195. bir kağızı 50 dəfə qatladıqda qalınlığının yerdən günəşə qədər olan məsafəni, 100 dəfə qatladıqda isə bir neçə milyard işıq ilini ötməsi. aqressiv girişdən sonra nə sərsəmlədiyimi izah edim. bu qüvvət funksiyasının nələrə qadir olduğunu göstərir. bir kağızı ikiyə qatladıqda, onun qalınlığı iki dəfə artmış olur. ikinci dəfə qatladıqda isə, qalınlığı 2 dəfə artır, 4 kağız qalınlığı olur. növbəti dəfə qatladıqda 8 kağız qalınlığı olur. 2^1=2, 2^2=4, 2^3=8 ... və s. yəni kağızı n dəfə qatlayırsınızsa onun qalınlığı 2^n dəfə artmış olur. elə möcüzə də məhz bu qüvvət funksiyasındadır. qalınlığı təxminən 0,1 mm kimi qəbul edəcəyimiz kağızda ilk 4-5 qatlayışda bir şey hiss etmirsiniz. amma 5-ci qatlayışda yarım cm olan kağız, bir növbəti qatlayışda bir cm olur. bir növbətidə 2 cm. yəni 0,1 mm olan kağızın qalınlığı 200 dəfə artır. düzdür, əslində sadəcə 2^7=128 dəfə artıb, amma arada boşluqların sayəsində 200 dəfəyə kimi artmış görünür. indi a4 vərəqi ilə, nə əziyyət çəksəniz də, 7-dən o tərəfə keçməyəcəksiniz, bəlkə 8 amma çox yox. daha çox qatlamaq üçün daha böyük kağıza ehtiyacınız var, yoxsa bir a4 kağızı ilə təbii ki, yerlə günəş arasında körpü qura bilməzsiniz. nəysə, hesab edək ki, kifayət qədər böyük kağızımız var və qatlanması bizim üçün bir problem deyil. onda 10 dəfə qatlasaq artıq 2^10=1024 alırıq ki, bu də 0,1mm-lik kağızda 10cm deməkdir. 15 dəfə qatlamaq artıq 3 m deməkdir. 20 dəfə qatlamaq 104 m. 30 dəfə qatlamaq 107 km. nəhayət 50 dəfə qatlasaq kağızın qalınlığını 10^15 dəfə artırmış oluruq ki, bu da 0,1mm kağızda 100 milyon km deməkdir. 100 qatlayışda bu 10^30 dəfə artmış qalınlıq deməkdir. 10 milyard işıq ilinə bərabərdir. yalnız müşahidə edə bildiyimiz kainat bu ölçüdədir. bəlkə də heçkimə qeyri adi gəlməyəcək. amma hesablama eləmədən 100 dəfə kağız qatlamaq mənə adi gələrdi. nə də olsa 5-6 dəfəsi üçün bir dəqiqədən az vaxt sərf edirik. indi isə yox.
çox bekaram deyəsən.
514. elmi fakt ya bənzəri deyil, ama keçən ay məni ən çox təəccübləndirən bir tanışım haqqında eşitdiyim bu detalı harasa yazmaq istəyirdim çoxdandı:
əvvəllər çox getdiyim, dostlarla görüşdüyümüz draft barda rodrigo deyə bir braziliyalıyla tanışmışdım. hamı onu o da hamını tanıyırdı, istiqanlı deyib gülən. çox tanışı yaxından tanısaq da onun haqqında az məlumatımız var idi. hər dəfə masaya gəlib qısa söhbətdən sonra gedirdi. fikir verirdim, hamının masasına gedib çox az otururdu sonra gülərək zarafatlar edib ayrılırdı. bardakı ən çox gülən adam idi bəlkə də. nəsə bir qəribəlik hiss edirdim, ama ingilis dilinin zəifliyinə verirdim onu da.
