Facebookda heyvan haqları ilə bağlı bir qrupda bir oğlanın "Çox şükür bu gün də qızım ac qaldı)" başlıqlı video paylaşdığını gördüm. Videoda oğlan əlindəki ət ilə itini oynadır və heç cür əti ona vermirdi. Təbii ki, belə bir videonu tamaşa etmək məni hədsiz əsəbiləşdirdi, "triggered" etdi və kinayə ilə belə bir şərh yazdım: "...çox şükür bu gün də bir g*****q gördük:D" (eynən bu senzura ilə). Qəhrəmanımız əsəbiləşər və mənə şəxsidən "gijdıllaq, səni sikir paylaşmağım?" yazar. Əlbəttə, mən bu dialoqa girməyi mənasız gördüyümdən mesajı bağladım, çünki zatən ürəyi istəsə şərhimə arzu etdiyi cavabı yazar. Cavab gecikmədi: "mənim gijdıllaq sənin də peysər olduğunu hamı bildi)". Ona şəxsidə yazmamağımı bu cür şərh etdi; demək, müəyyən alt-mədəniyyətlərdə bir fərdin xoşuna gəlməyəcəyi bir söz demək və buna görə də onunla mübahisəyə girməyi rədd etmək, hesab vermək ehtiyacı görməmək onda sizi "peysər" elan edə biləcək bir emosional reaksiya yaradır ki, bu reaksiya ondakı alçaldılma cəhdindən sonra sayılmamaq, qarşılıq görməməkdən doğan stressi azaldır. Ən azından sosial mediada belədir.
Bəs nədir bu "peysər"? Bəlkə də bir sözlük yazarının bu dərəcə "səviyyəsiz", "qeyri-sivil" bir söyüşü analiz etməsi mənasız gəlir, lakin Azərbaycan mədəniyyətində hökmən müəyyən tezliklə eşitdiyiniz bu sözün xüsusi önəmə sahib olduğunu və təhlil edilməli olduğunu düşünürəm. Səbəb, mənə görə bu ifadənin digər söyüşlərdən müəyyən qədər fərqlənməsidir. Söz farscadan gəlir, kobudca boynun arxa hissəsi deməkdir. Söyüş kimi mənşəyini dəqiq müəyyən etmək, həqiqətən, çətindir. Zira uşaqlığımın müəyyən dövründən etibarən eşitdiyim bu sözün tarixi inkişafı üzərinə düşünmə ehtiyacı heç vaxt duymamışam və, təəssüf ki, söyüş ciddi şəkildə heç bir mənbədə dokumentləşdirilməyib. Yəqin ki, bu söyüşü işlədən insanlar tarixi dokumentləşdirməyə önəm verən zümrə deyil və ya araşdırma aparmağı sevənlər bu sözü qeyd etməyi çox yersiz görüblər.
Nəyə görə "peysər"? Sözsüz ki, bunu ilk söyüş kimi ixtira edənlərdən soruşmaq lazımdır. Yenə də, mənim şəxsi interpretasiyamı soruşsanız, belə deyərdim; Patriarx, kişilərin sosial güc sahibi olduğu cəmiyyətlərdə (mis: Azərbaycan) kişi rolundan gözlənən əsas xüsusiyyətlərdən biri özünü və başqalarını nisbətən daha çox qoruya bilməkdir. Kişi bədəninə arxadan baxdıqda isə, adətən qolları çıxmaq şərti ilə tək açıq bədən hissəsi boynun arxasıdır. Nəyə görə bədənin arxası? Çünki arxamızı görə bilmədiyimiz üçün nisbətən zəif hissəmizdir və qorumaq üçün daha çox diqqət edilməlidir, bu da öz yerində onu daha dəyərli edir (bax: göt)
. Buna görə də, boynunun arxasını qoruya bilməyən kişi, özünü qoruya bilməyən kişidir, özünü qoruya bilməyən kişi də patriarx cəmiyyətlərdə kişi deyildir. Bəlkə də, bu səbəbdəndir ki, boynunun arxasından vurulmaq nisbətən daha təhqiredici görünür, çünki, bəlkə də, bu sizin "kişi olmadığınız" mənasına da yozula bilər. Əlbəttə, hal-hazırda tamamilə bu sözü işlədənlərin gözündən və ənənəvi kişi rolu prizmasından baxmağa çalışıram bu abzasda, yoxsa bütün bu izahlar özümə də çox primtiv gəlir.
