əjdaha lazımdı
izlə
dostlar
mən
googlla
yalan, qərəzli, vicdansız xəbərlərlə qarşılaşan ikişəxsiyyətli adam
-
ölkədə baş vermiş unudulmayan hadisələr
başlıqdakı ən bəyənilən yazılar:
+14 əjdaha
15. bacımla şahmat oynayırdım həmin an. saat təxminən 22:15 filan olardı. televizor açıq idi, space tvdə "bu şəhərdə" yayımlanırdı. o illərdə yataqxanada qalırdıq. anam hamıya aid, ayrı evlərə qazanların aparılıdığı mətbəxdə, atam isə həyətdə idi.
bir an yıxıldığımı düşündüm. zələzələnin necə baş verməsi ilə bağlı təcrübə yox idi. təcrübə isə saniyənin mində birində belə nəsə baş versə belə dərk edə bilmək və hazır olmaqdır. balaca şahmat taxtasından əvvəlcə top, sonra fil düşdü. olanları dərk etməyə macal tapmamış ayağa qalxdım, bacımın elinden tutub evdən koridora atıldım, o an necə əyilib bacımın ayaqqabısını götürmüşdüm, nə o vaxt xatırlayırdım, nə də indi. həmin gün bir çox qonşu nədənsə bizdə qaldı. o biri gün ans kanalının ad günü idi. hər kəs səksəkə içində idi. şayələr gəzirdi ki, guya növbəti dalğa gözlənilir. anam 26 noyabr 17:00-22:00 arası koridorda, həyətdə bacımla gəzdi əvvəlcədən hazırladığı risk tədarükü ilə. atam isə deyəsən zəlzələnin silkələməsinin sehrinə düşüb daha çox silkələnmək eşqi ilə arağlamağa getmişdi. bəs mən ?
bir neçə il sonra bacım evdə oturarkən qayıdıb demişdi ki, "mama, yadındadır hamı qorxusundan bayırda, koridorda gəzirdi, amma qaqaş (adımı çəkmişdi) oturub "tutugildə"yə baxırdı." bunu eşidəndə sıralama ilə səs tonu, intonasiya, sonra öz təsvirim, daha sonra həmin hadisələrin yada düşməsi beynimdəki gülüş qırışlarını hamarlaşdırdı və həyatımda ən ürəkdən güldüyüm anlardan birini yaşadım. 11 yaşlı uşağ bacısı ilə şahmat oynadığı günün səhəri zəlzələ təhlükəsini vecə almayıb tutugildəni izləyirdi mvfndfnmdfxdsnds o vaxtdan yelbəyen adam idim və elə o vaxtdan bilinirdi ki, gələcəyin işsiz, lakin qeyri-standart adamı böyüyür.
(baxma: tutugildə verilişinə baxan oğlan olmusan da, kimsən guya)
+8 əjdaha
32. kicik yaslilarin bele yasadigi sokla unutmadigi tebii felaket.
11yasim bir aydir tamam olmusdu. atamla bacilar qonaq otaginda ort kanalindan hansisa 2ci sinif hollywood kinosuna baxir, menle anam ise metbexdeki kicik televizorda ruhsar serialina baxirdiq. zelzele basladigi anda men şellenib oturdugum ucun surusub stolun altina yuxildim. anam qerbi azerbaycanli oldugu ucun zelzele tecrubesi var idi ama daha 1il onceki istanbul zelzelesindeki goruntuleri izledikleri ucun de daha cox panika yasandi. ilk tekan bitenden sonra tebii ki qacmaga basladiq. mehelle emelli basli sirk idi. hamam xalatinda dusenler, elinde en bahali şubasini asilqanla yenenler? televizorunu ozuyle asagi getirenler ne desen vardi. goruremki bacimin bir ayaginda şepit o biri ayaginda atamin işe geydiyi ayaqqabi var. gulmeyim yadimda deyil ama indi gulmeli gelir. sora bir de gordukki ata yoxdu, ata ata qisqiririq sen deme kişi yavas yavas isdi paltar gotururmus bize getirmeye. a kisi 9 mertebe bina dagilsa bize isdi paltardan cox ata lazim olacaq wtf yeni. kişi yendi asagiki bes bina eyilib qapini ortdum ortulmedi cixanda. 3 gun sonra binaya qayidanda goruruk ki sen deme qapiya şepit ilisibmis bina zad eyilmeyib.
o gece atamin bir dostunun heyet evine getdik. bizden basqa 2 aile daha vardi. ona gore menim kimi oglan usaqlarini şutladilar masinda yatmaga. kimleri ucun dehsetli bir qorxu gecesi olsa da biz usaqlar ucun eylence yaranmisdi. bu da bele bir xatirem.
