əjdaha lazımdı
izlə
dostlar
mən
googlla
keçən ayın ən bəyənilənləri
-
yazarları sözlükdən soyudan yazarlar
-
sözlüyün azərbaycanda tutmamasının səbəbləri
-
sözlük görüşündə ən çox tanış olmaq istənilən yazarlar
-
sözaltı sözlük üçün tövsiyələr
-
yazarların özünəməxsus yazı tərzləri
-
geri dönməsi ən çox istənilən yazarlar
-
yazarların sevmədiyi yazarlar
-
sözlük yazarlarının qəribə zövqləri
başlıqdakı ən bəyənilən yazılar:
+43 əjdaha
22. 3 ay 23 gün*
ilk və son entrini yazığım tarix aralığını göstərir
davam eləmiş "vol. 2" sözlük fəaliyyətini bu gün -05.02.2023- etibarılə dayandırmış 10-cu nəsil partizan.
Ümumən getmə səbəbim həm sağlamlıq, həm də bir sıra digər problemləri yoluna qoymağa görədir. Keçən ilkindən beşbetər, xəstəxanaları boylamağım an məsələsidir. Həm də ki sözlük artıq mənim prizmamdan xoşagəlməz hal almağa başlayıb. Getmədən öncə bir-iki şey deyim.
Sözlükdə olduğum bu müddət ərzində hər zaman istədim ki, işlərin moral tərəfini ələ alım və buradakılara bilgi təməlli deyil də, əlimdən gəldiyincə sırf real həyata dair məsələlərdə fayda verə bilim. Əslində, məsləhətxanaya bu qədər önəm verməyimin də əsas səbəbi bu idi. Bacardığım qədər də hələ 10 il bundan öncə ssg-nin yazdığı (baxma: sözlük yazarı olmaq/-29391) entrisindəki prinsipləri qorumağa, tənqid elədiyim, bəyənmədiyim insan belə olsa, yaxşı şeyinə yaxşı, pisinə pis deməyə çalışmışam.
Eyni zamanda, həmişə istəmişəm ki, mənim adım gələndə kiminsə ağlında kinoman, serial adamı, "fəlsəfəçi", ensiklopedik bilgi dolu və ya bədii ədəbiyyatla bağlı şəxs, artist(rəssam) və s. biri yox, sırf mənəvi, insani dəyərlərlə bağlı obraz canlansın. Bunun da öz səbəbi var təbii ki. Bu gün real həyatda istənilən yerdə (elə sözlükdə də) saysız-hesabsız insan var ki, baxırsan necə gözəl musiqi zövqü var, kvant fizikasından, nə bilim biologiyadan, elmdən, tarixdən, texnologiya, fəlsəfə, psixologiyadan, rəsm əsərlərindən və ya ədəbiyyatdan, serial/kinolardan ağız dolusu danışır, savadlı dünyagörüşlü, "müasir" biridir, ancaq vicdani dəyərləri zəifdir, necə deyərlər, əsl insan kimi tam formalaşmayıb, ədalət tərəzisi düzgün işləmir, şəxsiyyətində çox qüsurlar var. Hətta bir çoxu problemlərin müzakirəsi zamanı ağzına su alıb oturur. çünki bilir ki, bir az danışsa, yığdığı bacarıq, bilgi və savadın dalında düz-əməlli bir adam olmadığı üzə çıxacaq. Mən özümü və ətrafı tanımağa başlayandan bu yana bu fikirdə olmuşam: insan 30 yaşında da -atıram- dostoyevskini, albert kamyunu oxuya, oturub "imdb top 100" filmlərə, seriallara baxa bilər; 25 yaşından sonra da musiqi zövqü formalaşdırmaq, fəlsəfədən, psixologiyadan çoxlu bilgilər qazanmaq olar. Ancaq insan o müəyyən keçid dövrünü (hansı ki biz buna yeniyetməlik, ilkin gənclik illəri deyirik, hardasa 21 yaşa qədər) keçdisə, o dövr ərzində əqidəsi, xisləti, şəxsiyyəti düzgün formaya düşmədisə, sonradan 100-də 90% artıq gec olacaq və dəyişməsi demək olar ki "mümkün deyil" səviyyəsinə enəcək. Bəzən müsbət hallarını görsək də, böyük ehtimalla "qozbeli qəbir düzəldər" sözünə gəlib çıxacağıq. Elə ona görə də vaxtilə taylarım kağız həyatına daha bir sertifikat əlavə edib, özlərini ora-bura soxmağa çalışanda, boş vaxtlarını nələrsə izləyib gəzməyə xərcləyəndə mən özümü tamam başqa bir şeyə kökləmişdim. Deyil universitet, hətta nazirliyə belə çağırıldım, eşidənin inanmayacağı təkliflər edildi ki, bu gün minlərlə insanın məqsədi olan, bəh-bəhlə adını çəkdiyi yerdən imtina ərizəmi geri götürüm, orada qalım, amma eləmədim. Yadıma gəlir ki, elə gün olurdu yemək yemək qalsın qırağa, hətta su belə içməyi unudurdum. Elə gün olurdu heç "yaxşıyam, sən necəsən?"dən o tərəfə söz çıxmırdı ağzımdan (sözlükdə ən sevdiyim və nickaltısına müsbət şərh yazma məcburiyyəti hiss etdiyim yeganə yazarın cosmopolitan olmağının səbəbi də elə o günlərimdir). Bütün gecəni, gündüzü oturub bomboş divara baxıb düşünərək keçirirdim. Gecələr yatmadığımı evdəkilər bilməsin deyə işığı zəif, balaca "naçinik" belə almışdım və dəftərə onun işığı altında yazırdım (bir çoxunun məni hansısa köhnə nəsil yazar sanmağının səbəbi də budur. Mən 2 ildi sözlükdəyəm, amma 8 ildi yazı-pozu edirəm). Özümün, dost-tanışımın başıma gələn, gördüyüm, şahid olduğum hər şeyi ən xırda detalına qədər yazır, sonra oturub onu fikirləşib, hisslərimi, duyğularımı, o vaxta qədərki şəxsiyyətimi kənara qoyub ona maksimum dərəcədə düzgün və vicdani şərh verməyə çalışırdım. O vaxt özümə məqsəd qoymuşdum ki, bilgi, zövq və dünyagörüşümü artırmağa, əyləncəyə ayırdığım vaxtın böyük qismini sırf əqidə və düşüncə tərzi yaratmağa ayırmalıyam. Mən istəmirdim o şəxslərdən olum, hansılar ki yuxarıda dediyim kimi, bilgisi çox olsun, amma o bilgini emal edəcək mənəvi keyfiyyətləri zəif, ya da həmin o adamlar ki əslində bu və ya digər formada tənqid elədiyi insanlardan fərqlənmirlər, eyni bezin fərqli qıraqlarıdır, sadəcə görüntü fərqlidir. Mən, kənardan qazanılan şeylərlə formalaşmış deyil də, sırf özü tərəfindən yaradılmış şəxsiyyət olmaq istəyirdim. Nəticə olaraq da, illər sonra toplumdakı digər insanlarla eyni bilgiləri əldə edib o baxımdan bərabər ola biləcəkdim, ancaq "verilənlər" və ya "əladə olunanlar" bərabərləşəndə şəxsiyyət, baxış bucağı və əqidə - yəni insanın xarakterinin təməllərinin fərqi bariz şəkildə üzə çıxacaqdı.
