milyon 570 min) manat pul itirmişdik. -*
axrıncı dəfə yadımda qalan 80 min zərər qalmışdı. sözüm onda yox. maddi tərəfdən itirmək mümkün olan bir gerçəkdir. ancaq çalışın, sizdə qala biləcək maddi yox, başqa bir şey olsun. zəkanız, məsələn. bilgi gücdür. düzgün işlədən də güclüdür. zəkanıza fokuslanın. pula yox. çox ata/dayı məsləhəti kimi oldu. mən gördüyümdən bunu öyrəndim. yuxarıda dediyim işdə yadımdadır ki, sözün əsl mənasında şenlənirdim. yuxu rejimini saymasaq, şenlənirdim. saat 5-də viski ilə hoteldən mərkəzi küçəyə baxıb içimdən: "bir neçə saat sonra bakının xalqı işə gedəcək. kimisi 400-500 manat üçün" - deyirdim. işim sezonluq iş idi. 3 aydan sonra yenidən təkrarlanan bir iş idi. ancaq problem o idi ki, mən pul üçün çalışırdım, iş bitdikdən sonra o işdən asılı idim. riskindən asılı idim. başqa faktorlardan da asılı idim. yəni bu şenlənmək 3-4 aydan bir baş verirdi. həmçinin bir məqsədi də yox idi. ən əsası isə bu iş olmasaydı, ac qalacaq vəziyyətdə ola bilərdim. əlbəttə, bunları düşünmürdüm mən, çünki o an puldan, eyforiyadan düşünmək istəmirsən. nəticədə, yadımdadır, ilk dəfə ora gedəndə 3 manat pul qalmışdı cibimdə və 2 gün keçmədən 300 manata yaxın pul ilə fırlanırdım.
zəka elə bir şeydir ki, insanları sənə möhtac edir möhtac etməsə belə, ən əsası səni kiməsə möhtac etmir. əlbəttə, tək başına analitik zəka bir işə yaramır. ən azından iş tapana qədər. Zatən bəhs etdiyim zəka 25/25 riyaziyyat yazmaq, 700 balla universitetə girmək zəkası deyil. Ümumi zəkadan gedir söhbət. Risk dəyərləndirməsi, çıxa biləcək x məsələsinə hazırlıq, vəziyyəti dəyərləndirmək. insanlara diqqətlə baxın, müşahidə edin. ortaq dedikləri cümlələrə baxanda bilmək olur, onlardakı boşluqları. "20 il əvvəl burdan torpaq alsaydım...", "vaxtında bunu eləsə idim". ya da bunu qoydum kənara elə özümüzdən bir örnək: "o sözü deyəndə bunu desəydim kaş". baxın məsələ burasındadır ki, o fürsət, o şans həmişə mövcuddur. sadəcə onu dəyərləndirə bilən insanlar bizdən zəkalıdır. mühit təsiri böyük rol oynayır, mənim toxunmaq istədiyim mühit faktoru yox, fürsətlərin dəyərləndirilməsidir. fürsət hər zaman mövcuddur sadəcə düzgün dəyərləndirmək lazımdır.
buna görə də pul dalınca qaçmaqdansa, məncə, inkişaf etmək lazımdır. pulu tapmaq, idarə etmək çətin məsələdir. mən o işimi buraxdım. çünki mənə puldan başqa heç nə qazandırmırdı. işiniz isə sizə pul ilə yanaşı bir neçə şey də qazandırmalıdır. 8 saatınızı işə verirsinizsə, məncə, sadəcə ayın axrında bir neçə yüz manat üçün yox, bir neçə şeyə görə işləməlisiniz, işləməliyik. çünki bakıda işləmək 12-13 saat itirmək deməkdir. işə get, tıxac, işdən çıx, tıxac, evə gəl, yemək ye/bişir.
məsləhətim isə odur ki, pula ümid bağlayaraq iş görməyin. Verdiyiniz sözlər puldan asılı olmasın.
+19 əjdaha
31. cırığ tumanınız olsun, amma özünüzün olsun. onun bunun hörməti ilə, sözü ilə, pulu ilə, poxu-pürsü ilə qabağa getməyin. axır əvvəl cındırınızı çıxaracaqlar, qalacaq içinizdə. lyboy vaxt nəyisə başınıza çırpma potensialları var. vuranda da qancıq kimi dururlar üzüvüzə.
örnək, abutiryent vaxtı ailənizin səni mən oxuduramları, göt-göt danışmaqları. bunlar dayanmır, ardı-arası da kəsilmir.