+8 əjdaha
12. ailəlikcə həmin gün atamın dostu gilə getmişdik sonra ordan qalxıb binamıza çata-çatda zəlzələ təkanları falan oldu.mən heç nə olduğun bilmirdim təbii ki o zamanlar umbayam hələ amma yadımdadı ki, bir yevrey qonşu evindən çıxmamışdıki tək mal-mülküm budur. indi yadıma düşdükcə gülürəm.
+6 əjdaha
28. ilk zəlzələ,ilk həyəcan dadında keçmişdi. nə olduğunu biraz gec anlasam da qorxmamışdıq. zəngilanlı qonşumuz ailəsiylə qazelinin arxasında yatmışdı 1 həftə -*
+5 əjdaha
29. statistikaya görə zəlzələ anında yaraşıqlı oğlan ilə qarşılaşma ehtimalınız 100%-dən 70% di. və mən o vaxt bunu bildiyim üçün anamın qonaq otağından " zəlzələ ! hamı həyətə ! " qışqırığına " hay ?! " deyib , beynimdə qırmızı işıqın yanması ilə cavab verə bilmişdim . orada qəşəng oğlan görmə ehtimalım 70% olduğu üçün özüm də gözəl görünməli idim . qırmızı tuflilərimi ayağıma keçirə- keçirə " zəlzələəəəə " bağırıb həyətə endim ki, biri məni xilas etsin . lənət olsun ki, zəlzələ bitmişdi . və bir sürü insan mənə gülmüşdü . ara yerdə həyəcanı qaçırmışdım .
(baxma: s.xalar statistkavıza heç yaraşıqlı oğlan da yox idi . hamısı yekə qarın şortikli kişilər idi . )
+5 əjdaha
13. o vaxt 8 yaşında idim.nənəm rayondan bizə gəldiyinə görə bütün qohum əqraba yıgışmışdı bizə.yatmağa hazırlaşırdım.yerimə girmişdim ki,krafatın silkələndiyini hiss elədim.birinci elə bildim bacımdı krafatı yellədir aşagıdan.gülürdüm.sonra birdən qonaq otağından nənəmin "zəlzələ" deyə qışqırmağını eşitdim.hamımız çölə qaçdıq.bütün camaat çölə qaçmışdı.paltarsız olduğum üçün atam evə qayıtdı ki mənə paltar gətirsin.həmin gün evi ən axırıncı tərk edən nənəm idi.adam qatı dindardı."zəlzələ duası" oxuyub evdən çıxmışdı.həmin gün zəlzələdən deyil də insanların qorxusundan nənəmin helə qışqırmağından qorxmuşdum.sakitləşməyim üçün atam biraz gəzdirdi məni.bibimgilə apardı.bibimgil də qonşularla danışıb raf tutmuşdular ki gecəni onda keçirtsinlər. heç kim evinə getmək istəmirdi.həmin gün mən evdə yatsam da atamın yanında,atamı qucaqlıyıb yatmışdım.mənim yaddaşımda zəlzələ məhz atamı ilk və axırıncı dəfə qucaqlayıb yatmağım kimi qalıb.
+4 əjdaha
9. tualetdə keçirdiyim zəlzələ.
ilk dalğanı tualetdə keçirdim, qardaşıma qışqırırdım ki divarı itələmə üstümə yıxılacaq indi.