Uzun sözün qısası, sözlükdə də məhz özümdə yaratdığım bu yönümü təməl alaraq fəaliyyət göstərməyə çalışırdım. Nickaltımda və digər yerlərdə haqqımda olan şərhləri görəndə həqiqətən də çox xoşbəxt oluram, özümlə çox böyük fəxarət duyuram və bu yazarlara nə qədər minnətdar olduğumu ifadə etməkdə çətinlik çəkirəm. çünki illərimi verdiyim şey artıq (içi sözlük qarışıq) olduğum mühitlərdə öz nəticəsini göstərir və müsbət mənada fərqimi, fərqdən ziyadə, özüməməxsusluğu ortaya qoyur. Məsələn, mən həyatım boyu juzounun keçən ayın əvvəli olan haqq-hesablar zamanı haqqımda dediyi o "bertrandın səmimiyyətinə inanıram, çünki o həmişə belədi" sözünü heç vaxt unutmayacam, necə ki burada yazılmış, özəldən deyilmiş olanları (bacarığım yox, sırf şəxsiyyətimlə bağlı).
istəyirəm bu moderator olmaq mövzusuna da qısaca deyinim. burada 
(@82901), burada (@83967), nickaltımda və başqa yerlərdə də açıq-açıq ifadə və dəstəyə görə hamıya minnətdaram. ancaq yoldaşlar, mənim mod olmayacağım başından bəlli idi. Hər şeydən öncə sözlüyün qurucusu timidusla və ümumən moderasiya ilə xarakteristikalarımızın üst-üstə düşmədiyi bariz ortadadır. Timidusa deyinsəm, Bu adamın modlara sözünü yeridə bilmədiyi anları öz gözümlə görmüşəm, ona görə başa düşüləndir. Ki, məndə olan məlumatlara görə moderasiya öz aralarında görmək istəmədiyi adamı timidus mod edə bilmir. Üzünə deyib izah elədiyim sözü burada da deməkdən çəkinəsi deyiləm. Adam vəzifəyə qoyduğu məmurla üz-göz olmaqdan çəkinib söz keçirə bilməyən prezidentdən heç nəyi ilə fərqlənmir. Həmçinin (baxma: sözlüyün azərbaycanda tutmamasının səbəbləri/-366804) entrimin sonuncu abzasında moderasiya ilə bağlı yazdığım şeyləri oxuyan hər kəs bilir ki, mənim bu adamlarla heç vaxt sözüm tutmaz və məni öz aralarında görmək istəməzlər. Bu cür çürük, "tanışlıq" əlaqələri və "it itin ayağını tapdamaz" prinsipinə sadiq, sözdə qaydaları qorumalı olub da özləri şəffaf olmayan idarə sistemləri heç vaxt mənim kimiləri sevmir və görmək istəmir. Mən belə şeyləri qəbul eləsəydim, sözlükdə nə itim azıb? indiyə çiyinlərimdə 3 ulduz, panarama mersedeslə bəy balası kimi işə gedirdim. işin gülməli və ironiyalı yanı bilirsiniz nədir? Qeyd-şərtsiz hamısı hökumətdən narazıdır, korrupsioner məmurları görəndə hər şeyini söyürlər, amma özləri bu balaca platformada idarə heyətinə adam seçərkən yazarların fikirlərini heçə sayıb sırf sərf edən adamları istəyirlər və insanların fikirləri veclərinə deyil. ümumiyyətlə, bir çoxunun heç məndən xəbəri belə yoxdur, sözlüyü -yüngül formada desəm- tınlayan var ki? *
gülüş
Adı olub özü bilinməyən zadlar dəstiri. Oxşar situasiyalardır hə, tanış gəlir bu mənzərə? Necə də acınacaqlı durumdur, elə deyilmi? *
gülüş
boşuna deməmişdim ki, bura Azərbaycanın ən kiçik modelidir.
Deyil postlar bölümündə, hətta sonuncu dəfə discordda səslidə söhbət edərkən yenə "təzə moderator lazımdır" deyiləndə adımın dəfələrlə çəkilməyinə baxmayaraq hər yolla görməzdən gəlinməyə, söhbəti dəyişdirməyə çalışılması da dediklərimin əyani sübutudur. atları yəhərləyin filmində bir səhnə var, deyir "kişinin qoluna qandalı da gərək kişi vura". Bilirəm, indi söhbəti seksizmə-filan, gic-gic şeylərə burmağa çalışanlar da olacaq, ancaq məğz dəyişmir. Yəni ortada bir başıpapaqlısı olmadı ki, kişi kimi (cinsiyyət mənasında yox, türklər dediyi kimi şəxsiyyət mənasında) çıxıb "bertrand xaric, özümüzə sərf edən, biz deyəni deyəcək bir adam lazımdır" deyə bilsin və mənə olan gözügötürməzliyinə əsaslı səbəb gətirib prinsipdə olduğunu dilə gətirsin. Bunu demək cəsarət tələb edir. Cəsarətli olmaq isə xarakter məsələsidir. Gücün, səlahiyyətin azlığı-çoxluğu buna təsir etmir. Necə ki bu keysdə də eləmədi. Ona görə Əllərindən gələn elə ancaq (bax: üç meymun)
misalı özlərini görməzliyə, eşitməzliyə, dimməzliyə vurmaq oldu. Ancaq anlamadıqları şey budur ki, belə etməklə özlərini gözdən salıb yazarların mənə olan hörmətini daha da artırmış oldular. Çünki kütlə psixologiyası elədir ki, onlar haqlı saydıqları adamı layiq gördükləri yerdə görməyəndə həmin şəxsə qarşı olan rəğbətləri daha da artmış olur. Üstəlik, mən çox yaxşı bilirəm ki, bir sıra yazarların sözlükdə məni dəstəkləməsinin səbəbi özlərinin idarə heyəti ilə üz-göz olmaq istəməməsidir. Çünki bir sıra modların xoşlarına gəlməyən adamda çepe axtarıb ən kiçik məsələdə sözlükdən uçurması onsuz da hamıya bəllidir. Məlum pufpuf haqq-hesabları zamanı da mənə bu qədər dayaq olmaqlarının da səbəbi təkcə o yazardan deyil, ümumən idarə heyətinə olan narazılıqları idi. Özləri dilə gətirə bilmirdi, əvəzinə sağ olsunlar, mən deyəndə durdular dalımda, bu cür ifadə elədilər. Eyni zamanda, bunun digər səbəbi də yazarların idarə heyətində "özlərindən biri"ni görmək istəmələri idi. çünki bu da bütün sözlüyə bəllidir ki, moderasiya ilə yazarlar arasında bariz bir uçurum var, düzgün bir əlaqə yoxdur, yoldaş kimi deyil də, müdir-işçi münasibətinə bənzər durum var.