"Peysər" ifadəsinin funksiyası nələrdir? Bəsit, sizi içində olduğunuz qrup/cəmiyyətdən sosial çıxdaş etmək, statusunuzu silmək, tək buraxmaq, sosial həyatınıza zərbə endirmək. Şübhəsiz, bir insanın öz cəmiyyəti ilə bəşəri əlaqələrini kəsmək onu depressiyaya sala, emosional əzab çəkdirə və ən sərt halda ölümə tərk edə bilər. Əlbəttə, burada məqsəd qəsdli öldürmək deyil, ən yaxşı halda cəzalandırmaq, ən pis halda isə qərəzli şəkildə qarşıdakını aşağılamaqla özünü üstə çıxarmaq olur çox vaxt. Bəs "peysər" ifadəsini işlətmək ədalətli bir cəzalandırmadırmı? Qətiyyən, yox. Səbəb, şüurlu, sonda fayda gətirmək üçün planlanmış yox, çox vaxt tamamilə instinktiv, emosional bir reaksiya olmağıdır. Nəticəsi qeyri-müəyyən olmaqla birlikdə işlədilən şəxsdə travmatik təcrüblələrə yol açmaq da ola bilir. Misal, oğlanlar adətən "peysər" elan etdikləri digər qrup fərdini təzədən qrupa çox hallarda almırlar. Bundan əlavə, "peysər" ifadəsi bir qrup oğlanı qrupdaxili yazılmayan qanunlara tabe olmağa məcbur edən bir stiqmadır. Yəni dürüst şəkildə, bu vulqar ifadə qrup dinamikasında xüsusi rol oynayır. Nümunələri qrupdan-qrupa dəyişə bilir təbii ki, lakin adətən çox bilinən sosial normalar olur; məsələn, qrupdan kiminsə sənə işi düşdüsə, yardım etmək, davada qrup üzvünü müdafiə etməkdən imtina etməmək, satqınlık etməmək, qrup üzvü bir oğlanın ailəsindən bir qız fərdlə, sevgilisi və hətta köhnə sevgilisi ilə romantik əlaqələr qurmamaq və s. ilk baxışdan fəlakət dərəcəsində pis səslənmir bu kriteriyalar, fəqət bəzi ekstremist oğlan qrupları var ki, bu qayda-qanunlarda çox sərtdirlər və adətən məqsəd qrup harmoniyası yox manipulasiya olur. Misal üçün, belə qruplarda sizə lazım olan bir resursu, bu sonuncu siqaret də ola bilər, pul da ola bilər və s. verməkdən imtina edirsinizsə yenə "peysər" ola bilərsiniz. iş artıq elə bir həddə çata bilir ki, bir oğlan cəmiyyətdə öz dəyərlərinə görə yox, "peysər" stiqmasına "layiq olmamaq" üçün hərəkət edir.
Əlbəttə, "peysər" stiqmasının oblastı bəzən qrup xaricinə də çıxa bilir. Heç tanımadığınız biri haqda "qaqa o, peysərdi, filan şeyi edib" kimi bir beyinyumaya məruz qaldığınızda avtomatik şəkildə o oğlana qarşı hörmət göstərməmək, özünü üstün hiss etmək üçün təzyiq etmək ehtiyacı hiss edə bilərsiniz. Qısaca, bullying.
Kimlər necə "peysər" olur? iki şəkildə bu mümkündür: iradi və qeyri-iradi. Yuxarıda sadaladığım normaları pozmusunuzsa, güman ki, ehtimal böyükdür, bu adətən iradidir. Qeyri-iradi səbəblər, qismən iradənizdən asılı ola biləcək, lakin çox zaman idarə edə bilməyəcəyiniz faktorlardır.