+6 əjdaha
1. heç yadımnan çıxmaz. bütün qonşular yığışmışdı nənəmgilə. mən o vaxt uşaq idim. biz 2ci mərtəbədə rayonda yaşıyırdıq. axşam saatlarıydı təzəcə yuxuya getmişdimki anam məni qucağına götürüb çölə qaçdı. ama tərslikdən qapı kilidlənmişdi. yaxşı ki çöldəki qonşu arxadan neynədisə qapıya qapını aça bildik. oturduq nənəmgildə. televizoru açdıq. axşam saatları olmasına baxmayaraq aztv zəlzələ barədə danışırdı. atam o vaxt bakıda işdə idi. nənəm onu maraqlanırdı. nəsə hər ayrıntı gözümün qabağndadır indiyəcən.
+4 əjdaha
31. o vaxtı yuxuda olduğumdan binadan ən son çıxanın mən olduğu zəlzələ imiş.
atam elə bilib anamla getmişəm, gedib qonşunun uşağına kömək etməyə. anam isə atamın məni götürüb getdiyini sandığını üçün tək düşüb aşağı. mən də daş kimi yatıram. yoxluğum fərq olunandan sonra atam gəlib götürüb.
qiyamət filan qopsa ilk mən öləcəm.
+3 əjdaha
17. atamın hər zamanki kimi içdiyini çox gözəl xatırlıyıram. hətta xatırlamağımın səbəbi boğazımın gəlməsi idi. mənim boğazımı bəhanə eliyib araq almışdı ki, guya kompres eləsin. -* nəysə boğazımda kompreslə yatmağa hazırlaşırdım ki, zəlzələ oldu. atam içkinin təsiri ilə kişilənmişdi və məni buraxmırdı getməyə zəlzələdidə bir şey olmaz. yazığ anam məni buraxıb getmədi, divandan tutub atamı qaldırmağa çalışırdı. evdəki servant yerə düşəndə atam göt qorxusunu hiss eləyib ayıldı və biz çölə çıxdıq. nə zaman ki, artıq binada bir köpəyoğlu belə qalmamışdı və zəlzələ dayanmışdı. sonrasını xatırlamıram artıq. amma o səhnə yadımdadı, gözümün önündə ağ-qara şəkildə yarımyamalağ canlandıra bilirəm.
səhəri gün atamın gördüz dedim axı bir şey olmaz zarafatı o qədər iyrənc idi ki, hələ də yadımnan çıxmayıb. o gün də içməyə getdi atam. deyəsən vergidə işləyənin atası ilə eyni yerdə içiblər -*
+5 əjdaha
33. artıq 20 yaşı tamam olan milli zəlzələmiz. zəlzələlərimiz də *fuflo*du e, nə bir dağıntı, nə bir ölüm. danışıb havasını da ata bilmirsən ki, bəs zəlzələdən sağ çıxmışıq.
(baxma: 25 noyabr 2020 zəlzələsindən sağ çıxan nəsil)
(bax: hamı)
+3 əjdaha
27. 16 il əvvəl, 22:10 da olmuş zəlzələdir
+3 əjdaha
14. həmin zəlzələ vaxtı qardaşımla otaqda yerdə oturub oyun oynayırdıq. birdən onu gördük ki, ikimizdə sürüşdük evin içində. binanın şaqqıtlı səsi hələ də qulağımdadı.əlimdə alma dilimi var idi. anam bizi tuduğu kimi paltolarımızı geyindirib evdən çıxartmağa çalışırdı. atam qaza suya baxırdı . binadan pilləkənlə düşəndə atam evdə idi hələ mən papa deyib ağlıyırdım.bütün bina silkələnirdi. axırda hamımız aşağı düşdük. zəlzələ diyandı ama biz uşaq idik evə girə bilmədik.xüsusən də mən . ailəlikcə getdik bibigilə.gecəni orda keçirdik.ama bu zəlzələni heç vaxt unutmadım təbii ki .çox şükr elədim ki güclü seysmik zonada yaşamıram.
