53. yaxşı tərəfi isə stansiyaya çatanda musiqi səslənməsidir.
bakmil: musiqi yoxdur.
xətai - cəfər cabbarlı xəttində sükut hökm sürür. bakı metrosunda ən uzun sükut ən qısa xəttin qismətinə düşüb. bu stansiyaların heç birində mahnı yoxdur.
memar əcəmi: üzeyir hacıbəyovun "şəbi-hicran" kantatası.
20 yanvar: bayatı-şiraz
inşaatçılar: "dağlar qızı reyhan"... musiqisi fikrət əmirovun, sözləri tələt əyyubovundur.
elmlər akademiyası: "tələbə"... "tələbə"ni telman hacıyev bəstələyib. sözləri cabir novruzundur.
nizami metrosundakı melodiya iki dahini birləşdirir: nizami gəncəvi və üzeyir hacıbəyov. bu, "sənsiz" romansıdır.
içərişəhər: vaqif mustafazadə - bakı gecələri
sahil - "limanda". mirzə babayevin repertuarından, musiqisi rəşid nəsiboğlu, sözləri adil rəsulovundur. «sən getdin, tək qaldım, bir liman, bir də mən…
28 may - qarabağ şikəstəsi
gənclik metrosunda "yadındamı ötən günlər" səslənir. oqtay ağayevin repertuarındandır, musiqisi xəyyam mirzəzadəyə, sözləri bəxtiyar vahabzadəyə məxsusdur.
nəriman nərimanov: məlum deyil
ulduz metrosunda «tez gəl». şövkət ələkbərovanın repertuarındandır. musiqisi tofiq quliyevin, sözləri zeynal cabbarzadənindir. «yar gəlir görüşə, gözün aydın yar, sürüşə-sürüşə, gözün aydın…
koroğlu: üzeyir hacıbəyov - koroğlu
qara qarayev: qara qarayev - yeddi gözəl
neftçilər metrosunda "neftçilərin mahnısı"dır. "bəxtiyar" filmində rəşid behbudovun oxuduğu mahnı. musiqisi tofiq quliyevin, sözləri zeynal cabbarzadənindir. "dörd dost, dörd yoldaş, dörd qardaşıq biz, birdir arzumuz, əməllərimiz…"
xalqlar dostluğu: "simayi-şəms"
əhmədli: "evləri var xana, xana"
həzi aslanov: mən səni gördüm ay işığında.
düzəliş: yeni versiyada nəriman nərimanov stansiyasındakı mahnının adı var. 2017-ci ildəki vəziyyəti belə idi:
1. içərişəhər - bakı gecələri (vaqif mustafazadə)
2. sahil - limanda (mirzə babayev)
3. 28 may - qarabağ şikəstəsi
4. gənclik - ötən günlər (oqtay ağayev)
5. nəriman nərimanov - güllər (brilliant dadaşova)
6. ulduz - tez gəl (şövkət ələkbərova)
7. koroğlu - koroğlu (üzeyir hacıbəyov)
8. qara qarayev - yeddi gözəl (qara qarayev)
9. neftçilər - neftçilər (rəşid behbudov)
10. xalqlar dostluğu - bəzən simayi-şəms, bəzən əziz dost (rəşid behbudov)
11. əhmədli - bakı (rəşid behbudov)
12. həzi aslanov - ay işığında (mirzə babayev)
13. nizami - sənsiz (üzeyir hacıbəyov)
14. elmlər akademiyası - tələbə (telman hacıyev)
15. inşaatçılar - reyhan (rəşid behbudov)
16. 20 yanvar - bayatı-şiraz
17. memar əcəmi - şəbi-hicran (üzeyir hacıbəyov)
18. nəsimi - gül açdı bahar oldu
19. azadlıq prospekti - cəngi
20. dərnəgül - bakı (şövkət ələkbərova)
qeyd: bakmil, xətai, cəfər cabbarlı, avtovağzal və memar əcəmi-2 stansiyalarında musiqi yoxdur.
