21. mədəni ölkə olmağımız üçün lazım olan xarakterdə və dünya görüşdə olan bir qız. bu qıza sataşanlar, xüsusən də oğlanlar əslində necə səhv etdiklərini başa düşmürlər. çünki ər çörəyi arzusuyla yaşayan, axmaq romantik mahnı sədalarında varlı kişi arzulayan tükəzban qızlardansa elina kimi qızlar daha dəyərlidir. o oğlan uşaqlar bunu yəqin ki böyüyəndə görəcəklər. görəcəklər ki elina kimi qızlar olmayanda qızlarnan dost olmaq maraqsız olur, qızlarnan online oyunlar oynamaq olmur, qızlarnan sevişmək daha çətin olur, qızlar daha axmaq olur, qızlar 20 yaşdan sonra xalaşkaya çevrilir, qızlarla müzakirə aparmaq olmur, güclüyə tabe olurlar, yemək-uşaq-bayağı romantikadan başqa heçnəyə maraqları olmur, it-pişiy sevmirlər zad.
mən düşünürəm ki mədəni ölkə olmağımızı pozğun və əxlaqsız insanlar təmin edəcəklər. onları əxlaqçı/konservant kütlə qarşısında dəstəkləməliyik.
29. Backgroundu adamı dəhşətə gətirir bu olayın. Zaman keçdikcə lap çox detal üzə çıxır. Məhkəmədə Elinanın oxuduğu məktəbin tibb bacısı Ləman Nuriyevanın dediklərindən də anlamaq olur ki açıq-aşkar cinayət işidi bu:
“Dedilər ki, Elina yıxılıb. Tez məktəbə qayıtdım. Elinanı direktorun otağında uzatmışdılar. ilkin yardım göstərdim, baxdım ki, qolunda bir iki sıyrıq var. Lakin başqa yerində açıq yara yox idi. Təzyiqini ölçdüm, aşağı idi. Otaqda dedim ki, təcili yardım çağırılmalıdır. Həmin vaxtı otaqda direktor və müavinləri vardı. Lakin bir səs çıxmadı. Yenidən təzyiqini yoxlayanda müşahidə elədim ki, təzyiq getdikcə düşür, bədəni soyuyur. Yenidən təcili yardımın gəlməsinin vacibliyini bildirdim. Bu vaxtı direktor Sevinc xanım üstümə hirsləndi, dedi ki, sən işini gördün, otaqdan çıx. Məni otaqdan çıxartdı, 15 dəqiqədən sonda polislər, ondan bir qədər sonra Xalidə Bayramova gəldi. Otağa çağırdılar. Təzyiqini ölçdüm ki, 40-a doğru azalır. Bu zaman təcili yardım çağırdılar. Əvvəldən dəfələrlə desəm də, məni otaqdan qovdular. Dedilər ki, lazım olanda biz çağıracayıq”
Bir daha məktəb direktoru Sevinc Abbasovanın burdan var-yoxun skm. Belələri necə rahat yatır gecələri axı
22. Dostoyevski deyir bu yaşlarda uşaqlar acımasız olurlar. Uşaqlar fikirlərini daha düşünülməmiş bildirirlər və qarşıdakının qürurunu demək olarki heç nəzərə almırlar və tam səmimi fikirlərini ifadə edirlər.
Şəxsən mən burda heçkimdə günah görmürəm sadəcə hadisədir və olub, belə hallar nə ilk nədə son deyil ələxsusda bizim kimi kənardan baxanda mühafizəkar görünən bir cəmiyyətdə.
Bugün o qızı belə müdafiə eliyənlərin əksəriyyəti o 3 qızı harda gördü tənqid və təhqir eliyənlərdir bu 2li standartlıqdı. intiharın səbəbi bu qızın psixoloji aləminin dərin olmasından qaynaqlanır. Təbii ki burda kənardan olunan təzyiqlərin bir qədər payı var ama hər insan da gedib özünü öldürməyə cəsarət etmir axı bunun üçün onun daxili aləminin bu işi görməyə yatqın olması gərəkdir. O bu dünyada sadəcə bu qədər yaşamağa səbri çatdı. Fərqli olan qızın lezbiyan olması deyil fərqli olan qızın fikirləşmə tərzidir və bu tərzin lezbiyanlığa heç bir aidiyyatı yoxdur. Hər halda bu iş üçün başqa qız partnyor da lazım idi bəs o hardadır o niyə intihar etmədi. Normal sevgilisi olub ayrılıb ayrıldığına görədə intihar edə bilərdi məgər beləsi az olub? Bu senarilərin siyahısını uzatmaq olar sonda belə çıxırki tam olaraq hər şey beyində bitir.
