əjdaha lazımdı
izlə
dostlar
mən
googlla
keçən ayın ən bəyənilənləri
-
azərbaycana və ya azərbaycanlılara xas xüsusiyyətlər
-
Absurd mahnı sözləri
-
dünənin ən bəyənilənləri
-
sözlükdə gün boyu 20-30 entry yazılmaması
-
azərbaycanda qəzet oxunmaması reallığı
-
yalan, qərəzli, vicdansız xəbərlərlə qarşılaşan ikişəxsiyyətli adam
-
j. de molei
-
islamı gözdən salan şeylər
başlıqdakı ən bəyənilən yazılar:
+48 əjdaha
14. sözlüyә yazanların yazdıqları qarşılığında kubok gözlәmәklәridi sәbәb. adamlar 6-7 ildi facebookda status yazmaqdan, şәkil yüklәmәkdәn, mahnı paylaşmaqdan vә.s bezmirlәr, ancaq 4-5 ay sözlüyә yazdıqdan sonra bezirlәr. halbuki sözlükdә maraqlı ola bilәcәk şeylər daha çoxdu. üstәgәl anonimsәn, yardır getsin dә. әksәriyyәt qısa ömürlü ulduz kimi tez parıldayıb tez dә sönür. çünki elә bilirlәr ki gәlib burda bir iki cümlә yazan kimi kubok alacaqlar, qızıl medal zad qazanacaqlar. hamının sevimlisinә çevrilәcәklәr. olmayanda da, "burda yazdıqlarıma dәyәr vermirlәr" zad deyirlәr. guya ki gәlib colanın reseptini paylaşıb, biz dә qoz qoymamışıq. facebookda ya elә şәxsi hәyatlarında tapmadıqları uğurları sanki yeni platformada tapmaq istəyirlәr. o da olmayanda yenidәn loser hәyatlarına geri qayıdırlar. gedәndә dә elә gedirlər ki, açıqlamaynan zadnan. "sözlükdәn gedirәm..." zad. siktir get, qayıdan da şaybadı.
halbuki çox gözəl istifadə imkanların var. hәr dәfә açıb orasını burasını oxuyub nәsә öyrәndiyin, içindә qeydlәr apardığın stolüstü kitabın kimi düşün. heç kim sәndәn james joyce performansı gözlәmir onsuz da. bir gün yazarsan, beş gün yazmazsan. facebookda oxuduğun postların yerinә burda yazılan entrylәri oxuyarsan; mәncә daha maraqlıdı. arada gijdiyәrsәn, mırta açılmış başlıqlara yazarsan. nә istәsәn yazarsan, mükәmmәl olmağına ehtiyac yoxdur. zatən hәr entrysi ağır bir mövzuda yazılmış daşşaqlı entry kateqoriyasına girәn yazarları heç vaxt sevmәmişәm. halbuki әksәr yazarlar ilahlaşdırır onları. mәncә çox kasırlar. entry yazarkənki üz ifadәlәrini düşünürәm. "yenә bomba söhbət eliyirәm, yenә qoyacam ortalığın namına nihahaha". bu üz ifadәsini 
düşünün. inanın ki bu hisslәrlə yazırlar o entrylәri asdfghas.
+27 əjdaha
63. ən önəmli ünsürlərin başında yurdum insanında faydalı olmaq, o da cəhənnəm, fikirlərini bölüşmək və fikir mübadiləsi anlayışının olmamasıdır. Ümumiyyətlə, düzgün fikir, dəyər yaradacaq insan azdır, qaldı ki bunu bölüşə və bu da yetməzmiş kimi hələ bir sözlüyü tapa. Fikir bölüşənlər də bunu insanların yararına eləmək niyyətində olmur, çünki əsas məqsədi ya sosial şəbəkədən pul qazanmaqdır (baxma: boş-boş çərənləyən bloggerlər), ya da öz eqosunu doyurmaq (baxma: qız tutmaqçün fəlsəfə, ədəbiyyat səhifəsi açan adamlar). Anonim olub sırf fikrin özünə qiymət verilməsi məsələsi bir çoxuna ona görə sərf eləmir.
ikinci və mənə görə çox-çox önəmli nüans buradakı bir çox yazarların sözlüyə baxış bucağıdır. Açın sözaltı günlük və bu qəbildən başlıqlara baxın. Orda saysız-hesabsız yerdə "neçə müddətdir çox xoşbəxt idim, sözlük heç yadıma düşmürdü", nə bilim "sözlüyə baxanda qruza düşürəm" və ya "yenə gəldim ki sözlüyə sığınım" və s bu tip cümlələr doludur. Baxın bu yurdum insanının xislətini göstərən şeydir. Bura gələnlərin bir çoxunun problemi buranı sırf içindəki neqativi tökəsi yer kimi görməsidir. Mən belə adamları real həyatda da çox görmüşəm. Elə dostları var, onları ancaq qruza, çətinə düşəndə yada salırlar, xoşbəxt günündə görmək istəmirlər yan-yörəsində. Mənim də bir neçə belə dostum olub, hamısını rədd elədim ətrafımdan. insan biriylə ancaq "çətin gün/ qruz dostu" olanda... yaxşı, yaxşı, mövzudan yayınmayaq, gəlin sözlük üzərindən misal çəkim... Bir yazar sözlüyə əsasən neqativini yazanda əlbəttə ki, sonra "görəndə kefim qaçır" deyəcək. Bir normal, standart fikrini yaz, xoş hadisələri bölüş və s. Belə-belə bağ yaranmalıdır, yoxsa bir tərəfli şəkildə dar gündə yada salmaqla bu iş olmaz heç vaxt. Məni köhnədən tanıyanlar bilir, mən o vaxtı sırf sözlükdə o qədər də fayda sağlaya bilməyəcəyimi, şəxsi həyatımda böhrana düşdüyümü görəndə uzaqlaşdım buralardan ki, bura yansımasın. Bir az toparlanan kimi də qayıtdım. Demirəm indi hamı belə olsun, amma azdan-çoxdan belə yanaşma da pis deyil.