+4 əjdaha
25. axşam saat 10 olardı. bakıxanov qəsəbəsində qalırdıq. anamın xalası qızı ilə qonaq otağında oturub space tv-yə baxırdıq. (əslində mən məcbur olub baxırdım). sorna qonaq otağına getdim. nənəm, anam, anamın xalası və qonşumuz təzəcə çay süzmüşdülər. birdən çaylar töküldü. anam elə bilmişdi ki, kiminsə ayağı masaya dəyib. elə həmin an "çinar" markalı soyuducunun üzərindəki "arı" markalı mikrodalğalı sobanın qapağının titrədiyini gördük. onda zəlzələnin olduğunu başa düşdük. mən çaparaq qonaq otağına gedib anamın xalasıqızına zəlzələnin olduğundan xəbərdar etdim. tez-tələsik küçəyə düşdük.
məhləyə hamı yığışmışdı. bəziləri qara volqaya minib gedirdilər. xarici mətbuat zəlzələ nəticəsində 30 nəfərin həlak olduğunu yazsa da yerli mətbuat bir nəfərin də ölmədiyini xəbər vermişdi.
+3 əjdaha
26. 3-cü sinifdə oxuyurdum o vaxt. özümüz də 4-cü mikrorayonda qalırdıq. oturmuşduq evdə, lovizna serialının modda olan vaxtıydı. elə təzəcə yazıları yazılıb başlamaq istəyirdi ki, bir da onu gördüm ki stoldakı qatıq bankası özünü intihar edər kimi atdı yerə. arxasıyca möhkəm vibrasiya dalğası, mebellərin cırıltısı, lüstraların yellənməsi, stenkadakı qab qaşığın yerə gəlməsi və mənim qapını açıb elə ayaqyalın formada çölə vıyıldamağım... 4-cü mərtəbədən məhəlləyə bir neçə saniyə içində vardım. blokdan dəlicəsinə fırlamışdım ki məhəlləyə, bir anlıq dayandım. titrəyiş dayanmışdı, çönüb arxama və məhəlləyə baxdım. sən demə ilk qaçıb çatan mənəm, bloklardan çığırtı, hay-şüvən və gur insan uğultusu səsləri gəlirdi və birdən... bütün bloklardan eyni anda insan sürüsü nə cür axdısa həyətə, sanki çin qatarının qapıları açıldı. bütün qonşular həyətə toplaşıb bir neçə saat qaldıq orda, illərlə üzünü görmədiyimiz qonşuları gördük. xeyli söhbətləşib danışdılar. hamamdan sabunlu halda qaçıb gələn iranlı qonşumuz da vardı, getdi əyin başın geyindi, gəldi.
+2 əjdaha
8. sonuk kecen azerbaycan gundemini aylarca beslemis hadiseydi bu zelzele. kanal d'den rusar serialina baxirdim, zelzele basladigi anda biraz da yaylanaraq oturdugum ucun tekandan stolun altina yixilmisdim. ilk tekan sonrasinda qapiya qacmagimiz, pillekenleri 5-5 atlamagimiz yadimda qalan bir nece seyden biridir. bele bir ehvalat yadimdadirki atam evi en son terk etmisdi ve bize asagida demisdiki bina eyilib ona gore qapi qapanmir. 2 gun sonra eve qayitdigimizda qapiya sep sep ilisdiyini gorub uzun muddet gulmusduk.
+2 əjdaha
18. hələ də indiki kimi gözümün qabağındadı olanlar. onda əhmdlidə qalırdıq. 7 nömrəli poliklinikanın qabağındakı binada. xalamgil bizə qonaq gəlmişdi. evdə böyük uşaq olduğumdan o biri uşaqlara qoz qoymurdum, onlar qıraqda oynayırdılar. zəlzələ vaxtı tualetdə idim -* zəlzələ qışqırıqları eşidəndə də qoz qoymurdum. çünki bilmirdim nə olan şeydi zəlzələ. hamı məni axtaranda mən tualetdə idim, səsimi də çıxarmırdım qorxudan ki, işi axıra qədər icra eliyim. *
:d
tualetin qapısı açan kimi atam məni adyala bürüyüb çıxardı çölə. onda da 5-ci mərtəbədə qalırdıq. atamın pilləkənləri nə sürətlə düşdüyünün sürətini hələ hesablamış deyiləm. yadımda qalan 7-8 saniyəyə artıq blokun ağzında olmağımız idi. mənə hələ də çatmayan şey odur ki, zəlzələ olanda düşdük aşağı o cümlədən də qonşular. binadan 10 metr aralıqda dayanıb binaya tamaşa edirdi hamı. 9 mərtəbəli bina aşsa idi hamısı götbaş olacaqdı. daha evdən nəyə çıxırdılar ? -* atam göt qorxusunnan evə girməyə risk eləmədi. o vaxtı yaxınlıqda bir kafe işlədirdi. orda gedib gecələdik.