+16 əjdaha
26. həmişə ehtiyatda pulunuz olsun, istinasız. 10 manat qazanmısan, 3-4-ün at qırağa. nə vaxt, nə olacağını əsla bilə-bilməzsiniz. son 6 ayımı demək olar işləməmişəm, finansal olaraq keçdiyim bu böhrandan uğurlu çıxmağımın tək səbəbi Az çox da olsa, ehtiyat pulumun olmağı olub. halbuki, özüm qədər əliaçıq və pul dağıdan adam tanımıram. zamanında qazandıqlarımı adam balası kimi yönləndirə bilsəydim, indi yağ bal içində yaşayırdım. pul qazanmaqdan çox, pul saxlamağı və xərcləməyi öyrənin. yoxsa, aşsüzənlə su daşımağa bənzəyəcək əziyyətiniz.
paltarlarınız daim keyfiyətli olsun, bahalı demirəm, keyfiyətli. bir dəfə alacaqsınız, ən azı 5 il, bəlkə də daha çox istifadə edəcəksiniz. 7 il bundan qabaq aldığım tommy hilfiger köynəyini hələ də geyinirəm, nə rəngi qaçıb, nə süzülüb. ya da zaradan aldığım kurtka, nə qədər zaradan bir şey almasam da. yəni, sözümün canı qısa müddətdə bəlkə də çox xərcə düşə bilərsiniz, amma uzun zamanlı baxanda yüz faiz qazanclısınız.
güvən yaxşı şeydi, kontrol daha yaxşı. bir insana, nə qədər güvənirsiniz, güvənin daim bir gözünüz üstündə olsun. məsələ burda kontrol xəstəsi/manyağı olun demirəm, sadəcə bilin ki, insan ilk fürsətdə içindəki nəfsinə yeniləcək, daim qaranlıq tərəfə, əyri yola meylilik var. istər münasibətdə, istər is yerində, normal sosial davranışlarda. boş yerə mahnının sözləri belə deyil ki: " sevgilini sınama, sınayırsansa, qınama". yəni sınasan ( yoxlasan), mütləq səhv tapacaqsan, sonra da qınama niyə belə elədi.
bir də son olaraq, bir insanla tanış olanda gələn ilk hiss/təəssürat boş deyil, çox vaxt doğruldur özünü. ürəyinizdə " normal adam deyil, deyəsən" dedizdirən şey düz deyir. o adam, həqiqətən normal deyil, ilk tində sağa dönün, yolu ayırın. ön yarqılar deyil məsələ, sizin səviyyənizə və davranış qəliblərinizə (pattern) uyğun olmayan biri, elə həqiqətən də uyğun deyil. vəsəllam, ay buna şans verim, düzələr, bəlkə özünü dəyişər. de, gələ. bu hikayede yanan ben oldum
+14 əjdaha
27. ilkin təcili tibbi yardım qaydalarını mütləq ki öyrənin. həyatınızın hansı anında, necə kritik durumda ehtiyacınız olacağını bilə bilməzsiniz.
əsas boğulma - nəfəs borusuna qida düşməsi, dəm qazı, suda boğulma, sınıq, çıxıq, yanıq, günvurma, özündəngetmə, insult, panik atak hallarında nə edilməlidir, onu öyrənin. bəlkə özünüzə gərək ola bilər, bəlkə də bir gün kiminsə həyatını xilas edərsiniz. ömrünüz boyunca mütləq ki bir gün işinizə yarayacaq.
+14 əjdaha
1. heç vaxt borca pul verməyin. bu nə gəlir, nə də minnətdarlıq qazandırmır. əvəzində, düşündüyünüzdən çox şey itirirsiniz.
+16 əjdaha
11. Sənin həyatdan nə gözlədiyinə görə dəyişən məsləhətlərdir.
Hər halda maksimum uğur və ətrafında hörmət qazanmaqdırsa əsas məsələ heç bir halda əsəbiləşməməkdir.