Ancaq bunu deyimki əslində beləsi həyatda yaşamağa daha çox layiqdi çünki sırtıq deyil və müəyyən bir düşüncələri və gözləntiləri var ancaq nə etmək olar ki belələri də bu mənasız oyunu oynamaq istəmir və tərəflərini bildirirlər.
7. bu birinci və sonuncu məktəb problemi deyil. bariz şəkildə görünür ki, köhnəlik yeniliyə ilk uduzduğu yerlərdən biri elə məhz məktəbdir. Gənc nəslin müasir texnologiyadan, ələxsus da telefondan düzgün istifadə etməməsi bir sıra fəsadlara gətirib çıxarır ki, məsuliyyəti həmişə dəxlisiz adamlarda axtarırıq. ilk öncə ailə insitutuna yanaşma köklü şəkildə dəyişməlidi. Valideynlər sanki çəkinirlər uşaqlarına cinsiyyət barədə danışmağa. Ana, ata nə qədər bu məsələdən yan keçsə də, uşağın əlində mobil telefon var, istədiyi şeyi internetdə tapa bilər. daha məhrəm anlayışı qalmayıb. Uşaq valideynin yanında ola bilsin tərbiyəli başı aşağı olsun, amma axşam otağına keçəndə telefondan istədiyi cür istifadə edə bilər. Nəticədə nə olur, hər hansı hadisə baş verəndə, valideynlər əlləri ağızlarında şok olmuş vəziyyətdə "biz bunu qızımızdan/oğlumuzdan gözləmirdik axı. o evdə sakit, tərbiyəli biri idi" deməkdən başqa çarələri qalmır.Digər tərəfdən, uşaq böyüdükcə bədən üzvlərini yenidən kəşf etməyə başlayır və daha hansı əlavə funksiyaları yerinə yetirə bilər deyə ona maraqlı gəlir. Hər dəfə elmi saytda araşdırma aparası deyil ki, bir dəfə də təsadüfən porno səhifəyə rast gələcək əlbəttə. təbiətimiz belədi, gördüyümüz, bəyəndiyimiz şeyləri biz də təkrar etmək istəyirik. elə onun nəticəsiydi ki, məktəbdəki cinsi əlaqə videosu yayılmışdı. Həmin uşaqlara bəraət qazandırmıram, amma adı üstündə uşaqdılar, bəzən hərəkətlərinin sonda nə ilə nəticələnəciyinin fərqinə varmırlar. 14-15 yaşlı uşaq hardan bilsin ki, cəmiyyət olaraq bakirəlik bizdə ağır mövzulardan biridir. Valideynlər övladlarına nələri qadağa qoyması, onları nədənsə məhrum etməsi çıxış yolu deyil. qadağan olunmuş meyvə şirin olar. bir yolla qadağa edəcəksən, başqa cür əldə edəcəklər. ona görə övladlarımızla fərqi yoxdur, qız və ya oğlan aranı daim açıq saxlamaq lazımdır. çəkinməsinlər, nəsə problemləri olanda, istər ailə daxili, istər cəmiyyətdə gəlib birbaşa valideynlərinə söyləyə bilsinlər. bəlkə də, elina zamanında anasına və atasına bu problemi demiş olsaydı, indi də həyatda idi.
Digər yanaşma, dövlətin nəzarəti ola bilər ki, məktəblərdə yeni metodlarlarla fərdin azadlığını məhdudlaşdırmadan bilgiləndirmə apara bilər: Mobbing nədir?; sizə qarşı hər hansı mobbing varsa, o zaman nə etməlisiniz; müəllim direktor valideyn üçlüyü məktəb mühitində necə davranmalıdır; mobil telefondan necə düzgün istifadə etmək olar; yetinlik yaşına çatmayanlarda bəzi pornoqrafik/erotik məzmunlu saytlarla giriş qadağası olsun və s.