bir gün mit-də (Massachusetts Institute of Technology) fizika doktoranturası oxuduğunu dedi, təəccüblənmişdim babat. hətta başqa ölkələrə gedib konfranslar verir falan dedi. sonradan barın qapısında işləməyə başladığını görəndə ümumiyyətlə təəccübləndim ki, saatı on dollara niyə qapıda durur mit doktora tələbəsi. bu da az deyilmiş kimi, bir gün yenə bilyard oynayanda söz düşdü və bu yaxında təkrar yenə kosmosa uçacağını dedi. səhv eşitmədiyimdən əmin olmaq üçün təkrar soruşanda qeydiyatda olan astronavt olduğunu və daha əvvəl də kosmosa uçmuş olduğunu dedi. inanım inanmayım bilmədim. uyuşmayan nələr isə var idi. illərlə biz həmin kiçik bara getməyi dayandırsaq da o həmişə ordaydı, hətta işləməyə də başlamışdı mühafizəçi kimi. sonra telefonunu çıxarıb şəkillərini göstərdi hamımıza, astronavt təlimləri, nasa konfransları, peykdən çəkdiyi şəkillər. yarımız inandı yarımız təəccübləndi. həmişə xarakterində nəsə çatışmamazlıq ya sanki zəka zəifliyi hiss etdiyim üçün mənə qaranlıq qalmışdı yenə də. sonradan əlaqəmiz kəsildi ayda bir mən barın qarşısından maşınla keçəndə görürdüm qapıda dayanıb, siqnal verirdim o da yüksək səslə salam verirdi həmişəki qəribəliklə. həmişə çox yüksəsk səslə danışırdı, mən də bədəninin nisbətən iri olmasına verirdim ya da yenə də qəribə gəlirdi.
təxminən bir ay əvvəl, başqa bir dostla söhbət edərkən, belə bir dialoqumuz oldu:
- eva-nı gördüm bugün, danışdıq falan.
- hə, nə yaxşı.
- aha. draft'a gediblərmiş o gün - biraz sakitlikdən sonra - ay da, doğurdan, bilirsən nə dedi? rodrigo orda imiş, onu görüblər falan. rodrigonun qulaqları əslində eşitmirmiş.
- necə yəni?!
- bildiyin eşitmir. dan ilə eva nəsə danışırlarmış oyun izləyərkən, dan başını çevirəndə rodrigo deyib "üzünü mənə tutub danışsan sevinərəm, qulaqlarım eşitmir dodaq oxuyuram adətən." .
kosmosda təzyiqdənmi olub ya nədənsə dedilər, təlimlər bəlkə, barda da sonradan ona görə işləyirmiş insanların dodaqlarını oxumağı öyrənsin deyə.
well, damn.
əslində hər şey çox məntiqli səsləndi bunu eşidəndə. rodrigonun xarakterində hiss edilən natamamlıq, sanki zəif zəkalı görünməsi, niyə hər dəfə yüksək səslə danışması (çünki özünü eşitmir), söhbətlərini həmişə qısa tutması (small talk), niyə barda işləməyə başlaması. çox qəribə emosional hiss və hörmət yarandı bunları fikirləşdikdən sonra. o vaxtdan hələ də görməmişəm, görsəm özü ilə bu barədə söhbət açmaram yəqin. çünki insanlardan gizlədirdisə öz qərarıdır. ama bunu belə ustalıqla gizlədə bilməsi, işinə yenə qərarlılıqla və yüksək əhval ilə davam edə bilməsi son vaxtlar tanışlarım barədə eşitdiyim ən təəccübləndirici məlumatlardan biri idi.
123.genetika mühəndisliyi sayəsində nəsli min illərlə bundan əvvəl kəsilmiş heyvanların yenidən klonlana bilmə ehtimalının mümkünlüyü.
düşünün ala, uçan gijdıllağlar zad, əntiqə olar sən öl.
310. yəqin səmada süzən təyyarələrin arxası ilə ağ tüstü buraxdığına şahid olmusuz. bu əslində tüstü deyil. belə ki, təyyarə uçarkən qarşı tərəfdən hava daxil olur və xaric olunur. hava daxil olaraq içəridə su buxarı ilə birlikdə xaric olunur. 8-10km yüksəklikdə havanın şaxta olduğunu nəzərə alsaq başa düşərik ki, su buxarında olan damcılar su kristallarına (buza) çevrilir. və nəticə olaraq ağ rəngdə iz salır səmada
430. diş pastası, krem və bu kimi sıxmalı qutuların arxa üst hissəsindəki zolaqlar məhsulun tərkibi haqqında məlumat verirmiş.
qara zolaqdırsa - məhsul sırf kimyəvidir.