Bir gün. Metrodayam. Pilləkənləri tələsik düşürəm. əgər düşməsəydim, qaçırırdım, qatarı. Bir yeniyetmə idi, qapını tutan. Çox həvəslidir. həyatda elə anlar var ki, hər şey mümkün görsənir. Bax o anlardan birindədir bu oğlan. Vaqona girəndən sonra minnətdarlıqla üzünə baxıram. Sağol deyirəm. etdiyi yardıma görə o məndən də çox xoşbəxt olur. Keçib otururam. Qarşımda bir qız var. bir az baxıram, gözlərinə. Hələ ki, o baxmır. Birdən baxır, gözlərimiz sataşır. Böyük həyəcan dalğası keçir üzərimdən. Gözlərimi çəkmirəm. O da çəkmir. Həyəcan zirvədədir. daha sonra istər-itəməz gözlərimi tez-tez qırpıb, baxışlarımı aşağı endirirəm. bir az keçir. sonra yenidən baxıram. o da baxır. Elə baxırıq ki, bir-birimizə. Artıq, onunla gələcəkdə keçirəcəyimiz günləri, evliliyimizin necə olacağı, xoşbəxt günlərimizinmi yoxsa bədbəxt günlərimizinmi çox olacağı haqda fikirləşirəm. Gözlərindən onun məndən də çox fikirləşdiyini görürəm. Sanki, bir-birimizə yalvarırıq. Baxışmaq üçün, danışmaq üçün, toxunmaq üçün, bir yerdə olmaq üçün. Növbəti stansiyaya çatırıq. Həyəcanla bir-birimizə baxırıq. Bir-birimizin düşməsindən qorxuruq. Heç birimiz düşmür. sərnişinlər minir. Qatar hərəkətə başlayır. Qatara çox cazibədar bir qadın da minibmiş. Bayaq baxışdığım o yeni tumurcuqlamış gül kimi olan qızdan bir az yaşlıdır. bədəni də yaxşıdır, iridir. ən sevmədiyim xasiyyətlərimdən birinə qaptırıram özümü. Bayaq bütün yol boyu baxışdığımız qıza yox, bu birisinə baxıram. O ləzzətli görünüşünə baxdıqca domapin ifraz olunur. Baxdıqca ifraz olunur. Sonra birdən beynimdə şimşəklər çaxır, o biri qızın da burada olduğunu qavramağa başlayıram. Çevrilirəm önümə, qız mənə baxır. Bir az əsəbi, bir az qısqanclıqla. Bu qısa müddət ərzində bunlardan danışmaq absurddur axı. Necə ola bilər?! amma onun gözləri bunlardan başqasını demir. Üzrxahlıqla gözlərinə baxıram. Demək istəyirəm ki, əslində o birisi mənim üçün heçnədir, o sadəcə bir əşyadır mənə görə. Amma hər şey bitmişdi. Bayaq, böyük bir alov halına gələ biləcək gücdə olan qığılcım, indi sadəcə tüstülənir. Sadəcə tüstülənir. Elə bunlar olarkən isə sürətli qatar növbəti stansiyaya çatır. Qız üzümə belə baxmadan, ayağa qalxır, sakitcə vaqondan çıxır. Arxasından baxıram, bəlkə, çevrilər, bəlkə, baxar. Amma yox. Qərarlı addımlarla uzaqlaşır. insanlar tezcə qatara doluşur. Qatar isə sanki, həmişəkindən tez tərpənir. Bütün hər şey əlbir olub məni ondan uzaqlaşdırır. Sonra çevrilirəm ki, heç olmasa o birisinə baxım, lakin qatarda onu da görmürəm.
84. Uzun müddət idi ki, istifadə etmirdim metrodan. Bu gün status kvo nu pozdum.
Deməli oturmuşam,vatsapda yazışıram, qaqaşın biri, hiss eləmək bir yana görürəm ki,başımın üstündə dayanıb nəyi var maraqla mesajları oxuyur, izləyir. Axırda dözmədim,cavab mesajı yazanda başımı qaldırıb qaqaşa dedim ki, əlavən var? yoxsa göndərim mesajı?...
