uzaq məsafəli münasibət



facebook twitter əjdaha lazımdı izlə dostlar   mən   googlla

başlıqdakı ən bəyənilən yazılar:

+42

20. Mümkündür. Şəxsi təcrübə. 6 il sevgili qaldıq elə. Bakıya tətilə gələndə görüşə bilirdik. Oxuyurdum. Sonra da evləndik -*

+28

13. uzaq məsafəli olsa da bəzən yaxın məsafəli münasibətlərdən də qat-qat yaxın olan münasibətdir.
bu barədə yazılan mənfi fikirlər mənim təcrübəmlə uzlaşmır. bəzən elə olur ki, illərlə biryerdə yaşıyan iki insanın düşüncələri arasında milyon işıq illərinə bərabər məsafə yaranır. bəzən isə bunun əksi yaşanır. məsələn bizim üçün fəza bükülür, məsafələri də içinə udurdu.

hər şey 2018-də başlamışdı, bizi ilk dəfə kainat bir elmi kitab təqdimatında üz-üzə gətirmişdi. bundan sonra isə instaqramda paylaşdığımız storilərdən oxşar maraqlarımızı tapmışdıq. və sonra gecə 3-4-ə qədər çəkən tvitter mesajlaşmalarımız var. mövzular isə kinolar, musiqilər, fəlsəfə, həyat və s. idi. "doğru insan" təriflərini heç bəyənmirəm ancaq onun doğru insan olduğunu məhz o günlərdə ilk dəfə anlamışdım. bu mövzuları danışanda tezliklərimizin necə üst-üstə düşdüyünü görürdüm. ikimizdə gecəni gözlüyüb növbəti danışıqlarımız üçün həyəcanlanırdıq.

ilk görüşümüz dağüstü parkda olmuşdu və görüşdən sonra onu yola saldım və içərişəhər metrosuna qayıdanda yolda içimdə qəribə bir sevinc hissi var idi. sadəcə özümə "onu heçvaxt itirmə" dedim. bundan sonra da bir neçə dəfə görüşdük və yavaş-yavaş onun özü haqqında da bilmədiyi şeyləri mən kəşf etməyə başladım. məsələn, dodağının qırağında çıxan o şip-şirin xətlər (qəmzə yox), kofe-qoxulu saçları, badamı gözləri, qəribə şəkildə balaca olan "çeçələ" barmağı və s. bunların hamısı təxminən 2-3 ay ərzində olmuşdu və mən bu ərəfədə illərlə planını çəkdiyim xaricdə təhsilimlə bağlı qərar verməli oldum. həmin zamanlarda dostluqla-sevgililik arasında bir yerdə idik və ona həmin yay gedəcəyimi deyəndə çox sevinsə də bizi nələrin gözlədiyini təxmin edirdik.

mən gedəndə artıq biz sevgili idik. bundan sonra düz iki il çəkən uzaq məsafəli münasibət başladı. həyatımda baş verən bir neçə kəskin dəyişikliyin nəticəsində xaricdə olduğum ilk zamanlarda biraz key kimi idim və təbii ki, o bunu hiss edib "soyuqlaşmaq" sanmışdı. ancaq gələcək aylar göstərdi ki, bu sadəcə keçici bir period idi. təbii ki, münasibətin çətin olacağını ikimiz də yaxşı bilirdik ancaq onu da bilirdik ki, əgər bu iki illik "testi" keçsək həqiqətən nə istədiyimizi daha yaxşı biləciyik. bu iki il ərzində münasibətimiz çox eniş-yoxuş, qırılmalar, qırılmalara güc gələn birləşmələr gördü. fiziki görüşməyimiz mən yayda bakıya qayıdanda olurdu. bir dəfə isə o mənlə görüşmək üçün bir turla bakıdan murmanska (ilk dəfə idi xaricə çıxırdı), ordan isə sankt-peterburqa (avropada olduğum üçün ən uyğun yer bura idi) gəlmişdi. həmin görüş "qatar" görüşü idi. peterburqun qatar platformasında gözləyirdim və gələn qatarın içində bir neçə nanosaniyə ərzində mənə çox doğma olan bir cüt göz gördüm. qısa ancaq duyğulu keçən həmin bir həftə-on günün içinə ayların qucaqlaşmasını sığışdırmaq istəyirdik. sonda isə yenə moskvada bir metro qatarı həmin doğma bir cüt gözü məndən alıb apardı. mən axmaq isə moskvaya bir yerdə getdiyimiz avtobusda qayıtmaq üçün məhz eyni yeri almışdım. yəni, gedəndə yanımda o var idi, qayıdanda isə yol boyu yanımdakı boş yerə baxırdım.