+2 əjdaha
19. yatmışdım.anam məni güclə oyada bilmişdi.oyanmışam ama yuxuluyam.indi anam ayaqqabımı verir ki geyinim,mən də qoyuram yerinə ki hara gedirik eee -* vobşem biz binadan çıxanda hamı həyətdə idi artıq -*
onu da deyim ki,anam qardaşımla mənə paltar gətirmək üçün binaya qayıtmışdı yenidən.hər adamın cəsarəti çatmaz buna.
+2 əjdaha
7. hassiktir dedirtən hadisə, ya yazarlarımız başlığa fransız qalmamaq üçün abartırlar, ya da ki doğurdan qorxublar. için sikim iki dəfə dalbadal təkan oldu, o da ikisi birliktə heç 10 saniyə eləməmişdi, nə qorxu ala ? görən də elə bilər ciddi itki olub ya fəlakət baş vermişdi, bir dənə vasmoyda binanın fasadı qopub düşmüşdü, o da ki zəlzələ olmasa belə bakının tikililərinin keyfiyyətinə xas olan şeydi. biz də zəlzələ vaxtı evdəydiy də, oldu iki təkan, çıxdıq çölə, gördüy millət çıxıb çölə, zəlzələdən bir saat keçib, hələ də tumanlarını çəkiblər başlarına, ev eşiylərinə yığışmaq istəmirlər.
indi birinin şkafı tərpənib o birinin külqabısı düşüb qırılıb deyə bu olub dəhşətli zəlzələ -*
başqa millətlər qorxur ki zəlzələ olar birdən binamız uçar, şəhərimiz batar, bunların şkafı tərpənib, hay həşir salıblar. vallah ölkəsində zəlzələ ilə körpülər dağılan, tsunami olan, illərlə özünə gələ bilməyən ölkələrin millətləri bu yazını oxusa, gülməkdən ölərlər elə.
düzü ən yaxın zamandaki böyük zəlzələləri əsrlər əvvəl 1139, 1192-ci illərdə olan bir məmləkət üçün 13 il əvvəlki adi təkanın qorxuducu olmağı normal da ola bilər.
+2 əjdaha
20. əslində yadımda xoş xatirələrlə qalan hadisə. belə ki o gecə atam gecə növbəsində idi. atam gecə növbəsində olanda qardaşımla mən anamızla yatardıq həmişə. anam bizə yatın uşaqlar gecdi deyirdi biz isə nəsə oyun oynayıb deyib gülürdük. sonra birdən çilçırağın yelləndiyini gördüm və elə qardaşıma göstərmək istiyirdim ki anam gəldi zəlzələdi uşaqlar dedi. evimiz həyət evi olduğu üçün panikaya düşməmişdi anam. qalın paltarlar götürüb çardağın altında oturduq sadəcə. itimizin zingillədiyini xatırlayıram.
sonrasında yaşadığımız əhatədə nə qədər binada qalan tanışımız var idisə hamısı bizə gəlmişdi gecəni keçirtmək üçün. evdə 20dən çox adam varıydı bəlkə də. süfrə qurulmuşdu, samovar qaynadılmışdı. və heç kəs yatmadı o gecəni səhərə qədər çay içilib söhbətlər edilmişdi.