Qırmızı zolaqdırsa - təbii və kimyəvi qarışıqdır.
Mavi zolaqdırsa - məhsul təbii və dərman qarışığıdır.
Yaşıl zolaqdırsa - məhsul sırf təbiidir.
427. işci qarışqalar əslində xidmət etdikləri qarışqa kolonyalarının əsirləri imiş. Müəyyən zaman aralığında qarışqalar öz aralarında müharibə elan edirlər.Məğlub olan qarışqaların yumurtaları əsir götürülür və gələcəkdə işci qarışqa kimi fəaliyyət göstərmələri üçün yuvalarına daşıyırlar.
232. qaradərili insanların göbək dəliyi daha yuxarıda olduğu üçün çox yaxşı qaçırlar. ağ dərili insanların isə göbək dəlikləri qaradərili insanların göbək dəliyinə görə daha aşağıda olduğu üçün çox yaxşı üzə bilirlər.ən yaxşı qaçanlar qaradərililərdən, ən yaxşı üzgüçülər isə ağ dərililərdən çıxar.
267. money sözünün mammondan gəlməsi. not: mammon yeddi ölümcül günahdan biri olan acgözlüyü təmsil edən şeytanın oğullarından biridir.ayrıca arami dilində de pul mənasına gəlir.incil'de de pis,sher olaraq da qebul edilir.təkcə money sözü yox fransızca monnaie,ispanca moneta da o sözdən əmələ gəlib.manat sözünün də o kökdən gəlmə ehtimalı böyükdür.
557. (bax: and içmək)
keçmiş zamanlarda orta asiya-da türk və monqol tayfaları , bir-biri ilə anlaşarkən, qımız dolu bir tasın içərisinə hər iki tərəf barmağını kəsib öz qanlarından 1-2 damla töküb içərmişlər. bu hərəkət 2 tərəf arasında müqavilə "imzalamaq" mənasına gələrmiş. hətta "and" sözü monqolcadan götürülüb, mənası qımız deməkdir.
hətta(2) indiki türkiyə türkçəsində "antlaşma" sözü müqavilə sözünün ekvivalentidir.
and içmək deyərkən ulu babalarımız sözün əsl mənasında "and"-ı götürüb içirmişlər -*
293. emel sayının oxuduğu mavi boncuk mahnısını elekber tağıyevin yazması.
azerbaycancası sene qurban olan mahnını o vaxtlar türkler qastrol seferine gelende icazesini alıb türkçeye çeviribler ve adıni mavi boncuk qoyublar. bu arada ermeniler de bu mahnını oğurlayıb garoon garoon adı altında oxuyublar.
473. Yarasaların bir-birinə borc qan verməsi.
O gecə qurban tapıb kifayət qədər qan içmiş yarasalar Özünə ov tapa bilməmiş mağara yoldaşlarına içdiyi qanın bir hissəsini qusaraq borc verir. Ancaq insandan fərqli olaraq bu vampirlər heç vaxt "mən bu gün sənə 200 ml qan verirəm, sabah mənə 250 ml qaytaracaqsan" deyə verdiyi kreditin faizin almır.
522. 1860-cı illərdə isteriyanı müalicə etmək üçün klitoridektomiya *
klitorun kəsilərək kənarlaşdırılması
aparılırmış. hysteria o vaxtlar sadəcə qadınların xəstəliyi olaraq bilindiyindən *
adı da ordan gəlir - hystera - uterus
qadınlar üzərində əsasən cinsi orqanlara qarşı yönəlmiş ağlasığmaz müalicə formaları var idi.
99. əslində heç kimin sizi çağırmadığında sanki sizin adınızla sizə səslənənin birisinin olduğunu düşünmək beyninizin düzgün çalışdığının göstərgəsidir.
