əjdaha lazımdı
izlə
dostlar
mən
googlla
məhəmməd əmin rəsulzadə ensiklopediyası
-
ikinci dünya müharibəsi
-
polşa deyəndə ağıla gələnlər
-
rusiya-ukrayna münaqişəsi
-
avro-2016 püşkatma mərasimi
-
mahir əmrəli
-
2022 rusiyanın ukraynanı işğalı
-
unudulmaz film replikaları
-
frederic francois chopin
başlıqdakı ən bəyənilən yazılar:
+31 əjdaha
17. Yazacaqlarım Krakow şəhərinə əsaslanaraq yazılmış olsa da, Polşanın digər şəhərlərində də bəzi məqamlar (nəqliyyat, market və s) eyni olduğu üçün bu başlığı seçdim. Ümidvaram faydalı olar. Qeyd etmədiyim hər hansı əlavə sual yaranarsa, soruşa bilərsiniz.
Nəqliyyat
Ölkəyə çatanda aeroportdan şəhərin mərkəzinə gəlmək üçün ən münasib vasitə qatardır. Buradan Krakow Glowny stansiyasına gəlib mərkəzdəki istənilən yerə getmək olar (buranı bizim 28 maydakı vağzal kimi təsəvvür edin). Bolt, uber qiymətləri fikrimcə, çox da münasib deyil. Qatar/tramvaylara bilet almağın 3 yolu var: stansiyaların çölündəki aparatlar, qatar/tramvayın içindəki aparatlar və ya proqram vasitəsilə. Aparatla bilet almısınızsa, sonra qatarın içində o bileti oxudun (bunun üçün ayrıca yer olur, bileti ora salın). Proqram olaraq JakDojade (tramvay), PKP intercity (qatar) istifadə edə bilərsiniz. istənilən ünvana hansı nömrəli tramvayla gedə biləcəyinizi, stansiyaları, müddəti göstərir. Sağlamlıq imkanları məhdud olanlar, 70 yaşdan yuxarılar gediş haqqı ödəmirlər. 26 yaşına qədər olan tələbələr və ya tələbə olmayan istənilən gənc gediş haqqının yarısını ödəyir (2 zlot). Digər Avropa ölkələri kimi burada da bilet almaq sizin necə deyərlər, vicdanınıza qalıb. Çalışın biletsiz minməyin, çünki ara-sıra yoxlamalar olur. Biletsiz tutulsanız, cərimələnirsiniz (mən son anda qurtulmuşdum -*). Gecə tramvaylar işləmir, əvəzinə kiçik avtobuslar olur.
Market/alış-veriş
Bu hissəyə xüsusilə diqqət yetirin. Mən yandım, siz yanmayın. Qiymət baxımından marketləri ucuzdan bahalıya doğru sıralasaq: auchan, lidl, biedronka, jabka. Auchan əsasən məişət əşyaları və ya çox alış-veriş edəcəklər üçün uyğundur (tez-tez rast gəlinmir, yalnız bəzi yerlərdə var). Şəhərin əksər yerində biedronka və jabkalar var. Jabkalara bizdəki bravolar kimi hər 100 addımdan bir rast gələ bilərsiniz. Amma qənaət etmək istəyirsinizsə, onlardan yan qaçın. Gündəlik ərzaq üçün biedronkaya gedə bilərsiniz. Marketlər əsasən 23:00-a qədər işləyirlər. Amma gecə də işləyən carrefour mağazaları var. Galeria Krakowsa deyilən malldan paltar və ya istənilən digər növ alış-veriş edə bilərsiniz. Paltar, marka qiymətləri gözlədiyimin əksinə olaraq, Azərbaycanla aşağı-yuxarı eyni idi. Şəxsən getmiş olmasam da, müəyyən tarixlərdə ucuz qiymətə bir şeylərə rastalaya biləcəyiniz “bit bazarları” təşkil olunur