Bu yuxarıda dediyimin bir də alternativ variantı var. Bu tip yazarlar da ağ günə çıxanda sözlüyü sikdir edən və ya edəcək tip adamlardır. Zatən elə həmin bu yuxarıda dediyim tip insanlar da bu kateqoriyaya aiddirlər. Bizim insanımızın o "normal həyat" anlayışını qınamağına aldanmamaq lazımdır. Yaxşı maaşı olan işə düzəlsinlər, əllərinə bir az maddi imkan düşsün, sözlük, fikir bölüşmək, intellekt tələb edən şeylər yadlarına düşməyəcək, elə ancaq ye, iç, gəz. Bunun ən adi misalı bir neçə ay əvvəl göründü elə. timidusun həkimi idi deyəsən, yazanda ki "türkiyənin ən böyük recovery klinikasını açacağıq", hər yazısını oxuduğum, dəyərli saydığım bir yazar qayıtdı ki "bir balaca köşküm olsa, nəinki sözlük, heç bir sosial şəbəkə yadıma düşməz". Mən o adamı qınamıram, nə də ki sözlərim birbaşa ona aid deyil. Əksinə, onun bu fikri açıq-açıq deməsini dəhşət çox təqdir edirəm. Çünki səmimiyyət göstərdi. Bu gün əminəm ki, 10 yazardan 8-i sabah əlində bir az imkan olanda elə qəşəng də günlük adi bir həyat yaşayacaq ki, buralar vecinə də olmayacaq. Necə ki bu gün əksər köhnə nəsil yazarlar sözlükdə yazıb-eləmir, heç yadlarına da düşmür. Halbuki yazma vərdişi və yazı mədəniyyəti hamıda formalaşmalı olan bir şeydir. Keçən dəfə bir şəkil gördüm. Mənası belə idi ki, Əgər fikir, düşüncə ovucuna aldığın və barmaqlarının arasından dağılıb gedən sudursa, yazı o suyun stəkana qoyulmuş, formalı və düzgün bir halıdır. Əvvəlcə insanımızda yazma vərdişi yaranmalı, daha sonra da sözlüyə olan bu baxış bucağı dəyişilməlidir ki, sözlük Azərbaycanda tuta bilsin, inkişaf eləsin. Buranı da hər dəfə hər adama deyə bilmədiyin o müsbət, mənfi və ya ümumi fikirlərini sərbəst şəkildə yazdığın yer kimi istifadə eləmək çox daha yaxşı yer halına gətirə bilər.
Digər bir nüans da təbii ki idarə formasıdır. o gün gecə səslidə danışanda da timidusun üzünə dedim, özü də elə fərqindəydi, mən deyən kimi təsdiqlədi bu sözümü ki, sözlük məqsədinə doğru aparılmalı olan intellektual platforma kimi yox, şəxsi mülkiyyət kimi idarə olunur. Acığı gələn, prinsipə düşdüyü yazarda çepe axtarıb adi bir şeyin üstündə uçuran kim, uçurulan yazarlar barədə açıqlama vermək əvəzinə "başın buraxın, qoy elə belə qalsın" deyən kim, yazarların ifşasını atan kim, oturub hansısa yazarın dalınca ağır söyüşlər işlədən kim və s çox şeylər var moderasiyada. modchatı oxuma imkanım oldu, elə şeylər gördüm ki, sözlüyə olan bütün həvəsim söndü. Düzdü, əziyyət çəkəni, təqdir elədiyim də var, amma ümumi situasiya ürəkbulandırıcıdı. Hələ 5-6 il əvvəl *
deyəsən, 2018 idi, dəqiq yadımda qalmayıb. Amma entri var hələ də sözlükdədir, eşələnsə tapıb çıxarmaq olar
Modlardan biri hansısa haqq-hesab zamanı açıq-açıq "sözlüyün ədalətli, demokratik olmaq kimi bir məqsədi yoxdur" kimisindən bir şey yazmışdı. Bunu demək yerinə elə birbaşa "belədi, qaqaş! Neyniriksə, zor eliyirik!1!" yazılsaydı, daha hörmətli olardı. Dindirsən, ucdantutma hamısı hökuməti söyüb pisləyəcək adamlardılar, amma balaca bir platformada elə hərəkətlər edirlər ki, söydükləri, qınadıqları adamlardan qram fərqlənmirlər. Buralar neçə ildir ki, qanunun güc yox, gücün qanun olduğu yer halındadır. Makiavellinin "hökmdar" əsərini praktikaya tökürmüşcəsinə, mütləq güc kimi avtoritar rejimdə monarxiya idarə edirmişcəsinə yanaşanda sözlük bundan artığı olmayacaq ki. Belə olan halda da başdakı 3 bənddə izah elədiyim mənfi halları özündən xaric eləməyi bacaran birisi bura gəlsə belə, heç vaxt davamlı şəkildə qalmaz.
+30 əjdaha
74. yağışda islanmışam, bekaram, yazacam, ürəyimdə qalmasın.
başlayaq hardan,
sosial mediadan kənar həyat sürən bir ədəd şəxs gündəm xəbərləri, insanların fikirlərini və paylaşdığı məlumatları digərləri ilə müqayisə edildikdə ən güvənilir platformadan oxumağı istəyər, necə ki mən illərdir iki sözlükdən istifadə edirəm - ekşi sözlük və söz6 sözlük.
ekşi sözlükdən bir-iki kəlam edim.