137. -------
20-ci əsrin əvvəllərində bir şotland fermeri evinə qayıdırdı. bataqlığın yanından keçərkən fəryad səslərini eşitdi. o, səsə qaçdı və yarğanın içindən çıxmaq istəyən oğlan gördü. fermer tez yekə ağac budağını götürüb batan uşağa uzatdı. uşaq yarğandan çıxdıqdan sonra hələ bir neçə dəqiqə ağladı.
- gəl bizim evimizə gedək,- fermer dedi, -sənə sakitləşmək lazımdır. həm də isinərsən.
- yox-yox, – oğlan başını buladı, – məni atam gözləyir. yəqin indi mənim üçün bərk narahat olub.
öz xilaskarına təşəkkür edərək oğlan qaçıb getdi... səhərisi gün fermerin evinə iri cinsli atlarla bir bahalı fayton gəldi. faytondan çox gözəl və səliqəli geyinmiş bir cənab endi və fermerdən soruşdu:
- dünən mənim oğlumu siz xilas etdiniz?
- bəli, mən,– fermer cavab verdi.
- mən sizə nə qədər borcluyam?
- cənab, məni bu cür sözlərlə incitməyin. siz mənə heçnə borclu deyilsiniz. normal insanın edəcəyi hərəkəti etdim.
- yox, mən bunu belə qoya bilmərəm, bilirsiniz oğlum mənim üçün necə dəyərlidir? istədiyiniz məbləği deyin, - qonaq təkid etdi.
- mən birdə bu haqda heçnə eşitmək istəmirəm. görüşənədək,– fermer üzünü çevirib evinə getmək istəyirdi qapının ağzında oğlunu gördü.
- bu sizin oğlunuzdur? - qonaq soruşdu
- bəli, – fermer qürurla cavab verdi və oğlunun başına sığal çəkdi.
- gəlin belə edək. mən sizin oğlunuzu özümlə londona aparıb təhsilini ödəyəcəm. əgər o öz atası kimi xeyirxahdırsa, onda nə siz nədə ki, mən peşman olmarıq.
bir neçə il keçdi. fermerin oğlu məktəbi bitirdi, daha sonra tibb universitetini bitirdi və nəhayət, pensilini kəşf etmiş insan kimi adını dünya miqyasında ucaltdı. bu fermerin oğlunun adı aleksandr flemingdir.
müharibə qabağı bir london klinikasına ağır formada olan ağ ciyər xəstəsini gətirmişdilər. bu xəstə həmin cənabın oğlu idi və bu səfər də onu xilas edən aleksandr flemingin yaratdığı pensilin oldu.
flemingə təhsil verən cənabın adı rondolf çerçill idi. onun oğlunun adı isə adı uitson çörçill idi, hansı ki, gələcəkdə ingiltərənin baş naziri oldu
--------(alıntı)
513. balinaların əcdadının müasir itlərə bənzəyən canavar ölçülərində Pakicetus adlı bir heyvan olması. balina: pakicetus:
Pakicetusların təxminən 50 milyon il öncə əsasən quruda, lakin göl kimi su hövzələrinə yaxın ərazilərdə yaşadıqları və dayaz hissələrdə ovlandıqları güman edilir. Müasir pakistan ərazisinə aid endemik bir heyvan olduqları üçün bu adı almışlar. Fizioloji olaraq bədənlərinin əsasən qaçma və tullanma kimi hərəkətlərə uyğun olduğu bilinir. Su hövzəsinə əsas uyğunlaşmış üzvləri isə dinləmə sistemi (su altında eşidə bilirdilər) və timsaha bənzər bir-birinə yaxın şəkildə yerləşmiş gözləridir.