Azərbaycan mentalitetində:
-erməni "peysərdir". Bunun alternativi yoxdur. Ən qeyri-realist halda bir erməni Azərbaycan tərəfinə keçsə belə, eyni şeydir, çünki nəticədə cəmiyyətin gözündə öz millətini satmışdır. Ailəsində erməni qohumu olmuş və bunu açıqlayan fərdlər də risk qrupundan çöldə deyillər.
-LGBTQ fərdləri çox vaxt "peysərdir". Bəsit şəkildə, bu cəmiyyət gey bir kişini kişi olaraq görmür, yəqin ki, bu yetərincə açıqlayıcıdır. Həmçinin, anal münasibətdə olmuş bir kişi yuxarıda açıqladığım kimi arxasını "qoruya bilməmişdir" və bu səbəbdən kişi olaraq görülmür. Gey/biseksual kişilər əslində görünəndən daha çoxdur Azərbaycanda, lakin əksəriyyəti "peysər"/ "petux" olaraq görünməmək üçün gizli/ikili həyat yaşayırlar. Gecələr kişilərlə, trans qadınlarla yatıb, gündüzlər onları lənətləyirlər, "Lut" tayfasından sitatlar gətirirlər.
-Oğlanın ailəsindən bir qız/qadın evlilikdən kənar başqa bir kişi ilə cinsi əlaqəyə girirsə, o "peysərdir". Yenə, səbəb aydındır; Qadın zatən kişiyə bağlı bir mülk kimi görünür, qadın özünə varlıq deyildir, kişinin bir xüsusiyyətidir, namusudur, qeyrətidir və onu qoruya bilməmək nisbətən özünü qoruya bilməməyə çıxır və kişilik "itir". Bir Azərbaycanlı oğlan/kişi üçün yuxarıdakılara nisbətən daha çox yaşanan ssenaridir bu və çox da əzablıdır. Haqlı olduğu mövzularda belə bu üzünə vurulub səssizləşdirilə bilinir. Bu mənada feminizmin kişi cinsinə ən böyük xidməti qadını kişinin bir xüsusu olmaqdan çıxarıb, onu azad edib kişini də bu idarə olunması çətin məsuliyyətdən xilas etmək olar, böyük ehtimalla.
-islamdan kənar bir dini inanclı bir şəxs, çox hallarda olmasa da "peysər çıxarıla" bilər. Ateistlər misal üçün, allahın varlığını qəbul etməyənlər, tanrıtanımazlar bundan xüsusilə cüzi əziyyət çəkə bilərlər. Düzünü desəm, çox az qarşılaşmışam bununla, lakin örnəkləri vardır. Müsəlman olduğunu idda edən birinin də "peysər" ritorikasından istifadə etməsi paradoksunu da gün işığına çıxara biləcək bir situasiyadır.
"Peysərlik mədəniyyəti" sosial şəbəkələrdə isə bir qədər dar funksionallıq daşıyır və çox vaxt xofdan ibarət olur, lakin yetərincə əsəbedicidir. Misal olaraq, bir istifadəçi bir status paylaşır, bir mövqe qoyur ortaya və siz onu komment yazaraq tənqid edirsiniz. Əgər bəxtiniz gətirməyibsə, bu istifadəçi sizin tənqidinizi tənqid olaraq yox onu nüfuzdan salmaq üçün bir hücum olaraq görəcək və inboxunuza mesaj gəlməsi an məsələsi ola bilər. Başıma gəlib, sərt tənqidim ucbatından heç söyüş söymədiyim halda, nəinki "peysər", hətta "qəhbə", "şərəfsiz" və s. kimi görəndə şok olduğum təhqirlərə məruz qalmışam. Və ən sonunda onun heç bir təhqirinə təhqirlə cavab vermədiyim üçün "səndə qeyrət olsa, bunlara cavab verərdin" deyib, orada məni "peysər çıxardı". Şok olmuşdum, səviyyənin bu qədər düşəcəyini gözləmirdim, özü də mənə bunları yazan ada tələbəsi - dünyagörüşlü, xaricidilli, savadlı tələbə arxetipi idi. Yəni buradakı "peysər" sözünün işlənmə səbəbi gördüyüm qədəri ilə onun söyüşlərini özümə aid etmədiyim üçün onda yaranan stressi azaltmaq idi. Əgər mən onun söyüşlərinə cavab vermirəmsə, "səviyyə məsələsi"nə görə, yox "peysər" olduğum üçün, yəni kişi olmadığım üçün ona cavab vermə bacarığında, iqtidarında olmadığım üçün idi, onun fikrincə. O, özünü belə rahatladırdı.