+2 əjdaha
4. həmin vaxt xəstələnmişdim.kresloda uzanıb space tvdən səməd səmədov nəsə danışırdı ona baxırdım. zəlzələ anını net xatırlamıram deyəsən mürgüləmişdim.ayılanda anam qışqıraq məni bacımı həyətə çıxartdı.hamı çöldə idi.rus qonşularmız bic tərpənərək evin sənədlərini, qızıllarını götürüb çıxmışdı çölə. əfsanəyə görə bu məşhur zəlzələ zamnı toy gecəsi bəy gəlini yataqdaca qoyub qaçmışdır. bu zəlzələnin dəşətinə açıq nümunədi. amma və lakin itki tələfat olmadığı üçün mənim yaddaşımda uşaqlığımdan xoş xatirə olaraq qalmışdır.
+5 əjdaha
34. "aaa tonqal tək novruzda yandırılmır?" Dediyim hadisə. Sumqayıtı da silkələmişdi. Görürəm bəziləri fuflo filan deyir, amma başa düşmür ki bir az yelləsə, göt olurduq. Bu nə xəstə təfəkkürdü də, gedin sevinin, təki zəlzələmiz fuflo olsun.
+2 əjdaha
22. qonşuluqdakı dayıcıqların bir-birindən fərqli tumuşlarının sərgiləndiyi sərgi. gecənin qorxunc və zülmət qaranlığına etiraz edərcəsinə, padyezləri slow motion düşən bu qəhrəmanlar ,data base'mdə ayrıca bir yerə sahibdilər.
(baxma: yekə kişisiz , əynivizə şalvar geyinin)
+2 əjdaha
16. it balası kimi yuxuya getdiyim zəlzələ.
deməli atam hamını oyandırıb qonşuların səsindən sonra, məndən sonra körpəni çıxarmaqçün məni qapının ağzında qoydu ki çıx, mən də qadasın aldığım qəşşəh girirəm kreslonun içinə sərələnib yatıram.
sonra atam çıxıb evdən hər yerdə məni axtarır. gəlin məni tapanda kreslodan "ee qoy yatım da ay ata" deyə mırıldandığım yadımdadı.
ondan sonra çöldə idik gecə, evə qayıdanda həmin kreslonun üstünə şkaf uçmuşdu. *
glş
təsəvvür eliyə bilirsiz, o vaxt orda məni tapmasaydılar pampiniformis olaraq kim beyninizi sömürərdi? *
glş
+1 əjdaha
6. indiyəcən yaşadığım ən dəhşətli qorxu hissi. uzun aylar eyni pis yuxunu görməyimə, gözümün listurda qalmasına səbəb olmuşdu. və harry potteri oxuyandan sonra başa düşdüm ki yuxuma girən şey ruh əmicisi imiş. həmin saatda yatmışdım.mamanın "oyanın zəlzələdi" səsinə ayılmışdım, ama beynim dərk eləmirdi bu sözü. sonra çöl qapısını açanda yuxarıdan qonşuların pilləkənlə aşağı qaçdığını gördüm. eynilə simbanın antilopların arasında ayaqaltda qalma səhnəsi kimi. birdən beynim oyandı və zəlzələ sözünü başa düşdüm.bizdən əvvəl türkiyədə olduğu üçün tvdə dəhşətli zəlzələ səhnələrini görmüşdüm. və onda elədiyim əclaflıq yadıma düşəndə birtəhər oluram. can qorxusu yaman şeydi. evdən heç kimi gözləmədən aşağı götürüldüm. belə.*
:/
+2 əjdaha
2. indiyə qədər ən çox qorxduğum hadisə. zəlzələdən saatlar keçmişdi, mən əsə-əsə qalmışdım.
+1 əjdaha
10. bütün azərbaycan xalqının mütəşəkkil olub lavizna serialına baxdığı an
+2 əjdaha
3. 15 noyabr 2011-ci ildə həmin ocaqda yenə də zəlzələ baş vermişdir.
+1 əjdaha
5. bizdə anamın ad günü idi. qohum-əqrəba bizdə idi. şkaflar silkələnməyə başlayanda hamı bir birinin üzünə baxırdı ki, kim edir bunu? bizdə gəzəndə ya oturduğun yerdə ayağı silkələyəndə mebellər əsirdi. hamı bir birinə baxır ki görən kimin zarafatıdır. axır lüstra baxanda zarafat olmadığını başa düşdük.
hamısını göstər