79. mentalitet qanunların tətbiq olunduğu yer.
sevgilimlə sağollaşarkən qucaqlaşanda metrodakı nəzarətçi polis "bura qucaqlaşma yeri deyil, camaat var" deyib sifət eləmişdi. bir neçə gün öncə həmin metrostansiyada ər-arvad arasında ciddi mübahisə var idi. kişinin səsi oraları götürmüşdü, hamı onlara baxırdı. həmin polis isə ortalıqda görünmürdü. yəqin yenə camaat narahat olmasın deyə kiminlərinsə səssiz qucaqlaşmasını ayırmaqla məşğul idi.
8. qış vaxtı qehveyi şubaları ile şimali amerika ayısını xatırladan xalaların düz gözünün içine baxdığı(hetda bu işde o qeder peşekarlaşıblarki yandan qabaqdan soldan sağdan baxan herkesin düz gözlerinin içlerine baxırlarmış kimi görünürler),yanına oturan kök adamın iki neferlik yeri tutması ve eger şanssız gününüzdürse her iki terefinizde bele adamların oturması,dahada şanssız gündürse dayanmadan ağlayan uşağı olan ananın yanınızda oturması,yayda ter iyinin çeşidleri mövzusunda burnunuzun peşekarlıq qazandığı,bezen qehveyi bot,cins şalvar,benövşeyi yun köynek,qara palto,çakma sarışın qızların(ve ya daha ferqli kombinasyalar ile üstünde 4-5 şit reng daşıyan qızın) görülme ehtimalının olduğu,28 mayda minen adam sayının hezi aslanov-genclik arası minen adamların sayına beraber olduğu metrodur bakı metrosu..künc hisselerde ucuz sevgilerin yaşandığı,bir qıza baxan 3-4 oğlanın coşan kişilik hissleri,nömresini qapılara yazan adamların olduğu,çox vaxt kişiler oturur deye 3 neferlik yere özünü salaraq belke kimse yer verer deyen xalanın mentiqi,eskalatorda qabaqdaki şexsin yanını düz gözünüze soxması(bir ayaq qabaq pillede diger ayaq arxa pillede olur),bir neferin eneceyi bilinen kimi başındakilerin oraya daha tez oturmaq üçün müxtelif strategiyalar qurduğu yer...
82. Keçən dəfə ruhi çenetin dünyanın ən kasıb ölkəsi videosuna baxırdım, videoda deyirdi ki, burundi ölkəsi o qədər kasıbdır ki, ölkədəki havalimanı və dövlət dairələri pirat windows işlədir.
90. Dünyada süni şəkildə basabas yaradılan tək metro. Və basabası azaltmaq üçün düşüklük edilən tək metro.
Əvvəla deyim ki vaxtaşırı qiyməti qaldırırlar ki guya keyfiyyət də artsın amma daha da pisləşir. Əslində ictimai nəqliyyatın büdcəsi normal ölkələrdə müştəri pulu ilə yox dövlət subsidiyaları ilə formalaşır amma lənət şeytana. Milləti loxlayırsız heç olmasa xidmət də göstərin də.
Deməli metroya minmişdim qatarlar gəlir 4-5 dəqiqədən bir. Bir qatardan bir də gedir bakmilə. Beləcə 1 qatar üçün 3 qatarlıq adam yığılır.
Basabası azaltmaq üçün də ayrı əziyyət verirlər. Çarəni metroya girişi məhdudlaşdırmaqda tapıblar. Əvvəllər stansiyalara giriş üçün 4 qapı olurdu indi məsələn 28 mayda girişdən 2 qapını bağlayıb ediblər çıxış halbuki ordan çıxan olmur qapıya da giriş yazılıb. Guya çanta yoxlamaq üçün qoyduqları aparatların da elə əsas məqsədi təhlükəsizlik yox girişi məhdudlaşdırmaqdır. Cəmi 1 aparat qoyurlar hamı bir-bir daxil olur. Halbuki bunu daha yaxşı texnologiya ilə sürətləndirmək olardı. Başqa texnologiya cəhənnəm elə bu zibildən bir yox bir neçəsini qoysalar yenə bəs edərdi. 1 aparat qoyursunuz başına da 50 polis heç olmasa başqa aparatlar da qoyun aparar başına 10-15 polis düşsün də.