Digər bir ünsür bloklamaqdır. Əgər tənqidin qarşılığında inboxunuza gələn söyüşləri görməmək üçün heç dialoqa girməyib yazanı bloklayırsınızsa, bu normal insanın edəcəyi bir şeydir. Buna baxmayaraq, bloklamaq onu daha da qıcıq edəcəkdir və o, yenə saymamazlıqdan yaranan əlavə əsəb və stressi mülayimləşdirmək üçün sizi qorxaq və dolayı olaraq "peysər" elan edəcəkdir və bunu da tənqidinizin altına şərh olaraq yazmaqdan çəkinməyəcəkdir. Əgər blok edirsinizsə, deməli, qorxursunuz, yazdığınız şeylərin nəticəsi ilə üzləşməkdən qorxursunuzsa, özünüzü necə qoruya bilərsiniz və necə kişi olar? - Blok olunanın məntiqi tamamilə budur, sizi özündən aşağıya bu cür salmağa çalışır və rahatlayır. Əlbəttə, durduq yerdə siz təhqiramiz komment yazırsınızsa və sizə mesaj gəldikdə bloka atırsınızsa, bu anti-sosial hərəkətdir. Halbuki bunun qarşılığında da "peysər" ritorikasına girməyi lazımsız hesab edirəm, çünki zatən əssasız yerə təhqir yazan insan sizdən bir şey aparmış olmur.
Sosial mediada "peysərlik mədəniyyəti" çox vaxt xofdan ibarət olur. Verilən nömrələrə heç zəng getməz, dava edənlər real həyatda heç görüşməzlər. Məqsəd, sadəcə digər istifadəçilər sözün altında qalmadığınızı görsün. Bu cür yolla da əsl həyatda davaya gedənlər də şəxsən məndə primitiv insan təəsüratı oyadır.
"peysər" savadsızlığın, dar dünya görüşünün, kompleksliliyin, ikililiyin, nifrətin, fanatizmin, birinin digərini əzməsinin dilidir, daha doğrusu onların nümunələrindən biridir. Bu sadəcə əsbiləşəndə söyülən bir söyüş deyil, bu yeniyetmə, gənc oğlanlar arasında bir kulturadır, qaydalar sisteminin qeyri-rəsmi adıdır. Nifrət təməlli olmağı bir tərəfə, hər sistem kimi korrupsiyaya meyillidir; yəni digərini əzərək, sosial statusunu zədələyərək güc əldə etmək üçün istifadə olunur. Zənnimcə, kişilərin bədbəxtliyi budur, öz cinsinin qurduğu qanunları özlərini tikan üzərində yaşamağa məcbur edir və kişilər arasında belə siniflər yaradır. Müasir sivilizasiyalarda bu cür siniflərə ehtiyac vardırmı, əsas sual budur.
Patriarxiyanın dekonstruksiyasından "peysərlik kulturası"na qayıtsaq, gənclər arasında Azərbaycan mədəniyyətini ucuzlaşdıran, fanatikləşdirən problemlərdən biri olduğunu yəqin edirəm. Mübarizə də həmişə olduğu kimi kritik yanaşma, sorğulama və sonunda açıq şəkildə qrup-daxilində buna etiraz etmək kimi mövqelər olar, güman ki. Onun xaricində, dünyagörüşünü artırmağa çalışan və öz inkişafın üzərində işləyən fərdlərin işlətməkdən çəkindiyi arqodur.