Yaşadığım mühitdə belə bu problemlər. çox vaxt yolda məktəbli gənclərin bir birilə necə münasibətdə olduğunu görürsən, qızlı oğlanlı hamı bir biri ilə münasibətdədi aralarında homo, lezbiyən, biseksuallar da var əlbəttə ki. Yuxarıda vurğuladığım kimi, gənc nəsil özünü cəmiyyətdə doğrultmağa daha meyillidi. yolda iki lezbiyənin sevişməsi, iki homoseksualın əl-ələ tutmasını çox görmək olar. Dövlət qarışa bilmir, fərdin azadlığına görə, ailə qarışa bilmir, uşaq polisə şikayət edəcək, cəmiyyət heç qarışmır, çünki demokratiyanın dibinə vurublar. Son olaraq da hər kəs özünü azad fərd kimi formalaşdıra bilir. "Mən buyam, qəbul etsən də, etməsən də". Bizdə isə tam tərsinə, ailə qarışır ancaq qadağa qoymaq mexanizmi ilə, ya da başın buraxır necə olar, olar deyə. Cəmiyyət qarışır, çünki bizdən biri deyil, fərqli geyinir, fərqli düşünür, fərqli hərəkət edir deyə. Bizim cəmiyyət üçün ağ və qara var, monoton bir həyat. Dövlət də cəza mexanizmini işə salaraq, kimlərisə işdən çıxardaraq cəzalandırır. Nəticə nə olur. Heçnə itirən də biz, pis olanda biz.
5. Mənə sinif yoldaşımı xatırladan qız. Yelenanın anasının dediyinə görə təkcə lezbi yox, "quş" kimi başqa sözlərlə də alçaldılırmış, hətta döyülürmüş. Şüursuzca lağa qoyulan sinif yoldaşım var, hətta yolda 2-3 dəfə başqa sinif qızları tərəfindən də döyülüb.amma qız bir dəfə də olsun səsini çıxara bilmir heç nəyə. insan olaraq da yalan, ikiüzlülük kimi xüsusiyyətini görməmişəm heç. Sözümün canı odur ki, yelena (elina) kimi qızlar çoxdur azərbaycanda. Onlar intihar etsələr vicdanımız rahatlayacaq görəsən?! Bir ərgən qız "quş" profilində olmağı heç vaxt özü seçmir. Ailədən görülməyən diqqət və qayğının həsrətini başqalarında axtarmaq naminə çoxlu insanlarla yazışan qızlara məktəbdə bu ləqəbi qoyuruq. Kaş şüursuzca insanları alçaldanda altındaki səbəbləri də görüb o insanlardan əl çəksəydik.
13. millətin bəzi qisimlərini ayağa qaldırmağa nail olmuş qız. qaqa yığını da tökülüşüb orda burda yazır ki, qıza sataşan peysərləri cəzalandırmaq lazımdır ay nə bilim döymək lazımdır. elə bil dünənə qədər orda burda bütün qeyləri yandıraq yazan xiyarlar bunlar deyildi. hər bir hadisəyə olduğu kimi buna da sürü yığını kimi tökülüşüb cavab veririk.
bullinqdən danışırıq. götürüb sinif yoldaşlarının filan şəkillərini facebookda filan paylaşıb qara camaata söydürürlər. bir bullinqə başqa cür bullinqlə cavab veririk yəni.
bullinqdən çox belə hadisələrin səbəbi homoseksuallara, azlıqlara, fərqli fikirdə olan və fərqli həyat tərzi olan insanlara qarşı cəmiyyətdə olan qeyri-tolerantlıq və nəsildən-nəsilə ötürülən bu nifrət anlayışıdır. sosial mediadaki aktiv, "proqressiv" kəsim bizim millətin üzünə konkret deyə bilmir ki, homoseksuallara qarşı olan bu ayrı-seçkiliyi və nifrəti dayandırmaq lazımdır, ona görə ingilis dilindən təzə bir söz götürüb eybəcər formada azərbaycan dilinə tərcümə edib guya indi məsələni öz aləmlərində həll etməyə çalışırlar.
