əjdaha lazımdı
izlə
dostlar
mən
googlla
cosmopolitan
-
sözaltı sözlük
-
yalnızlıq
-
sözlük yazarlarının arzuları
-
güldürən dialoqlar
-
timidus
-
into the wild
-
sözlük yazarlarının həyat prinsipləri
-
yalnızlığın ən çox anlaşıldığı anlar
başlıqdakı ən bəyənilən yazılar:
+181 əjdaha
15. məni bu entryi yazmağa sövq edən zad. bu günlük kommunikasiya ehtiyacımı da belə ödəməyi fikirləşirəm.
-toplasan gündə 20 dəqiqədən artıq danışdığım olmur, həftəsonları isə bu rəqəm 2-3 saniyəyə enir. son iki gündə avtobusda "bir nəfər" sözünü demişəm.
-musiqini demək olar söndürmürəm, çox diqqətlə oxumağımı tələb edən bir şey varsa söndürüb oxuyuram, sonra yenidən qoyuram. bir mahnıya da dəfələrlə bezənə kimi qulaq asıram, kimləsə yaşayanda başlayır deyinməyə nə boyda mahnıya qulaq asırsan, eyni mahnıya neçə dəfə qulaq asırsan bezdim, söndür.
-evə girəndə qapını bağlamıram, bu çox pis çarəsiz hiss etdirir adama, bilirəm yaxşı ideya deyil amma dediyim kimi insanı çox çarəsiz hiss etdirir. nə vaxt yatsam onda bağlayıram. həm də özümə isbat eliyirəm ki, qorxmuram.
- kefim normal olanda kravatların altına, şkafın içinə zada baxıram yatmamışdan qabaq, olmayanda kaş biri ola gəlib öldürə canım qurtara deyib baxmıram.
-özünlə danışmağı hətta zarafat zad eləməyi öyrənirsən, özüm elədiyim zarafata içdən güldüyüm anlar olub, inanılmaz qəşəng hiss etdirir.
-büdcəni idarə etmək sənin üçün ən asan işdi, marketdən qab şampunu zad alıb çıxanda bir az yaşlı hiss edirsən amma olsun.
- dəyişərəmmi bunu biriylə yaşamağa. yox. hər şeyi istədiyin kimi etmək azadlığın olmur, məsələn elə olur çəngəl yerə düşür götürməyə axotum olmursa götürmürəm amma bilirəm ki orda çəngəl var ayağımı qoymuram üstünə amma biriylə bölüşəndə evi onu götürməlisən, mütləq başqa yol yoxdu. hətta o dərəcə tənbəl olmaq imkanınız var, bəli.
- tutaq ki, kefin yoxdu kədərlisən durursan yatağın kənarında oturub ağlayırsan, kimləsə yaşasan vecinə olmasa da özünü nə oldu, niyə ağlayırsan sualları vermək məcburiyyətində hiss edəcək. belə anlarda bir də birinə açıqlamaq vermək məcburiyyəti insanı əməlli yorur.
- tək yaşayanda heç vaxt evdə əşyalarım itmir, prinsipial olaraq əşya itirmək mənə insan itirməkdən pis hiss etdirir, nəticədə pul vermişəm. -* nəyi hara qoymuşam dəqiq bilirəm və lazım olanda çox rahatlıqla tapıram. amma kimləsə yaşayanda mütləq nəyinsə yerini dəyişdirir, məni ən çox yoran şeydi nəyisə qoyduğum yerdə tapmamaq.
- bəzən bezirsən sonra yadına düşür ki, bu tək yaşamaqdan qaynaqlanmır, ailənlə başqa biriylə də yaşayanda eyni olurdu. heç vaxt nə dediyimi anlamayacaq qızlarla eyni evi paylaşmışam, bir-iki dəfə nəyisə bölüşməyə çalışdım gördüm yox ee heç cürə alınmır münasibət, başa düşə bilmirik bir-birimizi demirəm mən dərin söhbətlər zad eləyirdim, sadəcə başa düşmürdük bir-birimizi. sonra başladım heç nəyi bölüşməməyə, bir evdə biriylə yaşayıb yalnız olmaq tək yaşayıb yalnız olmaqdan çox pisdi. ümumiyyətlə, yaşamağın ən pis şəkli bir evdə yaşadığın insana dözmək məcburiyyətində qalmaqdı.