13. Peysər sözü söyüş olmaqdan çıxıb. artıq salam, sağol kimi bir şeydi. 15 yaşlı qız bir ara instagramda peysər çıxartma şirkəti qurmuşdu. Kamil Zeynallıya söz deməyə qorxuram. Bu entryni birdən atarlar ona, sonra oturduq yerdə peysər çıxmayaq.
Bununla bağlı bir şey danışmaq istəyirəm. Mənim bir dostum vardı. Məktəb vaxtı bir az enli olduğuna görə camaat bundan qorxurdu. Qaqaşımda salam verməyəni peysər çıxardırdı. Zənnimcə, bundan ilham alaraq peysər çıxartma maşınına dönüşdü. Mən də vaxtında götünə girdim ki birdən " mənə ləzzət eləmirsən " deyib peysər çıxardar ( göt qorxusu yaman şeydi ha ). Hələ belə bir dialoqumuz olmuşdu:
- Fəridi gördüm yolda
- ə onunla görüşmə, peysərdi
- o nə vaxt çıxdı? ( Artıq səbəb soruşmurdum )
- ala çoxdan peysər idi o
- həə, heç nə daha.
Gicdıllağın şəhərdəki hamıdan xəbəri olurdu. Bəzən özümüz haqqında məlumat alırdıq. Deyəcəksiz o necə olur aq. Məsələn:
- ala, mən peysər çıxmamışam
- yox ala, olsa deyərəm.
- həə, çox şükür.
Bunlar baş verəndə 9-10-cü sinifdə idik. bu yaşda uşaqlar peysər çıxardır hamını. Sırf cüssəsinə görə peysər çıxarda bilirlər. Zəif oldunsa, peysər çıxmamaq ehtimalın çox azdı.
Burdan peysər çıxarma maşınlarına səslənirəm. ağlımda belə bir sual var: əgər kimsə mənə peysər desə, ona neçə dəfə yumruq vursam avtomatik olaraq peysər çıxmaqdan azad olaram?
Çox uzatdım. Sözümün canı odur ki, söyüşə görə yaşamağa dəyməz, hələ ki söyüş söymək bu qədər asan bir şeydirsə.
6. "verən", "gəzən", "paylayan" növ qızların qardaşı, atası, dayıoğlusu, əmioğlusu. hal-hazırda günəşli yurdumuzda bu adı almaqçun "ana-bajı"nızın sadəcə qısa, "açıq-saçıq" geyməsi, ərə getmiyibsə qaş alması, telefonla kimləsə "danışması", sevgilisinin olması və bunun ətraf mühitdəki ibtidailər tərəfindən görülməsi kifayətdir.
21. Birinə qarşı ən ağır söyüşləri söyüb, sonra 2 həftə söydükləri şəxsi allah kimi görüb, 2 həftənin sonunda yenə söyənlərə peysər deyilir
(baxma: özü özünü peysər çıxarmaq )
24. Yazılan entrylərdən və qulaqdan dolma söhbətlərə görə qafqazlı kişinin (?) "Qeyrət" anlayışına zidd, iqtidarına təhdid olaraq hansısa "nito" hərəkət edə biləcək şəxsləri alçaltmaq üçün istifadə olunan jarqon.
#30187 nömrəli entryə görə "verən", "gəzən", "paylayan" növ qızların qardaşı, atası, dayıoğlusu, əmioğlusudur. Yəni konkret bu bir şəxsin peysər olması üçün nəsil-əcabətindəki qadınları obyektləşdirməliyik və bu əşyalaşmış qadınlara rollar yükləyib sərhədləməli, daha sonra atmalıyıq duduşu olduğu üçün kişi olaraq təyin olunan hansısa bir qohuma. Bu səfsəfəni başdan-ayağa qəbul etmirəm. Kimsə yuxarıda sadalanan "qeyri-ənənəvi", yazılmamış qanunlarda olan "illeqal"lığı edirsə bundan başqa biri cavabdeh deyil. Cavabdehliyi qoy qırağa, zor edir. (baxma: vulva/göt/penis/bədən və s. Mənimdir, kimə istəsəm verərəm)
#305134 nömrəli enterydə isə görünür ki, bu "peysər" stiqmasında cəlb edici nəsə var və insanlar qeyri-mədəni aktları bu sözə yükləyib "ağırlığını" artdırmağa çalışırlar.