Burada son bir şeyi deyim. Yanlış anlaşılmasın, Mənim moderator olmaq kimi niyyətim heç vaxt olmayıb. Qeyd-şərtsiz heç kim nə ortalıq yerdə, nə də özəldən danışıqlarım zamanı heç üstüörtülü şəkildə belə olsa moderator olmaq istədiyimi ifadə edən tək bir söz belə dediyimi göstərə bilməz. Varsa elə mesajım, hodri meydan, screenshot edib yaysın. Hər zaman sakitcə dayanıb qıraqdan baxmışam. yazarlar açıq-aydın deməyə, özəldən yazıb bu məsələni soruşmağa başlayandan sonra bu mövzuya diqqətimi verdim. Mənim pisimə gələn şey moderator olmamağım deyil. Zatən olmaq istəsəm, 1 ay bundan qabaq kim(lər)ləsə tanışlığı olan bir yazarın sözlükdə cəzalanmağını tələb etməz, sözlüyü (kobud da çıxsa deyəcəm) 1 günlüyünə pauzaya salıb idarə heyətindən bu məsələ ilə bağlı addım atmağını tələb eləməzdim (@82791). Çox şeyi görməzdən gələr, aramı yaxşı tutmağa çalışar, onların tərəfin tutar, yeri gələndə yaltaqlanardım ki, aralarına girə bilim. Zatən köhnələrə bəllidir kimin hansı nöqtəyə necə çatdığı. Mənim acığıma gələn şey bu qədər yazarın açıq-aşkar dəstəyini heçə sayıb, tutarlı bir səbəb göstərilmədən qərəzli şəkildə görməzdən gəlinməyim idi. Ancaq necə deyərlər, elin gözü tərəzidir. istənilən halda, fakt dəyişmir. Fakt da budur ki, nəinki idarə heyətindəkilərin arasında belə adam yoxdur, ümumiyyətlə sözlükdə mövcud olmuş 18.000-dən çox üzv, 1800-dən çox yazar arasında heç 18 nəfər adam tapıb çıxara bilmərsiniz ki, fəaliyyət dövründə aktiv yazarlar tərəfindən hətta nickaltısına yazılacaq dərəcədə ədalətinə güvənilib moderator olmağı istənsin və dəstəklənsin. Bu da statistik olaraq 1000 üzvdən və 100 yazardan 1-i belə eləmir. Bu baxımdan, məni sözlükdə bu nöqtəyə gətirib çıxaran hamıya minnətdaram.
Sistemi bu qədər tənqid etdikdən sonra bunu deməsəydim olmazdı. Hələlik sözlükdə olmayacağıma görə partizanlığımın götürülməsini istəyirəm. Tənqid elədiklərimlə eyni hərəkətləri edəcək halım yoxdur əlbəttə ki. Onsuz da vikiləməkdən başqa bir işimə yaramırdı. Entriləri də ildə-ayda bir dəfə xəbərləyirdim. Yazarların, umbayların özünə yazıb özlərinin redaktə eləməsi modun entrini düzəltməsindən daha rahat və tez başa gəlirdi zatən.
Entrini də bundan əvvəlki gedişimdə etdiyimi(#328588) edərək bitirirəm, yəni bu dönəm yazdığım entrilərimi qeyd edirəm ki, birdən haçansa deaktiv olduğum müddət ərzində kimsə entrilərimi oxumaq istəsə, gəlib buradan seçib tapa bilsin. işdir, kimsə də maraqlansa, onu buralara yönləndirərsiniz, zəhmət olmasa. Əvvəlkiləri də qeyd elədiyim entridə görə bilərlər.
Kiməsə lap xırda belə olsa nəsə qata bilmişəmsə, nə xoş mənə. Kimə nə köməyim dəyibsə, halal-halal xoşu olsun. Yenə olsa, heç bir qarşılıq gözləmədən yenə də edərəm. Məndən heç nə getmir onsuz da. Mənə belə nəsihət ediblər ki, insan sağlığında rəhmət qazanmalıdır, mən də ona çalışmışam. Məni izləməyə almış, mənə dəyər verən, yanlışlarımı, etdiyi tənqidləri kin, qərəzlə deyil də, konstruktiv formada bildirib inkişafıma dəstək göstərmiş və səhvimi görməyə kömək etmiş hər kəsə təşəkkür edirəm. 2 həftə sonra ili olacaq mərhum yazarın dediyi kimi, hamımızın vaxtsız ölmə ehtimalımız var. Ümid edirəm, bəlkə yenə görüşərik. Hamıya özünə layiq həyat arzulayıram. Sağ olun.