-sosial çevrəsi bolluca dostları olan adamlar üçün tək yaşamaq daha asandı, məndə isə bu rəqəm sıfırdı, istəsəm taparam amma hiss eliyirəm ki insanlara dözümlülüyüm azalıb. bəzən bu qədər təkliyə necə dözürəm bilmirəm, özüm də təəccüblənirəm amma bu mənə həmişə çox güclü olduğumu xatırladır, öhdəsindən gələ bilməyəcəyim heç nəyin olmadığını. bir az mənfi cəhəti odur ki, insanlarla münasibətinizə çox diqqət etmirsiniz, bilirsiniz ki o olmasa çox şey dəyişməyəcək, görəbiləcəyiniz dibi görmüsünüz.
- mənim üçün tək problem banka ağzı açmaqdı. onu da həll etsəm, əla.
diqqət bu entrydə bir az təsəlli var amma tək yaşayırsınızsa özünüz özünüzə təsəlli verməlisiniz, insanın özündən yaxşı nə istədiyini bilən kim ola bilər ki, ona görə də təsəllinin də ən yaxşı şəkli budu. -*
+38 əjdaha
36. insanı mənəvi cəhətdən böyüdən şey. 1.5 ildir tək yaşayır. Öz yeməyini bişirib, evi təmizləyib, azdan-çoxdan yadında qalmasa belə o yorğunluqla kitab oxuyub, özünə vaxt ayırdıqca, kommunal xərcləri ödəyib evə ərzaq üçün pulu hesabladıqca həqiqətən böyüdüyünü hiss edir. Əsas da pul bölgüsünü düzgün aparmaq. Vaxt olub ay sonu 2 manatı qalıb cibində. Vaxt da olub çox, lap çox..
Təkliyi sevməyənlər üçün çətin, cansıxıcı ola bilər 4 divar, ancaq ona son dərəcə xoşdur. Ailəsini sevmədiyindən deyil. Əksinə, onlar üçün yaman darıxır. Ancaq bundan savayı evə gəldikdə sakitlik, istədiyi vaxt istədiyi şeyi istədiyi tərzdə etmək rahatlığı-bu əvəzolunmazdır. Bəzən heç nə etmədən uzun müddət boş otura bilir. Bəzən "incəsənət"lə məşğul olub heç nəyi yığışdırmadan başını qoyub yatır. Bəzən qablar günlərcə yığılır yumur. Çox vaxt da belə olur. işdə çox səliqəli, evdə konfort sahəsində isə tör-töküntüyə meyilli. Vecinə deyil.
Heç kəsin deyinməyini eşitmək məcburiyyətinin olmamağı və evdə bütün işıqları söndürüb zil qaranlıqda oturmağı..
Niyə axı başqa cür olsun?
+32 əjdaha
6. mən hər üç halı yaşamışam. qrup halında yaşamaq, sevgilimlə yaşamaq və tək yaşamaq. ən ağırı və dərini tək yaşamaq idi. dərin olan hər şeyin maskası var. təkliyin maskasını qopartmaq çətindir, gücsüzləşdirir insanı. tək qaldığım illərə qayıdacam.
tələbəliyimin ikinci ili, aid olmadığım şəhərdəyəm, aid olmadığım universted var, aid olmadığım fakultə var, aid olmadığım şəhərin, aid olmadığım küçəsində qalıram, aid olmadığım qonşularım var, aid olmadığım evdəyəm, aid olmadığım qab qacaqlar, aid olmadığım, açmadığım televizor var. aid olmadığım təkliyi yaşayırdım.
bunlar hamısını gec fərq etdim. gec fərq etdiyimə görə ara sıra sevindim, çünkü böyüməyimə onlar ağırlıq olaraq səbəb oldu. bu qədər aid olmamaq hisslərinin bir yerə toplanması bəzi gecələr partlayışlarla nəticələndi.