hər iki sözlükdə qeydiyyatdan keçmədən sözlüklərdə yazılanlara, yazarlara, baş verənlərə bələdəm ta qədim zamanlardan. bir fərq var ki, ekşi sözlükdən heç bir dənə də yazar adı yadımda deyil. ona görə ki ordaki entrylər o qədər çoxdur ki, fikrim yazılanlara yönəlir, üstəlik senzurasızdır. ən iyrənc mövzulardan tutmuş ən life hack inanılmaz məlumatlara qədər tapmaq olur. misal üçün, adicə yaxın zamanlarda dərman dozasını düzgün ayarlaya bilmədiyim üçün işıqlar içində yatmağa doğru gedirdim, google dayı mənə yerli mənbələrin birində, fonunda pikseli yerlərdə sürünən kəklikotu şəkli olan bambılı bir məlumat çıxaranda, türkiyə türkçəsi ilə axtarışa verdiyim halda ekşi sözlükdə 40-50 səhifəlik camaatın başına mənlə eyni situasiya gələndə nə pox yeyiblər xatirələri ilə ani aydınlanma yaşadım. ekşi sözlükdə ağzına və ağlına gələn hər şeyi yazan hər yaşda insan var. bunların çoxu elə sosial mediada da aktiv olan şəxslərdir ki, mənə onların sözlüyə yazdıqları daha maraqlı gəlir. eqolarını, mənasız, şablon həyatlarının düşüy bər-bəzəyini digər platformlarda qusub, ya da kimlik olaraq tatmin olub ekşi sözlükdə bilinçaltı takılırlar. indi fikirləşmək olar ki əhali fərqi, intellekt fərqi, cahillik oranı və s. fikirləşmə yox. orda yazılan cahil fikirlər də senzurasızdı. kiçik ölkə, balaca şəhər, sayca az əhali, mini platforma daha rahatlıqla abadlaşa bilər, inkişaf edə bilər, nəinki nəhəng. yetər ki senzura olmasın.
söz6 sözlükdə oxumağa başladığım andan etibarən yazılarla arama hiss olunacaq dərəcədə senzura girib. qardaş, account-um yox, yazarlar anonim, niyə bu yazılardan düşüncənin gizlənilmişliyi sezirəm, niyə xod gedən bir çox yazarların hansı səbəbdən xod getdiyini başa düşə bilmirəm, partizanıydı, asfalt çəkəni idi, kamikadzesiydi, seçilmə səbəbi nədir, melanxolik aurası, yoxsa hər mövzuya troll yanaşması, mənim axtardığım yaralı cavabların hansı birinə uyğun sidik təqdim edib? mənə o insanın kimliyi maraqlı deyil, google dayıdan tapdığı məlumatları kollaj etməyi də deyil. ekvatorla bağlı sualım olsa cavab yeri çoxdur, situasiyaya bağlı, təcrübəyə bağlı, bir marka olsun, bir sahə olsun, bunlara aid real düşüncəni asanlıqla tapa bilmərəm. mənə yazarların həqiqətən beynindən keçənlər maraqlıdır, sözlüyün fərqi bunda olmalıdır.
o qədər hadisələr baş verdi, dünyada, ölkəmizdə (hələ də baş verməyə davam edir) oxuyuculuğum lap aktivləşdiyi həmin qızğın vaxtlar. gün içində o qədər cəhdlərimin, əziyyətimin sonunda vaxt tapıb girirdim ekşi sözlüyə, oyda, nələr-nələr yazılır. xəbərlər, müzakirələr, öngörülər, baş qaldırışlar və s.
söz6-ya üz tuturdum, bəs bizimkilər nə yazır, başdan xiyar bir dənə gey anqırır bütün entry-lərdə ki, hüquq belə, mən elə, sizin lap elə. bir gün, iki gün, üç gün. okey, yazsın, o da yazsın, ekşi sözlükdə də bu cür şeylər yazırlar, məktəbdə uşağımın pozanını götürüb qaytarmadılar zad, amma fərqli yazıların alternativliyi xilasedici rol oynayır. bizim sözlüyə isə kimsə həmin vaxt ani giriş eləsə, elə bilər bütün ölkə yığışıb bu uşağa yaşamağa icazə vermir. zarı ki zarıyasan. xəbərlərə falan çıxdı o yazar, o xəbərlərə də məruz qaldım. dedim görəsən nə vaxt sakitləşəcək ara, sakitləşdi. onda account açmışdım, bir ədəd çox böyüdülən qız yazar başladı zayob eləməyə, bütün yazarlar işi-gücü atıb bu qızı övür, molla nəsrəddin adlı yazarın nadir tapıntı entry-ləri ilə kefimi düzəldirdim, yenə bu bilmiş qız çıxırdı qabağıma, gözəl qızlara qəsdi varmış kimi yazıb doldururdu səhər-axşam ki, bəs mən əl-üzümü yumasam da zato zəkalıyam. kartof çuvalı geyinsə də adamı əridəcək gözəl qızların hamısının tpoy olmağını təyin etmiş qədər sosial ekspert yazarımız uğurlu addımlar atırdı, sevilirdi, bir poxa yaramayan entry-ləri ilə tipik azərbaycan örnəyi mini platformda, başımı otaqda divarlara vuracaq həddə gələndə bağladım profili, dedim gedin yağ çəkin bir-birinizə. bu qız ola bilər həqiqətən zəkalıdı, amma düşüncələri senzuralıdı. o həqiqətən gözəl qızlar barəsində o cür düşünmür, yazıları süni idi, düşüncəsini bu yaşıl adada belə gizlədir.
bu sözlüyün bertrand zobrist kimi yazarı var. hal-hazırda sözlüyü mənim üçün dəyərli edən 2 yazardan birincisidi. bu insanın kimliyi barədə heç bir məlumata sahib deyiləm, nickname-ni güclə yazdım, amma bu insan elə bir yazardır ki, yazdıqlarını oxumaq üçün səhərlər xüsusi saat ayırmışam, dadını çıxara-çıxara oxuyuram, tükətməkdən qorxuram, bəlkə real həyatda ünsiyyət yaratmağı bacara bilərəm düşüncəsi ilə yenidən üzv kimi qeyd olmaq səbəbimdir və həqiqətən yüksək mərtəbəyə layiqdir. sözlük azərbaycanda tutmayacaq çünki bertrand kimi yazarlar, insanlar dəyər görə bilməyəcəklər. inkişafı gətirən belə yazarlardı, senzurasız şapalaq kimi düşüncələri axıdan yazarlardı. yaradıcı tərəfdən zövq oxşayan isə j.de molei yazarıdır ki, sözlükdə ikinci əhəmiyyət daşıyan şəxsdir mənə görə.
yazarların azad olmadığı, əjdahasız qalma qorxuları, umbaylanma dəhşətləri, yuxarıya doğru canciyərlik yaratma çabaları imkan verməyəcək sözlük inkişaf eləsin.
sözüm çox idi, bertrand zobrist-dən yazanda kefim pozuldu, ürəyim sıxıldı, elə bil haqsızlığı hiss elədim yenə, nəysə.