Ənənəvi olarana qayıtsaq, "peysər" bütün bu seks stereotiplərini, seksuallığın əxlaqsızlıq, hansısa tabu və s. Olduğu anlayışlarını inkar edən bir termindir. Məncə, peysər olmaq bir dəyərdir. Hələ azərbaycan kimi ölkələrdə peysərlərin əzminə xüsusi heyranam - patriarxalın istənilən hegemoniyasına qarşı hələ də burada olmağı bacarırlar. Ümid edirəm, peysər icması formalaşar və görünürlük qazanar. inqilab peysərlikdən keçir.
19. 1.
istəmədiyi peşəyə-vəzifəyə başqasının(ailəsinin,dostlarının,maddi nemətlərin) dəstəyi ilə gələnə ;
(layiqli bir neçə nəfərin yerini tutduğu üçün)
2.
Həyət evləri olan məhləyə girib dostunu/aşnasını/arvadını/uşağını qışqıraraq çağıranlara ;
2.1
Başqasının qapısının,pəncərəsinin ağzında durub yola saldığı qonağı ilə söhbət edə-edə gedənə ;
3.
Aldığı borcu vaxtında qaytarmamaqla bərabər, "kişinin kişiyə borcu olar da" deyiminin altına sığınanlara ;
22. Ölkədə istənilən topluma əks fikir deyən hamı (demək olar ki, hamı). 99 faiz başqa yolu yoxdu: ya kütlə üçün peysərsən, ya da aydınlanmış, vaqiflik zirvəsinə çatmış fərqlilər üçün. LGBT loyalsan? Kütlə üçün peysərsən. Deyilsən? Digərləri üçün peysərsən. Və sairə. Bəs qalan bir faiz?
Bir babat söhbət görmüş sosial mediada bir həftə əvvəl. Deyir bu günlərdə peysər çıxmaqla çıxmamaq arasında nazik bir ip var. O ipin üstündə gəzə bilirsənsə, sənə ölüm yoxdur. Mən bu məsələni böyüdərdim: ümumiyyətlə Azərbaycanda istənilən mövzuda rasional olub peysər çıxmamaq üçün ciddi-ciddi çalışmaq lazımdı.
Deməli, fəxrlə elan edə bilərəm ki, nə bu günlər ərzində, nə də ümumiyyətlə bu qısa, amma mənasız (bəli, bəli) həyatımda heç kim tərəfindən rəsmi olaraq hələ də peysər çıxarılmamışam! Ona görə yox ki, ingilis bayrağıyam. Sadəcə bir çoxlarından fərqli olaraq ritorikamı düz seçirəm, hamını başa düşməyə çalışıram, danışanda bir mövzuda hər iki tərəfin qoyduğu arqumentlərin üstündə danışıram. Bir də söhbət boşluğa gedəndə dayandırıb böyük ətağadan opponentimin ruhuna imdad diləyirəm və söhbəti bağlayıram. istənilən mövzuda maksimal radikal olmalısan ki, mən özümü qoyum axırıncı yola və ən iyrənc formada danışım. Ola bilər ki, arxamdan ağ yuyub qara səriblər. Amma, necə deyərlər, arxamdan lap öldür məni, nə fərqi?