insanlar təkliyin ilahlığına inandılar. amma tək qalacaq qədər yetişkin, tək böyüyəcək qədər dolğun olmamışdılar, sadəcə təklik maraqlı idi. ailənin uzun müddətlər boyu hər şey drammatikləşdirməsi, yersiz problemlər, insanlar, hər şey təkliyin varlığına inanmağa gətirirdi. amma bacarmayanlar oldu, bacaranlar oldu, bir də məcbur bacaranlar. mən üçüncülərdənəm.
tək yaşadıqca qaz, işıq, internet qəbzlərini yığmağa, mənim kimi beyniniz dumanlıdırsa, onlarla danışmağa başlayırsınız. sıfır səssizlik dərəcəsində heç nə olmamış kimi gülür, ağlamaq üçün sifətinə lazımsız mimikalar yerləşdirirsiniz. bütün semtomplar dəliliyinizə dəlalət edir, amma əlinizdə dəlilikdən başqa heç nə qalmıyıb və bunun üstünə içmək lazım olur.
kütləvi telefonların bağlanması, sifariş verilən yeməklərin yataqda qalıqları, tuvaletdə artıq qıllar və daha nələr, nələr, tək yaşamağın parçaları halına gəlirlər.
insan yavaş yavaş öyrəşir depressiyaya. əvvəlcə beyin, sonra bədən, sonra xarakter, sonrasını bilmirəm. içinə yuvarlanıb orada boğulmağı seçirsiniz və əlinizdə dəliliklə depressiya qalır sadəcə.
bu qədər pessimist olmaq istəməzdim. amma tək yaşamaq, təkliyinizlə bütünləşmək ağrıdır. mümkün qədər ondan uzaqlaşmağı seçdim, mənə kömək etdi, özümü tanıtdı, harda olduğumu göstərdi, amma yorulmuşdum. sadəcə yorulmuşdum.
tək yaşamaq klastrobiyanı inkişaf etdirir. dört divar sizin boğulub absurd ölümünüzə səbəbiyyət verə bilər. mən ölmədim, amma yaşadığımıda iddia etmirəm.
özümlə yetəri qədər danışmışam, dərdləşmişəm. artıq istəmirəm.
təklik ölümə aparır. maraqlı ölüm istiyirəm...
+39 əjdaha
1. ikiqat yalnızlıqdır. nə qədər arzulanan olsa da əldə olunduqda bir müddət sonra öz cazibəsini itirir və əvvəl divarlar gəlirdisə üstünüzə indi tavan və döşəmə də gəlir. bir də elə allahından asosyallığın dibinə vurub bütün günü evdəsənsə tamamdır. danışacaq adamın yoxluğudur, dialoq quracağın adam yox, danışan adam, sən öz işində öz aləmində olanda evdə bişeylər dönürdü əvvəllər, nələrsə olurdu, səs gəlirdi, hərə birşeylə məşğul idi, arada bir sual verilirdi sənə, indi o da yoxdur. sakit oturanda gündüzlər maşınların və insanların, gecələr cırcıramaların səsidir ancaq gələn. bir insan hənirtisi yoxdur. olanlar da bir müddətlik olur gedir, təsirsiz. qapı döyüləndə belə açmağa durmamaqdır, öyrəşməmisən axı, kimsə səhv gəlib, ya da nəsə soruşub gedəcək, ya da qəbz verəcək. nəsə almağa çıxanda yeriməyi unutmuş kimi hiss etməkdir, yad planetdən gəlib adamların içinə düşmüsənmiş kimi gəlir. əsas da evdən çıxanda "mən çıxdım" deyəcəyin kimsə yoxdur, "tez gəl" deyəcək kimsə də yoxdur. tək qalsam da rahat rahat filan şey etsəm, filan yerə getsəm və s filanlarını da etmək gəlmir adamın içindən. öz özünə danışıb dialoqlar qurursan beynində, bi də ayılırsan ki gülümsəyirsən, bir dostunla görüşdün artıq. bütün etdiyin atışdırmalıq bir şeylərlə kompüter başında oturmaqdır. hələ öz özündən havalara girib "di sağolun" etmirsənmi, kimə? kimdi gəlib girən? hə bir də, içində hər hansı bir qorxu varsa lap "gözəl" olur işlər. qazın yuxarısında havaçəkəni açıb içinə baxdığım olub səs hardan gəlir deyə. sən demə içində quşlar yuva salıbmış. anladılarmı nə?