30. oxuduğu məktəbdə 2018-ci ildə kiminsə təcavüzə uğradığı ilə bağlı xəbər dərc olunmuşdu. xəbərdə qeyd edilirdi ki, 162 saylı orta məktəbin 14 yaşlı şagirdinə məktəb direktorunun yaxın adamı tərəfindən təcavüz olunub və direktor hadisəni ört-basdır etmək üçün hər yola əl atır. həmin qızın elina olması ehtimalı var.
hər şeydən əvvəl elina uşaq olub. lakin uşaq olduğu üçün məyus olmurlar. şərh edənlərin bir qrupu netflix seriallarından öyrəndiyi lgbt şablonlarını yazır, başqa qrup ölümü pisləyir, lakin o bullinqi edən mühafizəkar dəstədən heç nəyi ilə fərqlənmir. bir başqa qrup da "rusdilli insanlara təzyiq var" deyə-deyə qalıb.
o qədər qudurğan olublar ki, hətta 15 yaşlı uşağın ölümünü də şəxsi ambisiyaları üçün istifadə edirlər. indi bir anlıq təsəvvür edək ki, elina nə lgbt-li olub, nə "quş", nə də rusdilli. onda nəyi əsas gətirəcəkləri çox maraqlıdır.
26. Elinanın oxuduğu qancığ, varyoxsuz, klassik boş pafoslu danışan ifritə peysər Xalidə Bayramova azad olub. Pulla, adamla bağladıblar məsələni 100 %. Ən çox da içim nəyə yanır bilirsiz? Məhkəmənin qarşısında o qədər vaxt gözlədik, gözlədik dedik ədalətli qərar çıxar. Yox çıxmadı. Həmin gün özünə ictimai fəal deyən, öz profil şəkillərini Elina ilə dəyişdirənlərin 90 faizi orda deyildi. Səmimiyyətivizə soxum elə. Bu hadisə Türkiyədə olsa çoxdan həmin qadın sikdirmişdi. Çünki fəallıq var, xalq belə şeyləə çox həssas yanaşır. Bəs bizdə? Danışmağa ehtiyac yoxdu
Həqiqətən qanı göz görə-görə yerdə qaldı. ilk dəfədir ki, belə emosional əsəbi entry yazıram. Bilmirəm artıq nə edim bu xarabada. Boğulmuşam
18. Ayrıldığı sevgilisinin ardınca "qaqan bilirsən nələr edib" təfəkkürü ilə dominant bir kütlənin ölən qızın dalıyca da "əxlaqsız" deməyi qədər normal heçnə yoxdur. Hə, yoxdur. Niyə? Çünki bizim cəmiyyətdə qadın seçən yox, seçiləndir. Niyə? Çünki oğlan gəzəndə dəcəl, qız gəzəndə fahişə olur. Oğlan siqaret çəkəndə pis vərdiş, qız çəkəndə fahişə olur. Oğlanın sevgilisi olanda don juan, qız isə gəzəyən olur. Nə olur olsun, günahkar qadındır! Qıza əl atan oğlana yox, ona icazə verən qıza ayıb olsun. Yaxşı qız Bruce Lee olar brat, cəld reflekslə dəf edər. Bundan normal heçnə yoxdur, hə, yoxdur."(c)
31. Bu qızın intiharını o qədər yaxşı başa düşürəm ki. Çünki demək olar ki eyni şeyləri yaşamışıq. Sırf digərlərindən fərqlisən deyə alçaldılmaq səsini eşitdirə bilməmək çığıra bilməmək fəryad edə bilməmək. Qəhbə müəllimlərin sənin şikayətinə baxmaması. Və dünyanın izlədiyin filmlərdəki kimi al əlvan deyil ədalətsizliklərlə dolu ağ qara bir yer olduğunu anlayırsan. Özüm də neçə dəfələrlə ölmək istədim. Allaha yalvarıb dedim ki "əgər intihara görə yandıracaqsansa yandır amma məni incidənləri məndə daha çox yandır." Amma hər dəfəsində ağır gəlirdi. Bacara bilmirdim. Qorxurdum. Amma elina qorxmadı getdi bu pox kimi dünyadan. Ümid edirəm cənnət var və cənnətdə artıq onu incidən kimsə olmaz.