ümumilikdə isə uzaq məsafəli münasibət çox şey öyrədir. netflixdə eyni kinoya eyni vaxtda baxıb, bitən kimi zəngləşib müzakirə etmək, musiqini eyni anda başladıb qulağ asmağa çalışmaq kimi şeyləri ancaq belə münasibət yaşamış insanlar bilir. həm də bu insanlar əl-ələ tutmağın, qucaqlaşmağın, metrodan çıxanda onu görməyin və saçını iyləməyin dəyərini çox yaxşı bilir. normal hallarda adiləşən belə şeylər xüsusiləşir. hər şey nə qədər çətinləşsə də həqiqətən qarşındakı insanın sənin doğman olduğunu düşünəndə bütün bu çətinliklər puç olur. yerini tezliklə biryerdə yaşamağın ümidi doldurur.

yanıma gəlmək üçün keçən il ieltsə hazırlaşmağa başladı. hər "yox edə bilmərəm", "zibil reading bezdirib lap", "heç vaxt yaxşı bal ala bilməyəcəm" yavaş-yavaş yerini "lap az qalıb, biraz da çalış"-a verdi. hər etapı ayrı dramatik roman olan universitetə qəbul prosesi də axır bitdi. və artıq bir neçə ay sonra bir yerdə olacağdıq. ancaq, covid-19 çıxdı və universitet bu il tələbələri qəbul etməyəciyini dedi. bax həmin an mən bir-iki ömür yaşıyıb-öldüm. sözün əsl və riyazi mənasında minbir əziyyətdən sonra yüzlərlə tələbənin içindən məhz onun bura gəlməsinə nail ola bildik (heç bir cığallıq olmadan, sadəcə çox əziyyət çəkib hər yerə müraciət etməklə). avqustun axırı hava limanının o sərnişinlər gələn qapısının qabağında onu gözlüyürdüm. hər qapı açılanda mənim də qəlbim açılır, bağlananda isə bağlanırdı. axır gəldi, görüşdük, öpüşdük və o artıq mənlə yaşayır. indi isə uzanıb telefonla oynurur-musiqiyə qulağ asır. birazdan da bu yazımı oxuyacaq. nə yaxşı ki, yanımdasan və yarım sənsən

umm-də olanlara: bunu sadəcə münasibətiniz üçün ağır bir test kimi görün. nəticə hər iki halda yaxşı olacaq. ya mümkün bir "xətalı münasibət"-dən qurtulmuş olacaqsınız, ya da ki sonda "o" yanınızda uzanıb telefonla oynuyacaq