57. şərqdə açılan ilk metro.
qiyməti 20 qəpikdir. siz bir stansiyadan girib 20 qəpik ödəməklə istənilən stansiyaya gedib, stansiyanı tərk etmədən geri qayıda və istənilən istiqamətdə hərəkət edə bilərsiz. vahid qiymət 20 qəpikdir. başqa ölkələrdə istiqamət məsafə və s görə qiymət fərqli ola bilər, lakin bakı metrosunda eyni qiymətdir. hətta keçidlərdə belə yenidən ödənişə ehtiyac yoxdur.
bakı metrosunda havalandırma sistemi yoxdur. yəni kondisionerlər yoxdur. sadəcə keçən il alınmış 3 ədəd qatar var ki bunlarda kondisioner işləyir. qalan qatarlar köhnə sovet istehsalı olduğu üçün kondisioner yoxdur.
metrodan istifadə etmək üçün mütləq bakıkart-a sahib olmaq lazımdır. əgər sizdə bakı kart yoxdursa bunu quraşdırılmış terminallardan 2 manata alıb həmin yerdə də 20 qəpik yükləyib istifadə edə bilərsiz.
metro şəhərin bir başından o biri başına qədər çox yeri əhatə edir. yay aylarında sıxlıq çox olmur. qış aylarında isə pik vaxtlar metro çox sıxlıq olur.
metro bakıda nəqliyyat üçün istifadə olunan ən praktik və sərfəli nəqliyyat vasitəsidir.
ən son açılan avtovağzal metrostansiyasıdır bu da şəhərə gələn qonaqların avtovağzaldan birbaşa şəhərə gəlməyə şərait yaradır.
76. Bugün həm də 28 oktyabr 1995-ci il Bakı metrosu yanğınının üstündən 25 il keçir.
Ulduz və Nərimanov stansiyaları arasındakı tuneldə qatar alışmış, 289 nəfər (126 qadın,28 uşaq,3 xilasedici) yanaraq ölmüş, 270 nəfər isə yaralanmışdır.
Yanğının səbəbi elektrik nasazlığını hesab olunur, ancaq sabotaj ehtimalı da var.
Qatarı tərk edənlərin çoxu sağ qalsa da, yanğın tarixin ən ölümcül qatar fəlakəti hesab olunur. Sərnişinlərdən biri olan Çingiz Babayev digər sərnişinləri xilas etdiyinə görə Azərbaycanın Milli Qəhrəmanı fəxri adına layiq görülmüşdür.
Dünya ölkələrindəki heç bir metropolitendə indiyədək bu qədər geniş miqyaslı itki ilə nəticələnən qəza olmadığına görə, Bakı metrosundakı 28 oktyabr qəzası "Ginnesin rekordlar kitabı"na düşmüşdür.
19. Metroda necə sağ qalmalı?!
Posted on 30/03/2013 by ifeelnice — 1 Comment ↓
Yəqin ki çoxlarınızın heç olmasa həftədə bir neçə dəfə metroya yolu düşür. Bəlkə də bir neçə dəfə deməklə optimistlik elədim biraz. Çünki əminəm ki mənim kimi həftənin yeddi günü metroya minənlər az deyil. Səhv eləmirəmsə Vaqif Mustafayevin “Yaramaz”ında deyilir: “Bakı Metrosuna minmək ölmək kimidir” Belədə bu sual meydana çıxır – Bəs necə edək ki sağ qalaq?
Stanislavski deyirdi ki “Teatr asılqandan başlayır”, bizim metro da girişdə duran yekəqarın və zəhimli polislərin “sehirli çubuqlar”ından. O çubuq əslində təhlükəsizlik məqsədi ilə çantaları yoxlamaq üçün ilə istifadə olunmalıdı. Lakin mən hələ də onun iş prinsipini tuta bilməmişəm. Çantamda hər çür texnoloji cihaz olanda səs eləmir amma adi dəftər-kitab olanda səs eləyir. Deyirəm də “sehirli çubuq”du. Əgər çantanızın açılmasını istəmirsizsə özünüz onu polisə uzadın. O çox həvəssiz çubuğunu uzadacaq. Və əmin olun ki çubuq sehirini itirəcək.