![]()
1) (baxma: lotrdakı zənci elf/-360909)
2) (baxma: lazımsız məlumatlar/-362046)
3) (baxma: öyrənildiyində nə qədər cahil olduğunu göstərən sadə məlumatlar/-362052)
4) (baxma: anti-hero/-362053)
5) (baxma: immanuel kant/-362072)
6) (baxma: jbl/-362074)
7) (baxma: yazarların hazırda düşündükləri/-362076)
8) (baxma: azərbaycanda karqo şirkətləri/-362083)
9) (baxma: möhtəşəm video editləri/-362092)
10) (baxma: siferblat/-362113)
11) (baxma: orient/-362114)
12) (baxma: sözlük yazarlarının hobbiləri/-362135)
13) (baxma: yağış/-362235)
14) (baxma: intihar/-362265)
15) (baxma: çeçələ barmaqdakı uzun dırnaq/-362290)
16) (baxma: sözlük yazarlarının telefon melodiyaları/-362292)
17) (baxma: zemfira meftahətdinova/-362322)
18) (baxma: bürclər/-362366)
19) (baxma: yazarların paylaşmaq istədikləri sitatlar/-362371)
20) (baxma: rolex/-362378)
21) (baxma: marian çökəkliyi/-362381)
22) (baxma: challenger deep/-362382)
23) (baxma: james cameron/-362385)
24) (baxma: muscle car/-362408)
25) (baxma: azərbaycan dilində alternativi olmayan sözlər/-362422)
26) (baxma: üzr istəmək/-362424)
27) (baxma: standart azərbaycanlının boş vaxtında etdikləri/-362446)
28) (baxma: qol saatı/-362466)
29) (baxma: ən poxdan hiss/-362583)
30) (baxma: yazarların gözəllik sirləri/-362696)
31) (baxma: dəri tipləri/-362697)
32) (baxma: sözlükçülərin ən sevdiyi aktyorlar/-362707)
33) (baxma: jon bernthal/-362708)
34) (baxma: baxılası youtube videoları/-362713)
35) (baxma: tərzi-məkan/-362723)
36) (baxma: erk koçak/-362771)
37) (baxma: zamanla geridə qaldığı üçün darıxılan şeylər/-362882)
38) (baxma: yazarların favorit oyunları/-362970)
39) (baxma: xüsusi təyinatlı qüvvələr/-362992)
40) (baxma: oğlanlardan qızlara tövsiyələr/-363441)
41) (baxma: hər ay beş hazırlığa gedən uşaq/-363584)
42) (baxma: insanı sevindirən şeylər/-363595)
43) (baxma: ənvər əfəndiyev/-363598)
44) (baxma: azərbaycanda uniseks adlar/-363743)
45) (baxma: g qüvvəsi/-363760)
46) (baxma: dodge challenger/-363761)
47) (baxma: amber heard/-363790)
48) (bax: çoxları tərəfindən səhv bilinən məlumatlar)
#363852
#363975
49) (baxma: düzəldilməli başlıq adları/-364150)
50) (baxma: acı həqiqətlər/-364193)
51) (bax: sözaltı fotoqrafiya)
- #364230
- #364500
- #365933
- #366835
52) (baxma: yazarların özünəməxsus yazı tərzləri/-364271)
53) (baxma: tarixi fotolar/-364283)
54) (baxma: lionel messi/-364349)
55) (baxma: saqqal və ona qulluq qaydaları/-364382)
56) (baxma: insanın qorxduğu şeylərin başına gəlməsi/-364455)
57) (baxma: almayacağını bildiyin halda oturub turbo.azdan maşın elanlarına həvəslə baxmaq/-364469)
58) (baxma: yaşlanmağın hiss edildiyi anlar/-364514)
59) (baxma: intihar edəcək adama məsləhətlər/-364537)
60) (bax: sözaltı meme)
- #364561
- #366354
- #366497
61) (baxma: 2023/-364572)
62) (bax: sözaltı sözlük üçün tövsiyələr)
- #364699
- #365761
63) (baxma: qəribə təsadüflər/-364991)
64) (baxma: 2022/-365091)
65) (baxma: unudulmaz azərbaycan film replikaları/-365120)
66) (baxma: pufpuf/-365253)
67) (baxma: polşa/-365526)
68) (baxma: ağlayan insana ağlama demək/-365678)
69) (baxma: ilk dəfə birinin sənə dayı ya əmi deyə xitab etməsi/-365854)
70) (baxma: ak-47/-366093)
71) (baxma: tarixi fotolar/-366138)
72) (baxma: gülümsədən mesajlar/-366353)
73) (baxma: down sindromu/-366409)
74) (baxma: sözaltı günlük/-366410)
75) (baxma: azərbaycana və ya azərbaycanlılara xas xüsusiyyətlər/-366620)
76) (baxma: sözlük yazarlarının xəyalındakı sevgili tipi/-366678)
77) (baxma: məhəmməd əmin rəsulzadə/-366681)
78) (baxma: sözlüyün azərbaycanda tutmamasının səbəbləri/-366804)
79) (baxma: qəbul imtahanı verəcəklərə məsləhətlər/-366817)
80) (baxma: ben 10/-366842)
Sözlükdə yazarlar tərəfindən bəyənilmiş "şah əsərləri" entrilərim:
1) (baxma: pufpuf/-365253)
2) (baxma: sözaltı meme/-366497)
3) (baxma: lotrdakı zənci elf/-360909)
4) (baxma: sözlük yazarlarının azərbaycan dili qrammatikasını bilməməsi/-326276)
5) (bax: sözaltı fotoqrafiya)
başlığındakı entrilərim
6) (baxma: evlənmədən öncə bərabər yaşamaq/-323919)
+37 əjdaha
20. Sözlüyə girmə səbəbim olan nadir yazarlardan. Sözlüyün əsas məqsədini açıq aydın ortaya tökən, tək hədəfi qarşı tətəfin bilgilənməsi olan, kimlərinsə yanında, kimlərəsə görə yox, aldığı bilgi ilə üfüqü açılmış zəki kəslərin yanında hörmətli olan sözlük yazarı. Yazılarıma özəldən bildirdiyi tövsiyələrlə daha yaxşı anlaşılmağıma səbəb olan , tanımasam belə istər etik-əxlaq , istərsə də kültür-mədəniyyət baxımından hərkəsə örnək təşkil edəcəyini düşündüyüm, üslub deyiləndə bkz veriləcək insan. Tez müddəttə moder olmasını arzulayıram.
+21 əjdaha
11. Təcili şəkildə verdiyi töhfələrə görə, zəkası ilə bizi heyran qoyduğuna görə və ən əsası sözlüyün məsləhətxana bölməsində yazdığı uzun, ətraflı, faydalı, möhtəşəm rəy/məsləhətlərə görə titula layiq görülməli olan nəsilsiz yazar.
Ya da mövcud olmayan titul da ola bilər, məsləhətxana ilə bağlı. timidus əl atsın -*
+18 əjdaha
6. 2 ay 10 gün davam etmiş sözlük fəaliyyətini bu gün - 28.05.2021 - etibarılə dayandırmış 10-cu Nəsil yazar.
11 nəfər yazar məni izləməyə almışdı, onlara*
entri mətnini hazırlayanda 12 idi, bir nəfər çıxardı. Eybi yox, Elə ona da
buradan təşəkkürümü bildirirəm. Kiməsə mənasız bir şeymiş kimi gələ bilər, ancaq bu müddətdə bu qədər entri yazaraq 11-12 izləmə mənə görə yaxşı göstərici idi. məndən qat-qat çox, davamlı olaraq entri yazmış, məndən öncəki və ya elə 10. nəsil yazarlara baxanda kifayət qədər yaxşı sayıram.