26. Azərbaycanlı kişi cinsi nümayəndə üçün ən qorxulu şey. Məna olaraq onsuzda #30187 bu entrydə yazılıb mən nisbətən daha fərqli baxış bucağından yazacam. Uşaqsan yavaş yavaş böyüyürsən pox-oybilə-göt kimi yüngül söyüşləri öyrənirsən təzə təzə. Birdən necəsə olur bu söyüşlə tanış olursan. Ancaq indiyə qədər gördüyün bütün söyüşlərdən daha möhtəşəm birşeydir peysər. Deyilməsi üçün çox önəmli bir dava-düşmənlik olmalıdır həm də həryerdə eşitmisən ki, bəs peysər söyüşünə görə bıçaq zadda soxurlar ona görə bilirsən işlətmirsən. Ancaq başa düşürsən ki, bir azərbaycanlı olaraq bütün həyatını peysər çıxmamaq üçün yaşamalısan. Sənin üçün adi söyüş birdən birə həyatının ən qorxulu şeyinə çevrilir. işin ən betər tərəfidə peysər çıxabiləcəyin yerlərin sayca artmasıdır. Məhəllədə, məktəbdə, dostlar arasında, qıraq yerdə, rayonda, internetdə və s. peysər çıxabilmə radiusun gettikcə artır və götünə qorxu düşür. Özünü bir təhər qoruyub edirsən ki, bidənə nə olur olsun davada zadda söz çəp gəlib peysər çıxmayasan. ancaq oda nə? yaş artır birdə görürsən ki, sənin peysər çıxma ehtimalın təkcə bu sərhədlərlə əlaqəli deyil. Başqalarının hərəkəti də sənin peysər çıxmağına səbəb olabilər! Öz götünü qorumağın yetmirmiş kimi. Ananın, bacının, sevgilinin, 1.ci dərəcəli qohumların (xala, bibi, xalaqızı, əmiqızı və s.) Onların da hər hansısa bir hərəkəti sənin peysər çıxmağına səbəb olabilər. Fikirləşirsən oların axı hamsının ailəsində öz oğlan xəylağı var axı? niyə onlarda mənim üstümə qalır. Ancaq yox elə deyil peysər söyüşü bölüşülən birşeydi sən hamıya diqqətli olmalısan. Artıq qorxu hərarəti dahada yüksəlir və sənin 4-5 fərqli yerdə peysər çıxmağ ehtimalın və ondan qorunma məcburiyyətin yoxmuş kimi başqalarınında istəmədən onlara görə peysər çıxma ehtimalın var. Peysərin həmdə görürsən digər söyüşlərdən fərqi var birinə peysərsən deyəbilərsən ancaq 3.cü şəxs o peysərdi demir o peysər çıxıbdı deyir. Peysər olmursan yəni peysər çıxırsan. Əslində peysər çıxmaq elədə böyük faciə deyil çünki biri var peysər çıxmaq biridə var peysərə atıb yaşamaq. Məsəl üçün uşaq vaxtı kim deyəbilməz ki yanında kiməsə peysər deyilməyib? Bəlkədə bu yazıya oxuya oxuya özünüzdə yüngülvari peysər çıxma xatirəsi yadınıza düşür. şəxsən mən elə 3-4 dəfə uşaq vaxtı kiməsə peysər demişəm yadımdan çıxıb (Hələ yanımda deyilənləri saysam yəqin bu söyüşü yeməyən qalmayıb). Bəlkə havaxtsa özümə də deyiblər ancaq indi nə yalan deyim mənim yadıma gəlmir. Hələ peysər söyüşünün ən pis tərəflərindən biridə qarşında ki insanın səndən əqli və intellekt cəhətcə zəyif olsa belə səni çıxarabilməsidir. Yəqin nerd şagirdlər həyatlarında ki, ilk şoku peysər çıxaraq alırlar. Sən fəlsəfədan həyatdan zaddan danışaraq qabağındakini qandırmağa çalışırsan oda birdən qayıdır ki, sox içinə ə peysər bundan sonra error 404 not found. Hətta bir ara müharibə vaxtı tema çıxmışdı ki, vaxtı ilə peysər çıxarttığım kimsə hazırda döyüşürsə o söyüşü götürürəm zad. düşüncə tərzinə baxda.. nəysə. Yəni sizə peysər deyilməyi faciəvi birşey deyil bununda ən böyük sübutu internetin çıxmasıdır. Hazırda kimə istəsəniz peysər yazabilərsiniz. neyniyəcək? Gedib dtxdan arayış götürüb rabitə nazirliyindən adresinizi tapacaq? yoxsa hacker tutub evinizi tapacaq? Düzdü çerez çerez söyən adamı tapan işsizlərdə olur. Ancaq internetdə ki, peysər söyüşlərinin %99 faizi eləcə gedir. Peysərə atıb yaşamaq isə yenə bu #30187 entrydə verilən tərifdə ki kimi olub həmdə heçnə etməməkdir. Bəs bayaqdan danışırıq peysərlik elə getti belə çıxdı zad bəs bunun əks müdafiə mexanizmi necədir? əsas da rayon yerlərində loru dildə desək soxmaqdır. Bəli əgər o entrydə yazılan tərifdə ki, kimi biri varsa ətrafınızda ona soxmalısınız başqa yolu yoxdu. Mənim özümün dayı qızları var 4-5 min kilometrdə üzlərini görməmişəm adlarını bilmirəm xəbərim yoxdur. bəlkə də xəbərimiz olmadan haralardasa peysər çıxırıq...