Girişdən keçdiniz növbə metro kartındadı. Çalışın “28 May”, “Sahil” kimi adamın sayının çox olduğu stansiyalardan minəndə kartınızda gediş olsun. Karta məbləğ yükləyərkən isə sizə mütləq 20 qəpiklər uzadılacaq. Onlardan qurtuluş yoxdur. Götürməsəz də zorla atacaqlar. Ona görə də həmin şəxslərin üzlərini yadda saxlayın ki sonra keçirdəndə çaşıb qalmayasız ki bu pulu mənə kim vermişdi.
Və növbə gəlib çıxdı qatara minməyə. Birinci vaqonun birinci və sonuncu vaqonun sonuncu qapısından uzaq durun. Ümumiyyətlə 3-cü və 4-cü vaqonlara daha çox üstünlük verin onlarda sıxlıq daha az olur. Minməmiş 4-5 nəfərlik qrupun (hamısı qızdısa xüsusilə) olduğu yerlərdən qaçın. Eyni qapıdan minəcəklər və qapının yanından tərpənmiyəcəklər. Daima istifadə elədiyiniz stansiyalarda qapıların dəqiq açıldığı yerləri bilin. Məsələn “Sahil” metrosunda “içərişəhər” istiqamətinə gedərkən 4-cü vaqonun birinci qapısı divardakı “yanğın söndürmə” yazılı qapının qarşısında açılır. “Sahil”dən söz düşmüşkən. Bu stansiyadan istifadə edərkən yolunuz uzaqdırsa “içərişəhər”ə gedib qeri qayıtmaq variantından istifadə edin. Amma bir risk də var. Əgər mindiyiniz qatar “Bakmil”ə qayıdası olsa eviniz yıxıldı.
Qatara mindiniz. Ən ehtiyatlı olmalı olduğunuz vaxt. Birincisi metronun səsini, qaqaşların şit gülüşünü, qızların qeybətini və təbii ki möhtəşəm reklamları eşitməmək üçün mütləq qulaqcıqdan istifadə edin. Bütün bunları görmək belə istəmirsinizsə kitab da oxuya bilərsiniz. Amma onu deyim ki sizə “meşəyə insan gəlib” baxışı ilə baxacaqlar. Buna baxmayaraq ətrafınızda olanlara xeyriniz dəyəcək – heç olmasa 20-25 dəqiqəlik də olsa kitab oxuyacaqlar. Vaqondakı əsəbi baxışlı və “betonqarışdıran maşın” görünüşlü xalalara 2-3 metrdən çox yaxınlaşmayın, hər an əzilə bilərsiniz. Bilirəm bəziləriniz oturanda onlara yer verməmək üçün özünü yatmış kimi göstərir. Onu deyim ki lap ölmüş də olsanız xeyri yoxdu, o baxışlar sizi yerinizdən durmağa məcbur edəcək. Birdəki metroda bəzi şeyləri “görməsəz” daha yaxşıdı, ayaqqabınızı dədəsi alıbmış kimi ayağınızı tapdalayıb üzr belə istəməyənləri, əlinizə zorla “ətağa”nın şəklini soxluşdurmaq istəyən dilənçiləri və s. Amma onu deyim ki əsasən yay vaxtı qatarı başına götürmüş “yarış atı” iyinin çarəsini mən belə tapmamışam. Tapan olubsa mənə də deyər.
Hər nəysə getdiyiniz stansiyaya çatdınız. Hələ nəfəs almağa tələsməyin çünki siz düşərkən minməyə çalışanlar imkan verməyəcək. Salın üzdülüyünüzə itəliyin hamısı keçin. Birdəki eskalatorda olarkən zəhmət deyilsə danışan xalanın dediklərinə qulaq asın, məsələn sağ tərəfdə dayanın. Və son işıq göründü. Sizi bilmirəm amma mən eskalatordan düşərkən özümü “vest-hind” adalarına çatmış Kolumb kimi hiss edirəm.