3. bu ölkədə bu cür insanlar intiharın acizlik yox qərarlılıq və qorxmazlıq nümunəsi olduğundan xəbər verir . Edə biləcəyi heç bir şeyin olmadığını dərk edib ya soxmalısan içinə ya da nöqtəni qoymalısan.
33. bir neçə dəqiqə öncə birdən ağlıma düşmüş , oxuduğu məktəb direktorunun səhlənkarlığı ucbatından ölmüş yeniyetmə. Ən çox həmin müdürə yadıma düşmüşdür. Adam ev dustağı oldu ondan sonra coronavirus üçün lockdown tətbiq edildi, evdən çölə çıxanmadıq. sonra da komendant saatı tətbiq edildi 9-dan sonra çölə çıxanmırıq. Bir anlıq bu qərarları bu müdürə verir deyə qorxuya düşürəm.
14. orta məktəblilər üçün lgbt dəstək cəmiyyətinin qurulmasının şərt olduğunu göstərən hadisənin qurbanı, çirkli insanlar arasında yaşaya bilməyib intihar edən təmiz ruh.
heç olmasa online cəmiyyət qurulmalıdır ki yadlaşma hissi yaşayan məktəblilər psixoloji olaraq özlərini hansısa bir bütünün parçası hiss edə bilsilər və tək olmadıqlarını görüb özlərinə həyatda bir yer seçə bilsinlər.
biz burdayıq.
#gəltapbizi
34.#308382 Bəlkə də bu qərarları müdirə vermirdi.bəlkə də elinanın intiharında biz də ən az müdirə qədər günahkar idik, Cəmiyyət günahkar idi..bəlkə də bu gün bunun cəzasını çəkirik..
36. Günümüzdə online dərs sisteminin olması ən çox mobingə məruz qalan şagirdlərə sərf edir. Əgər bir məktəbli məktəbi sırf orada olan sosyal çevrəyə görə istəmirsə bilin ki, o uşaq mobingə məruz qalır.
Bütün uşaqlar mobinglə mübarizəni eynicür aparmır, hər yerdə hər yaşda məruz qaldığımız mobinglər ya bizi daha güclü edir yada elina kimi intiharı seçməyə məcbur qoyur. Elinanın ölümündə direktor və tspx-la bərabər onun sosyal çevrəsinində böyük payı var.
2013ildən məktəbi bitirənə qədər məruz qaldığım mobing , mənidə bəlkə ölümdə qurtulum düşüncələrinə sürükləmişdi. Kritik yaş dönəmlərindən keçdiyimiz bəs deyilmiş kimi, birdə zibil insanlar üzündən bu vəziyyət daha da gərginləşirdi. 1ci sinifdən 7ci sinifə qədər yaxın dostum hətta ailəmdən biri kimi gördüyüm padruşqamın etdiyi xəyanət, və öz yediyi haltları üstümə ataraq hərkəs tərəfindən özəlliklə gülməçicək sinifyoldaşlarım tərəfindən hor görülməmə səbəb olmuşdu. Heç bir zaman bağışlayamayacağım o qız, mənim uşaqlığımı yeniyetməliyimi əlimdən almışdı. Əminəm ki, elinanında başına gəıən hadisənin qaynağında çox güvəndiyi zibil birisi dururdu. 3cü kurs psixologiyada oxusamda, baş verən hadisələrin səbəbini təməlini bilsəmdə özümə qarşı 1 qram xeyrim dəymir. Çünki problemi tək başımıza çözə biləcək bir varlıq deyilik təəssüfki. Əlavə olaraq isə oktyabr noyabr ayları zamanı baş verən bu mobing məsələləri üzündən illər keçsədə hələdə bu aylarda məktəblə bağlı yuxular görüb daha da emosional olaraq gərginləşirəm.
Ən çox özümə bu sualı verirəm, axı mən ona heçnə etməmişdim, təmənnasız dəyər verirdim ,dostum idi o qız, niyə mənə qarşı bu qədər qəddar oldu? Niyə sinif yoldaşlarım gözlərini yumdular həqiqətə?..