+13

15. 1 dəqiqə görsən 1 illik həsrətin bitər amma o 1 dəqiqə belə yetməz insana.
Münasibətlərin bəlkədə ən çətini amma ən gözəlidi. Mesajlaşdığınızda gülürsənsə görəsən o da gülür düşünmək, 5 dəqiqə vaxt varsa belə zəng edib danışmaq, eyni anda bir filmi başladıb onunda səninlə birgə izlədiyini bilmək, danışarkən həyatın bütün problemlərini unudub ancaq və ancaq dünyada ikinizin olduğunu düşünmək, yatarkən yastığı qucaqlayıb o deyə düşünmək, gözünü yumduğunda onun simasını görmək, hərgün danışsazda görüntülü danışanda yenə utanmaq, onunda səni düşündüyünü, onunda səni ən az sənin qədər sevdiyini bilmək ,telefonla danışarkən gözünü yumub sanki yanındadı və elə danışır deyə xəyal etmək, dinlədiyi musiqini dəfələrlə dinləyib nə hiss etdiyini anlamağa çalışmaq, ən əsası cismən yanında olub qucaqlaya bilməsəndə ruhən yanında hiss edib həqiqətən qucaqlamış kimi hiss etməkdi uzaq məsafə münasibəti.
Uzaq məsafə münasibəti yaşamayanlar üçün bəlkədə mümkünsüz kimi dursada mümkündür. Ən çətini canım cici ayından sonrakı mərhələdi, problemlərin ortaya çıxdığı, maskalanmaların bitdiyi bu dönəm məsafə ilişkisində daha çətin keçir. Yanında olsa tez tez görüşsən bəlkədə daha rahatlıqla keçər bu mərhələ amma uzaq məsafədə siz sadəcə mesajlaşaraq nəyisə həll etməyə çalışırsız. Bəzən çətin olur həlli mesajla deyil görüşməklə olmalı olanlar olur onda da yardıma zəngli danışmaq gəlir. Səsini eşitməyinlə bitir o həlli imkansız problemlərdə.
Çətindi, çox həmdə. Amma ən gözəlidə birgə bu çətinliklə mübarizə aparmaqdı, birgə zaman keçirməyə çalışıb bir işlər tapmağa çalışmaq, 1 dəqiqə belə vaxt varsa səsini eşitməyə çalışmaq bu çətinliklərlə mübarizə aparmaqdı.
Bəzən düşünəcəksən ya heç görüşə bilməsək?ya məsafələr daha da böyüsə ? Ya görüşmürük deyə kimlərsə araya girsə deyə amma içindəki o sevgi varha o sevgi deyir ki qovuşa bilməyəcəyiniz dünya yoxdu.
insan nə qədər çox səbr edərsə o qədər çox qazanır və Allah gecikdirirsə gözəlləşdirir deyirdi nənəm. Bu sözləri düşünürəm ,koronaya görə görüşə bilmirik amma görüşdüyümüzdə hərşey çox yaxşı olacaq deyirəm. Buna bütün qəlbim, ruhum beynimlə inanıram. Onunda inandığına çox əminəm.
Bəlkədə bunu oxuyan biri özü də uzaq məsafə münasibəti yaşayır , deyəcəyim odur ki, çox çətindi bilirəm, bəzən heç dözüləcək də olmur amma səbr et, sən səbr etdikcə gözlədikcə sevginin çox artdığınıda hiss edəcəksən bir baxacaqsan ki sevdiyin olan insan artıq sevdiyin deyil hərşeyin olubdu. Uşaqlığın, gülüşün, həyəcanların, maraqların və ən əsası həyatın özü olubdu.
Bağlanmaqdan çox qorxan birisi olsanız sizin üçün daha çox çətin olacaq amma siz ona inandığınızda artıq o çətinlikdə keçib gedəcək. Bütün dünyanı onun üçün qarşınıza alacaq qədər inanacaqsız ona bax ona kimi səbr edin.
Hər anınızda hərkəslə paylaşmaq istədiyiniz insanla uzaq məsafəli münasibət yaşadığınız üçün və bu münasibəti də uzun müddətdir davam etdirməyi bacardığınız üçün birbirinizlə qürur duya bilərsiz.
Sizlər kiçik şeylərin xoşbəxtliyi ilə birbirinizə bağlanan ,sevginizi ruhunuzun ən dərinliyində hiss edənlərsiz.
Ən gözəl şeylər ən çox əmək sərf etdiyiniz şeylərdi, birgün buraya artıq qovuşduğumuzu yazacağım günü iplə dartıram. Amma dartanda da indiki anımızıda hərşeyiylə sevirəm,çox sevirəm.
Hə birdə qızlara uzaq məsafə münasibəti üçün tövsiyyə verməyim lazımdırsa,süblimal mesajlardan istifadə edin. Ağ paltarda şəkillər,snapchatda fatalı effektlərlə istikbalinizi qoruyacaqsınız. Haha məzələnir deməyin burda praktika danışır.
Son olaraq sənin ruhunu sevirəm, səsini,baxışını sən oluşunu sevirəm.