Səni incitməyə çalışan, damarına basan insana əsəblərinin onun birazdan incinəcək eqosundan daha önəmli olduğunu hiss etdir, əziz oxuyucu. Nə qarşısında olur olsun -debillik, haqsızlıq, ədalətsizlik- əsəbin heç bir zibili həll etməyəcək. Ya get danışıq bacarığın üstündə çalış, irəlilət və onu adambalası olmağa razı sal, ya da sakitcə uzaqlaş. Bu həm mental, həm fiziki sağlamlıq gətirəcək sənə. işdə müdir cındırlıq edir? Onsuz da edəcək, istəyirsən çıx. Ancaq 10 saniyə durub fikirləşəndə "bu əsəb nəyi dəyişəcək?" Tutarlı cavab tapa bilmirsən. Əksinə, zibil edir atır hər şeyi. Səni qəzəbləndirməyə çalışan insancığa bax, gül. Mümkünsə səsli gül. ilk dəfələrdə saxta gələ bilər, sonra bu reallığa çevriləcək. Həqiqətən də, vecinə olmayacaq. Beyini inandırmaq çox asandır. Belə danışdığıma baxma, mən səndən, ondan, bundan, hamısından tez əsəbiləşən, yumruğuna əngəl ola bilməyən tiplərdən olmuşam. Ancaq bu hissi idarə etməyə başlayanda çox irəli getdiyini başa düşəcəksən.
Hörmət də ardınca gələcək. Çünkü bükə bilmədiyin biləyi öpəcəksən.
+15 əjdaha
14. sizi bəyənməyəcək insanların əlindən gizləndikcə sizi bəyənəcək olanları itirirsiniz
+9 əjdaha
10. Ən sevdiyiniz məşhurlar, gözəllər belə axşam böyük bayıra girir, O üzdən kimsə bu dünyada təmiz deyil. Cismən yox ruhan çirkin olanlardan çəkinin.
+8 əjdaha
18. Heç kimdən heçnə gözləməyin və heç kimi həyatınızın mərkəzinə qoyub onu həyatınızın mənasına çevirməyin, insanlar nankordur bir müddət sonra onsuzda etməsəydin deyəcəklər, ən kiçik səhvinizdə ən pis, işə yaramaz insan siz olacaqsınız ən sonda isə olan sizə olacaq.
+7 əjdaha
33. aşağıdakılar mənim fikirlərimdir və etalon deyillər.sadəcə səmimi olmağa çalışmışam.
0) Özünüzü tanıyın və nə istədiyinizi bilin.(sadə görünsədə, kifayət qədər mürəkkəb prosesdir)
1) Yaxşı araşdırmadan, trend olan işlərin dalınca qaçmayın.
2) Sosial media və bənzəri platformada öndə olan figurların fikirlərini önəmsəyib, hər dediklərini əmr kimi qəbul etməyin.
3) "insanı hər şeyi bacara bilər" deyiminin mənası yoxdur.onun yerinə "hər insan nəyisə bacarmaq üçün var" daha səmimi səslənir.əsas məsələ öz xarakterinizi və bacara biləcəklərinizi öyrənib, ona uyğun işlərin arxasında getməkdir.
4) sosial platformalarda karyera məsləhətləri verib, sizə nəsə satmağa çalışan insanların 10-dan 9-u fuflodur.pul qazanan insanların çoxu, gic-gic videolar çəkmək yerinə, sakitcə öz işləri ilə məşğul olurlar.
5) imkan verməyin ki, ətrafınızdakı insanlar, gic-gic ideyaları ilə sizi siz olmaqdan kənarlaşdırsınlar.əhatənizə fikir verin.özünüz belə bilmədən, onlar sizə mənfi və ya müsbət olaraq təsir edir.
6) pul dalıyca qaçmaq yerinə, aktual olan bir işdə ustalaşın.əsasənda 20-25 yaşlarınızdasınızsa.
7) özünüz seçmədiyiniz şeylərə görə çox narahat olmayın.
+6 əjdaha
22. Məsləhət verməyi xoşlamıram, amma daha içimi töküm də. Həyatda, kariyerada filan irəli getmək üçün insanların nə dediyini-filan çox tınlamamaq lazımdır. Tınladınsa, o iş olmaz. Az qala hər kəs zatən psixoloji təbiəti etibarilə hadisələrə self-serving perspektivdən baxır. Bəs sən niyə öz məsələnə başqasına sərf edən perspektivdən baxmalısan ki, ona qulaq asıb? Əlbəttə, heç kəsi dinləməyin, ancaq burnunuzun dikinə gedin də deyilmir. Özünüzdən təcrübəli şəxslərdən məsləhət almayın, onlara qulaq asmayın demirəm, hobbi olaraq yenə asın. Amma hobbi olaraq-*
+6 əjdaha
17. overthinking olmaqdan kəskin şəkildə qaçın. Pis düşüncələr, neqativ fikirlər sizi hər zaman aşağı doğru çəkir. Düzdü bu ölkədə pozitiv düşünmək qeyri mümkündür amma yenədə bacardığınız qədər mənfi fikirlərdən beyninizi uzaqlaşdırmağa çalışın.