+20 əjdaha
25. tək yaşamaq... ah tək yaşamaq... poetizmin axınına dalıb mükəmməl cümlələr ilə izah oluna bilər ancaq bu... sikərəm tək yaşamağın içini. emosionallığa ehtiyac yoxdu. yeməyi çöldə yeyirəm deyə evdə qarışqalar mutasiyaya uğrayıblar. şirin şeyi sevən o həşəratlar xiyara, pomidora gəlirlər ki naxuy qışda ölməyək. o gün biri lavrovıy list aparırdı.
+20 əjdaha
33. hardasa 3 il əvvəl tək yaşamağı xəyal edirdim. yeni evə köçəcəyimi bilirdim, ama tək köçməyim ehtimalı o vaxt heç yox idi, yəni reallıqdan uzaq bir xəyal idi mənim üçün. ama elə alındı ki istədiyim yerdə, düşündüyümdən də qəşəng bir evdə tək yaşayası oldum. burda yaşadıqca yadıma düşdü vaxtıykən bunu arzulamağım, əslində sadəcə indiki həyat tərzimə daha uyğundu deyə lokasiyamı dəyişdirmişdim. normalda da tək vaxt keçirməyə üstünlük verən biri olaraq yalnız hiss edəcəyim ağlıma gəlməzdi. boşluqdayam elə bil, heç nə həzz vermir. günün az hissəsini evdə oluram əslində, gün ərzində çox insan içində oluram. yenə də o ki evə gəlirsən oturub telefonda məşğul olursan, onda o biri otaqlardan qab-qacaq, nəbilim televizor səsi gəlmir. tənhalığı onda hiss eliyirəm. mən ailəylə qalanda olurdu ki kitabımı götürüb gedib otururdum qonaq otağında, hansındaki atam tv izləyirdi. otağımda tək oturub oxumaqdansa, iş otağında sakitçilikdə oxumaqdansa atamın yanında olmaq daha yaxşı hiss elətdirirdi. o vaxt bunları sorğulamırdım, düşünmürdüm ki tək yaşasam bunlardan məhrum olacam. indi çox darıxıram. əslində məsələ məhz ailə deyil, yurtda otaq yoldaşıyla qaldığım da olub. o da tək yaşamaqdan yaxşıdı. tək yaşamaq xəyal etdiyiniz kimi deyil- moral of the story -*
+15 əjdaha
13. tәk yaşamaq yaşamayanlar üçün cazibәli görünәn, yaşayanlar üçün bir daha yaşamaq istәmәyәcәklәri tәcrübәdir. yaşadığın hadisәlәri,başına gәlәn әhvalatları paylaşacaq heç kim yoxdu, içindә günlәrlә yavaş yavaş paylaşmağın gәrәkәn xırda problemlәr yığılıb, tökmәyә adam axtarırsan amma heç kim yoxdu, divarları yıxmaq istәyirsәn, adam tәk yaşayanda evdәki divarlar hәbsxana divarlarına oxşuyur, neyniyәsәn bilmirsәn oysa yanında bir adam olsa girib rahat-rahat internetdә oturardın, qulaqcığı taxıb musiqiyә qulaq asardın , bunları tәk dә edә bilәrsәn amma tәk yaşayanda bunların da dadı olmur, bax nә qәşәng mahnıdı, nә maraqlı fikirdi deyәcәyin heç kim yoxdu, üstәlik asosyalsınızsa, universitetdә dә danışacağınız heç kim yoxdusa buyurun intihar. işin emosional tәrәfindәn başqa tәk başına yemәk yemә dәrdi dә var, nә elәsәz çıxmaz o yemәyin dadı, әn sevdiyiniz yemәk dә olsa nәsә udmuş kimi hiss edәrsiz, yemәk yemiş kimi yox , hәlә onsuz da tәkәm deyib üst üstә yığdığınız qabları demirәm . içinizdәn yemәk bişirmәk dә gәlmәz, fast foodlarla mәhv edәrsiz mәdәnizi, olan mәdәnizә olar.