(bax: sözlükdə sevgililərin sevgili olmasını gözə soxması )

+8

23. əl-ələ dəymirsə o münasibətin bir mənası yoxdur. uzaq məsafəli münasibət ilk həftədən sonra boku çıxmağa doğru gedən münasibətdir. harda olduğunu və kimlə olduğunu bilmirsən. telefon danışıqları artıq yorucu və sıxıcı gəlməyə başlıyır. duyğusal olaraq hisslərivizi bölüşə bilmədiyiniz kimi eyni başıvıza gələn hadisələrə gülə bilmədiyiniz üçün həmçinin yumor duyğunuz barəsində də uzaq olursuz. azərbaycanda əsasən rayondan bakıya oxumağa gedən sevgililər arasında olur və adətən sonu ayrılıqla bitir.

+6

21. Mümkündür. Ümümiyyətlə, nəfəs alırsınızsa, bu həyatda hər şey sizin üçün mümkündür, demək.

Məsafələr sevgiyə əngəl deyil, əziz dost..

Məsafə olması hətta bəzən yaxşıdırda, daha çox darıxarsan..

Dalaşmağa, boş şeylərə görə qəlb qırmağa nə vaxtınız nə də imkanınız olmaz..

Sevirsinizsə, uzaqda da, yaxında da, o dünyada da, bu dünyada da, sevirsiniz..

+5

6. illuziya deyil. görüşüb çaldırılmışdır.

+6

11. Əslində yaxşı cəhətləri də var pis cəhətləri də. Yaxşı cəhətləri odu ki, narmalda oğlanlar təmas dolu münasibətlərə üstünlük verir. Bir oğlan belə şeylər olmadan da birinə bağlı qala bilirsə o qızı həqiqətən sevir deməkdir. Təbii arada güvən də ola gərək, tərəflər bir birinə də güvənirsə orataya gözəl saf münasibət çıxır. Pis cəhətidə oduki dalaşanda o gedir telefonu söndürür, ya sən söndürürsən və eləcə ordada əlaqə kəsilir. Yaxınında olsa gedib qapısına dayanarsan görüşərsən danışarsan. Həçinin telefonda dalaşanda yazışmalar narmal danışığdan daha sərt və qırıcı görükür insanın gözünə. Bundan başqa elə olur ki, çox darıxırsan yanında olmağına ehtiyyacın olur amma ola bilmir. Təbii mən belə uzaqdan münasibət söhbətlərində igdən tanış olub danışmaq, uzun illər sevgili olmaq , söhbətlərinə qarşıyam çünki bir insanla gərək eyni mühitdə olasan tanımaq üçün. Onun başqalarına da rəfdarın görəsən, hərəkətlərin müşahidə edəsən. Münasibət qurmadan əvvəl yaxşıca tanımaq lazımdır qarşı tərəfi. insan illərdi yanında olan insandan elə şeylər görür ki, nəyinki uzaqdakına yaxınındakına belə güvəni qalmır.

+4

5. alınmayan münasibətlər. neçə alına bilər. sön biömörsön ö ördö kömlö gözör, kömlö yöxöyö gödör, kömlö durguzur. bu gün kimlə görüşdü. ya sən köçməlisən onun yanına ya da kı heçnə alınmayacaq. kişilər hamısı da eyni poxdu demişdim.