Valyuta
Ölkəyə çatan kimi pulunuzu aeroportda çevirməyə çalışmayın. Ziyana düşəcəksiniz. Öncəliklə özünüzlə euro və ya dollar aparmağa çalışın (dövrün məzənnəsinə baxaraq təbii ki). Pulu mərkəzdə çevirin. Qarşınıza çıxan ilk yerə girməyin, hər yerin alış/satış əmsallarını müqayisə edin öncə. Zlotu manata çevirmək üçün qəribə üsuldan istifadə edirdik. Məsələn, 2 zlotun manat qarşılığını tapmaq üçün onu 4-ə vurub nəticəni 10-a bölmək (0.80 manat)
Kiraye ev/ hostellər
Ev qiymətləri çox bahadır. Kirayə aylığı əsasən, adambaşına ödənilir. Yəni evdə 4 nəfər yaşayacaqsa, Azərbaycanda aylıq həmin 4 nəfərin arasında bölündüyü halda, burada ev sahibləri qiyməti adambaşı alır. Müqavilə bağlananda ilk ayın aylığı ilə yanaşı, depozit də ödəyirsiniz. Depozit evdən çıxanda sizə qaytarılır. Əgər evə hər hansı zərər vurmusunuzsa, onun qiyməti depozitdən çıxılır. Azərbaycanlılarla bağlı bir məqama aşağıda toxunacam, amma öncədən deyim, azərbaycanlı maklerlərdən, ümumən maklerlərdən uzaq olun. Şişirtmə məbləğdə haqq alırlar (hansı ki, o evi özünüz də tuta bilərsiniz). Ev tapmaq üçün istifadə edə biləcəyiniz əsas saytlar: otodom.pl, olx.pl, rentola. pl. Facebookda marketplace hissəsinə və ya ev qruplarına da baxın. Ev sahiblərinə mesaj yazmayın (cavablamırlar çox vaxt), polyak nömrənizlə yığıb danışın. Hosteldə qalacam deyirsinizsə yenə standart saytlar (booking, hostelworlddən) istifadə edin. Bir çox hosteldə qalmışdım, amma hər baxımdan (location, ortamı və s) Das hosteli məsləhət görə bilərəm.
Nömrə
Orange Flex, Play, T-mobile kimi bir çox şəbəkə var. Nömrəni ya özlərinin filiallarından, ya da marketlərdən (zabkadan) ala bilərsiniz. Sürət və internet paketlərinin münasibliyi baxımından Play əladır. Nömrə özü 5 zlot idi, başlanğıcda 200 gb hədiyyə verilir. Mərkəzdə qoşula biləcəyiniz ictimai wi-fi şəbəkələri də var
Gəzinti/əyləncə
Bu kateqoriya ilə bağlı nəsə yazmağa ehtiyac yoxdur. internetdə axtarıb tapacaqsınız, böyük ehtimalla. Həftənin hər günü müəyyən muzey, qalereyalara giriş pulsuz və ya yarı qiymətinə olur (saytlardan baxın). Ucuz içki axtarırsınızsa BaniaLuka adlı yerə baş çəkin. Onsuz ölkədə içki su qiymətinədir. Şəhərin Kazimerz adlanan hissəsində klublar, içki məkanları həddən çoxdur. Gecələr gənc, havalı nəsil burada olur. 1-2 məkan da mən önərim: Eszeweria, Teatro Cubano, La Bodega Del Ron.
Yemək
Fikrimcə, milli yeməkləri yoxdur deyilə biləcək qədər azdır. Pierogi, zurek, zapiekankanı yoxlayın. Şəhərin az qala hər yerində livan, türklərin məkanlarına rastlamaq olar. Yəni ac qalmazsınız -* Kebab dedikləri şey isə bildiyimiz kabab əvəzinə dönər olur.