+10 əjdaha
27. Bəzən kürəyini qaşıyacaq bir Allahın quluna möhtac qalarsan, bax tək yaşamaq buna görə çox çətindir, insanı inək kimi qapı tinlərinə sürtünməyə vadar edər.
+13 əjdaha
3. bizim kimi cəmiyyətlərdə lüks hesab olunan bir şeydi.ailədən ayrı olmaq deməkdi bizim üçün.amma xaricdə buna öz həyatını yaşamaq deyirlər. belə ki biz azərbaycan gənclərinin həyatı ata anaya məxsus olduğu üçün bu arzuolunmaz bir şeydi.bayquş kimi tək qalmaq deyilir bizdə.məncə əsl həyatın ilk addımıdı tək yaşamaq.
+12 əjdaha
2. baş qulağının dinc olmasıdır eyni zamanda. əsəb sisteminin yerlə bir olmamasıdır. hər şeyə deyinən adamlardan xilas olmaqdır. ömrünü çürüdəcəksən də bunu özün etmiş olacaqsan. öz beynini məşğul edən şeyləri düşünəndə kənardan beyninə təcavüz edən səslər olmayacaq. 1ci entrydəki halı arzulamaqdır eyni zamanda. həyat işte. zibil kimidi.
+10 əjdaha
24. bir çoxları deməzdim, amma bir sıra insan kimi mənim də istədiyim həyat tərzi. amma bunu necə edəcəyimi hələ bilmirəm. ən azından başqa bir şəhərdə iş tapmalıyam ki, məcburi olaraq ora gedim. özü də elə bir şəhər ki, orda qohumum filan olmasın. yoxsa gəlib orda da bezdirəcəklər adamı. məlum məsələdir ki, millət olaraq tək yaşamaq qəbulolunmazdır. ona görə mümkün qədər bu söhbətin ola biləcəyi yerlərdə az hərlənirəm.
+10 əjdaha
35. müsbət tərəfindən danışacam. tək yaşamağı dəyərləndirə bilən insanlar üçün yaxşı bir haldır. Əşyalarına dəyən olmur, istədiyin halda,vəziyyətdə qalırlar. Hələ səliqə səhmanı sevən adamsansa lap mükəmməl olur. Çünki yemək yeyib qabı stolun üstündə saxlayan ya da çarpayının altına paket atan falan olmur. həmdə tək yaşaya bilmək üçün iradəli olasan,elə yalnız qaldım filan falan düşüncələrlə özünü boğmayasan. boş vaxtlarında da dost-tanişlarını çağırıb oyunlar oynayıb vaxtını dəyərləndirirsən.
+6 əjdaha
16. pisdir. uzun müddət tək yaşadıqdan sonra insanlarla ünsiyyət qurmaqda çətinlik çəkirsən. hətta bəzən dözülməz insan olursan. səssizliyə alışdıqdan sonra danışan insanları tutub boğmaq istəyi yaranır içində. (baxma: bayırlığı olmayan insan)
evə bağlı yaşadığınız üçün həqiqətən bayırlığınız olmur. öz həqiqətləriniz var, öz düşüncələriniz var. qıraqdan bir müdaxilə olan kimi əsəb beynə vurur. qısacası, lazım deyil. ən debil insanla olsa belə evinizi bölüşün, bu sizə nəyisə öyrədəcək.
insan ünsiyyətsiz qala bilmir. hələ mənim kimi televizor açmayan birisinizsə, daha çətindir. biri mütləq danışacaq. içinizdəki o səs danışmağa başlayacaq, siz ona qulaq asacaqsınız. yaşamağı unutduğunuz üçün xəyallarla boğuşacaqsınız, ancaq küçəyə çıxdığınız an o dünyanın real olmadığını anlayacaqsınız. bu zamanla intihara da apara bilər. qısacası, tək yaşamaq yaxşı şey deyil. insanın insana ehtiyacı var.