92. Bakalavrda 2-ci kursda oxuyan vaxtlarım idi, məktəbdə də bir sinif yoldaşım (qız) var idi, hansı ki, məktəb illlərində heç vaxt ünsiyyətimim olmadığı biri. 11də oxuyanda bir xiyar sinif yoldaşım oğlan sinifdə söz-söhbət çıxarmışdı ki, gua bəs o qızı sevirəm zad, məqsədidə əlbəttə ki, şit-şit məzələnib zarafat etmək idi. Məndə həmin o bakalavrda 2-ci kursda olduğum bir ara vaxtda fikirləşirdim öz-özümə ki, bəs "o qızla sevgili olsaydıq necə olardı" elə özümə görə saf bir xəyal qururdumda sonra da fikirləşirəm ki, "mal olma terra, sənlə o qızınki alınmazdı, ikiniz bir-birinizə protiv olmusuz o vaxtı". Nəysə kefimdə yox idi o aralar, bu temanı fikirləşəndən 2 gün sonra metroda qatarı gözləyirdim dərsə getmək üçün günorta smen. Bir qız arxadan yaxınlaşıb "salam" dedi və məndə arxaya çönəm ki, həmin o qız idi, məndə salam verdim, 90 saniyə qatar gələnə kimi söhbət elədik elə havadan-sudan ki, "harada oxuyursan, ixtisas nədi?" zad. Sonra bu söhbətin üzərindən birazca keçəndən sonra yolda mənə çatdı ki, qız məni yoxlamaq üçün söhbət edirmiş, bundan 11-ci sinifdə xoşum gəlirmiş ya yox, o vaxtı çünki söhbət qıza qaranlıq qalmışdı. Bunun üzərinə bilmirəm niyə mal kimi səslənsədə yolda olanda olmayan kefim açılmışdı, sonrada ki heçnə nolacaq 1 il sonra eşitdim qız evlənib.
Bunun başqa bir forması da yenə bu yaxınlarda oldu, bakalavrda əlaqəm olmayan bir oğlanla (köhnə qrup yoldaşımla) qarşılaşdım. Söhbət etdik, deyirdi ki, qrup uşaqlarıyla görüşürük arada şəkillərə baxanda səni gördük, deyirdik indi bu haralardadı neynir zad, pozitiv söhbət edirdik əslində, hansı ki, o oğlanda əlaqəm olmadığı biriydi, yenə gözləmədiyim biriylə bakı metropolitenində qarşılaşıb söhbət etmək olmayan kefimi açmışdı.
Bəzən bakı metropoliteni gözümdə kiçik bir dünya kimi olur, gözləmədiyin anda keçmişdən biriləriylə qarşılaşırsan.
2. bir növ hindistan metrosunu anımsadan bakı metrosunda insan sıxlığı ile elaqedar olaraq sernişinler arasında qohumluq elaqeleri qurulur,mehribanlaşır,can deyib can eşidir
52. oturacaqlarının sırf xanımlar üçün yaradıldığını düşündüyüm qəribə yer.50 oturacağın 48-i qadınlardır, ikisi isə dirəşən cavanlar.
hətta çox vaxt metroda oturanda özümü piss hiss edirəm.sanki birinin haqqını yeyirəmmiş hissi yaradır məndə.
30. bu yaxınlarda memar əcəmi 2 və avtovağzal stansiyaları açılacaq. bu stansiyalar artıq yeni metro xətti üstündə olacaq. memar əcəmi stansiyasından bu xəttə - memar əcəmi 2 stansiyasına keçid olacaq. bu xətt yeni texnologiya ilə tikildiyi üçün bu xəttdəki stansiyalarda 7 vaqonlu müasir qatarlar işləyəcək.
88. qeyrət-namus partiyalarının çoxluq təşkil etdiyi həmçinin 10 gün ac saxlanılan sırtlan kimi qarşı cinsi gözləriylə yeyən "erkəy"lərin çox olduğu yer.
72. Təzə stansiyalarının tikilib başa çatdırılmasındən bir xəbər-ətər olmayan , köhnə vaqonların ventilyasiya qabırğaları toz qatından təmizlənməyən , perronların kənarında insan yıxılmasın deyə, avtomatik qapılı şəffaf müdafiə divarı olmayan , naşı adamlar üçün divarlar və ya ayaqaltına ox işarələri olan stikerlər yapışdırılmamış, stansiya adları ingiliscəyə bərbad tərcümə olunmuş , relslərin arasından hərdən siçovul görünən metropoliten . Sevimli metropolitenimizdir ,amma çox əmması var.