(bax: sözlük yazarlarının kiçik uğurları)
Ümid edirəm ki, kimlərəsə necəsə bir fayda verə, yeni bilgi, görüş qazandıra bilmişəm. Düzü, sözlüyə başlayanda ağlımda tutduğumdan çox daha artıq entri yazıb, başlıq açmışam. Məqsədim bu işi çox daha kompakt saxlamaq idi.
Bilmirəm heç olacaq, ya olmayacaq. Lakin mən yenə də bu entrinin yazılma məqsədinə keçmədən öncə bildirim ki, vaxtında fəaliyyətim boyunca bildirilməyən - müsbət və ya mənfi, fərq etməz - hansısa fikrin sonradan nickaltımda yazılması istənilən halda qəbulum olsa da, sözün düzü, o qədər də səmimi qarşılamıram. Adam haqqında sağlığında deyil, öləndən sonra xoş söz *
"sağlığında qiymət verin insanlara" kimi cümlələr, ay nə bilim, "qiymətim bilinmədi"-zad söhbətləri etmək də fikrində deyiləm. Heç bir incikliyim yoxdur.
və yaxud da ki üzə deyilməyən mənfi şeylərin arxadan deyilməsi dəstiri yazar da fəaliyyətini dayandırandan sonra haqqında nəsə yazılmasını doğru hesab etmirəm. Düşünürəm ki, əgər önəmli və səmimiyyətlə olsaydı bu vaxta qalmazdı.
Həmçinin onu da Bilirəm ki, bu işlər mən deməklə deyil, hər kəs könlündən keçəni yazmaqda tamamilə sərbəstdir. kim nə istəyir, yazıb döşəsin buralara, bəlkə, arada girib oxuyaram. -* sadəcə, şəxsi fikrimi bildirmək istədim.
Bu entrini yazmaqda məqsədim isə özümün dəfələrlə çox təəsüf hissi keçirdiyim, istəyimi qurşağımda qoymuş bir mövzudur. Mövzu da budur ki, Profil deaktiv olunandan sonra yazılan entrilərə baxmaq olmur. Gərək bəxtə xuda həmin yazarın entrisi adamın qabağına çıxa, ya da hər dəfə girib hansısa başlıqda axtarış edilə.
Ona görə də Bütün bunları nəzərə alaraq, nə vaxtsa kimdəsə hansısa entrimi, ya fikrimi bəyənib, digərlərini də oxuma istəyi yaranması ehtimalına qarşı*
axırıncı dəfə bir nəfər bu barədə yazmışdı. Yəqin, bu entrini görər.
bu entridə bütün bu vaxt ərzində yazdıqlarımı xronoloji sıra ilə göstərmək istəyirəm. Ümid edirəm, gəlib nickaltıma göz atmaq o adamın ağlından keçər və ya yazarlardan kimsə onu bura yönləndirər.
1) (baxma: uşaq ağlı ilə inanılanlar/-322370)
2) (baxma: sözaltı sözlük/-322374)
3) (baxma: ağılda qalan reklam sitatları/-322494)
4) (bax: təkcə mənmi edirəm deyə düşünülən şeylər)
- #322537
- #327601
5) (baxma: hacı zeynalabdin tağıyev/-322685)
6) (baxma: apk/-322690)
7) (baxma: noise/-322896)
8) (baxma: canon vs nikon/-322897)
9) (baxma: shutter speed/-322900)
10) (baxma: eric grigorian/-322973)
11) (baxma: bakı fəlsəfə akademiyası/-322974)
12) (baxma: martian manhunter/-323104)
13) (baxma: zack snyders justice league/-323105)
14) (baxma: ataların unudulmaz sözləri/-323158)
15) (baxma: psixoloq vs psixiatr/-323159)
16) (baxma: könül misirli/-323163)
17) (baxma: gecəyə bir mahnı paylaş/-323205)
18) (baxma: çoban/-323207)
19) (baxma: cosmopolitan/-323213)
20) (baxma: coveri originalından daha yaxşı olan mahnılar/-323288)
21) (baxma: tanrıyla qarşılaşan ateistin ilk sözü/-323324)
22) (baxma: sapioseksual/-323371)
23) (baxma: diafraqma və apertur/-323382)
24) (baxma: nostalgiya hissi verən 2000-li mahnılar/-323560)
25) (baxma: cəmiyyət tərəfindən normal qəbul edilən anormal şeylər/-323649)
26) (baxma: ən yaxşı cizgi film soundtrackları/-323697)
27) (baxma: nickelodeon vs cartoon network vs disney channel/-323699)
28) (baxma: dinlədikcə gözəlləşən mahnılar/-323785)
29) (bax: düzəldilməli başlıq adları)
- #323787
- #326940
- #327838
30) (bax: yalnızlığın ən çox anlaşıldığı anlar)
- #323872
- #323873
31) (baxma: evlənmədən öncə bərabər yaşamaq/-323919)
32) (bax: uzaq məsafəli münasibət)
- #323920
- #327794
33) (baxma: köhnə sevgilinin unudulmayan sözləri/-323995)
34) (baxma: uazya/-324085)
35) (bax: yaran youtube videoları)
- #324122
- #325231
36) (baxma: avtobusda yer verməmək üçün edilən hərəkətlər/-324311)
37) (baxma: bertrand zobrist/-324499)
38) (baxma: sözlükdə spoiler vermə/-324538)
39) (baxma: yetkin qadın davranışları/-324617)
40) (baxma: rüşvət/-324710)
41) (baxma: songs: ohia/-324732)
42) (baxma: fəlsəfənin əsas sualları/-324840)
43) (baxma: gravity falls/-324846)
44) (baxma: keçmiş sevgilinin sənə işi düşməsi/-324873)
45) (baxma: heç vaxt reallaşmayacaq arzular/-324876)
46) (baxma: öyrənildiyində nə qədər cahil olduğunu göstərən sadə məlumatlar/-324982)
47) (baxma: gecələr adamı dərdləndirən mahnılar/-325076)
48) (baxma: hüseynbala mirələmov/-325147)
49) (bax: möhtəşəm video editləri)
(əlimdə bu başlığa atılası hələ çox video vardı. niyə atmamışam, bilmirəm.)