237. bizim günəşin hazırki vəziyyətini görə bilməməyimiz. bəli, biz günəşə baxarkən onun 8 dəqiqə əvvəlki vəxiyyətini görə bilərik. səbəb isə günəş işıqlarının yerə 8 dəqiqə ərzinə çatmasıdır. bəzi ulduzlar bizdən 50-60 işıq ili uzaqdadır. yəni bizim hal hazırda gördüyümüz ulduzun 50-60 il öncəki vəziyyətidir. indi təsəvvür edin o ulduz dediyimiz cisimlərdə həyat var və onlar bizim dünyaya baxaraq ikinci dünya müharibəsini izləyirlər
177. təbiətdəki ekstremala qaçma həvəsinin cəhd-yanılma ilə tapılması. belə bir şey var ki, təbiətdəki hadisələr həmişə ən ekstremal yolla baş verir. demək olar ki, bütün hallarda minimallıq prinsipi işlədilir, bəzi istisnalarda isə maksimal yollar seçilir. nə demək istədiyimi izah edim, cisimlər potensial enerjilərinin ən kiçik olduğu yerə doğru getməyə can atırlar, enerji çox olan yerdən az olan yerə doğru gedir. işıq iki mühitdən keçəndə ən qısa yolu seçir və s. və i. bugün maraqlı sualla qarşılaşdım. deyir hər şey belə gözəldi, qəşəngdi də bəs bu cisimlər ən qısa yolun və başqa zibillərin harda olduğunu necə bilirlər? cavab çox qəribədi, və kvant mexanikası tərəfindən verilib, əslində cisimlər bütün yolları yoxlayırlar amma biz ancaq ekstremal yolu görürük, çünki digər ehtimallar bir-birini qarşılıqlı yox edir. düşünün, kranı açanda su həm azca sağa meyl edib aşağı düşür, həm dümdüz aşağı düşür, həm də sola meyl edib düşür. amma biz dümdüz aşağı düşdüyünü görürük, çünki o biri ehtimallar bir-birini qarşılıqlı ixtisar edir. çox qəribədi.
306. ulduzlara baxaraq yatan atalarımız səmaya baxaraq soyuqların nə vaxt düşəcəyini, bu il quraqlıq olub-olmayacağını və ya hökmdarın başına pis nəsə gəlib-gəlməyəcəyini təxmin etməyə çalışıblar. kometaların düşməsi isə pis şeylərin işarəsi kimi qəbul edilmişdir. *ingilis* dilindəki disaster *
fəlakət
(dis + a+ star və ya dis + aster *
asterisk
) sözü də bundan törəmişdir.
*wiki: the word disaster is derived from middle french désastre and that from old italian disastro, which in turn comes from the ancient greek pejorative prefix δυσ-, (dus-) "bad" and ἀστήρ (aster), "star". the root of the word disaster ("bad star" in greek) comes from an astrological sense of a calamity blamed on the position of planets.
499. yəqin ki, siz də mənim kimi çox vaxt şokolad qutularının üstündə "yumurta, fındıq ehtiva edə bilər" deyə yazı görmüsünüz. mən bunu görəndə fikirləşirdim ki, "ala bəs öz istehsal elədikləri şeyin içində bilmirlər nə var?"
sonra öyrəndim ki, sən demə o, fındıq, yumurta və s. əvvəlki istehsal olunan başqa qidaların tərkibində olur. çox vaxt bir neçə müxtəlif qida eyni "qab"da hazırlana bilir, məsələn: şokoladı istehsal etməzdən əvvəl, eyni "qabda" tərkibində yumurta olan başqa qida istehsal olunar, sonra şokolada gələndə, qabda olan əvvəlki qidanın qalıqları şokolada qarışa bilər. ona görə bu yazı ilə istehlakçı məlumatlandırılır.
Və bu da bəzi xəstələr üçün həyati əhəmiyyət daşıyır ki, onlara yumurta fındıq falan olmaz.
197. dünyada bir xalq var ki, orada ölkəsinin azadlığı üçün vuruşan, xalqın dərdlərinə yanan insanlar həbs ediləndə, əsgərlikdə öldürüləndə, qızları səbəbsiz yerə həbs ediləndə həmin xalq reaksiya vermir.çox qəribədir.daha da təəccüblüsü isə odur ki, bütün bu susan insanlar harda baxsan susanları qınayır.
16. psixolojik bir araştırmaya göre geceleri yata bilmemeyin sebebi o an başqa birinin yuxusunda oyaq olmağımızdır.
oha? men 2 saata gücle yatıram? kimdi ala o macal vermeyen?