+3

3. alınmır o münaisbətlər. necə alına bilər. sən bilmirsən o orda kimlə gəzir, kimlə yatır, kimlə durur. bu gün kimlə görüşdü. ya sən köçməlisən onun yanına ya dakı heçnə alınmıyacaq

+3

19. inam varsa niyə də olmasın

+3

1. uzaq məsafəli münasibət. bir-birindən uzaqda yaşayan iki nəfərin (daha çox) sevgi münasibəti. münasibətlərdə adətən məsafələr problem olur, hər şey bitə də bilir, davam da edə bilir. uzaq məsafəli münasibəti davam etdirmək üçün, belə deyək də, adamda göt lazımdı. çətindi, qəlizdi, amma gözəl tərəfləri də var məsələyə başqa aspektdən yanaşsanız. it kimi darıxırsan, skype, facebook, mesajlaşmalar derken görüşəndə adama yapışırsan qopmaq bilmirsən. niyə? long distance relationship çünkü bu oğlum, addım başı ürəyin istiyəndə görüşəmmərsən. 3 ayda bir, 6 aydan bir görüşürsən. yolpulu zad problemin varsa ildə bir dəfə (ki, bu bir illiy münasibətlərə aid deyil) qısaca (bax: ldr)

+2

18. Mümkün şey deyil) Hollywood beyninizi yumasın, guys. Real həyatda bu mümkün deyil. Mümkün deyil dediyim, yəni bunu edib xoşbəxt olmaq mümkün deyil. Daim ağlınız bir-birinizdə qalacaq, bərabər ola bilməyəcəksiniz, bütün bunlar iş həyatınıza, kariyera həvəsinizə çox mənfi təsir edəcək, hələ canınızda 0.001% qısqanclıq varsa, onda hər gününüz zülmət olacaq. Belə edib bir-birinizin həyatını çürüdəcəksinizsə, sevgili olmağın nə mənası var? Mən bilən sevgi insanları daha da xoşbəxt etməlidir, bədbəxt yox. Ahh, nə yaxşı ki, vaxtında Stoicism fəlsəfəsi ilə tanış olmuşam

+1

2. yaxşı və pis cəhətləri çoxdu. yaxşıları sayacam. it kimi darıxırsan (təbii ki, əgər çox sevdiyindirsə deyəcəm ama onsuz da sevmədiyin biri ilə long distance relaionshipə niyə girəsən axı), dəyər bilirsən. bir də nasıl olsa sabah görəcəm könlünü alaram deyə rahatlığ olmur deyə bir-birini incitməydən mümkün qədər qorunursan. və pıxpıxın da dediyi kimi sonra görüşəndə ayrılmax bilmirsən.
pis cəhəti isə say say qutarmır. kodumun məsafəsinnən tut, saat fərqi, kefin pozulanda görülməməsi, it kimi darıxmağa kimi(bəli həm yaxşıdı həm də pisdi).
biri skype demiş de o da pisdi. görüşüb qutarannan sora daha çox darıxır adam. ha bi de işin gün sayma kısmı var.

+1

4. alınmır o münaisbətlər. neçə alına bilər. sən bilmirsən o orda kimlə gəzir, kimlə yuxuya gedir, kimlə durguzur. bu gün kimlə görüşdü. ya sən köçməlisən onun yanına ya dakı heçnə alınmayacaq.