+8 əjdaha
29. Yaxın gələcəyə dair hansısa bir planınız, hədəfiniz varsa, reallaşana qədər bunu heçkəslə bölüşməyin, atalar demiş həqiqətəndə əvvəlcədən nəsə demək düşmür
+6 əjdaha
12. nə edirsən, et, sonunu düşün. nə özünü, nə ailəni utandırma, nədə ki çətin vəziyyətə salma... Əgər nəsə olacaqsa, özüvü fəda elə ailən xoşbəxt olsun.
+6 əjdaha
4. çox da şey eləmiyin.
+6 əjdaha
9. Həyat: iki ayaqlı insanın, dünya zamanıyla dünya üzərində, canlı olaraq gəzindiyi müddətidir və bu müddətcə insanın yaşadıqlarını əhatə edən anlayışdır, demək olar kobudca.
Məsləhət: tövsiyə, təcrübə, göstəriş, dərs, təklif sözləriylə düsturlana biləcək anlayışların şərh toplusu.
Əsas olaraq bu nəzərdə saxlanılmalıdır ki, həyat haqqında məsləhət verən bir insan, həyat haqqında şərh atan bir insandır sadəcə. Bu düsturda mütləq yoxdur. Hər kəs yaşadığı anların, təsvir və təsəvvürünün formalaşdırdığı ölçüdə, təfəkküründən çıxış edir.
Və bizlər, insan olaraq, insanlığı təcrübə edənlər, insanlığın hansı format və versiyada olduğunu, az çox kəsdirə bilmişik.
Bu dünyada müharibələr var, insanlar insanları nə üçünsə öldürür.
ilişib qalanlara məsləhət etmək istəyirəm ki, çox sıxmayın.
+5 əjdaha
24. kripto və türk sözün yan-yana görsəniz, o yerdən işıq sürəti ilə qaçın.
son günlərdə feysbukda türk kripto biznısmin(ən)lər görürəm, seminar və s., keçirir. babat da qiymət oxuyurlar. nə qədər oğraş adam var türkiyədə o sahədədir. uzaq durmağınızda fayda var.
+5 əjdaha
13. əgər qaranlıqda da dar küçələrdən keçmək məcburiyyətində qalacaqsızsa, çalışın ki, qaranlıq düşməmiş getmək istədiyiniz yerdə olasınız. xüsusilə də, qızlara ünvanlanır. təəssüf ki, bizim ölkədə bunları etmək biraz önəmlidi.
+5 əjdaha
3. bir az klişe olacaq:
başqalarının sizin haqqınızda fikirlərinə, danışıqlarına önəm verməyin. hətta ilk əvvəl bununla - yəni özünüzlə mübarizə aparın. həmin adama neqativ və ya pozitiv düşüncənizi belə ayırmayın. tam sıfırlayın hər kəsi. belə, mal kimi, düşüncəsizcə, heç bir irad bildirmədən. özünüzü boş buraxan kimi, yenə həmin adam haqda düşüncələr peyda olacaq, siz yenə də dirənin, düşünməməyə çalışın. nəm, kate upton'un doşlərini düşünün, lesterin çempionluq şansını düşünün və s yetər ki, həmin fikir sizi ağuşuna almasın. ağuşuna e ))))
yoxsa bu sözlükdə "haqsız umbaylandım", "arxa-arxaya umbaylayan götvərən" söhbəti eləyəni, real həyat tərs qoyub düz sikəcək, xəbəri olsun.
+4 əjdaha
21. insanı formalaşdıran iki sual var: "niyə?" və "necə?" sualları. "niyə?" sualı fəlsəfə ilə bağlıdır, "necə?" sualı elmlə. "niyə?" sualı sizi müdrik edər, "necə?" sualı bilgə.
Əgər iki sualdan birini verə bilmirsizsə ya radikal olarsız, ya cahil, ya da mizantrop. "necə?" sualına cavab verilmədən soruşulan "niyə?" sualı sizi radikal dindar da edə bilər, nihilist də. Eyni şəkildə "niyə?"-siz soruşulan "necə?" sualı sizi şovinist, nadan da edə bilər, sosiopat da.