- #325244
- #325326
- #326670
50) (baxma: ən yaxşı roman personajları/-325253)
51) (bax: klipi ilə dinlənilməli olan musiqilər)
- #325343
- #325344
52) (baxma: maska taxmağın müsbət tərəfləri/-325598)
53) (baxma: yazarların ən nifrət etdiyi yeməklər/-325778)
54) (baxma: günü ifadə edən meme/-325782)
55) (baxma: piksel/-325863)
56) (baxma: fuad rəsulzadə/-325988)
57) (baxma: pul mövzusunda 7 şəxsiyyət tipi/-326121)
58) (baxma: yazarların paylaşmaq istədikləri türkülər/-326199)
59) (baxma: sözlük yazarlarının azərbaycan dili qrammatikasını bilməməsi/-326276)
60) (bax: çoxları tərəfindən səhv bilinən məlumatlar)
- #325972
- #326619
- #327211
61) (baxma: sözlük yazarlarının qəribə zövqləri/-326640)
62) (baxma: leica/-326979)
63) (baxma: yazarların hazırda düşündükləri/-326985)
64) (baxma: tanrının qiyamət günü deyəcəyi ilk söz/-327021)
65) (baxma: insanı yavaş-yavaş öldürən şeylər/-327076)
66) (baxma: fidan abilova/-327111)
67) (baxma: ssr-dən nifrət edib 9 mayda qələbə bayramı keçirmək/-327140)
68) (baxma: cümləyə fərqli dildə söz soxuşduran insan tipi/-327209)
69) (baxma: yazarların ruh halı/-327210)
70) (baxma: qısa qorxu hekayələri/-327213)
71) (baxma: hedonutopia/-327214)
72) (baxma: elimelikov06/-327585)
73) (baxma: bokeh/-327822)
74) (baxma: ən yaxşı oyun soundtrackları/-327831)
75) (baxma: cəmiyyətə demək istənilənlər/-328099)
76) (baxma: 4 il universitet oxuyub işsiz qalmaq/-328114)
77) (baxma: alma/-328117)
78) (baxma: timmies/-328179)
79) (baxma: ayrılmaz ikililər/-328191)
80) (baxma: yazarlar ev alsa edəcəkləri/-328311)
81) (baxma: azərbaycana və ya azərbaycanlılara xas xüsusiyyətlər/-328335)
82) (baxma: megapixel/-328350)
83) (baxma: sözaltı günlük/-328504)
84) (baxma: sözlük yazarı olmaq/-328577)
85) bu entri
+17 əjdaha
18. sözlüyün yeni vəhşi partizanı. tunellərdə uğurlar.
+17 əjdaha
13. #363441 valla biz də görürük ereksiyalı penis də, şalvarın orta tikişindən ikiyə ayrılmışını da, adisini də. Hələ siz oranızı əlləyəndə də görürük və artıq bizə fərqli gəlmir bu durum. Sizdə penis bizim nippledan daha çox bilinir, bunu bilin. Diametri 1 sm olan şeylə uzunluğu 10-25 sm olan şeyi eyni tutmarsız yəqin. Və biz bar-bar bağırmırıq ki, penisinizi örtün, gic oluruq.
Məncə siz də yavaşdan psixologiyanızı sağlama bağlayın, çıxıntı görməyə öyrəşin. məmə ucudur da, nolasıdır. Ölüm deyil ki.
Mən də sizin məmə ucları görürəm həmişə. Ürəyim bulanır? Yox. Gəlib əlləmirəm ki. Ya ağlımdan elə şey keçmir ki. Just a nipple.
Bir də əlavə edim ki, nippleın bilinməsi ereksiyada olması demək deyil. Elə paltara sürtünəndə, ya qolumuz dəyəndə forması dəyişir. Kəsib atası deyilik canım məmə uclarımızı.
inşalla bir gün penis cover da çıxar. Onda qəşəng entri yazacam ki, başım xarab olur, üstünü örtün. Və də penisinizə yiyə durun.
P.s: entrini gülə-gülə yazmışam, belə ədalı, çox ciddi görünür. Canım bertrandla bir işim yoxdur, ümumi mövzudur elə :d
+15 əjdaha
4. Sözlüyü çox uzun müddətdir kənardan izlədiyi üçün yazarlara açılan başlıqlardan xəbərdar olan, özü elə ən başdan qətiyyən heç bir tərif istəmədən/gözləmədən, sadəcə nickname-i haqqında məlumat üçün başlığı açmaq istəsə də, bunun heç də düşündüyü kimi deyil də, "yuyulmamış qaşıq kimi özünü gözə soxur" kimi qarşılanmağından ehtiyat etdiyi üçün bu başlığı - çox təəssüf ki - özü açmayıb bu günü gözləmiş 10-cu nəsil yazar. Kiməsə necəsə müsbətə doğru bir şey qatıbsa, buna görə çox sevinir; istər mesaj bölümündə, istərsə də bu başlıq altında yazılmış və yazılacaq olan hər xoş sözə, müsbət tənqidə və hansısa yanlışının düzəldilməsinə görə dərin minnətdarlığını bildirir.
Keçək həqiqi Bertrand Zobristə. Öncədən deyim ki, əsəri çoxdan oxumuşam deyə cüzi yanlışlar ola bilər.
--spoiler--
(dr.)Bertrand Zobrist - özünün adlandırılması ilə "the shade*
kölgə
", who-nun rəhbəri dr.sinskeyin adlandırılması ilə "madman*
dəli, ruhi xəstə. Kontrol oluna bilməyən, təhlükəli davranış sərgiləyən kimsə
" Dan Brownun "inferno" adlı əsərindəki ikinci antaqonist*
Çoxları birinci antoqonist kimi bilsə də, bəli, ikincidir. Lakin hadisələrin inkişafı, şaxələnməsi onun təsiri ilədir
; 20 avqust 1976-cı ildə isveçrədə doğulan, dantenin ilahi komediya əsərinin ilk hissəsi olan "cəhənnəm"dən təsirlənən, transhumanizm hərəkatının dəstəkçisi, raionalist, milyarder genetika mühəndisi. Əsərdə Bertrand Zobrist dünya əhalisinin 4 milyard ətrafında olması üçün virus yaymağı planlamışdı.
Zobristi bəyənməyimin ən əsas səbəblərindən biri tipik mənfi personaj*
sözün düzü, mən içi zobrist də, thanos da qarışıq bir çox mənfi obrazı tamamilə müsbət sayır və dəstəkləyirəm
obrazından kənar davranması olub.*
Bu davranış filmdə yox, kitabda idi. Mən birinci filmə baxıb sonra oxumuşdum, amma siz əsas kitabı oxuyun, çünki çox fərqli sonlara sahibdirlər.
Tipik mənfi personaj davranışı deyəndə mən "çayı keçməmiş hop demək" dəstiri, şəngülüm kimi çıxıb ortada edəcəklərini "dasqanalniy" danışan, sonra da özünə n qədər düşmən qazanıb axırda məğlub olmaqdan danışıram. hər zaman belə kinolara baxanda əsəbdən partlayırdım ki, "hər addımını niyə danışıb özünü zibilə salırsan axı?! işivi gör, bitsin də". Filmdə ssenari belə olsa da, kitabda möhtəşəm hadisələr oldu.