+22 əjdaha
36. məncə 3 səbəb var.ilk olaraq sözlüyün reklamı yox dərəcəsindədi.əgər reklamı normal olsaydı mən bura gələcək olan 10larla adam tanıyıram.ikincisi, sözlüyün formatını izah eliyən qısa bir video olmalıdı.mən youtubeda bir dənə görmüşdüm,o da o qədər uzun idi ki adam 2-3 dəqiqəsinnən o tərəfinə baxa bilmir.hələ də o videoya tam baxmamışam,nəysə lazım olanda videonu qabağa dala eliyib lazımi hissəni tapıb ona baxıram.üçüncüsü,sözlükdə gündəm heç izlənilmir.misalçün ekşi sözlükdə çox olur "15 fevral 2016 bla bla hadisəsi" kimi başlıqlar.mən bir neçə dəfə açdım gördüm heç kəs qoz qoymur.əgər bu cür gündəmi izliyən başlıqlar çoxalsa,camaat facebookda dağınıq xəbərləri oxumaqdansa,söz6ya girib bir başlıq altındakı yazıları oxuyub söhbətin nədən getdiyini bilər.onsuz da sözlük formatı "səliqəsinə" görə facebookdan öndədi.sadəcə bu avantajdan istifadə eliyərək sözlüyü qabağa çəkmək lazımdı.
+23 əjdaha
1. gündəmnən əlavə lazımsız entry-lərin çox olması. ateistlərin işinin gücünün əsasən dinlə məzələnmək olması, əsl islam budur, bu deyil, nə bilim səy-səy entrylər.
gördüyüm qədəri ilə sözlük yazarları müxtəlif ölkələrdə olurlar, oxuyan oxuyur, gəzən gəzir. nə gözəl, nə əla..
yazın daa qadası biriniz ankaradan, biriniz parisdən. o biriniz new yorkdan, sidneydən yazın. birimiz sabah parisə gedəndə məsləhətxanaya "ayyy milləəət sabah parisə gedirəm maaa nə təcili bir məsləhət verin"deməyə məcbur qalmayaq. azdı burda bu cür entry-lər qadası.
tutalım biri edinburqdadı. ora yazmır ki, "anonimliyim deşiləcək". əşi neynirik sənin kimliyini? otur gördüyünnən yaz biz də məlumatlanaq daa.
sözlüyün tutmamasının səbəbi bilik mübadiləsinin zəif olmasıdır. başqa heç nə.....
+17 əjdaha
29. eksi sozlukle muqayise edilmesi fikrimce duzgun deyil. eksi 70milyon insanin yasadigi, onlarla universiteti olan olkede qurulub. etiraf etmek lazimdi ki bu tip saytlar telebelerin, daha deqiq desek dusunen ve bir fikri olan insanlarin ugraq yerleridi. azerbaycan ise 9milyon, yarisi genc olsa bunlar universistet telebesi bele olsa coxunun dunya gorusu "sigaret, acar, tesbeh ve tema"dan ibaretdir. bu insanlar bu tip sosyallasmadan uzaqdirlar. ona gore soz6nin isi bir az cetindi. ancaq heleki imekleyir, eminem iki ayaq usde qalxib qacacagi vaxtlar da gelecekdir
+18 əjdaha
79. bir dənə üzrlü sayın, tam səmimi bir şey yazacam.
tərif: biri də sözlüyün artıq çox sayda yaxşı yazarlara sahib olmaması olan səbəblərdir.
həm dünya, Həm azərbaycan gündəmində nə qədər şey baş verir, sözlükdə onun başlığı az qala 1 həftə sonra açılır. yazarlar hələ də seksist başlıqlara entry yazmaqdan dünya problemlərini düşünməyə vaxt tapa bilmirlər. millət olaraq sosial məsuliyyət bizdə aşağı səviyyədə olduğu üçün sözlükdə də bu özünü göstərir. əvvəllər və indi də bəzi yazarlar var ki, maksimum çox sayda sifariş doldurmağa çalışırlar, edit edirlər, araşdırırlar, lazımlı şeylər yazırlar, amma 10 nəfərlə olmur, təəssüf ki.
sözlük 2013-2014-də çox aktiv idi, amma o bomba günlərinə davam edə bilmədi, çünki sözlüyü insanlara qəbul etdirmək missiyasını hamı mənimsəmədi. azərbaycandakı kütləyə bir şeyi yedizdirmək çox çətin deyil, sadəcə 20-30-40, bəlkə də, 50 nəfər birləşib onun üçün çalışmalı və sözlüyün keyfiyyətini də normal həddə saxlamalı idi, bu da alınmadı. heyif ki.
+15 əjdaha
37. cəbhədə ciddi atışma var, əsgərlər ölür. bayaq bir saytda oxudum ( nə qədər düzgündü bilmirəm) qəbələdə 9 yaşlı qızı zorlayıblar hamilə qalıb qız. amma sözlüyün gündəminə baxdıqda izmir, istanbul, türkləri sevmə səbəbləri, az bilinən mükəmməl filmlər vəs. əlbəttə tutmaz, azərbaycan gündəmini tuta bilmir sözlük. bu qədər sadədir səbəb.