+5 əjdaha
29. izləmək istədiyin bütün yaxşı filmləri xüsusi kimləsə izləmək üçün sonraya saxlayıb bütün gün sıradan boevik filmlər izləməkdir.
+5 əjdaha
9. 5 ildir yaşam tərzimdir.evdə yalnız yaşamak,bayırda təkbaşına yemək yemək,gecələri təkbaşına yürüyüş yapmaq,təkbaşına içmək,özümçün yemək hazırlamağı və təkbaşına keyiflə yeməyi,təkbaşına səyahət etmək,təkbaşına alış veriş yapmaq.çox dostum var ,asosyal biri də deyiləm,ama daha çox özümlə zaman keçirməyi sevirəm
+3 əjdaha
14. hər insanın qısa müddət də olsa dadması gərəkən yaşamağın min üsulundan biri. ilk başlarda qəribə bir mistikası olur. hələ bu mərhələdəyəm, əvvəllər də tək yasamışam, indi təzə evə köçmüşəm deyə hələlik dözüləsidir. onu da deyim ki, xoşun gəlməyən insanla eyni evde yaşamaqdan çox yaxşı bir şeydi. əvvəlki təcrübələrimə əsasən deyirəm ki,bu mistika itsə ki gec-tez itəcək batdım. təkliyə dözümlülüyünüz də bu mərhələni uzada bilər, kimləsə danişmadan filan dura bilmirsizsə, qorxursunuzsa, beyninizdə min cür komplo teorileri qurursunuzsa, ay qapı tərpəndi zad deyirsizsə psixologiyanız pozular, yazıqsız. bir də bu evdəkilərin harasa getmeyi ilə tək qalmaqla tək yaşamaq arasında fərq var, evdəkilərin harasa getməyini sevməniz tək qalmağı da sevəcəyiniz anlamına gəlməz. axırıncı dəfə bu ikisinin eyni şey oldugunu və tək yaşamaq istədiyini iddia edən qız 19 yaşında evləndi, day evlənib necə tək yaşayacaqdısa. nəysə, hələlik hər şey normaldı. toz zad al yerləş filan iki həftə sonra bezəndə onsuz gəlib yenə sizin başınızı aparacam, başını aparmağa adam olsaydı tək yaşamazdım da yəqin. nəysə ağlaşma mərasimimiz qurtardı, bu boyda eqo olanda gərək onun zibillərini də çəkəsən.
+4 əjdaha
28. 1 ildir ki, Macarıstanda tək yaşayıram. Coronavirusa görə bütün tanıdıqlarım demək olar ki, öz ölkəsinə qayıdıb, yaşadığım Szeged şəhərində də çox tanıdığım yoxdur (artıq). Bunların fərqində olaraq Bakıdan gəldim bura. Gəlməmişdən əvvəl bir az çəkinirdim, bacara bilərəm mi deyə, psixolojik sağlamlığımı zədələyər mi deyə. ilk 2-3 həftə çətin oldu, sonra hər şey normala döndü. 22 yaşım var və bu təcrübənin gələcəkdə çox faydasını görəcəyimi düşünürəm. Ətrafda heç doğman olmadan yaşamaq, insanın qabığını bərkidir, ya da elmi dillə desək, "Psychological resilience"-in artır.
+4 əjdaha
30. insan oğlunun minilliklərdən bəri gələn fəlsəfi düşüncələrinin ən son nəticəsidir məncə. Çünki, tək yaşamaq ayrı bir məqam, üst leveldir. Üstünlükləri full rahatlıq (baxma: tək iş görməkdən ərinib, ev yoldaşı axtaranlar), istədiyin zaman gəl, get. istədiyin dostların dəvət elə, evdə rahat şəkildə dolaş, yəni ürəyin nə istəyirsə etdə..