Zobrist başda niyyətini gedib ümumdünya səhiyyə təşkilatının rəhbərinə danışıb, ona hər şeyi aydın izah edib dəstək gözləsə də, bu baş vermir. Əksinə, üst-ün rəhbəri dr.sinskey onu dəli adlandıraraq həbs etdirmək istəyir. O isə özünə qarşı getdikcə böyüyən basqı, həbs olunma qarşısında "konsorsium" adında təşkilatla iş görərək florensiada gizlədilir. Konsorsiumla bağladığı müqaviləyə görə bəlli bir tarixdə onlara göndərdiyi bir videogörüntünü internetdə yaymalı idilər. Bu videogörüntüdə isə Zobrist özünü "the shade" adlandıraraq üzündə vəba maskası ilə danışır və kadr dəyişərək kiçik bir lövhəni göstərir. Lövhədə isə "bu tarixdə dünya dəyişdi" sözləri yazılıb. Hadisələrin gedişində Zobrist təqibin sonunda virusun yerini deməmək, ələ keçməmək üçün dünyanın onu vəhşi, cani kimi yox, qəhrəman olaraq xatırlamasını diləyərək intihar edir. Çox uzatmadan, sonda içi üst, konsorsium, hətta öz sevgilisi*
bax: vəfasız qızlar
- bir sözlə, hamı Zobristin planının həyata keçməməsi, virusun yayılmaması üçün əlləşir, olduğu paketi tapmağa çalışır. Lövhədə yazılan həmin tarixdən, həmin andan öncə videonun çəkildiyi yer tapılır və görürlər ki, həmin yerdə 2 həftədir danteyə həsr olunmuş konsert təşkil olunub. Məlum olur ki, virus da orda deyil. Daha dəqiqi, çox-çox əvvəl yayılıb virus, çünki içi robert langdon qarışıq hamının sandığının əksinə, pulsuz təşkil olunan 2 həftəlik konsert məhz ona görə idi ki, istanbuldakı həmin o yer dünyanın hər yerindən turist qəbul edir və pulsuz konsertə hər ölkədən adam girib, virusa yoluxub. Virus isə yenə hamının düşündüyünün əksinə, o dəqiqə öldürən, canicə bir şey deyil. Hava ilə yayılan(ki, ən tez yayılan viruslar bunlardır), insanın genetikasına təsir edərək onu çoxalmaya əlverişsiz, yəni sonsuz edir və dünya əhalisinin 1/3 hissəsində effektiv olacaq.
Son olaraq, yenidən qeyd edim ki, Zobrist o əsərin ikinci antaqonistidir və bu danışdıqlarım əsərin 10%-i deyil heç. Əsəri bunları bilərək belə rahat oxumaq mümkündür.
--spoiler--
indi isə (bax: sözlük yazarlarının niklərinin hekayəsi)
Məhz elə bu davranışına, yəni əsas planını tam həyata keçirəndən sonra qarşıdakı insanları yönləndirməsinə görə Zobrist, yəqin ki, ən sevdiyim personajlar sırasında ilk pillələrdədir. (bax: ən yaxşı roman personajları)
Həmçinin, o bunu insanların düşündüyünün əksinə, insanlara nifrət etdiyi üçün deyil də, xoş niyyətlə xilas üçün etmişdi.
Bu və oxşar mövzuda insanların böyük əksəriyyəti, xüsusilə orta, yaşlı nəsil və qızlar*
seksistlik eləmirəm, şəxsi müşahidəmdir. Çox güman ki, bu, qadınların hiss, duyğularla hərəkət etməsi, analıq və s. ilə bağlı ola bilər
qəti qarşı olub belə adamları vəhşi adlandırırlar. Halbuki mən bunu qəbul eləmirəm.
Üstəlik, rasionalist, duyğuların təsirindən kənar, ağılla davranış sərgiləməsi Bertrandın ən bəyəndiyim xüsusiyyətləri idi.
Dolayısilə, Ortada problem vardı, bir də həll yolu. Zobrist də dantenin ən sonda qeyd edəcəyim sitatından ilhamlanaraq vəziyyəti duyğusallığa bağlamadan bu işə əl atıb, həll etməyə çalışırdı. Bu adam hər şeyi əsaslandırmışdı və doğruları deyir, düzgün hərəkət edirdi. Ən azından əsərdə və eyniadlı filmin ilk səhnəsində verdiyi sualı duyğuları kənara qoyaraq düşünən hər kəs bunun belə olduğunu anlaya bilər. Əsərdə Onu cani adlandırsalar da, hamı qarşı çıxsa da, hətta oxucular sevməyib onun fikirlərini qəbul etməsələr də, bu onun haqlı olduğunu dəyişdirmir. Sonda öz məqsədinə çatdığı üçün də çox sevinmişdim. Kitabda bertrand zobrist'in dəfələrlə sitat gətirdiyi, hesaba açdığım gündən bio hissəmə də yazdığım, Dante'nin "cəhənnəm" əsərindəki o sitatı yazaraq entrini bitirirəm:
"Cəhənnəmdəki ən qaranlıq yerlər böhran zamanı bitərəf qalanlar üçün ayırılıb".
Bu sitat tək kitabdakı kimi bəşəri şeylərlə bağlı deyil. istənilən situasiyada, xüsusilə də, mənəvi-moral mövzularda doğru olanı etməmək, vəziyyəti görməzdən gəlməyə, yüngülləşdirməyə və ya ört-basdır etməyə çalışmaqdan daha böyük vicdansızlıq yoxdur..
+25 əjdaha
12. Bütün sözlüklərin ortaq nöqtəsi olan "bilgi gücdür" mottosuna ən sadıq yazarlardan biri. Gərçək Zobrist haqqında yetəri qədər məlumat verilib suser tərəfindən. Suser zorbist isə sözlükdəki ən mədəni, kültürlü, bilgili və naif insanlardan biridir. istər özəldən danışma tərzi, istərsə də entry girmə tərzi olaraq sözlüyün min klounundan dəyərli olan yazardır. Qələminə və qəlbinə qüvvət.
+12 əjdaha
8. geri qayıt. burda səni istiyənlər məni istiyənlərdən çoxdu.
həm də deyəsən sarsıntı dövrü yaşıyırsan. sözlükdəkilərin mənə çox köməkləri olub belə dövrdə. geri qayıt ki, sənə də köməkləri olsun. minimum itki ilə çıxasan bu süreçdən.