+13 əjdaha
35. azərbaycanda nə tutursa sonradan poxu çıxır. ona görə belə qalsa yaxşıdı.
+16 əjdaha
69. Aze-də 10 milyon insan var. Bunun təqribən 20-22%-i gənclərdir. Bu gənclərin 2-3%-i (mənim zənnimcə) ağlı-aşı yerindədir və söz6-da yazılanlara maraq salır. Qalan 19-20% gənc kütlə və digər 77-78 % kütlə üçün burdakılar petuxdur.
Bu ümumi 97-98%-lik kütlə üçün reklam təbliğat falan filan etmək lazım deyil. Sikdiriblər onsuz da
+11 əjdaha
39. bu mövzuda naçizane tövsiyə vermək istədiyim vəziyyətdir.
lüğətdə gördüyüm ən böyük əksiklik, davamlı siyasi, gündəm və söhbət başlıqlarının açılması. ekşisözlük bu şəkildə türkiyədə trend yakalamadı. insanlar əlaqədar olduqları hobbi, peşələrdə, mövzularda başlıqlar açdılar. (keçmişdə daha çox) bəzən bu elm teknolojiydi, bəzən ekonomiydi, bəzən felsefeydi...ağılınıza gələ biləcək ən uc məlumat belə ola bilər. yəni çıxış nöqtəsi "müqəddəs məlumat qaynağı" idi. türkçe heç bir tərifin olmadığı bir termin haqqında yalnız ekşi'də tərif, tövsiyə bulabiliyordunuz. burada ən bəsit terminlər mövzusunda belə başlıq yoxdur.
+14 əjdaha
6. ilk növbədə savadsız gənclərin çoxluq təşkil eləmələri, söz bazalarının geniş olmaması. bir adam ki, facebookda pessimistka yasamalka vorzakonka hostedka balonka zaçotka tipli nick istifadə edən adamlarla ünsiyyətə girir, əlbəttə ki, ona sözlük maraqsız gələcək. bu və bu kimi gənclərin çoxluq təşkil etməsi, azərbaycanda sözlüyün tutmamasının başlıca səbəblərindən biridir. gerisini siz yazın.
+10 əjdaha
44. bu və bu kimi başlıqlar. anket başlıqlar əyləncəlidir amma sözlüğü inkişaf etdirməz. nə qədər çox tərif məlumat entrisi girilsə, insanlar internetdə axtarış etdiklərindən sözlük üst sıralara çıxır. daha çox yazıçısı daha çox oxucusu olur. illər əvvəl ekşi sözlük ya da başqa sözlük bilməzdik. amma internetdə ağrı kəsici araşdırması belə etsəm ilk qarşıma çıxan sitedir. kinoya getmədən əvvəl filmin adını google a yazdıqda qarşıma çıxan ilk saytdır. ümumiyyətlə işlər belə irəliləyər. anket başlıqlarda əyləncəli və olmalı amma sözlüğü böyüdən tərif entry. və bəlkə kiçik bir reklam ola bilər.
+14 əjdaha
2. burda qız tutmaq olsaydı sözlük azerbaycanda baya yaygın olardı
+9 əjdaha
42. burda məşhur olmaq olmur.
+11 əjdaha
9. azərbaycanda sözlük mədəniyyəti məşhur olsaydı, bu neçə il ərzində eşidərdim. əgər mən hələ bu gün eşitmişəmsə, reklamda problem var. heç kim sözlüyün yayılmasında həvəsli deyil. məncə, bir az daha reklam eləmək lazımdı. facebookda, twitterda,instagram və s. də. ancaq mən bu mədəniyyətin yayılmasını istəyirəm. buna görə də əlimdən gələn qədər reklam eliyəcəm. sözlüyü yayaq, məşhurlaşdıraq. deputat kimi danışdım aq.
+11 əjdaha
68. Gec yaranmağı.
Ekşi sözlüklə müqayisə eləsək ekşi sözlük 1999-cu ildə yaranmışdı və həmin dövrdə internetdə kontingent demek olar ki yox idi. Həmin vaxtı nisbətən intellektual "qaymaq" təbəqə ekşidə yazmağa başlamışdı. Zamanla böyüdü və tutuzdurdu. Artıq internetə girən biri nəsə axtarışa verəndə qabağına ekşi sözlük entrysi çıxırdı.
Bizdə isə sözaltı sözlük yarananda artıq facebook, ok, vk kimi yerlər var idi. Açığı nisbətən intellektual "qaymaq" təbəqə rusdilli olduğundan bizim dilə biganə yanaşırdı, rusdilli formlarda ya da vk, ok kimi yerlərdə vaxt keçirirdi.
indi isə sözaltı sözlükün əksər hissəsi loser yeniyetmə təfəkkürlü entrylər olduğundan maraqlı demək olar heçne qalmıyıb. Entrylərə baxıram populyar insta, fb səhifələrinin şərh hissəsindən fərqli heçnə görmürəm.
Həm də bura qız tutmaq, tanışlıq üçün cəlbedici yer sayılmır. Məsələn bura birçox qızlara cəlb edici gəlmir çünki əyləncəli yer deyil. Qız az olduğu üçün testosteronu beyninə vurmuş internet yanıqları burda fantaziyasını işlədə bilmir.
Yazanlar da adətən mənim kimi buranı bloknot kimi istifadə edənlərdi arada keçmiş entrylərinə baxanlardı. Bizlər də bugün varıq sabah bəlkə heç girmədik buralara
+13 əjdaha
75. Oxumağa həvəslərinin olmaması.
Ən çox bir dəqiqə olan tiktok videolarına bütün gün baxdıqdan sonra 40 dəqiqəlik bir seriya belə izləyə bilməyənlər saytı açıb nəsə uzun bir yazı görən kimi qaçırlar. Onsuz da bütün gün tiktok'a baxan birinin bura girməyi çox nadir bir ehtimaldır.