Əhali
Əhalisi nə çox səmimi, nə də kobuddur. irqi ayrı seçkilik kimi şeylə rastlaşmamışam. Qıraqdan soyuq, kobud görünsələr də, danışanda elə olmadıqlarını anlayırsınız. Gənclər irəli səviyyədə ingiliscə bilirlər və bir şeyə ehtiyacınız olduqda yardıma can atırlar. Yaşlı və bir qisim orta nəsil ingiliscə bilmir. Ölkənin mənə görə mənfi cəhətlərindən biri dövlət qurumları, xəstəxanalar, polis məntəqələri kimi yerlərdə ingiliscə bilənlərin yox dərəcəsində olması idi. Üstəlik ingiliscə danışanda da səbəbini bilmədiyim şəkildə əsəbiləşirdilər
Və demədən keçə bilməyəcəyim hissə isə azərbaycanlılarla bağlıdır (linçlənmə ehtimalım olsa da). Başqa ölkələrdə vəziyyət necədir bilmirəm, amma burada azərbaycanlılar bir-birlərindən hər cür şəkildə faydalanmağa çalışırdılar (maklerlər, işə düzəltmə şirkətində çalışan azərbaycanlıların 2 qat haqq alması, dələduzluq kimi hallar). Mümkün qədər uzaq olmağa çalışın və ya ən yaxşı halda gözüaçıq olun. Sonda Krakow gəzib görməyə dəyər şəhərlərdən olsa da, metropol həyatını, şəhərləri sevən biri olaraq, mənim üçün o dərəcə möhtəşəm olmamışdı. Əgər təbiətlə iç-içə, nisbətən sakit, şəhər səs-küyündən uzaq yer axtarıram deyirsinizsə, o zaman sizə uyğun ola bilər. Hər bir halda məndəki yeri ayrı olaraq qalacaq -*
+26 əjdaha
13. Azərbaycanlıların ukraynadan sonrakı ikinci məskəni. Artıq adamın xarici ölkə deməyə Dili də gəlmir.
Bilmirəm kimin yadında qalıb, bir vaxtlar(2010-ların əvvəllərində) kimə baxırdın ukraynada idi. aşağıdakı misal, uçan-qaçan gedirdi ora: "qəbul balı olmadan, imtahansız, təkcə attestatla ali təhsil". indi eyni şey polşaya aiddir. Bayaq dostumla danışırdım, başlığı da gördüm, üst-üstə düşdü.
![]()
O gün yaxın dostum danışır ki "bizimkilər taksiyə minəndə götürüb birbaşa elə Azərbaycanca deyiblər yeri. Görüblər sürücü mal kimi baxır üzlərinə. Uje sürücü Azərbaycanlı çıxmayanda təkərə düşürlər Ahahha". Hələ bunu da 
görüb nə qədər gülmüşəm.
Bu gedişlə polşa vizanı əməlli-başlı çətinləşdirəcək, hətta bildiyimə görə artıq başlayıb da. Hər yerindən tullanan getdiyi kimi, gedənlərin bir çoxu da qayıtmır heç. Götlü-başlı kriteriyaya sahib olanlar getsə, cəhənnəm e Aq sıfır ingilis dili ilə belə gedirlər. Nədi-nədi ad olsun ki, xaricdə oxuyacaq. Mənim bir tanışım vobşe day-day şotuna getdi. iş o yerdədi ki, bizimkilər artıq bariqalığa belə başlayıb. məlum, qızlı-oğlanlı xaricə addım atan kimi yurdum insanının ağlına ilk nəşə, bar, əyləncə gəlir.
+22 əjdaha
14. Paytaxtı varşava şəhərində belə bir maraqlı və qorxulu işıq dirəyi var
![]()
+8 əjdaha
5. Polşa Avropa qitəsində yerləşir və 2004-cü ildən Avropa Birliyi üzvü olan bir ölkədir.
Avropanın ən dindar ölkəsidir. Katoliklər əksəriyyət təşkil edir. ikinci dünya müharibəsində almanların etdiyi zülmdən sonra çox az yəhudi qalmışdır. müsəlmanların da sayı elə də çox deyil.
Polşada alman , ukraynalı , roman və Belaruslar çoxluq təşkil edir.
Polşa ikinci dünya müharibəsinin izlərini daşıyan ölkələrin içində bəlkə də ən başda durur. gdansk şəhərində olan Baltik dənizində yarımada olan westerplatte adlı ərazi, ikinci dünya müharibəsinin 1939-cu ildə başladıldığı nöqtə olmuşdur. ilk qarşıdurma bu sahədə çıxmışdır.