13 yaşım tamam olan gün dünyam alt üst olmuşdu, və o gün həqiqətən kaş ölsəm deyirdim. indi isə o 13 yaşımdakı mən ilə qürur duyuram,bilirsiz niyə? Çünki ölməyi deyil, mübarizə aparmağı seçmişdi. təsəvvür edin sinifin sakit qızı hamı tərəfindən əzilən qızı bie gün sinifə gəlir və öz gücünü göstərir. O qızdan qisasımı məktəbdə onu rəzil rüsvay edərək aldığımı düşünürdüm amma hələdə ona az etdiyimi kaş biraz daha qəddar olardım dediyim olur.
Sonra isə uni həyatı başladığında ilk semestr dönəmində sakit olmağımı fürsətə çevirib məni pis kimi təqdim etməyə çalışan yenə oldu. Onada heçnə etməmişdim, ümuniyyətlə həyatdakı amalımda kiməsə zərər vermək deyil, yaxşılıq etməkdi. Amma Allahda onun cəzasını ən pis vəziyyətində məni yanına göndərərk vermişdi. Qız indidə vicdan əzabı çəkie, indidə mənə hər zaman üzr istəyirəm haqqına girirdim deyir, bilirsiz niyə, çünki şeytan kimi qələmə verdiyi qız ,migren olanda onun yanında olub sağalması üçün əlindən gələni edirdi. O qızada məktəbdəki kimi qisas ala bilərdim amma mənim yerimə həyat elə etdiki ən ağır yükə məruz qaldı. Və bugündə yaratdığım sosyal fəaliyyət qurumunda insan resurslarına gətirdim onu. Burada məqsədim ona vicdan əzabını daha da vermək deyil, onun qədər heçkim pis insan deyili aşılamaqdı.
Elina kimi mobingə məruz qalıb amma bugün dimdik ayaqda durub haqqımı sökə sökə alıb , dəfələrlə yıxılıb kül olub sonra küllərindən yenidən qalxan birisi kimi deyirəm. Mobing zamanı verilən 2 seçim içərisində mübarizə aparmağı seçin, ölüm çıxış yolu deyil..
Məkanın cənnət olsun Elina..
4. elinanın intiharında bütünlükdə çevrənin günahı var. ailələr övladlarını düzgün tərbiyələndirə bilmirlər. bir insan homoseksual ola bilər, bundan niyə bu qədər nifrət edilir?
Deyilinə görə, sinif yoldaşları ona "lezbi, lezbi" deyə ələ saldıqları və nifrət hissi ifadə etdikləri üçün elina özünü məktəbin 3-cü mərtəbəsindən atıb. bəs indi onun "sinif yoldaşları"nın vicdanı ağrımayacaq? heç mi yadlarına düşəndə kədərlənməyəcəklər?
10. Bu yaxınlarda 10 milyon olduq. 10 milyon Azerbaycanlı! Ne gözel ateş-feşanlıqla qeyd ettik. Amma neyi? Çox olmağımızı?
Individ kelimesi latıncadan gelir. "In dividuum", yani "bölünmeyen". Ferd olaraq her birimiz tekraredilmez, unikalıq. Çoxumuz, bu keyfiyyetini tedrisin, sistemin, mentalitetin bir parçası olmaq üçün itiririk, veya unuduruq. Olabiler. Çetindir. Ama nifret doğuran qisim bu deyil. Ferdiliyini itirmemiş, ferqli olan insanların toplum terefinden ayıplanması, xariclenmesi, tehqir edilmesidir!
Bu yaxınlarda Elina Hacıyevanı itirdik. Bir toplum, bir kültür, bir mentalitet olaraq onu ölüme sürükledik. Tedris almalı olduğu yerde ona intihar ettirdik.
Eger gece gözlerivizi rahat bağlayıb, "onsuzda onun ailesi pis idi" ve saire kimi absurd, felsefi ve vicdani mesuliyetten uzaq şerhlerle yuxuya gedebilirsizse, biz 10 milyon olmamışıq. Reqem olaraq artmışıq belke, ama individ olaraq yox.
Başımız sağolsun.
17. Ölümündən sonra məktəblərdəki özbaşınalıqlar üçün prezident qeyri rəsmi sərəncam verib ki, 3-4cü mərtəbələrdəki pəncərələri bağlayın. Bizim məktəbdə də mıxladılar bərk bərk pəncərələri, guya tədbir görürlər. Məktəbdə kondisoner kimi lüks imkanlar yoxdu, yayda nə edəcəyik görəsən? Üfunət iyindən tərpənmək olmur koridorlarda bəzən, tualetimiz tamamilə xarabdır, oğlanlar üçün tualet isə ümumiyyətlə yoxdur.