15. bəzi gənclərin normal hesab etdiyi və fəxarətlə özünə verdiyi xarakter.
məsələn:
- bacım kimlə istəyir sikişsin
- oğlum geydisə eybi yox
- kimsə varyoxumu söydü eybi yox, polisə deyərəm ya da gedib siktirsin buna görə gedib ona pıçağ soxmyacam.
- bacımım, anamın ürəyi istəyir şortik geyinsin
yəni ki bu gənclər qara-güruhun yaratdığı anti-peysər əxlaqından imtina edirlər və buna arqumentaloji tərəfdən müdafiə yarada biliblər. məncə haqlıdırlar.
uşaq vaxtı məhləməzidə russektor uşaqlar var idi, bir gün gördüm ki bir oğlan, bacısı və bacısının sevgilisi birlikdə pisetkda oturublar. o vaxtı bu mənə normal gəlmirdi, həmin oğlan isə demişdi ki bacım özü bilər onun o barədə işinə qarışmıram. indi isə düşünürəm ki çox normal və mədəni davranış olub.
32. yenə yarınlar yokmuşcasına pubg oynayırıq, komandamıza "menpeyserem" adlı bir oyunçu düşdü. səsi açıb dedi ki, bilirəm indi soruşacaqsız bu nə addı qoymusan. ay 3 nömrə, ay 4 nömrə elə siz də peysərsiz.
30. Qaydaların səbəbini izah edə bilməyən, buna görə zorla yedirən axmaq cəmiyyətin ixtirası. Əsgərlikdə niyəsə təsir etmir *
glş
Səbəb bəllidir əslində, gücün hara kimə çatır söhbəti. Əsgərlikdə popo isdiyər, kruqun olmadan dayanmaq, bu qaydayla yaşamaq.
Nisbətən azalır. Din, mentalitet və s. insana ziyan şeylər internetə qarşı tab gətirə bilməz. insanlar artıq dünyaya pəncərə açır. Yeni nəsil heçolmasa bu barədə şanslıdır
8. türkiyəli qaqaşdarımıza izah edə bilməyəcəyimiz söyüş. bilmirsən necə ağır bir şey deyəsən ki, harda gəldi deyib *
azərilərin içində
özdərin döydürməsinlər.
20. Bir dəfə belə bir şey eşitmişdim bu söyüş haqqında. Kiminsə namusu ləkələnəndə o şəxs başı aşağı gəzir küçədə. Başı aşağı gəzəndə də tək görünən yeri peysəri olur.
10. bəzi "boynu yoğun"ların sübut edə bilməyib , mənasın bilməyib harda gəldi işlətdiyi arada-bir dostları ilə zarafata etdiyi fars dilində oğlan adlandırılan amma azərbaycan qramatikasında olmayan bəzilərinin basıb bağladığı böyük adlandırılıb kiçik edilən söyüşlərdən biri.
)