Əksikləri: indi ağlıma gəlmədi, nə zamansa gəlsə qayıdıb düzəliş edərəm.
+4 əjdaha
22. azərbaycanınkı kimi cəmiyyətlərdə qadın cinsinə mənsub insanların təcrübədən keçirməsinin belə az qala mümkünsüz olduğu fəaliyyətdir. kişi cinsinə mənsub olanlar üçün də xeyli çətindir. xəyalı bolca qurulan bir şeydir tək yaşamaq, amma "öz əlim, öz başım" deyib ayrılmaqla da olmur. çünki bunun xəyalında olan insan maddi azadlığını əldə etmiş olmalıdır ki, o da bizimki kimi cəmiyyətlərdə çətindir.
+2 əjdaha
23. təssüflər olsun ki, artıq 3 ildir ki yaşadığım həyat tərzi, öz doğma şəhərimə və evimə qayıtdıqdan sonra çox çətin olur bir müddət yenidən təkbaşına qalmaq.
+3 əjdaha
37. Tək mənfi tərəfi, yemək hazırlayandan sonra bulaşan qabları yumaq və çöldə olanda, evdə saxladığın heyvanlardan nigaran qalmaqdır.
+2 əjdaha
32. mənfi tərəfləri:
- tək yatmaq
- aldığın çörəyin qalıb xarab olması.
+4 əjdaha
17. arzuladigim heyat terzi
edit:sebebini bele izah edim size.evde tek yasamag evdeki butun qaydalari menim qoymagim , her gun her saat telekanalizasiyalarda sikimsonik xeberlere baxan valideynin menim ruh sagligimla oynamamasi , esyani qoydugum yerde tapa bilmek , istediyim kimi rahat hereket eleye bilmek ,atamin her fursetde modemi elektrikden aralaya bilmemesi , online oyun oynadigim yerde yotubede video baxib eseblerimi siken kimsenin olmamasi demekdir.
+5 əjdaha
19. tək yaşamaq istəyəndə tək qalanda o dəqiqə hansısa problemlər insanla intim münasibətə girir. yəni tək yaşamaq mənəvi olaraq mümkün deyil
+4 əjdaha
20. cahil kütlələrdən ibarət olan insanların qorxduğu şey. qorxullar çünki özləriylə belə tək qala bilməyəcək qədər acizdirlər. çünki başqaları olmadan heçdirlər.
tanım: uzaq durun bu tiplərdən.
+2 əjdaha
21. bezen çox qoya bilər insana , camaat eve qız atanda, sende sik kimi tek yaşayırsan evde, bele işin içini sistemliyim
+1 əjdaha
7. 4 ayaqlı ev heyvanı sahıb olaraq bu veziyyeti 'yalnız yaşamaq'a çevirmek olar.
+1 əjdaha
8. 2014cü ildə telefonsuz, internetsiz, sevgilisiz, kitabsız, pulsuz yaşamaqdır. eynən mən
+2 əjdaha
10. hamam güzgüsündə öz-özünə danışmaq deməkdir. evdə boxerla rahat fırranmaq , istədiyin zaman osturub öz qoxuvu iyləmək deməkdir.
+1 əjdaha
26. Həyatda ən kayf aldığım temadı. şəxsən o qədər tək qalmışam ki, artıq yanımda adam olanda huysuzlanıram. bu biraz məni narahat edir amma ki düşünürəm ki, tək olmaq çox yaxşıdı. bir çox benefitləri var
+3 əjdaha
4. bahalı bir həyat tərzi. azərbaycanda əsasən maddi anlamda mümkün olmayacaq bir iş. ata-ana faktoru burda çox az rol oynayır. pulu olan adamın önünü ata-ana necə saxlaya bilər ki? pulu verənin tütəyi çaldığı bu zamanlarda heç də asan bir tərz deyil amma varsa nə əla.
+1 əjdaha
18. ananın (ata yox, atamla danışmıram) rayondan göndərdiyi mürəbbə bankasının qapağını aça bilməməkdir.
hamısını göstər