+1

14. Çoxlarının qəbul etmədiyi ancaq mənim yaşadığım və həyatımdan məmnun olduğum bir münasibət. insanları daha yaxşı tanımaq üçün onunla ürəklərinizin yaxın olması lazımdı, qapı bir qonşu olmaq nəyisə dəyişmir. Yox əgər kiminsə söz atacağından qorxursuzsa/narahatsızsa nəzərinizə çatdırım ki bunun məsafəyə yox insanlığa aidiyyatı var. Ətrafınızdakı kişiciklərin tanıyıb tanımadığı hər kəsə söz atıb ala gör nə bomba şeydi deməyinə göz yumursuzsa onda sevdiyinizində buna məruz qalmasına qatlanmalısınız. Sizi aldadacağından qorxursuzsa deməli axmaqsız və münasibəti gərəksiz yerə uzadırsız. Sizi sevən biri nəyə görə xəyanət etməyə çalışsın ki? Bir söz var pozğunu otağa qıfıllasan qıfıla kərkinəcək. Bu qadına aid deyil ağlına qadın gəldisə deməli əxlaqsızsan. Çünki pozğunluq kişilərdə də var. Ətrafında tanıyıb tanımadığı hər kəsə qulp qoşub, bəlkə də nə vaxtsa xoşun gələn bir qız haqda yanında "quşduyub" deyə susub içinə soxmağına səbəb olan, hər gördüyü qız hesabına yavşayan söz düşəndə qeyrətdən danışıb sözü ağzından tökülən 3-5 dibil mövcud olduqca və qabaqlarını almadıqca bir qıza-sevdiyinə qohumuna söz atılmağına qatlanacaqsan. Hə çox yayındım fikirdən əgər o qızla danışdıqda onun xəyanətə meyilliyini anlamamısan və bunu içinə dərd edib yaşayırsansa xiyarsan içində nəyisə saxlayaraq yaşama. Bir şeyu deyim ki şahidi olduğum hadisələrdən yola çıxıb deyə bilərəm ki uzaq məsafəli yaxud sosialda tanış olmayan bildiyimiz ənənəvi tanışlıqla sevgili olanlar daha çox xəyanət görüb. Unutmayın əsl sevgi və sevgilim olsun arzuları fərqlidir, sevməyərək "düşmən məni alverdə görsün" deyib biriylə fırrandıqca ya sən onu fırradasan ya o səni. Nəysə uzaq məsafəli sevgi yalnız qəlblərdə ola bilər sevdikdən sonra hər şey boşdu ruhunuz yaxın olsun

+2

17. Alınası şey deyil, 99/100 vaxt itkisidir. Münasibətdə olunan şəxsi həqiqətən olduğu kimi yox, öz istədiyin kimi təsəvvür etməkdir. Şekspirin "xoşumuza gələn bədənlərə axtardığımız ruhu yerləşdirib buna eşq deyirik" sözünü yadıma salan münasibət tipidir. Əgər məsafələrə rəğmən münasibət daha da ciddiləşərsə, tərəflər hər nə qədər dünyagörüşlü, müasir düşüncəli olsalar da, atacaqları addımları görücü üsulu ilə evlənməkdən bir fərqi olmayacağını da bildirim. Gerisi də ki: #323919

qeyd: bu (#320002) və bu tip halları istisna durum saymaq olar. Yəni fiziki olaraq birlikdə olunub, sonra necəsə məsafələr artıbsa, bunun üstəsindən müəyyən dərəcədə gəlmək olur. Mən dediyim şey uzaqda başlayıb uzaqdan da davam edən münasibətlərdir. Yəni hər necəsə fiziki bir yaxınlıq olmalıdır. Yoxsa xəyali varlıqla beynin içində qurulan münasibətdən bir fərqi olmur.

+1

12. alınmır o münaisbətlər. necə alına bilər. sən bilmirsən o orda kimlə gəzir, kimlə yuxulayir, kimlə oyanir. bu gün kimlə görüşdü. ya sən köçməlisən onun yanına ya dakı heçnə alınmıyacaq. Yaxsisi biryerde olasan

+1

22. 18-20 yaş aralığında insanlar üçün mümkün və baş qatan olsa da 20 yaşdan yuxarılar üçün mənasız və boş hesab etdiyim münasibət



hamısını göstər

uzaq məsafəli münasibət