+8 əjdaha
17. (baxma: ağır taşaklı üye)
+6 əjdaha
10. Dan brownun "cəhənnəm" kitabında anti-qəhrəman personajlardan biri. Hətta kitabdakı yeganə anti-qəhrəman.
#324499 bu pesonaj haqda eyniadlı yazarın özü çox ətraflı yazıb, daha da artırmağa gərək yoxdur. Kitabı oxumazdan əvvəl, hər dəfə səbrimi sıxırdım ki, bir gün bu entrini oxuyacam, amma yarıda səbrim çatmırdı. Bu gecə ilk dəfə bu entrini başdan sona qədər oxudum. insanlığın gələcəyi naminə müəyyən bir qismini qısırlaşdıraraq bütün insanlığı təhlükədən qurtaran(ya da qurtaracağına ümid edən) eynən mənim fikrimcə də, genetika mühəndisi düha. Kitabın əvvəlindən, sonuna qədər, zobristin virusunun tapılmamasını mən də ümid edirdim ki, kitab eynilə istədiyim sonla bitdi. Burda bir nüans da var ki, görəsən, bu yola əl atan şəxs(lər), ya da buna sevinən(lər) həqiqətən cani sayılırlar, yoxsa bertrantında da dantedən gətirdiyi sitata uyğun olaraq "cəhənnəmdəki ən qaranlıq yerlər mənəvi böhran anında bitərəf qalanlar üçün ayırılıb". Bertrand eynilə bizim düşündüyümüz kimi(ya da tərsinə) tarixə bir müddət sonra cani kimi keçər yoxsa qəhrəman kimi, bunu da tarix müəyyənləşdirəcək.
indi eynisini döndərib gətirsək, məşhur, eynizamanda bədxah "korona" bəlasına ki, bunla bağlı fərziyyə yürütmək onsuz da çox dəxlisizdir, amma bir fərziyyə yürütməli olsaq, bu virusun da bertrant zobrist kimi transhumanizm tərəfdarı "qəhrəmanlar" tərəfindən dünyaya yayılması anında və sonrakı nəticəyə uyğun olaraq onu bir xilaskar kimi, yoxsa cani kimi adlandırırıq? Sualın cavabı eynilə kitabdakı kimi, o qədər qarışıqdır ki. Koronadan ölən milyonlarla insanın qarşısında, hər gün təmizlənən atmosfer, azca da olsa tərəzinin müsbət yönünə əyilən qlobal istiləşmə və s. Qarşısında necə bir tutum sərgiləyərdi(lər)? Təbii ki, burda da bir nüans var, kitabdakı bu hadisədə insan sayının azalması özünü 50-100 il sonra və humanistcəsinə göstərəcəkdisə, dünyamızda bu tədricən olmamaqla bərabər, həm də çox faciəvi oldu. Yenə də xatırlamaq lazımdır ki, söhbət kitabdan gedir, görəsən bunun dünyamızda başqa cür alternativi varmıydı?
Həmçinin, özünü özlətdirən yazardır -*
+8 əjdaha
1. 10-cu nəsil yazarlara başlıq açıldığını gördüm və dedim ki niyə bu yazara da başlıq açılmasın axı? Bilirəm sol frame yazarlara açılmış başlıqlar ilə doludur amma bu başlığı açmasaydım olmazdı.
Uzun, dolğun, maraqlı və bilgi dolu entry'ləri ilə diqqətinizi çəkməmiş olması mümkünsüzdür. Oxuyarkən entry'nin uzun olması sizi sıxmır və oxuduqca oxumaq istəyir insan. Sözlüyün əjdaha yazarlarındandır məncə *
başqasını tərifləyəndə özümü qəribə hiss edirəm. Öyrəşmədiyim haldı
+6 əjdaha
25. geri qaytarılan onuncu nəsil partizan yazar.
![]()
+6 əjdaha
7. Sözlükdə həmşə köhnə entryləri oxumağı çox sevmişəm. Köhnə entryləri oxuyanda bəyəndiyim entry olanda tez yazarın profilinə baxırdım ki hansı aralıqda yazıb neçənci nəsildi başqa nə entrylər girib və s. Qısa 20-30 saniyəlik müşahidədən sonra dəvam edirdim ümumi oxumaya. Bəzi yazarlar olurdu ki onlardada müşahidə aparmaq üçün səhifəsinə girəndə "bu yazar profilini deaktiv edib" yazısı çıxırdı Mənədə ən çox onlar maraqlı gəlirdiki görən neçənci nəsil olub hansı illərdə yazıb digər entryləri və s. nə olub. Ancaq deaktiv olunan profillərin entrylərinə profillərdən baxılmadığı üçün eləcə fikirləşib qəribə olub çıxırdım. Artıq bertrandda elə yazarlardan biridir mənim üçün. Nə vaxt şimal regionunda sinab alma yemək istəsən məni narahat edəbilərsən. Yolun açıq olsun.
(baxma: Profilini deaktiv etmiş yazar)
+6 əjdaha
24. Niyə buxara çevrildiyini bilmirəm.
Sən sözlükdə nümunəvi yazar idin. uzaqlaşdırılmağına çox təəssüfləndim.
![]()
+7 əjdaha
19. Candır.
+6 əjdaha
5. Axrıncı dəfə dünən gecə mənə çöl göyərçinlərini ürkütmədən pencərədən bəsləmənin yollarını başa salmıştı. indi hesabını deaktiv edib. Ümid edirəm tez bir zamanda qayıdar.
+4 əjdaha
14. (bax: hərşeyşünas)
+4 əjdaha
2. #323873 ilə üzmüşdür.. uğurlar yeni yazarımız
+5 əjdaha
21. (baxma: məsləhətxana keşikçisi)
+2 əjdaha
23. getdiyi günün gecəsi türkiyede zəlzələ oldu amk . haarp mısın mübarek ? .. büyüksün reis
+3 əjdaha
3. #323560 saylı entryi ilə məni keçmiş günlərimə teleportasiya etmişdi sanki. keçmişin romantikası ilə bağlı maraqlı söhbətlər edə biləcəyim yazarımızdır.
+1 əjdaha
15. Üstündən 1 həftə keçib deyə mövzunu diriltmək və sol freymi məşğul etmək istəmədiyim üçün bu entrimi çerez zirzəmi paylaşıram.
Durum heç də göstərildiyi kimi olmadığından Yuxarıdakı yazılanları heç də obyektiv hesab etmirəm. Əlavə entri yazmadım, orda qeyd olunan entrini(#363441) redaktə edərək məsələyə yetəri qədər geniş bir izah vermişdim.
+1 əjdaha
16. sözlükdəki ən sevdiyim yazardır. çox maraqlı və məlumatlandırıcı entry-lər yazır. yazılarının uzunluğundan isə qətiyyən sıxılmıram.
hamısını göstər