+11 əjdaha
5. açıq yazım qız əksikliyi və sözlüyün nə olduğunun bilinməməsi. neçə adama demişəm amma formatı başa düşmürlər. ha bunuda demədən keşmiyim. yazar olmasada gəlib oxuyub-gedən tayfada var.
+8 əjdaha
19. (bax: qasim)
+8 əjdaha
26. türkiyədə ekşi sözlük 1999-cu ildə qurulub. ekşi sözlüyün bu qədər məşhur olması neçə illik fəaliyyətinə görədir.
söz6 isə hələlik 4 ildir fəaliyyətdədir və bəzi yazarlar gedir, yerlərinə yeniləri gəlir. əgər sözlükdə aylarla başlıq, entry yazılmasaydı bu başlığı açmaq yerində olardı.
+10 əjdaha
66. xalqımız böyük hissəsi azərbaycanca resurs az olduğu üçün bütün axtarışları türkcə/rusca edir. buna görə də internetdə "azərbaycan mentaliteti" tipli bir şey axtarmırsınızsa, bu sözlüyün də qabağınıza çıxma ehtimalı çox azdır.
+8 əjdaha
81. arkadaşlar ayıb olur axı sözlük qatıq deyil ki tutsun. bəsdirək.
+8 əjdaha
72. Çox sadə - zəhmətini çəkənlərə pul qazandırmamasıdır. Gəliri olsa mediasını edib çox yaxşı trafik almaq olar. Sadəcə o trafiki media komandasının zəhmətinin qarşılığını ödəyəcək gəlirə çevirmək mümkün deyil. Xəbər saytları kimi düşünməyin, xəbər saytlarını məmurlar saxlayır, reklamı da onlar təyin edir. Adsense desəz, onunçün çox balaca ölkəyik. Yəni ki, kiminsə qucağına oturmadan, qranta işləmədən mümkün deyil sayt işi görmək.
Ekşi ilə müqayisə edənlər var, bu çox absurddur. Bu, ekşi-soz6 müqayisəsi olmur çünki, Türkiyə-Azərbaycan müqayisəsi olur.
+9 əjdaha
33. tutmamasının səbəbi sözlük yazarlarıdır. sözlük xüsusi qrup tərəfindən başa düşüldüyü üçün, buranın məğzini anlayan yazarlar sözlük psixologiyasını başa düşən ətraflarına belə bir sayt olması haqqında məlumat verməlidirlər.
ikinci məsələ isə sözlüyün azərbaycanda tutmayacağına inanan türkiyə sözlük saytlarındn xəbəri olan insanlardır. hansı ki mən dünən işdə deyəndə ki bizdə də söz6.com adında sözlük var iş yoldaşım mənə dedi ki əşşi bizdə nə sözlük. bayaq həmin adama sözlükdə olan bir məlumatı paylaşdım dedi a hardan tapmısan bunu. dedim söz6.com dan. əminəm indi o da girib bura qeydiyatdan keçib. yəni dediyim odur ki bir az təbliğ eləməliyik.
+10 əjdaha
71. bu tip halın baş verməsi:
![]()
icazə verin lüğət kimi istifadə edək. belə olsa, başqalarının qarşısına çıxma ehtimalı artır. niyə, çünki, kimsə hansısa sözün mənasına baxmaq istəyəndə yazır ki, "xxxxx nə deməkdir?". mən bir dəfə şəbzül sözünün mənasını öyrənmək istəyirdim, bilmirdim. yazdım google-də qarşıma birinci sırada sözlük çıxdı. elə şəbzül sözünün köməyi ilə də sözlüklə tanış olmuş oldum. 2021-ci ilin söhbətidir. təklif edirəm ki, bu addımı birinci moderatorlar atsın ki, digər yazarlar da ürəklənib yazmağa başlasınlar, day əmin olsunlar ki, entry-ləri silinməyəcək. zatən bir çox sözün anlamı var sözlükdə, misal üçün, qaşıq, çəngəl, çörək və s. bu tip sadə sözlərin sayını artıraraq sözlüyü sözün həqiqi mənasında sözlüyə çevirməliyik. az qala hər sözün adına başlıq olmalıdır. yalnız bu cür tuta bilər sözlük. axtarış edəndə üst sıralara sözlüyün çıxması üçün mövcud sadə başlıqlara bacardığınız qədər entry girin. misal üçün qaşıq başlığına yazın. qaşıq nədir, qaşığı necə izah edə bilərsiz? öz fikirlərinizlə izah edin.
+8 əjdaha
60. ən əsas səbəblərdən biri aktivlikdi. az istifadəçi sayına görə çox az başlıq açılır və onlardan yalnız bir neçəsi faydalı olur, aktivlik olmadığına görə də sıxıcı olur. instagram,facebook və s. sosial şəbəkələrin sevilməsində səbəb hər dəqiqə fərqli informasiyaların paylaşılmasıdı. soz6 reklam olunsa və insanlar bura cəzb edilsə daha maraqlı yer olar.
+9 əjdaha
31. əməlli-başlı da tutub, məktəb şagirdləri, rockgirller birşeyki gəlib sığınıblar bura, daha nə olmalıdır ki, tutmaq nətər olur ki?