(baxma: westerplatte)
Polşanın hər şəhərində ikinci dünya müharibəsinin izlərini görə bilərsiniz.
xüsusilə krakow şəhərində Nasistlərin qurduğu ölüm düşərgəsi Auschwitz ikinci dünya müharibəsinə damğasını vurmuşdur. bu düşərgədə qadın , uşaq , yaşlı - 8 milyon insan öldürülmüşdür. kimisi yandırılaraq , kimisi qaz otaqlarında boğularaq , xəstəlik , aclıq ovşim mındarçılığ.
(bax: Auschwitz)
Nasistlərin işğalından sonra yavaş-yavaş dincliy tapan Polşa xalqı*
polyaklar
almanlara kin duymuşlar.
gələk Polşa haqqında maraqlı məlumatlara ;
təhsil sistemləri bizdən fərqlidir. təhsildə uşaqlar ibtidai sinifdən idmana yönləndirilir , universitetlərdə üzmə və müxtəlif bədən tərbiyəsi dərslərinin məcburi olması maraqlıdır. lazımlıdır.
Polşada nəqliyyat ümumiyyətlə qatar şeylərinnəndir.
şəhər içi nəqliyyatda varsa metro , tramvay , qatar və avtobus istifadə edilməkdədir.
internetdən timetable filan araşdıra bilərsiz.
şəhərlər arası nəqliyyatda da qatar məşhurdur. adamlar qatar yollarını inkişaf etdirmişlər . amma qatarların əksəriyyəti köhnədir . bir dənə belə institusional avtobus firması tapa bilməzsiniz.
institusional tək avtobus firması polskibusdır . http://www.polskibus.com/
qatarlarda oğurluq hadisələrinin qarşısını ala bilməzsiniz.
Polşa xalqı qaydalara çox riayət edərlər. Nasistlərin atdığı toxumları hiss etmək olur.
hər kəs qaydalara riayət edər. piyada keçidindən gözləriniz bağlı bir şəkildə etibarlı formada keçə bilərsiniz. amma insanlar da həmişə piyada keçidindən istifadə etmir .
2 qat uzansa belə yol əsla kəsə getməzlər.
çox sakit dinc bir ölkədir.
qızları gözəldir. kişiləri at oğrusudur. geyim zövqləri pox kimidi.
marketlər və mağazalar
Həftəlik : 06:00-20:00
şənbə : 07:00-16:00
bazar : 09:00-14:00 saatları arasında işləyir.
24 saat açıq market tapmaq üçün götünüzü cırmaq şərtdir.
gənclər ingiliscə bilir .
yemək mədəniyyətləri yox deyiləcək qədər azdır. hər prospektdə ən az 1 dənə şərq məmulatları, şərq yeməkləri olan obyektlər görərsiniz. öz yeməklərinin dadı olmadığı üçün donuz ətindən başqa bir şey bilməzlər .
gələk ictimai həyata ;
gənclər ümumiyyətlə bizə görə ictimai deyillər. onlarda ictimai həyat anlayışı gecə klubundan ibarətdir. Polşada Bardan çox club mədəniyyəti məşhurdur. və club tərzli məkanlar əksəriyyət təşkil edir. hər gecə minlərlə party zad olur.
lezbiyanların və gaylərin geniş yayıldığı ölkədir.
küçələrdə gəzişən alkoqoliklər də az deyil.
gəzilesi görüləsi şəhərlər: Varşava , Poznan , Krakov , Gdansk , Sopot , Wroclaw .
edit : izlənəsi filmlər haqqında:
the pianist
the boy in the striped Pyjamas
+7 əjdaha
2. nə qədər ki avroya keçməyib yaşanılası ölkədir, 3-4 manata kifayət qədər yemək-içmək alış verişi edə bilərsiniz, ama vay o günə ki zlotydən avroya keçəcəklər.
bir avro dört zlotyə bərabərdir. yəni azərbaycan manatı burda dəyərlidir. ama polşalılar xaricə gedən də paz onlara girir çünkü pulları dəyərsiz qalır. çoxda gəzəyən xalq deyillər onsuz da. pivələrini verin əllərinə axşama qədər mahnı oxuyub yatsınlar. tənbəldirlər, polşada yaşayan birinin ən böyük xəyalı parisə getməkdirsə məncə nə dərəcə tənbəl olduqlarını göstərir bu xəyal. e pezevenk şengen vizan var, üç saatlıq məsafədəsən. daha nə istəyirsən? onda yetim azərbaycanlı neynəsin.