536. Yəqin ki, hamımızın bildiyi alla pugachevanın "million alyh roz" mahnısının əslində əslən azərbaycandan olan iranlı müğənni googoosha (əsl adı - faiqə atəşin) aid olması. Belə ki, mahnı ilk dəfə 1969-cu ildə googoosh tərəfindən "melyon qole roz" adı ilə ifa edilmişdir . işin maraqlı tərəfi odur ki, bundan 13 il sonra-1982-ci ildə mahnı fərqli bəstəkar və yazarın adı ila yayımlanıb. Əsərin əsl müəlliflərinin adı çəkilmədən. “Googoosh'un müəlliflik hüquqları harda qaldı bəs?” sualı düşündürür, təbii. iş orasındadır ki, googoosh o vaxtı müəlliflik hüquqlarının hayında olmayıb, belə ki iranda mollalar inqilab edib və googoosh'u nigahdan kənar münasibətdə olduğuna görə həbs ediblər. Bir tərəfdən də iraq müharibəsi və s. Kimi Ölkədəki ciddi problemlərin də köməyilə alla pugacheva'nın plagiatı gizli qalıb. *
Yaxşı ki də, gizli qalıb
Yeri gəlmişkən, mahnının lyrics'nin hekayəsini də araya sıxışdırım;
Deyilənə görə, mahnı gürcü rəssam(başqa bir mənbəyə görə, süd satan) niko pirosmani'nin fransız müğənni və rəqqasə margarita de serves'lə olan hekayəsindən ilhamlanaraq yazılıb. 1909-cu ildə margarita tiflis şəhərində səhnəyə çıxır və tamaşanı izləyən niko margaritaya vurulur. Niko ona sevdiyini desə də,(hətta onun ayağının toxunduğu daşları öpür) margarita özünün xalqa aid olan bir sənətkar olduğunu və bunun onu bir nəfərə aid olmasını mümkünsüz etdiyini deyib.*
inanımmı, inanımmı?
Niko isə öz sevgisini isbatlamaq üçün əsərlərinin hamısını sataraq bütün puluyla qızılgül alır və margaritanın qaldığı otelin önünə səpir. Hətta pəncərələrə, pilləkənlərə - hər yerə qızıl gül səpir. Qısası, hər yer qızılgüldən xalça ilə bəzədilir. Səs-küyə yuxudan ayılan margarita qarşısındakı mənzərədən çox təsirlənir və onun otağına yaxınlaşan niko pirosmanini qaçaraq qucaqlayır və öpür, ilk və son dəfə. Daha sonra isə öz ölkəsinə qayıdır. niko qəmli, niko kədərli...
Necə də olsa, məncə, mahnının möhtəşəmliyinə xələl gətirmir. Həm də mahnını müəllifin şəxsiyyətinə görə yox, mahnının özünə görə qiymətləndirmək lazımdır, huh?
581.Michael Jackson 1979-cu ildə "Off The Wall" adlı albomunu yayınlamışdır. Albom böyük uğur qazanmış, bütün hit-paradlarda 1-ci yeri tutmuş və albomdan "Don't Stop 'til You Get Enough" mahnısı ilə Grammy Mükafatlarında "Ən Yaxşı Kişi R&B Vokal Performansı" nominasiyasına namizəd qazanmışdı. Michael Jackson bu mükafatı qazanır, bəs, mükafatı michael-a necə verirlər? Digər sənətçilər canlı yayımda mükafatlandırılarkən, Michael Jackson mükafatı almağa hazırlaşarkən qəsdən reklamlara girilir və canlı yayımda michael-ı göstərmədən mükafatı verirlər. (Hətta o vaxt yayımlanan reklam da Michael Jackson reklamı idi) Onlar bunu sırf Michael Jackson-ın qara tənli olduğuna görə edirlər. Evdə ağlayan michael anasına belə deyir: "Ana, növbəti dəfə albom yaradacağam ki, onlar mənə məhəl qoya bilməyəcəklər" və 1982-ci ildə o, anasına verdiyi sözə əməl edir. Michael Jackson, həmin il musiqi tarixində ən çox satılan albom olan "Triller"i buraxır. 100 milyon satış həddini keçən albom bütün musiqi hit-paradlarında 1-ci yeri tutur və qırılmamış rekordlar qoymur. Bu uğurları sayəsində Grammy Komitəsinin gözardı edə bilməyəcəyi albom Grammy mükafatlarında 12 kateqoriya üzrə nominasiya alır və 8 mükafat qazanır.