+5 əjdaha
27. sözlüyün tutmamasının sәbәbi sözlüyün reklamının olmamasıdır,qatılmıram ki,yazarlara görәdi
yazarlara görә deyil,çünki görmәmişdәn әvvәl kim nә bilir ki,burda necә yazarlar var
әsasәn yazarlarda anonimliyi qorumaq,rahat yazmaq üçün heç kimә sözlükdәn bәhs etmirlәr
tәbikidә buda sözlüyә pis tәsir edir,fikrimcә biraz aktiv olmaq,çevrәmizәdә sözlükdәn bәhs etmәk lazımdır, belә narahat olursunuzsa da demiyin nikinizi,qoyun anonim qalsın,onlarda maraq üçün axtarsınlar vә nәticәdә daha çox girsinlәr
+5 əjdaha
45. yuxarıda da qeyd olunub amma mən də yazmaq istədim. anketvari başlıqların çoxluq təşkil etməso məncə də. normal bir insan sözlüyü necə kəşf edər? mən məsələn google-da bir şey axtaranda həmişə ekşi çıxırdı qabağıma. biz də buna nail olmalıyıq. yeni yazarlar bir-biri haqqında yazmaq ya da ne bilim erdoğanın sözlükdə seçəcəyi niklər haqqında yazmaqdansa gündəmə aid, ümumi maarifləndirici şeylərə üstünlük verməlidi. məsələn biri google-a girib timidus, sherlockunmayndpalası, erdoğanın seçəcəyi nick yazıb axtarış eləmir. çingiz abdullayev, şövkət ələkbərova, lütfi zadə yazıb axtarış eliyir. yəni reklamı küçədə divara elan yapıştırmaqla, dostuna-tanışına deməklə yox lazımlı mövzularda gözəl entrylər girib google vasitəsilə insanların gözünə soxaraq eləmək lazımdı.
+8 əjdaha
55. gəlin statistikada əsas yeri tutan yazarlara baxaq:
ən yüksək reytinq'lər:
1. timidus (yazmır artıq, ifşa olunmuş yazardır.)
2. rumpeltelskin (yazmır artıq, ifşa olunmuş yazardır.)
3. burdan qubadlıya qədər gedən adam (yazmır artıq, ifşa olunmuş yazardır.)
4. 33-cü dərəcədən mason (yazmır artıq)
5. bakirfikir (yazmır artıq, ifşa olunmuş yazardır.)
6. hassiktirogen (yazmır artıq, ifşa olunmuş yazardır.)
7. ınjohny (sözlükdə hal-hazırda fəallığını qoruyur)
8. khael (sözlükdə hal-hazırda fəallığını qoruyur)
9. qatiq qaradi blet (nadirən yazır, ifşa olunmuş yazardır.)
10. uzuncorab hippi (yazmır artıq)
ən çox izlənən yazarlar :
1 timidus
2 qatiq qaradi blet
3 manqurt (yazmır artıq)
4 molla nəsrəddin (yazmır artıq)
5 burdan qubadlıya qədər gedən adam
6 ssg (yazmır artıq və yazmayacaq artıq)
7 van den budenmayer (yazmır artıq)
8 rumpeltelskin
9 anyone (yazmır artıq, ifşa olunmuş yazardır)
10 hassiktirogen
yaxşı bunların yazmamasının səbəbləri nədir ?
1. yaşlanıblar və iş sahibi olublar və yaxud dərsləri çoxalıb artıq heçnəyə ayıracaq vaxtları yoxdur.
2. sözlüyü ciddiyə ala bilmirlər artıq, çünki çoxlu trollar var, əllərində saz bəzəyirlər məclisləri. hər deyilən neqativ söz xoşlarına gəlmir.
3. populyarlıq itirilməsi. sözlük ilk başlarda bildiyiniz kimi çox aktiv idi çünki yaradıcı timidusun həvəsi var idi. əlindən gələni edirdi. yazarlar da bir-birilərinə stimul verirdi ki, ssg kimi yazar olan yerdə mən də olmalıyam. indi isə elə yoxdur, deyirsən ki, keçən dəfə söyüşə görə uçurulub yenidən qaytarılan trolun olduğu yerdə nə işim var. bir sözlə sözlük hal-hazırda məşhur olsaydı hər kəs burdan danışsaydı çox yazar yenidən qayıdardı deyə düşünərdim.
4. hər tip insanın olması. facebookda xoşuna gəlməyənlə ünsiyyət edə bilməsən də bura belə deyil.
yuxarıdakı statistikadan çıxaraq bunu bütün yazarlara aid edirəm. bu sözlük gravitona çox hörmətsizlik edib amma o, hələ də burdadır. getməyə qoymayın..
+6 əjdaha
12. (baxma: həyatdı da, zaur)
+6 əjdaha
76. Əllərinin olmaması
+9 əjdaha
40. (baxma: öldürən mahnı sözləri)
(bax: öldürən youtube videoları)
(bax: öldürən youtube şərhləri)
(bax: öldürən manpası cavabları)
(bax: öldürən facebook şərhləri)
(bax: öldürən dil sürüşmələri)
(bax: öldürən facebook qrup adları)
(bax: öldürən tükəzban sözləri)
xaiş edirəm bu başlıqlara yazmayın. sözlüyə girən məsum, biçarə oxucular bunları heçnədən xəbərsizcə oxuyur sonra da ölürlər, beləliklə də sözlüyün reytingi düşür. başa düşmürsüz ki hər şeyin günahkarı elə məhz biz özümüzük?!
+6 əjdaha
8. ən böyük səbəb gündəmdən uzaq qalması. ekşi sözlük gündəmi izləməsi və müxalifət olması sayəsində böyüdü.soz6 formatı inciyə daha uyğundu azərbaycanda incinin ilk 3 nəsli kimi yumor anlayışı yüksək olan gənclər var onda əmin olun bundan 5 dəfə daha populyar olardı
baxın nece de uygun gəlir
+5 əjdaha
57. hal hazırda facebookda qınanılan mövzuların (din, bakirəlik, azad seks, sektor uşaqları və s) bir neçə il əvvəl sözlükdə çürüdülüb bitməsi səbəb göstərilə bilər. sol frame-də o qədər də cəzb edici mövzular yoxdur düşünən qardaş, bacılarımız üçün.
+4 əjdaha
23. sözlüyə gəldikdən 5-10 gün sonra çox yazarın üz tutduğu,üz turşutduğu başlıq.
hamsı da elmdən,bilgidən dəm vururlar. ala bir nəfəs al,toxta sonra araşdır bax gör nə qədər elmi,yararlı bilgi var burda sonra cum da başlığa. gördün qane eləmir sifariş ver doldurararlar.