+5 əjdaha
3. günorta saat üçdə -9 dərəcə soyuq var idi, gələn həftə -15 olacaq deyirlər, ondan sonraki həftə isə -25. hər şey bir qırağa, ən pis tərəfi soyuqda götün buz bağlayır, ostura da bilmirsən. yaxşı tərəfi işəyəndə əmələ gəlmiş parabola donub qalır, yığıb lüstür düzəldəcəm allah ömür versə.
(baxma: içe doğru sıçmak)
(baxma: içe doğru osurmak)
(bax: cem yılmaz)
+7 əjdaha
11. An etibarı ilə ukraynadan gələcək bütün qaçqınlara qapının açıq olduğunu elan edib. Bu yaxşı birşeydir deyə düşünəbilərsiniz. Ancaq bu dövlət, artıq aylardır ki, sərhəddəki 200-300 iraqlını ölkəyə buraxmamaq üçün, sərhədə profesional ordu yığıb, onların soyuqdan donaraq ölmələrinə göz yumur. indi isə əhalisi 45milyon olan ukraynaya qucaqlarını açıblar. Bu ölkə çox millətçi-dinçi murdar bir ölkədi deyəndə həmşə linçləyirdilər.
+6 əjdaha
12. 16 noyabr gecəsi Ukrayna sərhədinə yaxın fermalarının birində 2 nəfərin ölümünə səbəb olunmuş raket hücumuna məruz qalmış ölkədir. ilk fərziyyələr bu hücumun Rusiya tərəfindən gəldiyi yönündə olsa da, təzəlikcə məlum oldu ki, raket Ukrayna tərəfindən gəlib.
"Ukrayna müdafiə raketlərini müxtəlif istiqamətlərə atır və bu, raketlərdən birinin təəssüf ki, Polşa ərazisinə düşmə ehtimalı yüksəkdir", - Polşa prezidenti Anjey Duda deyib. "Hücumun qəsdli şəkildə edildiyini düşünmək üçün heç bir səbəbimiz yoxdur".
NATO-nun baş katibi Yens Stoltenberq 30 ölkənin hərbi alyansın Brüsseldə keçirilən iclasında Polşanın ilkin araşdırma nəticələrini vurğulayıb. Ukrayna prezidenti Vladimir Zelenski isə onlara etiraz edib və əlavə araşdırma aparılmasını istəyib.
allah köməyimiz olsun.
+4 əjdaha
1. öz dillerinde polska kimi adlandırılan ölkə. avropaynan ukraynanin arasında qalmış bir ölkə.eu ölkələrinnən ən rahat schengen viza alınacağ ölkələrdən biri.hətda akamemik məqsədlə səfər edirsinizsə pulsuz viza ala bilərsiz (ama biraz dirəşmək lazımdı). ən böyük şəhərləri varşava, krakov ve gdansk. bu şəhərlərdə müasirlik və tarix iç -içədi. varşavanı istanbula, krakovu isə izmirə bənzətmək olar. krakov daha kiçik və tarixi şəhərdi, insanlar günlük transportda adətən velosipetdən istifadə edirlər. polşanın ən böyük universitetlərindən biri olan agh universiteti bu şəhərdədir. ona görə şəhərdə gənc nesil çoxluğ təşkil edir. schindler`s list filiminin çəkildiyi fabrik də krakovda yerləşir və ən çox ziyarət olunan muzeylərdən biridir. insanlari çox mehribandır. qızlar gözəldi və çox isdiqanlıdır. ukraynalı qızın gözəlliyi+alman qızın boy buxunu = polyak qız.