Nəysə, sözüm onda yox. Gərək faciə baş versin ki, tədbir görülsün, özbaşınalıqlar üçün ayılsınlar? Budu tədbirləri? Pəncərələri mıxlamaq?
24. məndə sözlüyün daha yaxşı dil işlədilən bizim mentalitet *
favori səhifəm
səhifəsi olduğu hissi yaradan başlıq. başlıqdakı ən bəyənilən 3 entry belədir (atv maqazində) :
nömrə 3 : #285327
içindəki azərbaycanlı baxış bucağını aforizm/fəlsəfə/"güç içinde, içinde" temaları oxumaqla öldürə bilməyən, light yagami etikalı yazar qızın "sırtıq"ların (kimdisə bu sırtıqlar artıq) əksinə yaşamağa layiq olduğunu qəbul edir.
nömrə 2 : #285305
burda isə "ağ qarğa" olduğundan lezbiyan adlandırılan elina-nın ikinci isa şahmarlı edilməsi səhvi təkrarlanır. və eyni cümlədə islamın və lgbt-nin yanlış anlaşılma nəticəsində yaranmış mənfi imici düzəldilir
nömrə 1 : #285209
bir qrupa olan nifrətini özünü "rəqibə" yamamaqla həyata keçirən rus özəntisi, bakı kəndçisi yenə sağ olsun "onlayn oyunlar oynayan qızlar" ifadəsiylə məni günahkar edib. hətta nikaltımda homofobik olmaqla günahlandırırdı, lezbiyan olmadığı anlaşılanda hayasızlığına qaldığı yerdən davam edib. mədəni ölkə olmaq üçün ikiüzlü, incel fikirlərinə çox ehtiyacımız var
oxuduğunuz üçün təşəkkürlər. beldən aşağı zarafatlar üçün entrylərimi əjdahalayıb, profilimi izləməyə almayı unutmayın
11. Ailəsinə rəhmət özünə nur içində yat dediyim kiçik qız. kaş intihar etməzdin kaş birilərindən yardım istiyərdin ailən yaxınlarından olmasa belə. intihar çıxış yolu deyildi.
19. yaşadığı şeylərin qarşılığında elə yaxşı ki də ölüb, bu mundar cəmiyyətdən qurtulub dediyim insan. bir özü bilir ki, bu dövrlər necə çətin keçib. yəqin ki, yenə yalnız özü bilir kimsə onu döyəndə nəfəs almağı çətinləşdiyi vaxt hər şeyin düzələcəyinə ümid etmək çarəsizliyini. xalası qızı deyir ki, bir gün yuxarı siniflərdən bir oğlan buna toxunub hamının gözü qabağında, paraleldə oxuyanlar bunu görüb gülməyə başlayıbmış. elina isə yerə oturub saçlarını yolub qışqırıb ağlamağa başlayıb. bu qədər çox adamın içində olub sözünü kiməsə başa sala bilməmək nə böyük dərddi ala, o qız hələ gör nə qədər şeyə dözüb.
vicdanı qurumuş insanlar üzündən qız öləndə belə rahat ölməyinə qoymadılar. videolarda görünür də, qıza suallar verirlər, qız isə əlini yuxarıya tutub əllərinə baxır, ya şokdadı, ya başa düşmür, ya nəbilim e. yəni bu qız yaşadığı çətinliklərlə yanaşı, öləndə də çətinliklə öldü. bu nə insanlıqdı, necə direktorluqdu, necə vicdandı bu.
9. Ürəyim daş olub, artıq bu cür xəbərlərə təəccüblənmirəm, təəsüf ki. Çox incə dövründə onu sındırdılar, o da getdi. Əksər homoseksuaları dindirsən, hərəsinin öz intihar etmək istəmə hekayəsi var, içi özüm qarışıq. Homoseksuallığınla barışmaq müddəti biraz uzun çəkən və təhlükəli dövrdür, o dövr ki, həmin zavallı qızcığaz yaşayırdı, lakin ayaqda durmağı bacarmadı. Bilmirəm,kim günahkardır, itələyiblər qızı, ya özü atılıb, fakt olan cəmiyyətimizin rəngli insan qatili olması ortadadır və bunu bilə-bilə hələ də ayaqda durmağı bacaranlara sadəcə əhsən.