çatan kimi sözlüyə yumruq atırsız nolub a bala,biz can qoyuruq ki,gələn gedən zəhməti yerə çırpsın?
sözü də elə adam deyə ki,əsas ola. yox dəxlisiz başlıqlarmış,bir sikimə dəyməyən entrylərmiş. ki,külliyatına baxsan öz yazdıqlarıdı çoxusu. -* təklif yox tənqid var. bir arada özünüzə baxın,açdığınız başlıqlara baxın. elmi nəsə yazmağa birinci özünüz başlayın.ver yeyim ört yatım olmasın.
+8 əjdaha
54. 1. gənclərin hər hansı mövzu haqqında fikir sahibi olmamalarıdır. çünki, burada mırt bir status yazıb altından dost tanışının like etməsini gözləmək mümkün deyil. konkret başlıqlar var və ya özünün açmalı olduğun başlıqlar var, sən də bunlar haqqında fikir bildirməlisən. bu da bir çox gənc üçün çətindir.
2. qız tutmağın mümkün olmaması. çünki, burada qız tutmaq üçün tək silahınız fikirlərinizdir. nə hovuz qırağında eynəkli şəkiliniz, nə də maşınımızda çəkdiyiniz selfie qız tutmağa kömək etməyəcək.
3. burada olan yazarların burda olma səbəbləri ancaq fikir bölüşməkdir(hamısının yox təbii ki). fikir bölüşmək isə, təbii ki, bir çox gənc üçün maraqsızdır.
+6 əjdaha
61. Əksəriyyətin belə bir şeyin varlığından xəbərsiz olması.
+3 əjdaha
52. mənim kimi, yaşamaqdan zövq ala bilmeyen bir yazarı varsa, normal hesab edirem, evveller başqalarında günah axtarırdım, amma qərara geldim ki,bir az insan özündede günah axtarmalıdır
+4 əjdaha
78. sözlüyün tutması nəyə deyirsiz? bu köhnə başlıqdır, söz6 sözlük qurulandan 2 il sonra açılıb. indi görə bilərik ki, sözlük tutub, hələ də tutur. sözlüyün çatdığı və diqqətini çəkə bildiyi müəyyən bir kütlə var və həmin kütlə gec ya da tez sözlüyü kəşf edir. əlbəttə ki 8-9 ilə nəzərən olan yazar kütləsi indikinə görə fərqlidir, amma bu çox normaldır. sözlük artıq stabilləşib və 8-9 əvvəlki adamlar üçün "vəzifəsini" yerinə yetirib, və yəqin ki gələcəkdə də bu cür dövrə tamamlanacaq.
qeyd: bu o demək deyil ki köhnə yazarların heç birini sözlük maraqlandırmır və ya heç biri aktiv deyil, ancaq fikirləşirəm ki yuxarıda yazdıqlarım sözlüyün böyük bir qismi üçün keçərlidir.
+5 əjdaha
65. məncə tək səbəbi azərbaycanlıların ümumiyyətlə pragmatizmə meyilli olmasıdı. yəni insanların düşüncəsinin heyatımıza təsir eləməsi ve idealogiyamızı dəyiştirməsi ehtimalı qəbul edilməz bir şey kimi gəlir. nə olmuşuqsa elə davam eləyək, heç kəs də ağlından keçəni dilə gətirib vaxt aparmasın.
+3 əjdaha
7. topluma çıxanda , qız axtaran oğlanları yaxud simpatiçni oğlan axtaran qızları , telefonda tanımadığı qızla yaxud oğlanla yazışan bir toplum görəndə , kimisi dar şalvar geyinib götü ilə fəxr edəndə , kimisi dar köynək geyinib sinəsi ilə fəxr edəndə , hansı sözlüyün azərbaycanda tutmamasının səbəbləri başlığından danışırsız ? tabii ki , bu yazdıqlarımı hamıya şamil etmirəm , amma çoxluq onların tərəfindədir .
+3 əjdaha
47. mənim də bezdiyim bəzi səbəblər bunlar ola bilər;
(baxma: ergen yazarlar)
(bax: kal armud)
(bax: ergen )
(baxma: 18+)
+3 əjdaha
32. tutacaq. vaxt gələcək "buralar umbay doluydu və o vaxtlara biz qaranlıq əsr deyirdik" deyəcəyik
+6 əjdaha
70. elə düşünürəm səbəblərin biri də mobil tətbiq olmamasıdır. indi hamı mobil telefonda applicationlarda surfing edir, əgər notification sayta girəndə yox girməsəm də applicationa gəlsə öz adıma deyirəm daha aktiv olaram sözlükdə
+4 əjdaha
15. yerlipərəstliyin olmasıdır, bombalıq edən yazarların hegemonluğudur, sözlükdə nəsil söhbəti`nin olmasıdır.
+4 əjdaha
4. yazıcılar birliyi olan ölkədə tutar amma biraz geç tutar.sebirli olmaq lazımdır kamil
+2 əjdaha
41. bir-birindən gijdıllağ 4-5-ci nəsil countryball yetirməsi irqçi, yeniyetmə debillər tərəfindən işğal olunması.
+2 əjdaha
80. ilk zamanlar buradakı yazarların iç dünyalarını, melanxoliyalarını, depressiyalarını oxumaq maraqlı gəlsə də artıq ölkədəki tək sözlüyün məqsədinin bu olmaması gərəkdiyini düşünürəm. Deyildiyi kimi gündəmlə əlaqəli daha çox şey yazılmalıdır. Azərbaycanda başqa yerlərdə haqqında danışılmayan şeylər olmalıdır sözlükdə. Siyasətlə, azərbaycan elmiylə bağlı daha çox entry olmalıdır. Ümumiyyətlə yaxşı yazan on onbeş yazarın öz dünyalarında olması və başlıqların eyni tipdə olması sözlüyün inkişaf etməyinə imkan vermir.
hamısını göstər