içki çox ucuzdu,ona görə deməy olar ki pivəni su yerinə içirlər. günlük istifadə olunan ərzaqlar ucuzdu. çünkü ölkədə kənd təsərrüfatı inkişaf edib. şəhərlər arası səyahət edərkən qatardan ancag ucsuz bucağsız tarlalar görünür.ingilis dilini hamı danışmır, yaşlı nəsil demək olarki bilmir, ama yeni nəsil adətən danışır.əylənməyi bacaran xalqdırlar. yeyib icməy mövzusunda heç qənaət etmirlər. polşada `1 nəfərkil yenək` anlayışı tamam başqa cürdü. yəni orda restarana getsəz əmin olun ki yeməyi yeyib bitirə bilməyəcəksiz.
həm zloty həm də euro istifadə edirlər. polisləri cox qorxulu və zəhimlidi,çalışın ilişmiyəsiz.
+4 əjdaha
9. ilk başda isinə bilmədiyim, soyuqların da təsiri böyükdür buna daha sonra tanıdıqca bildikcə sevməyə başladığım ölkədir. insanları çox vaxt kədərli kimi görünür. bu da elə fikir yaradır ki kobuddurlar. amma əslində əksəriyyəti bir şey olan kimi kömək edirlər. çox vaxt mən elə belə adresi axtararkən küçədəki insalar mən yaxınlaşmadan, soruşmadan gəlib kömək edirlər. bu aralar azərbaycandan inşaat firmlarinda işləməyə bir çox işçi gəlir. ortalama saatliq maaş 10zlotydan (5manatdan) başlayir amma 10zlotyluq is yox derecesindedi ekser işlərin maaşı saata 12 zlotydur. böyük şəhərlərdə ev kirayə qiymətləri bahadır. bir otaq üçün 600-1000 zloty kimi pul ödəyirsiniz. amma maaş hesabladiqda 2400 filan edir və bu maaşdan kirayə çıxıldıqdan sonra qalan pulla normal yaşamaq olur. təbii ki bu minimum maaşla işləyənlər üçündür əgər kompüter sahəsində işləsəniz aylıq 5 rəqəmli maaş ala bilərsiniz.
+3 əjdaha
10. polşanın paytaxtı olan varşava dünyanın ən qədim şəhərlərindən biridir. 2-ci dünya müharibəsi zamanı bütün şəhər almanlar tərəfindən bombardman edilmişdi. bundan sonra polyaklar paytaxtın dəyişdirilməsini belə düşündülər ancaq bütün şəhər başdan-ayağa yenidən bir-bir, yaradıldı. bu şəhərin səliqəli olmasının əsas amillərindən biri də onun sıfırdan yaradılmasıdır.
+3 əjdaha
15.
![]()
+4 əjdaha
7. yaşamağın rahat əldə edildiyi ölkə. gəlmək istəyən şəxslərə sevə sevə kömək edərəm. məlumatlandıraram. təbii ki o konsultasiya xidməti görən şirkətlər kimi yox təmənnasız həm yazarlarımıza kömək edib onlarla birlikdə olmaq üçün həm də o şirkətlərə inad. çox sadə proseslər üçün nə qədər pul alırlar.
+1 əjdaha
16. Hər uçan qaçan kimi mənim də pənah gətirdiyim ölkə -* azərbaycanlıların çox olduğu düşünülsə də statistikaların elə demədiyini aydın şəkildə görmək mümkündür. Digər ölkələrdən daha böyük saylarda miqrantlar var.
P.S ola bilsin ki, statistikalar düz göstərmir nə isə amma.
+3 əjdaha
4. 1 ilə yaxındı haqqında entry yazılmayan ölkə, həmçinin avtobus, metro, tramvaylarında rusca kitab oxumaq çətin olan ölkə. kesin bilgi, yayalım bunu -*
planların yolumda getsə, 3-cü universitetə orda başlıyacam 2014-ün soyuq payız günlərində.
+1 əjdaha
6. cabannos adlı ejdaha et mehsulları var kı, polish vodka ile vur getsin. qızları çox yardımsevərdirlər.
hamısını göstər