16. Netflix-in 13 reasons why (ölümə aparan 13 səbəb) serialını xatırladan qız. serialda qızın başına daha ağır hadisələr gəlmişdi düzdü, ancaq yenə də çox axmaq görünürdü. Amma real həyatda belə bir hadisəni görəndən sonra dəhşətə gəldim. Təəssüf ki Elinanı təkcə bullinq öldürmədi. o intihar etsə də onu xilas edib yaşadıb psixoloji yardım göstərərək həyata qaytarmaq olardı. Ancaq intihardan sonra qıza edilənlər daha dəhşətlidir. təsəvvür edin qız özünü 3-cü mərtəbədən atıb ancaq ona ilk 2 saat heç bir tibbi yardım olunmayıb. xəstəxanadakı videolar göstərir ki orda baş verənlər tamam ayrı bir cinayətdir. amma inanmıram ki bu hadisədə əli olan hamı cəzalanacaq. uzağı 2-3 kasıbın üstünə atacaqlar vəssalam.
20. Elinanın intiharına üzülən insanın mentalitetçi olması da bir ayrı paradoksdur açığı. Hələ "bu cavanlar da gedir Avropalıların pis şeylərini götürür ancaq" cümləsi də eşitdiyim ən axmaq cümlələrdən biridi. Bu qədər bayağılığa dəstək olan və mühafizəkar, bir birini aşağılamağı, söyməyi, qıcıqlandırmağı sevən kütlənin içərisində hansı biri Avropanın kültürüylə maraqlandı, oraya getdi, onların düşüncələrinə yiyələndi? Bu haqda yazılar yazan, TV-lərdə bağıran insanların səmimiyyətinə heç cür inananmıram. Bu olayın üstündən 2-3 ay keçəndən sonra yenə həminki adamlar qatı homofob olacaq, yenə insanların həyatlarına, evlərinin içərisinə kimi burunlarını soxmağa, qeybətlərini eləməyə, özləri kimi olmayanları cəmiyyətdən çıxdaş eləməyə davam edəcək.
35. Hemise dusunduyum hadise, niye bele oldu, ne tekan verdi buna , kim idi gunahkar burda bizler mi? dovlet mi? direktor mu? . Belkede heyatin ozu gunahkar idi bu qeder edaletsiz oldugu ucun.
28. Biz sahib çıxmadıq.sağ olduğunda da, öldüyündə də.ama unutmuyaq bu hadisələrin yaşandığı bir ölkədə heç kim təhlükəsizlikdə deyil.çünkü biz tez unuduruq.ancaq öz başımıza gələndə vay şüvən qopardırıq.onda da yanımızda heç kim olmuyacaq.çünki bu gün sən də heç kimin yanında deyilsən.
23. Mənə maraqlı olan çox şey var amma tək bir sual vermək istəyirəm. Görəsən Elinanin intiharı kiməsə bir şey başa sala bildimi? Məncə bu heç kəsə heç nə anlatmayib. Mən bu xəbəri görəndən sonra məktəbə gedib uşaqlara videonu göstərdim və onlar zarafatlar eləməyə başladılar. Kaş ki təhsil sistemimizin başında olanlar məktəbdəki "qatil olma potensialına sahib şagirdlərdən" bizi qoruya bilsə. Eminemki, o qızın ölümünə hansısa konkret bir şey səbəb olmayıb. Onun ölümünə hamının ona sadəcə uzaqdan baxıb gülməyi yada ki, ona yaxınlaşıb qaldırmağa çalışanların olmaması səbəb olub.
dərc olunmuşdu. xəbərdə qeyd edilirdi ki, 162 saylı orta məktəbin 14 yaşlı şagirdinə məktəb direktorunun yaxın adamı tərəfindən təcavüz olunub və direktor hadisəni ört-basdır etmək üçün hər yola əl atır. həmin qızın elina olması ehtimalı var.
)