Əgər hər hansı bir məsələdə iki sualdan birinə cavab verə bilmirsizsə, cavabını bildiyiniz tərəfdən yapışıb bununla kifayətlənməyin. Ya digər suala da cavab axtarın, ya da o sualdan qaçın.
+5 əjdaha
15. Heçkim sizin arzularızı və ya xəyallarınızı gerçəkləştirməyinzi üçün əlinizdən tutub kömək etmiyəcək. Şans üzünüzə gülüb sizin xəyalınızdaki yaşamaq istədiyiniz həyata heçvaxt çatdırmayacaq. Varlı bir tanış və ya dost çıxmayacaq. Xəyalınızı reallaşdırmaq üçün mübarizə aparmağınız ailənizin, dostlarınızın və sevgilinizin qozunda deyil. Qarşınızda olmamaları belə böyük bir şeydi. Qısaca gələcəklə bağlı önəmli bir xəyalınız və ya arzunuz varsa əziyyətə düşüb bunun üçün mübarizə aparacaq tək insan sizsiniz. Boşuna heçkimə ümidinizi bağlayıb sonra məğlubiyyət ilə üzləşəndə ağlamayın və mənə niyə dəstək olmadılar deyə məyus olmayın.
(baxma: axşam yuxusundan durub mədə qaynaması ilə yazılmış entrylər)
+5 əjdaha
20. Həyat tövsiyyəsi verəcək adam mən deyiləm hələ mən də tam tutmamışam temanı amma özünüzü düşünün iki il sonra yanınızda olmayacaq insanlara gözə şəkilləndirməyin həyatınızı. Sizin nə istədiyiniz önəmlidi. Onlara etdiyiniz şeylərin farkında belə olmurlar. hak edən insanları sevin. Hər şeyi idarə edə bilməzsiz. bəzən icazə verin onlar sizə görə nəsə eləsinlər. qısacası özünüzə dəyər verin. heç kəs verməyəcək çünki denendi onaylandı.
+3 əjdaha
28. Keçəl dərman bilsə öz başına sürtər.
+2 əjdaha
8. (baxma: nosce te ipsum)
+3 əjdaha
16. Universitet və ya yeni tanış olduğunuz hər hansı kollektiv ilə birlikdə olarkən, heç vaxt paçka siqareti cibinizdən çıxarmayın.
+2 əjdaha
32. olmayanda olmur.
həyatda hələki, heç bir uğur qazanmamış məndən veriləcək məsləhət yalnız bu olabilər.
bir çox iş qursamda heç biri alınmayıb.
2-ci məsləhət isə, ümidini itirmə.
uğursuzluqların sayı məni heç vaxt həvəsdən salmayıb.
bəlkədə elə bu özü məni bir gün uğura aparacaq ən böyük uğurdur.
+1 əjdaha
7. 22 yaşım var. yaşıma nəzərən çox şey əldə etmişəm. 14 yaşımnan beynəlxalq sərgilərdə, yarışlarda iştirak edirəm. ölkəni xaricdə 5 dəfə təmsil etmişəm. hər uğurumda ailəmizin və nəslimizin gözdəsi , nəslin fəxri olmuşam. 1 uğur məni başqa uğurlara doğru getməyə motivasiya edir. hər uğurda daha da ego ağacına çevrilirdim. amma kəsin olaraq bildiyim budur ki, bu uğurlar məni yox daha çox başqalarını xoşbəxt edir. bir dönəm sonra uğursuzluq olanda barışa bilmirsən deyə geri çəkilmək şansın da olmur. bu aralar pandemia bəhanəsi var deyə başını buraxmışam hər şeyin. buna görə də rahatlamışam demək olar. və artıq özüm və öz xoşbəxtliyim üçün yaşıyıram. yaşıma baxsaq sizə həyatla bağlı nəsə deməyim doğru olmaz. ağsaqqal zad deyiləm sadəcə olaraq deyə bilərəm ki: acı da olsa gülün. sizə sizən başqa könlü yanan olmayacaq. uğurlar
+1 əjdaha
35. Gələcəklə bağlı hədsiz düşünmək indiki anı dəyərləndirməyə mane olur. həm bu günü itirirsən, həm də sabaha hazır ola bilmirsən. ağlını gələcək qorxularıyla yorma, özünü fürsətlərə hazırla.
+1 əjdaha
2. həyatda həmişə xod gedin
+2 əjdaha
23. quraq torpağa əkilən toxum məhv oldu deməkdir.
insan zamanınıda,pulunuda,sözünüdə söhbətinidə laiq olana xərcləməlidir.
hamısını göstər