64. Yaxın zamanda Xocahəsən deposu açılacaq olan yeraltı nəqliyyat vasitəmiz.
Qeyd edim ki, 2030-cu ilədək metro stansiyalarının sayı 76-ya çatdırılması planlaşdırılır.
16. uşaqlıqdan bəri çox marağim olduğu yer,metroya da tunele de.qoxusuna bele heyranam tunelin,relslerin,gözüm yaxshi görmese de baxaram tunelin sonuna yene,metronun hamidan qabag geldiyini men bilmek isteyerem,tunelin orta demirine ishig düsher,ishig get gete uzanar ve,metro döner geler.bunlar bele metro tunel xoshlayiram,haminin shikayetçi olduğu,kartsiz,elinde qepik kartlilardan onlari keçirmeyi xahish edenlerden danishiram #59008 entryimde.
6. əllənmədik yeriniz qalmayacaq nəqliyyat vasitəsi.qadınlar xüsusilə kədərlidi məncə bu mövzuda.yayda gələn qoxu haqqında ümumiyyətlə danışmıram,danışdıqca elə bil adamın burnuna gəlir qoxu və sən o an cəhənnəmin doğurdanda olduğuna inanmağa başlayırsan.
38. her defe bakıya yeni qonağlarım gelende narahat olurdum, eslinde utanırdım biraz, mümkün qeder istifade etmemeye çalışsan da bir yere getmek üçün en elverişli vasitedir, amma köhnedi, çox köhne..hele de o ses, düzdü menim üçün nostaljikti hetta sevirem o sesi, amma qonağın üzündeki o mimika ve etrafa teeccüble baxması..
66. şahdağ istirahət kompleksi, bakı bulvar idarəsi və digər sayısız dövlət qurumunun sırasında dövlətə vergi borcu və zərəri olan müəssisə. avropada gediş haqqı azı 1 avrodur, bakıda isə 30 qəpik deyənlərin gücündən istifadə edərək addım-addım qiymətləri qaldıracaqlar. amma anlamırlar ki, avropa şəhərlərinin metro sistemlərində keçən əsrdən qalan köhnə stansiyalar, havalandırma sistemi çalışmayan vaqonlar, çox zaman işləməyən ekskovatorlar və s. kimi çatışmazlıqlar yoxdur. verdikləri servisin əvəzində də lazım olan pulu alırlar. bakı metrosu insanlara hansı rahatlığı verir ki, hələ qiymətlərdən də şikayət edir? əvvəl tuneldə hərəkət vaxtı vaqonun qapılarını açılmağa qoymasınlar, sonra mənfəət məsələsini fikirləşərlər.
74. bu gün koroğlu metro stansiyasına iki ədəd balaca x-ray aparatı gətirən qurum. çantamı onunla yoxladılar. mənə elə gəlir yoxlanış prosesini sürətləndirə biliblər biraz. onsuz da əllə yoxlayanda yarım-yamalaq yoxluyurlar.
1. bakı şeherinde yeraltı metropoliten xetlerini birleşdiren neqliyyat sistemi.
ümumi uzunluğu 34,6 km olan iki xettden, 23 işleyen ve iki tikilen stansiyadan ibaretdir.
gediş haqqı 2 il erzinde beş qepikden 20 qepiye qaldırılan dövlet malı
(baxma: tağı ehmedov)
49. təzə "siqaret çəkmək sizin sağlamlığınıza ziyan vurur" yazılı qara fon üstündə ağ külqabı və içində tüstüsü ucalan sarı filterli siqaret ilə metrodan çıxan kimi ilk iş olaraq siqaret çəkməyi ağla gətirən yer.
(baxma: yapacağınız işi sikeyim )
69. Yayın cırhacırında tər iyinə həsrət qalan yeraltı ictimai nəqliyyat şəbəkəsi. Həmişə fikirləşirəm ki, metronu niyə yerüstü çəkib xərcdən və əziyyətdən qənaət etmirlər? Metronu şəhəriçindən çox ətraf qəsəbələr arası genişlətmək lazımdır. Bunu da çox asanlıqla yerüstü şəkildə etmək olar. Bakının elə bölgələri var ki, mərkəzə gələ bilmək üçün azı 3 avtobus dəyişməli olursan. Buna görə də nəqliyyat vasitələri inteqrasiya edilməlidir və buna metrodan başlamaq lazımdır.