578. Dünyada xəyal quran canlılılardan biri də tırtıllardır. Araşdırmalara görə 70% tırtılın kəpənəyə çevrilə bilməmə səbəbi sadəcə 1 hüceyrə əskikliyi "hayalci vəya imajinasyonlu hücre"lərinin olmamasına görədir. Günümüzdə uçan 70% kəpənəklərin xəyalcı genlərə sahibdir.
408. turşu və thristy kəlmələrinin eyni kökdən gəlməsi. bildiyimiz turşu fars kökənli turş sözündən gəlib. eyni zamanda iranın ən qədim dillərindən olan və zərdüştlərin də dili olan avesta dilində tarşna (qurumaq , susamaq) feili ilə eyni kökə sahibdir. bu sözlük də hind avropa dillərində yazılı nümunəsi olmasa belə trs (qurumaq) olan kəlmə kökündən gəlir
551. türklərdə olan "beni zıvanadan çıkarma" deyimi əslində biraz fərqli imiş. belə ki, savetin dövründə yollara nəzarət etmək üçün yol polisləri metal slindir olan "zıvana"-ın içində olurmuşlar və hər hansısa bir sürücü qaydaları pozub polislə mübahisə etdikdə yol polisi ona "beni zıvanadan çıkarma" deyirmiş.
219.kurtuluş savaşı ərəfəsində antep, maraş və urfa rayonlarının türk ordusuna ehtiyac duymadan xariciləri torpaqlarından qovması. xalqın özünü müdafiəsi sayəsində türk ordusu qərb cəbhəsinə yönəlmiş, fikirlərini yunanlarla olan müharibəyə cəmləmişdilər. müharibədən sonra həmin rayonların adı kahramanmaraş, gaziantep və şanlıurfa olaraq dəyişdirilmişdir.
275. 3cu kursda oxuyanda tibb dersinde parazitler ve bağırsaq qurdları mövzusunda enli lentşəkilli qurdlar haqqında oxuyub dehşete gelmişdim.demeli bu qurdların uzunluğu 2 -15 metr olur ve 15il insan nazik bağırsaqlarında heç bir şübhelene bilecek problem yaratmadan yaşayırlar.ve insanın bütün qanını sovururlar.buna teeccüblenmeyesen ne edesen?
257. nil armstron ve diger butun ayda gezen kosmonavtlarin ayaq izlerinin helede ayda qalmasi. hetta eger astroid ve s. kimi xarici problemler olmasa milyon il erzinde bele orada qalacaqlar. sebebi ise ayda kulek olmamasi imis ve buna gorede o izler qumda dunen qoyulmus kimi durur. gedib gormek umidi ile -*
31. türkiyede basıb içdiyim ıhlamurun azerbaycan variantı anamın her gün "sen menim canım bundan bir qurtum iç xeyirdi" dediyi halda menim içmediyim cöke olması
558. dama dama göl olar kimi bildiyimiz atalar sözü tam deyilmiş akazıvıtsa. arxası da var imiş. dama dama göl olar, dada dada heç.
bəlkə də siz təəccüblənməyəcəksiz ama mən təəccübləndim. həyatıma rəng qatan bir məlumat oldu. təəccüb sözünü yazanda adamın içi daralır. bunu da indi hiss elədim. çox peysər sözdü.
. işin maraqlı tərəfi odur ki, bundan 13 il sonra-1982-ci ildə mahnı fərqli bəstəkar və yazarın adı ila yayımlanıb. Əsərin əsl müəlliflərinin adı çəkilmədən. “Googoosh'un müəlliflik hüquqları harda qaldı bəs?” sualı düşündürür, təbii. iş orasındadır ki, googoosh o vaxtı müəlliflik hüquqlarının hayında olmayıb, belə ki iranda mollalar inqilab edib və googoosh'u nigahdan kənar münasibətdə olduğuna görə həbs ediblər. Bir tərəfdən də iraq müharibəsi və s. Kimi Ölkədəki ciddi problemlərin də köməyilə alla pugacheva'nın plagiatı gizli qalıb. 
)