1967-ci ilin noyabrında «Bakı soveti»ndən «Nərimanov»adək ilk stansiyalar istifadəyə veriləndə gediş haqqı 5 qəpik olub. Amma sovet pulu ilə. Nə az nə çox, 25 il - 1967-ci il noyabrın 7-dən 1992-ci il yanvarın 4-dək sərnişinlər metroya stansiyaların girişində quraşdırılmış aparatlara – turniketlərə 5 qəpik atmaqla keçiblər.
1992-ci ilin yanvarından martınadək gediş haqqı 15 qəpik olub və turniketlər də 15 qəpikliyə uyğunlaşdırılıb. 1992-ci il martın 1-də isə gediş haqqı 30 qəpiyə qaldırılıb. Nəticədə iyunadək metroya turniketə dalbadal iki ədəd 15 qəpiklik salmaqla düşmək mümkün olub.
Jetonların tarixi 1992-ci il iyunun 1-dən başlayır. 1993-cü ilin iyulunadək metal jetonlardan istifadə edilib. Metal jetonlar Suraxanı rayonundakı metal tozu zavodunda hazırlanıb. Bu jetonların birinin qiyməti 1992-ci il dekabrın 17-dək 1 rubl, 1993-cü ilin 26 iyuluna qədər 3 rubl, dekabrın 1-dək isə 5 rubl olub.
1993-cü ilin dekabr ayında talon sisteminə keçilib. Bir talonun, yəni metroya bir dəfə daxil olmağın qiyməti 30 rubl olub.
1994-cü ildə jeton sistemi bərpa edilib. Yanvarın 1-dən bir jetonun qiyməti Azərbaycanın milli pulu ilə 3 manat olub.
1993-cü il dekabrın 1-dən 1996-cı il iyunun 27-dək müxtəlif mərhələlərdə metrodan keçid üçün həm talondan, həm jetondan, həm də nağd puldan istifadə olunub. Bu müddətdə talon və jetonların qiyməti dəyişdikcə onların görünüşü də dəyişdirilib.
1996-cı il iyunun 27-də metal jetonlar plastik jetonlarla əvəz edilib. istifadədə olduğu müddətdə bu jetonların qiyməti sabit qalıb: 250 manat (yeni pulla 5 qəpik). Amma qiyməti dəyişməsə də, bir neçə dəfə rəngi dəyişib: 1996-1997-də göy, 1997-1998-də yaşıl, 1998-2000-də yenə göy, 2000-2002-də qırmızı olub. 2002-ci ildə yenidən göy jetonlar dövriyyəyə buraxılıb.
Jetonların rəngini tez-tez dəyişməkdə məqsəd saxta jetonların qarşısını almaq olub. Bu jetonların arasında başqa bir texniki fərq olmayıb. Ona görə yenilik tətbiq ediləndə turniketlərdə sadəcə rəng qəbuledicilərini yeni rəngə uyğunlaşdırmaq kifayət edib. Yeni jeton dövriyyəyə buraxılanda köhnələrin dəyişdirilməsi üçün sərnişinlərə bir ay vaxt verilib.
2007-ci il yanvarın 1-dən Bakıda metroya giriş yalnız plastik kart vasitəsilə mümkün olub.
75. Son zamanlarda təxribatlara açıq olduğumuz üçün bunun ən ideal yeri metrolardır. Lakin, metroya daxil olan zaman polislərin həyata keçirdiyi yoxlanışı çoox zəifdi, ancaq çantalara nəzarət edirlər. Başa düşmürəm, kamikadze bombanı çantasına atır ki? Bu yoxlanışlar daha ciddi şəkildə olmalıdır, insanlara xəbərdarlıq edilməlidir, keçib e artıq panika məsələsini, ay deməyək camaat panikaya düşər. Əksinə, bu söhbətlər oyuncaq deyil, müdafiə nazirliyi hər kəsi bu barədə uyarmalıdır. Sıx yerlərdən uzaq olun, şübhəli şəxs və ya əşya gördükdə xəbər edin və s.
)
